ريحة "تنين" ميت

[bentrewsha]

فيه ايه ياجماعه حصلت معايا في عربيتى الاكسنت
العرسه دخلت من شنطه العربيه وعملت فيها حفله
هى واصحابها ==== كان الله في عونك

[MohamedGobran]

يا باشا انا الموضوع ده لسه حصلى النهارده الصبح فى كورولا ركبتها ورايح اغير زيت اول ما فتحنا الكابوت الريحه مكنتش طبيعيه و بعدين الراجل نزل تحت العربيه علشان يشوف فيه ايه لاقى قطه طلعت و دخل جوه الموتور و لما العربيه دارت القطه ماتت وفضلت فوق بقى بس انا طلعت على بنزينه و رفع العربيه و طلع القطه الميته و بعدين غسل العربيه كلها من تحت و الموتور بجاز علشان الريحه تروح والحمد الله راحت فحضرتك جرب وشوف

[boamengo]

كـان الله فى العـون

حصلي موقف غريب

كنت نازل مشـوار بعربيتي 128 وكان الاستبن مش موجود وانا تحت البيت بسخن سمحت صوت قطـة بتنونـو

رحت عديت على صاحبي عشان نخرج سمعـت برضـو صوت القطـة استغربت

خرجنا ومشيت على الاوتوستراد وجريت كتير 130 140 ورجعنا وسمعت برضـو نفس الصـووووت !!!!

قولت لازم اشوف في ايه قعدت ادور فى الشنطة وجوا العربية مش لاقي حاجة

فتحت الكبـووووت لقيت قطـة صغننة قاعدة مكـان الاستبن وكان الجـو برد برة وهيـا شعرها واقفـ

سبحـان الله وفضلـت عايشـة :d

طلعتـ طبعا بالعافيـة

[MOUSTAFA_SAAD]

ممكن تكون بكتريا اتكونت على فلترالتكييف
حاول تشغل السخن شويه
بس هى فى الغالب حاجه ماتت جوه الماتور
مخلوق ما هههههههههههه

[verna2008auto]

ممكن تكون بكتريا اتكونت على فلترالتكييف
حاول تشغل السخن شويه
بس هى فى الغالب حاجه ماتت جوه الماتور
مخلوق ما هههههههههههه

باشا ... هوا الماتور ممكن حاجة تدخل فية .. وكمان تموت ؟؟؟؟ جوه الماتور يعني مش جوة طابلوة العربية ولا تحت الكابوت ؟؟

باشا انا خلصت علبة فوم جاف ممتاز من ابو 95 جنية علي الماتور ولسة (( التنين )) موجود

[verna2008auto]

تفك التابلوه وتنضف فتحات التكيف

افك الطابلوة ازاي ؟؟؟ كلة يعني بوش الكاست بفتحات التكييف ..؟؟؟
دي موصيبة دة عاوزلو كام علشان اشيل (( بيبية )) التنين دة
انا صارف لغاية دلوقتي
95 جنية فوم تنضيف
20 جنية غسيل جوة العربية نص كم
10 جنية غسيل تحت العربية (( بالجاز ))

كل دة (( ومازال -كاكية- التنين موجودة ))

[verna2008auto]

اعتقد كهربائى معرفه ممكن يفيدك فى الموضوع ده

ممكن الكهربائي يعمللي اية ؟؟؟
يكشف علي (( فيوزات التنين ))

"" دي ريحة ممكن تموت الكهربائي ""

[MOUSTAFA_SAAD]

باشا ... هوا الماتور ممكن حاجة تدخل فية .. وكمان تموت ؟؟؟؟ جوه الماتور يعني مش جوة طابلوة العربية ولا تحت الكابوت ؟؟

باشا انا خلصت علبة فوم جاف ممتاز من ابو 95 جنية علي الماتور ولسة (( التنين )) موجود

انا مش قصدى جوه الماتور بالظبط يعنى
قصدى تحت الكابوت عموما
متدقش يااخى كده

[verna2008auto]

البس كمامه يا باشا و خلاص و اهو منه حمايه و كده يعنى

و لا عزاء للسحالى

باشا ال(( هبو )) اللي خارج بيخترق (( البرفان المستورد- ومعطر العربية- والشبابيك المفتوحة ))

جربت موضوع الكمامة دي مانفعش

(( ريحة التنين الميت مازالت في العربية - او سايب ما ينوب عنة ))

[verna2008auto]

مش ممممممممممممممككككككككككككننننننننننن أبداً .. مش قادر أمسك نفسي من الضحك سواء منك ولا من الردود وربنا يكون في عونك .

أكيد في حاجة في تلاجة التكييف .. حتتفك وتتنضف وتبقى تمام إن شاء الله .. وحاول بعد ما تنضفها تركب فلتر للتكييف .

ححكيلك حكاية يمكن تهون عليك شوية .. واحد نسي عربيته مفتوحة .. المهم صحي الصبح لاقى واحد من المجاذيب اللي بيبقوا ماشيين في الشارع دول بايت في العربية وعمله العربية مراحيض عامة على الفرش والسقف وكل حته فيها وبعد ما مشاه مبقاش عارف يخش العربية من الريحة ولا المنظر الغير أدمي بالمرة وأخد العربية زق لأكتر من سروجي علشان يغيروا الفرش والسقف ومفيش ولا واحد راضي يشتغله في العربية .. لحد ما في الأخر واحد وافق بعد ما اشترط عليه يسبها مفتوحة في الشمس والهواء مش أقل من أسبوع علشان يبتدي يشتغل فيها .. وطبعاً ضربله السعر × 2

اللهم احفظنا .... اعتقد (( التنين بتاعي اهون ))

[dr.amr]

انا تعبت من كتر الضحك والله
وخصوصا علي خرتيت ده هههههههههههههه
مش متخيل خرتيت يعدي من فتحة تكييف

عموما هي ملهاش غير ان تكون حاجه كان بايته ولما دورت العربيه
اي سير فرمها
ممكن تكون قطه غلبانه لا خرتيت ولا تنين

او ممكن تكون عرسه هي بتبقي صغيره ومش باينه وريحيتها صعبه


بس انا قعدت اقرأ كلمة عرسه في كل الردود عروسه
قولت ايه اللي هيجيب عروسه في الكبوت عندك

[verna2008auto]

انا تعبت من كتر الضحك والله
وخصوصا علي خرتيت ده هههههههههههههه
مش متخيل خرتيت يعدي من فتحة تكييف

عموما هي ملهاش غير ان تكون حاجه كان بايته ولما دورت العربيه
اي سير فرمها
ممكن تكون قطه غلبانه لا خرتيت ولا تنين

او ممكن تكون عرسه هي بتبقي صغيره ومش باينه وريحيتها صعبه


بس انا قعدت اقرأ كلمة عرسه في كل الردود عروسه
قولت ايه اللي هيجيب عروسه في الكبوت عندك

ياباشا اعتقد ان دي مش (( عرسة )) اعتقد (( ديناصور ومتخفي في صورة عرسة ))

الريحة كل يوم بتزيد مع التكييف او منغيرة لدرجة في محل كشري كنت با اركن العربية نحيتة قفل والزباين خرجت تتف علي العربية..!!!!

دي لعنة اعتقد ان فية حد بيحطلي ( خرتيت ميت كل يوم في فتحة التكييف )

اعمل اية فى المصيبة دي !!!

[Mohatfhd]

ياباشا اعتقد ان دي مش (( عرسة )) اعتقد (( ديناصور ومتخفي في صورة عرسة ))

الريحة كل يوم بتزيد مع التكييف او منغيرة لدرجة في محل كشري كنت با اركن العربية نحيتة قفل والزباين خرجت تتف علي العربية..!!!!

دي لعنة اعتقد ان فية حد بيحطلي ( خرتيت ميت كل يوم في فتحة التكييف )

اعمل اية فى المصيبة دي !!!

مادام بتقول انك كنت سايب زرار التهوية يبقى فية حاجة جوة فتحات التهوية............عروسةزز

[mshmshm3]

بص حضرتك اولا بالوصف ده تبقي دي ريحة كائن مات او بالمعني الاصح اتفرم ودي ريحة الاعضاء في حلين اولا توصل لمكانه وتنضفه كويس بالجاز والصابون والديتول وجميع المعطرات وده افضل حل الحل التاني تستني الريحة تروح ويتحلل بفعل الطبيعة وعوامل الجو اللي اكيد واصلة للمكان اللي هو فيه ونقلة الريحة لحضرتك ده لو كان في كائن فعلا مقتول في مكان ما ما بين اول الكبوت لحد التابلوه او ممكن لو حضرتك عامل ارضية العربية موكيت ومشغل فتحات التكييف اللي عند الدوسات وفي ميه او اي سائل وقع علي الموكيت ده ممكن يعمل ريحة بس اعتقد مش هاتبقي زي ما حضرتك واصف وفي كل الاحوال خد حضرتك العربية في مكان في شمس وهوا وافتح العربية كلها وسيبها طول اليوم في الهوا بس خليك جنبها علشان ما ترجعش تلاقي كلاب وقطط احتلوا العربية

[sara2001]

بيع العربيه او سيبها للتنين

انا قلقت من فتحات التكييف الثابته
طب دي اعمل فيها ايه اقفلها بسوليتيب كل يوم ولا ايه