رابطة مالكي الElantra من 2007 الى 2011

[shiko85]

انا لقيت اسعاره من 350 الى500 فى الحرفين و الكرسي 1000 جنيه ولو كرسى واحد السواق 600 او 500 ويخد الكرسى الى عندى طبغا ده ل الالنترا hd

اسعار كويسه جدا
معلش مش فاهم يعنى ايه الكرسى 1000 جنيه ولو كرسى واحد السواق 600 او 500 ويخد الكرسى الى عندك ؟؟
تقصد سعر الكرسى 1000 لوحده و لو هتبدل تدفع 500 او 600 + الكرسى اللى عندك, صح كده ؟؟

[adel1982]

السادة
برجاء المساعدة لوجود مشكلة في العربية النترا 2008 . ساعات بتبطل علي السلانسية لما اقف في اشارة مثلا . والتوكيل مش عارف المشكلة
برجاء المساعدة

سؤال مهم لانه بيحصل عندى برضه بس فى حاله لو انا ماشى بالعربيه سفر مثلا 30 او 40 كيلو وابتدى اهدى لحد ما اقف الاقيها تترج جامد وتبطل ولازم ادور اكتر من مره لحد ما تدور

[Waleed_aboammar]

انا لسه شاري عربيتي الهيونداي بقالها شهرين من اخويا
فمن ساعتها وانا بسمع اصوات طقطقة غريبة في المطبات فقولت لازم اروح اعرف من ايه ده وطبعا كنت خايف علي العفشة
رحت مركز خدمة عندنا في بنها اللي كان اخويا بيتعامل معاه
والمهندس المسئول عن المركز ركب العربية ولف بيها لفة يجربها ولقي الصوت من الدركسيون
من حاجة اسمها الاطمة ودي ملهاش تصليح بتتغير بس وهترجع تعمل نفس الصوت تاني لان العربية دي دركسيونها كهرباء ومبتحبش المطبات فاستحمل واتعود علي الصوت لانها غاليه حبتين( بتعملها 1000 الف جنيه ) فمش كل ماهتعمل الصوت تيجي تغيرها وهي مش هتأثر عليك في حاجة غير الصوت
وطبعا كشفت علي العفشة ورصصت وظبطت زوايا علشان اتاكد برضه ان كل حاجة تمام
فالحمد لله العفشة كويسة جدا ماعدا المساعد قدام شمال وده اللي لازم يتغير
فسالته سعرهم كام؟
قال في العادي وده بيبقو الاتنين مع بعض وسعرهم 350 جنيه وفي الاستيراد وعامل الواحد 200 جنيه
فقولتله هات الاستيراد احسن بما انه هو الكوري الاصلي
ودي كانت تجربتي في الصيانة وحبيت اعرف اصدقائنا اللي شوفته وعرفته علشان كلنا نتواصل وننقل تجاربنا لبعض علشان نخلي الالنترا اجمل واحسن عربية في مصر.
واسف علي الاطالة

:019f3b~14: انا بعتبر طقة الدريكسيون هو العيب الوحيد الرخم اللى في العربية دى ....

[METOELESSAWY]

انا لقيت اسعاره من 350 الى500 فى الحرفين و الكرسي 1000 جنيه1لو كرسى واحد السواق 600 او 500 ويخد الكرسى الى عندى طبغا ده ل الالنترا hd

الكرسي ب 1000 ولو واحد 600 ويحسب القديم ب 100 يبقى الصافى 500

[mada_512]

السادة
برجاء المساعدة لوجود مشكلة في العربية النترا 2008 . ساعات بتبطل علي السلانسية لما اقف في اشارة مثلا . والتوكيل مش عارف المشكلة
برجاء المساعدة

حساس كرنك غالبا ده اللي حصل معايا

[roland_yamaha]

اللوك بتاع الدركسيون ساعات بيجي معايا بسهولة وساعات مبيقفلش خالص بيجي معايا حظ يعني.
هل في طريقة معينة ليه؟
الانترا 2009

[shiko85]

اللوك بتاع الدركسيون ساعات بيجي معايا بسهولة وساعات مبيقفلش خالص بيجي معايا حظ يعني.
هل في طريقة معينة ليه؟
الانترا 2009

مفيش طريقه معينه
اللى بيحصل ان فيه وضع معين بيحصل فيه اللوك و لو الطاره بعيده عن الوضع ده هتحتاج تلف الطاره اكتر لحد ما تعمل لوك (طبعا بدون المفتاح فالكونتاكت)

[roland_yamaha]

https://egypt.dubizzle.com/ar/cairo/cars/car-accessories/listing/7-listings-15038504b4cc5d4ea112cf3d52c4c8ea/show/?back=L2FyL2NhaXJvL2NhcnMvY2FyLWFjY2Vzc29yaWVzL3NlYXJjaC8/aXNfc2VhcmNoPUZhbHNlJnBhZ2U9Mg==

اللي عاوز يشتري اسبويلر

[nadoor333]

كنت لازم اغير زيت امبارح و ماكانشى فى قدامى وقتها غير موبيل
حطيت موبيل ال 3000 و غيرت فلتر
دى اول مرة اعمل دة برة التوكيل
بس ما اخدتشى الجركن كلة اتبقى حوالى 0.5 لتر كدة
دة مظبوط ؟ و لا اية

[romio139]

اسئلة عن سيور وزيوت وفوجات النترا 2011

الحمد لله عندي النترا 2011 اوتوماتيك شاريها زيرو وعامله دلوقتي حوالي 36 الف كيلومتر
برجاء من خبراء الالنترا
1) موعد تغيير زيت الفتيس الاوتوماتيك او اي زيوت تانية واسعارهم لو سمحتم
2)موعد تغيير سير الدينامو او سير التكييف او حتي سير الكاتينة او اي سيور تانية واسعارهم لو سمحتم
3) بعض الاعضاء في المنتدى مركبين فوجات ولي سؤالين
هل الفوجات بتفرق في الاضاءة ولا شكل وخلاص
اجد بعض فوجات الالنترا بحس ان عدساتها مصفرة وشكلها قدم بسرعة فهل يوجد فوجات نضيفة تعبش اطول اشتريها منين وسعرها بكام وشكرا

[د.رامي الصواف]

السلام عليكم
أرجو النصيحه الامينه من خبراء المنتدى الافاضل
البطاريه باظت اليوم و روحت علشان اغيرها (مع العلم اني عربيتي اتوماتيك 2007) قالي ان في كذا نوع احسنهم سبارك كوري 55 امبير 520 جنيه و كوريان كوري 55 امبير 550 جنيه ولا اجيب بطاريه فارتا الماني بس انا مش عرف سعرها و هي أفضل و لا لأ
طيب اجيب بطاريه 70 امبير افضل علشان انا بشغل التكييف كتير و النور مايبقاش ضعيف ولا أيه

شكرا لسرعه استجابتكم

[roland_yamaha]

اسيدلكو 70 سعودي ب 470 جنيه

[roland_yamaha]

محدش يعرف سعر الأوكرة الداخلية بكام وألاقيها جديدة فين؟

[bellcronary]

يا جماعه يا ريت الافاده... فى صوت ونه بدأ يظهر من الموتور .....ايه أسباب الونه دى و كيفية علاجها......أفيدونى أفادكم الله.....هى العربيه النترا 2011 مانيوال

[shiko85]

الأشارات مش شغاله بس الأنتظار شغال
دورت على مكان الفيوز بس معرفتش اوصل لحاجه
هل ده عيب فيوز فعلا ؟؟ و لا حاجه تانى ؟؟