رابطة مالكي الElantra من 2007 الى 2011

[mahmoud_afifi]

شكرا يا حودة علي تعبك

لا تعب ولا حاجه. المهم نفعت الفكره ولا ايه ؟
عشان لو حد سألنا بعد كده نقوله على الفوله

[minakamal]

هيونداي النترا 2007

يا جماعة رجاء خاص
انا عربيتي النترا 2007
وفيها بغض المشاكل ساعدوني فحلها
1- الشماستين مكسورين اجبهوم منين وبكام
2- الكنسول الي مابين الكورسين باردوا ماكسور منين وبكام
3- التكيف بيشتغل لوحدة ساعات مع العلم ان تاتش
4- زرار فتح الشنطة اتكسر اجيبوا منين

[mahmoud_afifi]

يا جماعة رجاء خاص
انا عربيتي النترا 2007
وفيها بغض المشاكل ساعدوني فحلها
1- الشماستين مكسورين اجبهوم منين وبكام
2- الكنسول الي مابين الكورسين باردوا ماكسور منين وبكام
3- التكيف بيشتغل لوحدة ساعات مع العلم ان تاتش
4- زرار فتح الشنطة اتكسر اجيبوا منين

الحاجات دي تلاقيها استيراد.
او تطلبها من غبور بالpart number بتاعها بس هتكون غاليه جدا

[nadoor333]

اعلى فئه بس الي فيها abs.
موضوع الabs بيفرق جدااااااااااااا لو انت من هواة الجري والشد. مع ان الفرامل كويسه ولو حاطت نوع كاوتش محترم التراكشن بتاعه عالي هتلاقي العربيه بتقف كويس بس في سرعات عاليه لما بتيجي تكبس فرامل العربيه برضه بتزحف . كذا مره اكون بشد مع عربيات عاليه وعند المطبات عربيتي تزحف ويبقى شكلي وحش

انا شايف لو لقيت النترا فيها abs خلص فيها حتى لو حالتها من بره مش قد كده. ممكن ترشها رش نضافه وترجع جديده

تسلم يا باشا ربنا يخليك :018a1d~146:

[nadoor333]

يا جماعة هو الكشف الشامل اللى فى البنزينة ابو 150 جنية دة
ممكن يبين اذا كانت العربية فيها مشكلة فى علبة او قطمة الدركسيون و لا لاء ؟

[mahmoud_afifi]

يا جماعة هو الكشف الشامل اللى فى البنزينة ابو 150 جنية دة
ممكن يبين اذا كانت العربية فيها مشكلة فى علبة او قطمة الدركسيون و لا لاء ؟

معلش والله مش هقدر افيدك في النقطه دي لأني ماجربتهاش.
انا جربت الكشف الشامل في توكيل كيا وطلعوا تقرير بكل صغيره وكبيره أما البنزينه ماجربتش الحقيقه.

[nadoor333]

معلش والله مش هقدر افيدك في النقطه دي لأني ماجربتهاش.
انا جربت الكشف الشامل في توكيل كيا وطلعوا تقرير بكل صغيره وكبيره أما البنزينه ماجربتش الحقيقه.

هو انا كشفت قبل كدة على عربية فى بنزينة شل الى فى الهرم و بيكشف على كبس الموتور و بعدين بيكشف على الشاسية كلة و الصاج و بيوصلها بكمبيوتر و بيظهر علية كدة شكل عجل العربية و هو بيتحرك بس مش عارف اذا كان بيقدر يعرف اذافى مشكلة فى قطمة او علبة الدركسيون و لا لاء

[mahmoud_afifi]

هو انا كشفت قبل كدة على عربية فى بنزينة شل الى فى الهرم و بيكشف على كبس الموتور و بعدين بيكشف على الشاسية كلة و الصاج و بيوصلها بكمبيوتر و بيظهر علية كدة شكل عجل العربية و هو بيتحرك بس مش عارف اذا كان بيقدر يعرف اذافى مشكلة فى قطمة او علبة الدركسيون و لا لاء

واضح انهم ناس فاهمه وبيكشفوا بضمير. طب ممكن تسألهم لو انت شاكك من حاجه معينه يكشفوا عليها زي القطمه وكده عشان يكشفوا عليها باهتمام اكبر.

[amoor881999]

السلام عليكم ورحمة الله وبركاته
أنا عربيتى النترا 2007 اتوماتيك واتسرقت من تحت البيت من مدينة نصر يوم الاربع 18-9-2013
وسمعت اليومين اللى فاتوا دول ان الالنترا بتتسرق كتير جدا اليومين دول ومحدش عارف ايه السبب
يا ريت لو حد عنده افادة يفيدنى ويفيد كل زوار المنتدى يمكن نعرف اسباب المشكلة الحقيقية
وربنا يحفظ كل العربيات وينتقم من كل مؤذى

[nadoor333]

و اخيرا و بعد طول انتظار بقيت النتراااوى
و لسة باكتشف فى العربية
بس كنت عايز اعرف فى لمبة بتنور فى الطبلوة اول ما بافتح الكونتاكت على اليمين اسمها eps و بعدين بتطفى هى دى بتاعت اية و كدة صح و لا المفروض ما تنورشى خالص و لا اية
النترا 2010

[mohammedezo]

دى بتاعة الباور الكهربا بتاع الدركسيون

[roland_yamaha]

و اخيرا و بعد طول انتظار بقيت النتراااوى
و لسة باكتشف فى العربية
بس كنت عايز اعرف فى لمبة بتنور فى الطبلوة اول ما بافتح الكونتاكت على اليمين اسمها eps و بعدين بتطفى هى دى بتاعت اية و كدة صح و لا المفروض ما تنورشى خالص و لا اية
النترا 2010

ألف مبروك
دي اختصار electronic power steering
يعني لمبة الباور وده طبيعي بتنور في الأول وبعد التدوير بتطفي

[mahmoud_afifi]

السلام عليكم ورحمة الله وبركاته
أنا عربيتى النترا 2007 اتوماتيك واتسرقت من تحت البيت من مدينة نصر يوم الاربع 18-9-2013
وسمعت اليومين اللى فاتوا دول ان الالنترا بتتسرق كتير جدا اليومين دول ومحدش عارف ايه السبب
يا ريت لو حد عنده افادة يفيدنى ويفيد كل زوار المنتدى يمكن نعرف اسباب المشكلة الحقيقية
وربنا يحفظ كل العربيات وينتقم من كل مؤذى

لا حول ولا قوة الا بالله. ربنا يردهالك على خير وينتقم من ولاد الحرام دول

بص يا باشا السبب الرئيسي لسرقة الالنترا والسيراتو ان مافهاش مانع السرقه او بالاصح الimmobilizer وهو تشفير المفتاح عشان العربيه ماتشتغلش غير بالمتفاح بتاعها. وعلى المنتدى في مواضيع كتير للتحذير من الموضوع ده .

دلوقتي حضرتك هتدخل على صفحة Bey2olak على الفيس بوك وتعمل بوست وتحط صورة العربيه والشباب مشكور بيعملها شير عشان توصل لأكبر عدد. وممكن تحطها هنا في المنتدى بس تخلي بالك من عمليات النصب ان حد يقولك العربيه معانا وادفع كذا

ربنا يعوض عليك :((

[amoor881999]

لا حول ولا قوة الا بالله. ربنا يردهالك على خير وينتقم من ولاد الحرام دول

بص يا باشا السبب الرئيسي لسرقة الالنترا والسيراتو ان مافهاش مانع السرقه او بالاصح الimmobilizer وهو تشفير المفتاح عشان العربيه ماتشتغلش غير بالمتفاح بتاعها. وعلى المنتدى في مواضيع كتير للتحذير من الموضوع ده .

دلوقتي حضرتك هتدخل على صفحة Bey2olak على الفيس بوك وتعمل بوست وتحط صورة العربيه والشباب مشكور بيعملها شير عشان توصل لأكبر عدد. وممكن تحطها هنا في المنتدى بس تخلي بالك من عمليات النصب ان حد يقولك العربيه معانا وادفع كذا

ربنا يعوض عليك :((

تسلم يا سيدى الفاضل
وشكرا على النصيحة انا هدخل على Bey2olak دلوقتى على طول ان شاء الله وانزل صورتها
ارجو منكم الدعاء

[mahmoud_afifi]

تسلم يا سيدى الفاضل
وشكرا على النصيحة انا هدخل على bey2olak دلوقتى على طول ان شاء الله وانزل صورتها
ارجو منكم الدعاء

يارب رد إليه ضالته

حضرتك اهم حاجه تعمل محضر في القسم عشان تخلي مسؤوليتك من اي جنايه يعملوها بالعربيه.
تاني حاجه اوقات بيبقى في اعضاء من العصابه في الشرطه بيعرفوا نمرتك من المحضر ويكلموك يطلبوا فلوس. كلها محاولات وان شاء الله يتقبض عليهم من غير ما تدفع حاجه