رابطة مالكي الElantra من 2007 الى 2011

[waelragab2001]

لسه جايب شويه حاجات وقولت احط سعرهم عشان نفيد الناس

قشره اكصدام امامي في الحرفيين..
استيراد : 400-450 ولو فصلت تنزله ل 380 جنيه
اصلي (اعتقد موبيس) : 800 جنيه
تايواني : 230

حامل اكصدام: 50 جنيه من عند خالد امام اللي في الحي السابع- م.نصر
كارتيريه رفرف موبيس: 90 جنيه من عند خالد امام اللي في الحي السابع- م.نصر

[mahmoud_afifi]

احلى حاجة فى الرابطة دى ان الاجواء بتاعتها جميلة جدااا والكل بيساعد بعض الحمد لله وان الناس كلها مهندسيين
انا بقى محاسب :) وبعد معاناة كتيييير فى اختيار العربية الانا عايزها قررت انى اجيب النترا الحمد لله ومازال البحث مستمر
ادعولى بقى

احسن ناس المحاسبين :D والدي و اخويا محاسبين برضه

ربنا يكرمك ان شاء الله. وحاول تجيب فئه فيها abs عشان تنبسط اكتر من العربيه :)

[حسن عبد الحليم]

ياااااااه انتوا كنوا فين من زمان

انا معايا الالنترا 2008 .. ب س ناوي على التغيير اليومين دول ان شاء الله :(
وكنت سجلت فى المنتدى الرائع دة عشان افاضل بين شراء الهيونداى الاي اكس 35 والكيا سبورتاج


علىفكرة انا محاسب انا كمان ههههههههههههههه

خسارة انى ماشفتس الجروب الهايل دة من اول كان فرق معايا كتير جدا والله مع انى من او ماجبت الاانترا
بصراحة ماتعبتنيش خااااالص وعربية محترمة واحسن شيب هو دة افضل من الجديدة 2012 كمان

انا حبيعا لانى عاوز عربية عالية ( ساكن في فيصل وورمت من المطبات الصراحة :) ) الالنترا زيها زي معظم اللى في نفس الكاتجورى بتاعها واطية شوية للاسف لكن غير كدة العربية زي الفل وقطع غيار متوفرة وصيانتها كنت بتعامل
مع شركة الكويت في الدقى ناس محترمة جدا واعرف مهندس هناك بشكل شخص لو اى حد محتاج حاجة تحت امركم

والله خسارة جدا انى مانضمتش من بدرى
مين عارف انا لسه بقارن ومابعتش ومعاكوا لحد ما ابيع ان شاء الله
وممكن اشوف الى غير واشترى الاي اكس نعمل رابطة حلوة زي دى :)


تحياتى للجميع ,,,

[Mada34]

[mahmoud_afifi]

لسه جايب شويه حاجات وقولت احط سعرهم عشان نفيد الناس

قشره اكصدام امامي في الحرفيين..
استيراد : 400-450 ولو فصلت تنزله ل 380 جنيه
اصلي (اعتقد موبيس) : 800 جنيه
تايواني : 230

حامل اكصدام: 50 جنيه من عند خالد امام اللي في الحي السابع- م.نصر
كارتيريه رفرف موبيس: 90 جنيه من عند خالد امام اللي في الحي السابع- م.نصر

معلش ايه قشرة اكصدام ؟ اكصدام نفسه يعني ولا ايه ؟
ياريت تفيدني عشان نضيفها في موضوع قائمة اسعار الالنترا

[mahmoud_afifi]

ياااااااه انتوا كنوا فين من زمان

انا معايا الالنترا 2008 .. ب س ناوي على التغيير اليومين دول ان شاء الله :(
وكنت سجلت فى المنتدى الرائع دة عشان افاضل بين شراء الهيونداى الاي اكس 35 والكيا سبورتاج


علىفكرة انا محاسب انا كمان ههههههههههههههه

خسارة انى ماشفتس الجروب الهايل دة من اول كان فرق معايا كتير جدا والله مع انى من او ماجبت الاانترا
بصراحة ماتعبتنيش خااااالص وعربية محترمة واحسن شيب هو دة افضل من الجديدة 2012 كمان

انا حبيعا لانى عاوز عربية عالية ( ساكن في فيصل وورمت من المطبات الصراحة :) ) الالنترا زيها زي معظم اللى في نفس الكاتجورى بتاعها واطية شوية للاسف لكن غير كدة العربية زي الفل وقطع غيار متوفرة وصيانتها كنت بتعامل
مع شركة الكويت في الدقى ناس محترمة جدا واعرف مهندس هناك بشكل شخص لو اى حد محتاج حاجة تحت امركم

والله خسارة جدا انى مانضمتش من بدرى
مين عارف انا لسه بقارن ومابعتش ومعاكوا لحد ما ابيع ان شاء الله
وممكن اشوف الى غير واشترى الاي اكس نعمل رابطة حلوة زي دى :)


تحياتى للجميع ,,,

فرصه سعيد يا باشا .. احسن ناس المحاسبين :D و منور الرابطه في اي وقت حتى لو بعت العربيه :d

فعلا ماشاء الله عربيه محترمه انا بحبها عن الجديده كقيمة مقابل الفلوس. وعربيه بتاعت بهدله. اوعى تبيعها مش هتلاقي زيها تاني حتى لو كانت عربيه تانيه للبيت.

انا شوفت الموضوعين بتوع حضرتك بتوع الix35 والسبورتاج. للأسف ماعرفش حد جابهم كنت فيدتك :)
ربنا يكرمك بالأفضل فيهم

[mahmoud_afifi]

ماشاء الله لا قوة الا بالله.
ممكن اعرف جبت الديفيوزر بتاع الاكصدام الخلفي منين وبكام ؟

[hamada6050]

احسن ناس المحاسبين :d والدي و اخويا محاسبين برضه

ربنا يكرمك ان شاء الله. وحاول تجيب فئه فيها abs عشان تنبسط اكتر من العربيه :)

فئة فيها abs امممم طيب يا ريت تقولى انهى فئة دى عشان اكون مركز وانا بشترى وسعرها فى رينج كام
عشان انت عارف يا صديقى الكاشات هى البتكلم فى االحالة دى هههه

[حسن عبد الحليم]

فرصه سعيد يا باشا .. احسن ناس المحاسبين :d و منور الرابطه في اي وقت حتى لو بعت العربيه :d

فعلا ماشاء الله عربيه محترمه انا بحبها عن الجديده كقيمة مقابل الفلوس. وعربيه بتاعت بهدله. اوعى تبيعها مش هتلاقي زيها تاني حتى لو كانت عربيه تانيه للبيت.

انا شوفت الموضوعين بتوع حضرتك بتوع الix35 والسبورتاج. للأسف ماعرفش حد جابهم كنت فيدتك :)
ربنا يكرمك بالأفضل فيهم

تسلم حبيبي ربنا يعزك يارب

للاسف ماينفعش احتفظ باللنترا لظروف مادية صعب اوفر تمن الجديدة كاش وانا مش بحب التقسيط خاصة في السيارات

ربنا كريم ويرزقني بعربية زيها تريحني ومااشتكيش منها :)

تحياتي لشخصك الكريم

[mahmoud_afifi]

فئة فيها abs امممم طيب يا ريت تقولى انهى فئة دى عشان اكون مركز وانا بشترى وسعرها فى رينج كام
عشان انت عارف يا صديقى الكاشات هى البتكلم فى االحالة دى هههه

لو وكيل يبقى اعلى فئه واعتقد هتلاقي موديل 2008 اعلى فئه يكون فيه abs. بالنسبه للسعر مش عارف بالظبط لأن الاسعار اتغيرت وكل واحد بقى يحط سعر على مزاجه -_-
هههههههههه ربنا يكرمك ان شاء الله بواحده كويسه تناسب الكاشات :D

[mahmoud_afifi]

تسلم حبيبي ربنا يعزك يارب

للاسف ماينفعش احتفظ باللنترا لظروف مادية صعب اوفر تمن الجديدة كاش وانا مش بحب التقسيط خاصة في السيارات

ربنا كريم ويرزقني بعربية زيها تريحني ومااشتكيش منها :)

تحياتي لشخصك الكريم

ربنا يرزقك ان شاء الله :)

انا قريت review عن الix35 موديل 2014 في موقع اجنبي ان في تعديلات في العفشه للأفضل طبعا عشان الطرق الغير ممهده ويكون الاحساس بيها قليل. بس اللي مخليني مش متأكد انه كاتب في استراليا ما قالش عامة ! مش عارف التحسينات دي للسوق الاسترالي بس ولا كله !

عامة ان شاء الله حد من ملاكها بس موديل 2014 يفيدوك ويطمنوك من نقطة الراحه دي.

تحياتي لحضرتك :)

[azwoz65]

اهلاً بالمحاسبين
يبقى كده فيه 2 محاسبين
بالتوفيق أن شاء الله

[hamada6050]

طيب احنا ليه مانعملش جروب لينا على الفيس ؟

[Mada34]

ماشاء الله لا قوة الا بالله.
ممكن اعرف جبت الديفيوزر بتاع الاكصدام الخلفي منين وبكام ؟

عاملوا فايبر للاسف مفيش منوا رابر بس باقي العتب رابر
عاملوا في بورسعيد وكلفني ٤٠٠ جنيه فايبر و ١٥٠ رش
بس طبعا ١٥٠ دا عشان كنت رشو مط عشان كنت عامل العربية كلها ستيكر مط
وحاليا رجعتها اللون الفابريكة

[roland_yamaha]

لسه جايب شويه حاجات وقولت احط سعرهم عشان نفيد الناس

قشره اكصدام امامي في الحرفيين..
استيراد : 400-450 ولو فصلت تنزله ل 380 جنيه
اصلي (اعتقد موبيس) : 800 جنيه
تايواني : 230

حامل اكصدام: 50 جنيه من عند خالد امام اللي في الحي السابع- م.نصر
كارتيريه رفرف موبيس: 90 جنيه من عند خالد امام اللي في الحي السابع- م.نصر

هي ايه قشرة الاكصدام دي بعد اذنك؟