رابطة مالكي الElantra من 2007 الى 2011

[shiko85]

دلوقتي انا اكتشفت ان عندي abs في العربيه والراجل ورهوني بس ملهاش اي لمبه ليها في التابلوه هل ده طبيعي????

ممكن تكون اللمبه محروقه او مش متوصله
متأكد انه abs ؟ لما بتدوس فرامل بتحس بايه ؟ هزه و رجه جتمده من تحت العربيه ولا عادى ؟

[hima13385]

أنا كنت عاوز اسأل بيتباع فييين العتب والسبويلر بتاع الالنترا الرياضيه وسعرهم كأم ولو في اشتراهم وركبهم ياريت ينقل ليأ التجربه للأفاده واكون شاكر ليكو

[m.elhanafy]

السلام عليكم
بصراحة انا سعيد جدا جدا جدا........ اخيرا لقيت موضوع الاقي فيه كل حاجة عن عربيتي الالنترا 2008 اللي بصراحة مركبتش عربية احلي منها
المهم ان كل المشاركات مفيدة جدا لانها عن تجارب حقيقية والاحلي انها فيها اسعار وده لان الفلوس هي اللي بتخلينا نقرر نعمل ايه ومنعملش ايه

وطبعا كل الشكر لمهندس كريم صاحب الفكرة

[shiko85]

السلام عليكم
بصراحة انا سعيد جدا جدا جدا........ اخيرا لقيت موضوع الاقي فيه كل حاجة عن عربيتي الالنترا 2008 اللي بصراحة مركبتش عربية احلي منها
المهم ان كل المشاركات مفيدة جدا لانها عن تجارب حقيقية والاحلي انها فيها اسعار وده لان الفلوس هي اللي بتخلينا نقرر نعمل ايه ومنعملش ايه

وطبعا كل الشكر لمهندس كريم صاحب الفكرة

وعليكم السلام ورحمة الله وبركاته
و اهلا بك فمنتدى نايل موتورز و قسم االهيونداى

[m.elhanafy]

انا لسه شاري عربيتي الهيونداي بقالها شهرين من اخويا
فمن ساعتها وانا بسمع اصوات طقطقة غريبة في المطبات فقولت لازم اروح اعرف من ايه ده وطبعا كنت خايف علي العفشة
رحت مركز خدمة عندنا في بنها اللي كان اخويا بيتعامل معاه
والمهندس المسئول عن المركز ركب العربية ولف بيها لفة يجربها ولقي الصوت من الدركسيون
من حاجة اسمها الاطمة ودي ملهاش تصليح بتتغير بس وهترجع تعمل نفس الصوت تاني لان العربية دي دركسيونها كهرباء ومبتحبش المطبات فاستحمل واتعود علي الصوت لانها غاليه حبتين( بتعملها 1000 الف جنيه ) فمش كل ماهتعمل الصوت تيجي تغيرها وهي مش هتأثر عليك في حاجة غير الصوت
وطبعا كشفت علي العفشة ورصصت وظبطت زوايا علشان اتاكد برضه ان كل حاجة تمام
فالحمد لله العفشة كويسة جدا ماعدا المساعد قدام شمال وده اللي لازم يتغير
فسالته سعرهم كام؟
قال في العادي وده بيبقو الاتنين مع بعض وسعرهم 350 جنيه وفي الاستيراد وعامل الواحد 200 جنيه
فقولتله هات الاستيراد احسن بما انه هو الكوري الاصلي
ودي كانت تجربتي في الصيانة وحبيت اعرف اصدقائنا اللي شوفته وعرفته علشان كلنا نتواصل وننقل تجاربنا لبعض علشان نخلي الالنترا اجمل واحسن عربية في مصر.
واسف علي الاطالة

[roland_yamaha]

ممكن تكون اللمبه محروقه او مش متوصله
متأكد انه abs ؟ لما بتدوس فرامل بتحس بايه ؟ هزه و رجه جتمده من تحت العربيه ولا عادى ؟

اه في هزة جامدة في دواسة الفرامل لما بدوس عليها جامد فجأة ودي عاملالي مشكلة

[shiko85]

اه في هزة جامدة في دواسة الفرامل لما بدوس عليها جامد فجأة ودي عاملالي مشكلة

تمام كده
يبقى اللمبه بتاعت الــ abs محروقه

[hassanabdsalam]

دركسيون الالنترا

محدش عنده حل لموضوع دركسيون الالنترا (فبرة الدركسيون اللى بتكون فى ماتور الباور ) لانها بتخلى العربية بترزع جدا فى الطرق المكسرة

[mazeen]

أنا كنت عاوز اسأل بيتباع فييين العتب والسبويلر بتاع الالنترا الرياضيه وسعرهم كأم ولو في اشتراهم وركبهم ياريت ينقل ليأ التجربه للأفاده واكون شاكر ليكو

عند عشرى فى الحرفيين اصلى ب 1000 جنيه

[hassanabdsalam]

انا عندى نفس مشكلة الدركسيون بس التوكيل قالى ان سعر القطمة 9000جنية (تسع الاف جنية)

[bellcronary]

يا جماعه حد عنده فكره كيفيه صيانة الشكمان و لو فى صدا باين فى علبه الشكمان ازاى الواحد يعالجه قبل ما يتخرم....أفيدونا أفادكم الله

[ashrafdiaa]

برجاء المساعدة النترا 2008

السادة
برجاء المساعدة لوجود مشكلة في العربية النترا 2008 . ساعات بتبطل علي السلانسية لما اقف في اشارة مثلا . والتوكيل مش عارف المشكلة
برجاء المساعدة

[METOELESSAWY]

,السلام عليكم حونت عاوز اغير كرسى السواق واجيب كهربا وكمان اغير الكنسوله و اجيب وحده بمخدعو كمان اركب الجنوط الاصليه بدل الحديد حد عنده فكره مين عنده الكراسى الكهربا زى الى بتنزل لى الخليجى

[shiko85]

,السلام عليكم كونت عاوز اغير كرسى السواق واجيب كهربا وكمان اغير الكنسوله و اجيب وحده بمخدعو كمان اركب الجنوط الاصليه بدل الحديد حد عنده فكره مين عنده الكراسى الكهربا زى الى بتنزل لى الخليجى

وعليكم السلام ورحمة الله وبركاته
الخليجى بينزل فيه كراسى هيدرولك مش كهرباء
المخدع بيعمل تقريبا من 1000 لــ 1500 جنيه

[METOELESSAWY]

وعليكم السلام ورحمة الله وبركاته
الخليجى بينزل فيه كراسى هيدرولك مش كهرباء
المخدع بيعمل تقريبا من 1000 لــ 1500 جنيه[/size]

انا لقيت اسعاره من 350 الى500 فى الحرفين و الكرسي 1000 جنيه ولو كرسى واحد السواق 600 او 500 ويخد الكرسى الى عندى طبغا ده ل الالنترا hd