رابطة مالكى الاكسيل-الجزء الأول

[ABOASSEM]

بسم الله الرحمن الرحيم
ابو عاصم الجامد اوى اوى
علما اعتقد انك تقصد الشنب البلاستيك
هو لون اساسا اسود و بيعمل 45 جنيها جديد

الله يعزك يا زيزو يا غالي وشكرا علي الرد والافادة
وسلام مخصوص للاستاذ يوسف
ربنا يباركلك فيه يارب
اه بالحق عمل ايه في الثانوية العامة
هههههههههه

[mmmm1977eg]

السادة الافاضل مالكى هيونداى إكسيل : أنا و الحمد لله ربنا كرمنى بسيارة هيونداى أكسيل 1996 - 1500 من 21 يوم و الحمد لله حالتها كويسة جدا و قمت بعمل صيانة الماتور من سير كاتينة و تغير فلاتر و زيوت و بوجيهات و خلافوا . و لكنى لاحظت اننى عندى مشكلة فى الفتيس حيث اننى لو فى الغيار الثالث و حبيت انزل للغيار الثانى بحس بصعوبة و ساعات مبيجيش و ساعت بيجى معايا رابع فأنا مش عارف هل هذه مشكلتى انا فى السواقة حيث اننى كنت امتلك سيارة لانسر 1991 و معروف عن اليابانى انه ناعم علشان كدة انا مش عارف اتعامل مع الكورى ؟ ام هذا عيب عندى فى سياراتى ومحتاج لحد كويس بتاع جيربوكس يبص عليها ؟ أم هذا عيب فى الهيونداى الاكسيل ؟
فبرجاء الافادة و اسف على التطويل

[Eng.Geo]

السادة الافاضل مالكى هيونداى إكسيل : أنا و الحمد لله ربنا كرمنى بسيارة هيونداى أكسيل 1996 - 1500 من 21 يوم و الحمد لله حالتها كويسة جدا و قمت بعمل صيانة الماتور من سير كاتينة و تغير فلاتر و زيوت و بوجيهات و خلافوا . و لكنى لاحظت اننى عندى مشكلة فى الفتيس حيث اننى لو فى الغيار الثالث و حبيت انزل للغيار الثانى بحس بصعوبة و ساعات مبيجيش و ساعت بيجى معايا رابع فأنا مش عارف هل هذه مشكلتى انا فى السواقة حيث اننى كنت امتلك سيارة لانسر 1991 و معروف عن اليابانى انه ناعم علشان كدة انا مش عارف اتعامل مع الكورى ؟ ام هذا عيب عندى فى سياراتى ومحتاج لحد كويس بتاع جيربوكس يبص عليها ؟ أم هذا عيب فى الهيونداى الاكسيل ؟
فبرجاء الافادة و اسف على التطويل

بيبقي علي سرعة كام ؟

[mmmm1977eg]

[QUOTE=Eng.Geo;3873666755]بيبقي علي سرعة كام ؟[/Q

فى حدود 15 كم فى الساعة

[Eng.Geo]

[QUOTE=mmmm1977eg;3873667428]

بيبقي علي سرعة كام ؟[/Q

فى حدود 15 كم فى الساعة

لأ كدة في حاجة عندك غلط
15 ممكن أنزل للأول مش تاني كمان
ممكن يكون الزيت مش كويس .. هت زيت لزوجته 90 مش 140
ممكن يبقي دبرياج ... بس هتلاقيه بيعض في كل الغيارات والدبرياج تقيل والسحب مش كويس
ممكن أكتر من كدة وتبقي مجموعة الأول والتاني في الفتيس
ان شاء الله بسيطة

[dotsalah]

[QUOTE=Eng.Geo;3873667704]

لأ كدة في حاجة عندك غلط
15 ممكن أنزل للأول مش تاني كمان
ممكن يكون الزيت مش كويس .. هت زيت لزوجته 90 مش 140
ممكن يبقي دبرياج ... بس هتلاقيه بيعض في كل الغيارات والدبرياج تقيل والسحب مش كويس
ممكن أكتر من كدة وتبقي مجموعة الأول والتاني في الفتيس
ان شاء الله بسيطة

بعد اذن الاخوه اللى كتبوا الرد لكن جرب بعد ما تكون العربية بسرعة اقل لو الغيار جة معاك كويس تبقى ان شاء الله مافيش حاجة
لانها عندى كده من ساعة ما اشترتها و لاحظت انها ما تاخدش غيار بطئ خالص و هى على سرعة عالية عنة
وشكرا للجميع وهذا لحد علمى

[dotsalah]

لو سمحتولى يا اكسلاوية و خصوصه احمد زيزو بعد اذنك
عندى قكره لو خلينا واحد من المستوردين يعمل لنا مراية جنب اكسل بتتفتح و تتقفل زى الفبريكة صينى ممكن تمشى هنا و تشتغل بدل بتاعة الفبرية الثابتة
عاوز اراء علشان لو كده نبدا و نكلم الناس يعملونا مرايات مخصوصة

[ahmedzizo131]

لو سمحتولى يا اكسلاوية و خصوصه احمد زيزو بعد اذنك
عندى قكره لو خلينا واحد من المستوردين يعمل لنا مراية جنب اكسل بتتفتح و تتقفل زى الفبريكة صينى ممكن تمشى هنا و تشتغل بدل بتاعة الفبرية الثابتة
عاوز اراء علشان لو كده نبدا و نكلم الناس يعملونا مرايات مخصوصة

بسم الله الرحمن الرحيم
يا باشا
انا الحمد لله عدليت مرياتى بمريات الاسكودا الفلشيا
و النتيجة الحمد لله كويسة
انا حتى خرمت فى شاسية المريا علشان التعديل و مردتش اخرم فى الباب
و اللى احلى و احلى هما مريات الابيزا لان حجم الشاسية اكبر من مريات الفلشيا
و انا شوفت ناس كتير من اصاحب الاوبل فيكتر تقريبا موديل 94 عندم نفس مشكلتا ( عدم قفل المريات الجانية ) و بردو لقيتهم معدلين لل ( الفلشيا و الابيزا )
و سعر المريات الجانبية للفلشيا الاستعمال الجوز بــ 150 جنيها
و سعر المريات الجانبية الابيزا الاستعمال الجوز بــ 200 جنيها
و على فكرة انا شفت واحد مركب مرايات الاكسيل ذى الفابريكة بتتقفل .
و عموما بالتوفيق بأذن الله

[ppeto]

اولآ احب اشكركم على المجهود الرائع فى الربطة وانا هرغى كتير بقى

اولآ انا معايا اكسيل 98 اسود 1500 كاملة بس المكانيكى قالى العربية دية الدركسيون بتعها كان يمين ومتعدل مش عارف بقى جاية منين العربية دية المهم بقالها معايا حوالى سنتين اتبهدلت معايا اخير بهدلة وفكرت فى بيعها بقالى فترة قولت بالمبلغ اللى هظبط بى اغير احسن واهو اسمى غيرت العربية ولاكن للأسف الفلوس مكملتش فا قولت عليا الطلاق ما هبيع واظبطها بقى فا خليكو معايا بقى
اولآ الزراير بتاعت البيبان كلها شبه بايظة ساعات تنور فى التبلوة وساعات لاء ياترى دية اجيبها منين وبكام؟
تانى حاجة السينسور بتاع الاتزان مش شغال هل هو اساسى فى الاكسيل ولا بيتركب لان كانت مع واحد زميلى من فترة وكان فيها سنسور اتزان لما العربية تفقد توازونها كانت بتفضل تصوصو كان يقوم قافل الزجاج تسكت واول ما السرعة تزيد او مطبات كتير على طريق سريع تصوصو تانى فا دة اجيبة منين واية سعرة
ثالثآ الفرش بتاع البواب كله تعبان وعايز يتغير يعمل كام ومنين؟ ايضآ فرش الكراسى وتنجيد يتكلف كام؟
رابعآ عداد السرعةكان شغال وبعد كدة فصل وبعد كدةاشتغل واخر مرة فصل خالص مش عايز يشتغل ؟ وعايز اغير لون اللمبه بتاعت العدادات بكام وفين؟
خامسآ عايز اجيب فنوسين قدام + شبكة+مسطرة بكام ومنين؟
سادسآ الاسبولر بتعها الاصلى اتسرق اجيبة منين دوخت على فى التوفقية مش لاقى وبكام؟
سابعآ عايز اجيب فتيس اوتوماتيك ياترى يتكلف كام بتركيبة؟
ثامنآ فيها شوية سمكرة خفيفة كدة واقوم رششها كلها فرن تعمل فى حدود كام؟
تاسعآ فرد كوتش جديد بس عايز حاجة تزود ثبات العربية يبقى مقاس كام؟
عاشرآ واهم حاجة مضيقانى وانا بسغل العربية فى مرة لقيت الساعة فى التبلوة فصلت وحلفت ما تشتغل من سعتها اجبها منين وبكام؟

عارف هيطلع حد دلوقتى يقولى لاء ترميها احسن وتجيب وحدة تانية اقوله غلط لأن العربية دية مرشتش جوة ولا برة كمان
طولت عليكم بس اخر سؤال نظرآ للظروف المادية مش هعمل كل دة مرة وحدة فا ممكن حد يقولى الخطوات براحة كدة؟
تقبلو تحياتى مقدمآ

[Nader]

تانى حاجة السينسور بتاع الاتزان مش شغال هل هو اساسى فى الاكسيل ولا بيتركب لان كانت مع واحد زميلى من فترة وكان فيها سنسور اتزان لما العربية تفقد توازونها كانت بتفضل تصوصو كان يقوم قافل الزجاج تسكت واول ما السرعة تزيد او مطبات كتير على طريق سريع تصوصو تانى فا دة اجيبة منين واية سعرة

الصفارة دي للتنبيه لتجاوز السرعة 120 كم/س وليس لها علاقة باتزان السيارة، وبما انك بتقول ان عربيتك "الدركسيون بتعها كان يمين ومتعدل" فممكن تكون صفارة التنبيه مش موجودة أصلاً.

ثالثآ الفرش بتاع البواب كله تعبان وعايز يتغير يعمل كام ومنين؟ ايضآ فرش الكراسى وتنجيد يتكلف كام؟

ممكن تركب فرش تفصيل في أول 450 أو 500 جنيه وفرش الباب برضه ممن يتعمل تفصيل.


رابعآ عداد السرعةكان شغال وبعد كدة فصل وبعد كدةاشتغل واخر مرة فصل خالص مش عايز يشتغل ؟

ممكن يكون سلك العداد فصل أو اتبرى فمش شغال كويس، أكشف عليه الأول.

سابعآ عايز اجيب فتيس اوتوماتيك ياترى يتكلف كام بتركيبة؟

في حدود 1700، من الحرفيين وممكن أرخص في بورسعيد

ثامنآ فيها شوية سمكرة خفيفة كدة واقوم رششها كلها فرن تعمل فى حدود كام؟

على حسب الشغل اللي في العربية

تاسعآ فرد كوتش جديد بس عايز حاجة تزود ثبات العربية يبقى مقاس كام؟

الأفضل تركب جنوط 14 وتغيير المساعدين بماسعدين غاز لو الثبات مسبب لك مشكلة.

[ppeto]

Nader
تقبل تحياتى يا اخى ولاكنك لن تجاوبنى على استفساراتى
مثل سعر الفوانيس والشبكة والمسطر و الاسبولير مش لاقى فى حتة خالص
والزراير بتاعت الابواب وموضوع تعديل المرايةدة عشان يتقفل والساعة اللى فى التبلوة وتغير لون المبة بتاعت التبلوة
ولاكن تقبل تحياتى
وفى انتظار باقى الاخوة

[ahmedzizo131]

nader
تقبل تحياتى يا اخى ولاكنك لن تجاوبنى على استفساراتى
مثل سعر الفوانيس والشبكة والمسطر و الاسبولير مش لاقى فى حتة خالص
والزراير بتاعت الابواب وموضوع تعديل المرايةدة عشان يتقفل والساعة اللى فى التبلوة وتغير لون المبة بتاعت التبلوة
ولاكن تقبل تحياتى
وفى انتظار باقى الاخوة

بسم الله الرحمن الرحيم
سعر الفانوس الامامى من ( 90 الى 100 ) جنيها
زراير الابواب الواحد الكورى ب (15 جنيها )
الشبكة ( 50 جنيها )
الشنب اللى تحت الشبكة ب ( 45 جنيها )

[ppeto]

بسم الله الرحمن الرحيم
سعر الفانوس الامامى من ( 90 الى 100 ) جنيها
زراير الابواب الواحد الكورى ب (15 جنيها )
الشبكة ( 50 جنيها )
الشنب اللى تحت الشبكة ب ( 45 جنيها )

شكرآ ياباشا ولاكن
القيهم فين؟ خصوصآ الاسبولير مش لاقى خالص والساعة اللى فى التبلوة وفرش البواب؟
وبالنسبة الصفارة اللى لما اعدى الى 120 دية اخليها تشتغل تانى ازاى عملآ انا بتشتغل اول ما افتح كونتكت اعتقد بتاعت الحزام فقط الثانية مش شغال
تقبل تحياتى

[aboharb]

الشكمان بيجيب نقط مياه مع التسخين بالشفاط

هل ممكن الشكمان يجيب نقط مياه مع التسخين والموتور يحتاج الى طقم شنبر الموضوع ده حصل ادامى فى عربيه جارى اكسيل 1500 ورديت وقولتله استحاله يكون الموتور ده محتاج طقم شنبر قالى الميكانيكى قله ان المكنه بتفث على خفيف ةوانه خلال 6 شهور يحتاج طقم شنبر ارجوالافاده من اصحاب الخبرات العاليه

[ahmedzizo131]

هل ممكن الشكمان يجيب نقط مياه مع التسخين والموتور يحتاج الى طقم شنبر الموضوع ده حصل ادامى فى عربيه جارى اكسيل 1500 ورديت وقولتله استحاله يكون الموتور ده محتاج طقم شنبر قالى الميكانيكى قله ان المكنه بتفث على خفيف ةوانه خلال 6 شهور يحتاج طقم شنبر ارجوالافاده من اصحاب الخبرات العاليه

بسم الله الرحمن الرحيم
موضوع المية من الجكمان بتدل ان حرق الموتور مضبوط مش اكتر من كدة
و مش شرط ان الموتور فى التسخين بيجيب مية ان الموتور دة سليم
ممكن يكون خفيف و يجيب مية بردو