رابطة مالكي الElantra من 2007 الى 2011

[mahmoud_afifi]

هوا ايه فايدة ترصيص العجل........ و كمان ظبط الزوايا بيفرق في ايه.............انا بفكر اظبط زوايا بس علشان الكاوتش عندي قديم شويه و خايف يتبهدل في الترصيص خصوصا انا عندي جنوط 15

الترصيص بيتعمل لو عندك برجله وانت ماشي فوق 80
ظبط الزوايا بيتعمل عشان زوايا العجل ممكن تكون متغيره وبتسبب تآكل في مناطق معينه. بالذات في الكاوتش من الجناب.
الترصيص مفيش خوف منه ولا ظبط الزوايا بالعكس ظبط الزوايا المفروض يتعمل كل 6 شهور.
وكمان المساعدين لو مش مظبوطه بتعمل تآكل بمعدل غير الطبيعي للكاوتشات.

[د.رامي الصواف]

شكـــــــــــــــــــــترا ياكبير

[waelragab2001]

عفيفي باشا . . . الاعضاء المحترمين انتوا عارفين اني لسه شاري العربيه اول انبارح و هي زي الفل و الحمد لله 2007 بي النهارده حسيت بحراره جامده جنب رجلي اليمين اللي فيها دواسه البنزين و ركنت العربيه وشغلت كشاف الموبايل لقيت جنب دواسه البنزين و في الكونسول في حاجه زي ماسوره الفريون و الماسوره دي معدن و سخنه جدا لدرجه اني مش قادر المسها وانا مش عارف الماسوره دي بتاعت ايه و الموضوع ده معكنني جدا لان فيه زي كنترول جنب الماسوره دي ارجوكوا افيدوني و النبي

د/رامي
دي غالبا الماسوره اللي بتكمل دوره المياه.. والماسوره دي هي اللي بتنقل المياه اللي خارجه من ناحيه الماتور قبل ما يتم تبريدها وعشان كده هي سخنه جدا".. ودي المسئوله عن السخن في جهاز التكييف..

انا معرفش الحقيقيه هي المفروض تبقي ظاهره قوي كده ولا لا.. بس لو مضايقاك قوي قوي يعني.. روح لحد بتاع تكييف نضيف يبص لك عليها..

ولو مش عارف تتعايش معاها.. لها حل بسيط وسريع ومش مكلف ان بتاع التكييف يلغي الجزء ده من دوره المياه بس ده هيلغي معاه التكييف السخن..

انا حصل معايا كده.. قربه المياه كانت علي طول بتفضي ودوخنا لغايه ما عرفنا ان التسريب كان من الماسوره دي وكان جوه الصالون عند الكنبه الخلفيه.. وفعلا لغي السخن اللي داخل للصالون ومخدتش 5 دقائق وخد 20-30 جنيه..

[mohamedgo1]

يا ترى حد ممكن يفدنى ازاى احمى عربيتى من السرقه وفى جهاز بيركب للعربيه فعلا ل النترا 2008

[mohamedgo1]

ممكن حد يعرف سعر اكصدام امامى واكصدام خلفى والصدر الامامى وكبوت وفوانيس امامى وخلفى النترا 2008
ياريت الى عنده الاسعار دى يقولى وممكن اجيبها منين اكون شاكر جداا لحضراتكم
عشان انا لسه معرفش اى حاجه عنها

[mahmoud_afifi]

يا ترى حد ممكن يفدنى ازاى احمى عربيتى من السرقه وفى جهاز بيركب للعربيه فعلا ل النترا 2008

1- كلبش دركسيون
2- انذار spy 2 way أو اي انذار فيه خاصية انك تضيف ريلاي فصل البنزين
3- وده اختياري مش اجباري.. انك تحط فيلم على الزجاج ضد الكسر. بعض الاماكن بتعمل ال4 شبابيك ب800 جنيه وده ارخص سعر

ممكن حد يعرف سعر اكصدام امامى واكصدام خلفى والصدر الامامى وكبوت وفوانيس امامى وخلفى النترا 2008
ياريت الى عنده الاسعار دى يقولى وممكن اجيبها منين اكون شاكر جداا لحضراتكم
عشان انا لسه معرفش اى حاجه عنها

لا والله. الاسعار اللي كانت موجوده على المنتدى قديمه بقالها سنتين على الاقل.

[hamada6050]

السلام علليكم اخوانى
عايز اعرف كام حاجة كده
هل فى اخلتاف فى الالتنرا من 2008 الى 2011
انا ناوى اجيب عربية بس محتار
بوما اوتو - النترا اوتو - m11 زيرو ؟
ومعلش موديل النترا 2007 - 2008 اوتو عامل كام مش شرط يكون فبريكا برة

[mahmoud_afifi]

السلام علليكم اخوانى
عايز اعرف كام حاجة كده
هل فى اخلتاف فى الالتنرا من 2008 الى 2011
انا ناوى اجيب عربية بس محتار
بوما اوتو - النترا اوتو - m11 زيرو ؟
ومعلش موديل النترا 2007 - 2008 اوتو عامل كام مش شرط يكون فبريكا برة

اختلافات بسيطه جدا مش جوهريه.

بالنسبه للشكل.
موديل 2010 و 2011 مابقاش في مقياس حراره واستخدموا لمبة عشان لو العربيه سخنت.
العداد بتاع السرعه الاضاءه بتاعته اتغيرت بداية من 2010 ( بعض الموديلات بالعداد القديم).
موديل 2011 بقت تنزل بإشارات في المرايه والحليه اللي في الشنطه فيها جزء نيكل. و في فئات بتنزل بbody kit.

الاداء.
الباور في 2007-2009 خفيف ومن 2010 بقى اتقل شوية رغم انه كهربا برضه
الموتور في موديل 2011 مختلف وبيركبله بوجيهات غير السنوات اللي قبله.

ده كل الاختلافات اللي في بالي دلوقتي.

بالنسبه للاختيارات اللي قدامك انا شايف انسبهم الالنترا. محترمه و ممتعه جدا في سواقتها. وقطع غيار متوفره. انجح هيونداي اتعملت في رائيي

بالنسبه للاسعار مش هقدر افيدك لأن كل واحد بقى يحط سعر على مزاجه بما ان الزيرو بقى غالي

[bellcronary]

السلام عليكم جميعا يا ريت يا جماعه حد يساعدنى
انا معايه النترا 2011 مانيوال و ماشيه معايه بفضل الله زى الفل جيت نازل الشغل امبارح وبتك عالريموت عشان افتح الباب لائيت السارينه مابطنطئش جربت اقفل و افتح بالريموت كذا مره برده مش شغاله بس السنتر شغال هو و الريموت الحمد لله.......يعنى المشكله فى السارينه فياريت لو حد عنده معلومه يفدنى لانى بصراحه مش صنايعى يحط ايده فيها

[azwoz65]

أذا كان الريموت به 3 زرار
يوجد بالريموت زرار علية صورة جرس
اضغط على هذا الزرار يرجع الصوت
اما اذا كان الريموت زرارين فقط
أضغط على الزرار الخاص بالفتح ضغطة طويلة لمدة 15 ثانية تقريباً
وبالتوفيق ان شاء الله

[bellcronary]

أذا كان الريموت به 3 زرار
يوجد بالريموت زرار علية صورة جرس
اضغط على هذا الزرار يرجع الصوت
اما اذا كان الريموت زرارين فقط
أضغط على الزرار الخاص بالفتح ضغطة طويلة لمدة 15 ثانية تقريباً
وبالتوفيق ان شاء الله

أشكر حضرتك على الرد أنا جربت اللى حضرتك قولتلى عليه بس للاسف لسه السرينه مطنطئش مفيش حل تانى؟؟

[shiko85]

ممكن يكون العيب فالسارينه نفسها او السلك بتاعها، مش فاكر هى ليها فيوز ولا ﻷ

[mizomizomizo]

نفس المشكلة

كان عندي نفس المشلكة الانذار شغال بدون سرينة وكان العيب في السرينة
هتغير السرينة
وانصحك تغير الانذار كلة لان من النوع السيئ كثير الاعطال

[hamada6050]

احلى حاجة فى الرابطة دى ان الاجواء بتاعتها جميلة جدااا والكل بيساعد بعض الحمد لله وان الناس كلها مهندسيين
انا بقى محاسب :) وبعد معاناة كتيييير فى اختيار العربية الانا عايزها قررت انى اجيب النترا الحمد لله ومازال البحث مستمر
ادعولى بقى

[shiko85]

ربنا يكرمك و تلاقى عربيه كويسه ان شاء الله