-
-
السلام عليكم يا رجالة
انا معروض عليا النترا 2008 اوتوماتيك تقريبا اول فئة العربية زى الفل مافيهاش نقطة بوية بس المشكلة انها عاملة 150000 كيلو بس عاملاهم على سفر على طول
انا كشفت عليها فى بنزينة شل فى الهرم و ادانى تقرير بيها كلة تمام و لما سالتة عن الموتور علشان الكيلو متر يعنى قالى لاء كبس الموتور زى الفل تقريبا قالى 8 درجات مش عارف يعنى اية
و المهندس قالى ان الموتور زى الفل و كبسة تمام و عرف انة عاملة على سفر
فا انتوا اية رايكم انا اول مرة اركب النترا و على طول بسافر بالعربية
و لو تمام اية الحاجات اللى لازم اكشف عليها اول ما اخدها
اعتزل للاطالة و شكرا
م/نادرComment
-
عليكم السلام ورحمة اللهالمشاركة الأصلية كتبت بواسطة nadoor333 مشاهدة المشاركة
طالما حالة الموتور كويسه وحالة العربيه اجمالا كويسه يبقى توكل على الله.
الكيلو متر الكبير مش معناه ان العربيه تعبانه. طالما محافظ على الصيانات هتلاقي الموتور قاعد معاك كمان 150 الف كيلو على الاقل. وفي عربيات بتقعد اكتر كمان على حسب المحافظه على الصيانات.
وكمان موضوع انه قاطعهم كلهم سفر يعني الطرق الي مشي فيها كويسه احسن من الي في البلد وبالتالي مش هتلاقي مشاكل في العفشه ان شاء الله.
ممكن تاخد العربيه تعملها فحص شامل في التوكيل وهما هيدولك تقرير بكل حاجه في العربيه
بالتوفيق ان شاء اللهComment
-
ربنا يخليك يا باشا انا فعلا كشفت عليها كشف شامل بس فى البنزينةالمشاركة الأصلية كتبت بواسطة mahmoud_afifi مشاهدة المشاركة
موتور و شاسية وعفشة و كل حلجة و هناك قالوا لى انها تمام زى الفل
بس انا محتاج اعرف لو ربنا سهل و اخدتها اية الحاجات اللى لازم اعملها فى الاول خصوصا انى باسافر على كرق سريعة على طول و هل احط للموتور زيت معين ؟Comment
-
الحاجات الأساسية تغير سير المجموعة وسير التكيف وتبص عل فلتر الهوا والتكيف تشوف حالتهم وتغير ماء التبريد (ماية خضرا) وتغير زيت الماتور والفلتر وأنسب زيت يكون تخليقي بالكامل عندك أنواع كويسة في السوق (زادو - وولف - شيل الترا- ليكوي مولي)المشاركة الأصلية كتبت بواسطة nadoor333 مشاهدة المشاركة
وتبص علي مستوي زيت الفتيس لو ناقص تزوده وأيضا زيت الفرامل وقربة المية
وأهم حاجة أنا شخصيا أتعرضت ليها وربنا سترها كاوتش العربية بتشوف تاريخ الانتاج لو عدي عليه 5 سنين أو 50000كم لازم يتغير عشان انت لو بتسافر كتير تبقي في أمان
ومبروك مقدما
ونصيحة حاول تسوقها بنفسك وتشوف لو في أي أصوات غريبة أو غربلة وطقطقة في الدركسيون دو أهم عيب فيهاComment
-
محدش يعرف بقي أفك ضهر الكنبه وأتنيه إزايComment
-
ربنا يسهل اول ما استلمها ها ابتدى فى الحاجات دىالمشاركة الأصلية كتبت بواسطة roland_yamaha مشاهدة المشاركة
و انا فعلا سوقتها و العربية بسم الله زى الفل و بعدين انا كنت راكب لانوس 2004 فا دى حاجة تانية خاااااالص بس عايز اعرف لو فى بنزينات عندها ال كار كير فى الهرم و لا لاء و مشكورا يا باشا على المرورComment
-
كده الحاجات الاساسيه تمام الحمدلله. لو في حاجه من بره او خدوش ممكن تظبطها انت بقى. حتى لو رشيت حاجه مش هتقلل من السعر او مش هتخسرك كتير على عكس لو جايبها زيرو لو رشيت وجيت تبيع بتخسرك كتير وده ميزة انك تجيب مستعمل.المشاركة الأصلية كتبت بواسطة nadoor333 مشاهدة المشاركة
الحاجات الي تغيرها : الكاوتشات لو ماكنش غيرها واحسن مقاس للعربيه هو 195/65/15 وده الي بينزل بره مصر. وبيفرق جدا في الثبات والفرامل.
بالنسبه للزيت انا دايما بحط زيت شيل ألترا بتاع ال10 الاف كيلو وده احسن زيت للالنترا. في انواع تانيه بس انا ماجربتهاش فمش هفتي فيها بصراحه.
حاجه اخيره. اتأكد من الhistory بتاع العربيه من حيث الصيانات. اخر صيانه اتعملت كانت ايه.
شوف وقولنا عشان نقولك انت فاضلك تغير ايه المفروض يتغير. لأنك لو غيرت كل حاجه مره واحده من سيور وفلاتر وزيت فتيس ...الخ هتلاقي نفسك دافع مبلغ كبير. الحاجات دي بتتجزأ على الصيانات يعني كل 20 الف كيلو حاجه او اتنين فهتلاقي الدنيا لذيذه.
وهرفعلك جدول الصيانات برضه
+1المشاركة الأصلية كتبت بواسطة roland_yamaha مشاهدة المشاركة
تعديل بسيط ان سير المجموعه بيشتمل على سير التكييف اما باقي الكلام صح جدا
بس بالنسبه لصوت الطقه عيب مش خطير عشان مايقلقش :D عندي بقاله 3 سنين
انا مش عارف انت معاك انهي فئه بس في معظم فئات الالنترا مابيتنيش.المشاركة الأصلية كتبت بواسطة roland_yamaha مشاهدة المشاركة
انا اعرف كار كير في مصر الجديده. بيرجعلك العربيه زيرو من بره ومن جوه. اسمه ميجوايرزالمشاركة الأصلية كتبت بواسطة nadoor333 مشاهدة المشاركة
بس غالي حبتينComment
-
يعني الكنبة مبتتنيش؟ مممم
طب أجيب المفك اللي وقع مني ورا ظهر الكنبة ده ازاي بقي
انا عربيتي خليجي وفيها مخدع خلفيComment
-
لو كده يبقى احتمال الكنبه الي عندك فعلا بتتني.المشاركة الأصلية كتبت بواسطة roland_yamaha مشاهدة المشاركة
الطريقتين الي اعرفهم عشان تتني الكنبه كالتالي
افتح الشنطه وبص ورا الكنبه هتلاقي زي مقبض كده بيتسحب وتزق الكنبه من الشنطه. الكلام ده في السيراتو مش عارف في الالنترا زيها ولا لأ.
تاني طريقه ان هتلاقي زرار ناحية الحزام من فوق ممكن تضغط عليه.Comment
-
مفيش زرار فوق الحزام بس هشوف موضوع الشنطة دهالمشاركة الأصلية كتبت بواسطة mahmoud_afifi مشاهدة المشاركةComment
-
ده فيديو ازاي تفتحه من الشنطه بس للالنترا الشكل الجديدالمشاركة الأصلية كتبت بواسطة roland_yamaha مشاهدة المشاركة
2013 | Hyundai | Elantra | Fold Down Seats | How to by Bloomington Hyundai - YouTubeComment
-
يا رجالة انا كنت عايز اعرف هى الالنترا 2008 اول فئة اوتوماتيك بيكون فيها abs و لا لاء ؟ و هل موضوع ال abs دة بيفرق اوى و لا اية ؟Comment
-
اعلى فئه بس الي فيها abs.المشاركة الأصلية كتبت بواسطة nadoor333 مشاهدة المشاركة
موضوع الabs بيفرق جدااااااااااااا لو انت من هواة الجري والشد. مع ان الفرامل كويسه ولو حاطت نوع كاوتش محترم التراكشن بتاعه عالي هتلاقي العربيه بتقف كويس بس في سرعات عاليه لما بتيجي تكبس فرامل العربيه برضه بتزحف . كذا مره اكون بشد مع عربيات عاليه وعند المطبات عربيتي تزحف ويبقى شكلي وحش
انا شايف لو لقيت النترا فيها abs خلص فيها حتى لو حالتها من بره مش قد كده. ممكن ترشها رش نضافه وترجع جديدهComment
-
Tweet
Comment