لماذا كل هذا الهجوم علي هيونداي ! ؟

[iwantes350]

ازيكم يا هيونداوية
انا عضو تويوتاوى اصيل
وبصراحة مكنتش بحب هيونداى زمان..
بس دلوقتى وبعد ما جربتها عجبتنى اوى وبقيت احترمها جداااااااااااااا..
مش موضوعنا
المهم
مع احترامى لمالكى الشيروكى المحترمين فقط ..
فى فئة كبيرة اوى من اللى معاهم الشيروكى بصراحة قمة الانحطاط ((معلش على الكلمة بس بصراحة مستفزين اوى))
ومتكبرين واكرر مش كلهم فئة معينة منهم او بمعنى ادق((محدثي نعمة)) اه والله الواحد فيهم ابوه باع حته ارض او اى حاجة وجبها وبعدها الواد الصغير يطلع بيها ويقعد يتكبر على باقي خلق الله وانا شفتها بعيني بجد..
معلش يا باشا هو اكيد محدث نعمة وفرحان بيها بس نقول ايه ربنا يهدى ..
ومحدش يتدايق من كلامى ..

[Ashraf_Ibrahim]

والله يا بشمهندس سمير المشكلة مش مشكلة عربية ولكن مشكلة نفوس اساسا
في العادة بحب امشي في حالي
لكن لما بضايق بكون وحش جدا على الطريق وممكن اعمل مصايب :d
امبارح مثلا كنت في مدينة نصر معايا اخويا واصاحبه - 5 شباب في العربية -
المهم انا ماشي عند بنزينة موبيل اللي بعد رابعة فميكروباص بيقطع الشارع من الشمال لليمين عشان يدخل الشارع فأنا جاي بسرعة المهم كلكست ليه ونور وبتاع وهو ولا هو هنا قمت مهدي خالص وواقف قدامه
وفتحت الازاز وبشاورله بايدي انا منزلتش لقيته طالع بكل انكسار وبيقلي والله انت برنس فلما لقاني عليت صوتي قلي دانا بقلك انك برنس
فسبته ومشيت وهو ضمن انه دخل الشارع بتاعه وانا يا دوب داخل على الشريط بتاع الترام ولقيته فتح اسطوانة من الشتائم العظيمة فوقفت ولفيت الدروكسيون فعلا وهرجعله عكسي بقا :d
لولا انهم منعوني بس لما فكرت فيها طب لما انت جامد اوي كدة مقلتش ادبك ليه وانا قدامك ؟! وللا لما ضمنت اني مشيت من قدامك ومش هعرف ألفلك وانك خلاص فلتت مني؟!
المشكلة في اخلاق السواقة يا سمير مش العربيات خالص
يارب الناس تغير أخلاقها !

[Mohab555]

انا هقول جمله واحده ارد بيها على كل الحاقدين
((( ليه هيونداى مجنناك .... علشان معلمه على قفاك ))
وشكرا

[mahmoud_afifi]

انا هقول جمله واحده ارد بيها على كل الحاقدين
((( ليه هيونداى مجنناك .... علشان معلمه على قفاك ))
وشكرا

هي مش "مجنناك" بس نمشيها مجنناك

[Samir Elshahawy]

لا بس فعلا في هجوم علي الكوري بصفه عامه والهيونداي بصفه خاصه
واكتر حاجه عجبتني التقفيله اللي عملتوها عليه انت والار بي وعلمتوه الادب علشان في اشكال زي دي كتير

عجبتني

فعلا أكتر حاجة عجبتني أن الأكسنت rp أنضم لي بسرعة بالرغم من اني شاورت له أني هأتكفل بيه لوحدي لكن هو أنضم و ذل انفاسه و خلاه يحس ان كل نجوم هيونداي هايطبقوا السما علي دماغه فقرر يهرب من أول يوتيرن يقابله

برضه الاكسنت أتعرض لصفاقة الشيروكي لما عمل أمريكاني في التراب و طلع كل التراب و الزلط علينا أحنا الاثنين

الأخوة اللي بيقولوا نفض للناس اللي زي دي
أنا فعلا بانفض و مش من النوع اللي حد يسخنه بسهولة بس هو كان قليل الأدب و كان لازم يتربي لأنه أول مرة عديتها و الثانية عديتها و الثالثة عديتها لكن الرابعة قررت أني أرد عليه خاصة لما نجم الاكسنت بص لي

ربنا يهدي الجميع

[Amrgamal1]

انا كان معايا جيب شيروكي لسه بايعها من شهور ماكنتش بعمل كدا
ف حضرتك اللي بيحصل دا مش عشان هو راكب امريكي وحضرتك راكب كوري
يعني ممكن تلاقي عيل سايق 128 وبيعمل كدا عادي جدا ماهو مش فاهم سواقه
وبعدين مافيش هجوم ضد هيونداي ولا حاجه هو بس اللي مبوظ سمعتها اصحاب الفيرنا اللي فاكرينها فيراري او بوجاتي
وكل يوم يقولك شديت مع بي ام ومرسيدس وحطيت وفطيت والكلام دا
هههههههه عادي يعني

[lanos2004]

انا هقول جمله واحده ارد بيها على كل الحاقدين
((( ليه هيونداى مجنناك .... علشان معلمه على قفاك ))
وشكرا

هههههههههههههههه والله حلوة وهيونداى عربيه محترمه صيانه قليله وناعمه

بس كلام فى سرك انا الى بعلم على الجيتز واختها الكبير فيرنا --

[Ashraf_Ibrahim]

سامع حد بيجيب في سيرة اصحاب الفيرنا
هي مش فيراري معلش
هي بوجاتي بس
ههههههههههههههههههههههههههههه

[Samir Elshahawy]

انا كان معايا جيب شيروكي لسه بايعها من شهور ماكنتش بعمل كدا
ف حضرتك اللي بيحصل دا مش عشان هو راكب امريكي وحضرتك راكب كوري
يعني ممكن تلاقي عيل سايق 128 وبيعمل كدا عادي جدا ماهو مش فاهم سواقه
وبعدين مافيش هجوم ضد هيونداي ولا حاجه هو بس اللي مبوظ سمعتها اصحاب الفيرنا اللي فاكرينها فيراري او بوجاتي
وكل يوم يقولك شديت مع بي ام ومرسيدس وحطيت وفطيت والكلام دا
هههههههه عادي يعني

أولا.. بأحييك و بأشكرك علي مرورك و متفق معاك الموضوع مش معمول للهجوم علي أصحاب الشيروكي و لكن فيه كتير من النوعية دي بماركات مختلفة من ضمنها برضه الهيونداي

ثانيا.. الفكرة مش في نوع العربية و لا سعرها المهم مدي فهمك للقانون و أداب القيادة يعني عيب أوي واحد سايق عربية تمنها أكثر من مليون جنيه يتغابي علي واحد سايق عربية تمنها أقل من 100 ألف جنيه و في الاخر اللي سايق العربية الصغيرة يعلم عليه و يخليه يهرب من قدامه

الفكرة أني ملتزم جدا بالقواعد و كنت عاطي اشارة في ملف و شمالي مش فاضي و مايسمحش أني أغير له و هو جاي من ورايا و مصمم يعدي من يميني مع أن ده ضد قواعد التخطي اللي معظم الناس ماتعرفش عنها حاجة و فاكر انه لما يدي لك كلاكس او نور عالي لازم توسع له و خلاص أياكش أنت تولع أو تلبس في حيط علشان البيه يعدي

بجد الموضوع زاد عن حده و بالشكل ده هاتبقي حرب زي ميد تاون
لازم الناس تفهم أن القيادة

فن - ذوق - أخلاق

[lanos2004]

سامع حد بيجيب في سيرة اصحاب الفيرنا
هي مش فيراري معلش
هي بوجاتي بس
ههههههههههههههههههههههههههههه

لو فعلا بوجاتى يبقه نتفرج بس من غير كلام

[A7MED_PHARMA]

بس إسمحلي سيدي الفاضل إني أقولك














.
إيه ياعم الصياعة دي
ههههههههههههههههههههههههههه
(بهزر)

شد مع أي حد .. لكن شيروكي والعربيات الكبيرة لا
مش خوف من حاجة ..إلا من فقط إنه يتغاظ منك بشكل يخليه يحكك او يخبطك
ماهو عربيته عالية وكبيرة..وغالبا فيها إكصدامات قدام وورا
يعني لو خبطك مش هيخسر حاجة


لو على الشد والتزنيق
انا مايحلاش ليا الشد والتزنيق غير على بتوع الميكروباصات
التحدي الحقيقي هو ده
شد مع بتوع الميكروباصات ... مبرشمين وضايعة منهم على الاخر هتحس بالتحدي بقا
ساعتها ركبك هتخبط على الجيران ياراجل ههههههههههههههه


.
انا برخم عليهم بقصد
كل ماعدي من ميكروباص على الاسفلت والسواق بتاعه شكله مايعجبنيش مثلا
بعدي من جمبه بســـــرعــــــــه وانا تقريبا لازق فيه
يعني هو فجاة بيلاقي لانسر معدية صاروخ وهي لازقة فيه
بيضايقو ويتخنقوا

بس الي يحصلني .. يخبطني
ههههههههههههههههههههه







=====
بس انا شايف انك بالغت في موضوع الهجوم على الهيونداي
امال ياراجل رجالة السيراتو تعمل ايه بقا..تولع في نفسها ؟
السيراتو اتقال عليها كلام..يحسسك انها صفيحة زبالة
هي - والله اعلم - عربية تحفة وجميلة(بتكلم عن السيراتو والهيونداي ) لكن ماجربتهاش سواقة علشان احكم
بس هي عربية محترمة
وعملية
وإعتمادية ..............................

والكوري في العموم عربيات حمارة شغل
كان معايا دايو 99
العربية كانت بتتكحت تحت مني .. مشاوير وتخميس وطرق زراعي
وماقصرتش لحد مابعتها

[eldell]

لو على الشد والتزنيق
انا مايحلاش ليا الشد والتزنيق غير على بتوع الميكروباصات
التحدي الحقيقي هو ده
شد مع بتوع الميكروباصات ... مبرشمين وضايعة منهم على الاخر هتحس بالتحدي بقا
ساعتها ركبك هتخبط على الجيران ياراجل ههههههههههههههه

انا برخم عليهم بقصد
كل ماعدي من ميكروباص على الاسفلت والسواق بتاعه شكله مايعجبنيش مثلا
بعدي من جمبه بســـــرعــــــــه وانا تقريبا لازق فيه
يعني هو فجاة بيلاقي لانسر معدية صاروخ وهي لازقة فيه
بيضايقو ويتخنقوا

بس الي يحصلني .. يخبطني
ههههههههههههههههههههه

ههههههههههههههه هما باين كل بتوع ميتسوبيشى كده والا ايه يادكتور احمد جرب كده برضه تبقى تلعب مع المقطوره ركبك مش هتخبط على جيران ركبك مش هتلقيها اصلا ههههههههه


بالنسبه لصاحب الموضوع حمد لله على سلامتك اولا وثانيا انا معاااااك فى الى انت عملته فى فعلا نااااس كده تبقى ماشيه بص بيصدرولك العربيه على اساس انه متاااااكد انه استحاله هتعرف تخبطها ولو خبطها انت الى هتخسر فلازم توسعله مبدا متخلف جداااااااا وكذا مره اتحطيت فى الموقف ده بس انا خلاص بقيت بايعها اروح مقفل عليه واجبره زى ..... انه يدوس فرامل ومش اعديه وزى برضه مااالاعضاء قالولك ان بعض الناس ديه بتبقى عندها تعالى انهم اعلى منك وحجات كده ميعرفش انها عمرها ماااكانت بالعربيه بس بالسواق الى قاعد على الطاره

[Amrgamal1]

أولا.. بأحييك و بأشكرك علي مرورك و متفق معاك الموضوع مش معمول للهجوم علي أصحاب الشيروكي و لكن فيه كتير من النوعية دي بماركات مختلفة من ضمنها برضه الهيونداي

ثانيا.. الفكرة مش في نوع العربية و لا سعرها المهم مدي فهمك للقانون و أداب القيادة يعني عيب أوي واحد سايق عربية تمنها أكثر من مليون جنيه يتغابي علي واحد سايق عربية تمنها أقل من 100 ألف جنيه و في الاخر اللي سايق العربية الصغيرة يعلم عليه و يخليه يهرب من قدامه

الفكرة أني ملتزم جدا بالقواعد و كنت عاطي اشارة في ملف و شمالي مش فاضي و مايسمحش أني أغير له و هو جاي من ورايا و مصمم يعدي من يميني مع أن ده ضد قواعد التخطي اللي معظم الناس ماتعرفش عنها حاجة و فاكر انه لما يدي لك كلاكس او نور عالي لازم توسع له و خلاص أياكش أنت تولع أو تلبس في حيط علشان البيه يعدي

بجد الموضوع زاد عن حده و بالشكل ده هاتبقي حرب زي ميد تاون
لازم الناس تفهم أن القيادة

فن - ذوق - أخلاق

العفو يا باشا
وعندك حق الناس مابقاش عندها زوق في السواقه
انا اكتر حاجه بعاني منها اني لما ادي مثلا اشاره يمين الاقي كله جاي بسرعه من اليمين
وكأن الناس مش فاهمه يعني ايه واحد مدي اشاره يمين.. لدرجه لو حد جامبي بقوله طلع دراعك يمكن الحمار يفهم اني داخل يمين
وللعلم بس مافيش شيروكي بمليون جنيه .. اغلي جيب 2012 كمان ب 350 الف ومعاك من 60 الف كمان مش غاليه ولا حاجه يعني

[Samir Elshahawy]

العفو يا باشا
وعندك حق الناس مابقاش عندها زوق في السواقه
انا اكتر حاجه بعاني منها اني لما ادي مثلا اشاره يمين الاقي كله جاي بسرعه من اليمين
وكأن الناس مش فاهمه يعني ايه واحد مدي اشاره يمين.. لدرجه لو حد جامبي بقوله طلع دراعك يمكن الحمار يفهم اني داخل يمين
وللعلم بس مافيش شيروكي بمليون جنيه .. اغلي جيب 2012 كمان ب 350 الف ومعاك من 60 الف كمان مش غاليه ولا حاجه يعني

يمكن الناس فاهمة أنك لما تدي اشارة يمين بتقول لهم يتخطوك من اليمين ؟؟
ههههههههههه

بالمناسبة مرة سواق ميكروباص بأقول له مش شايف الأشارة ؟
رد عليا و قال لي عادي عندي أثنين زيها

[تامر.محمد]

كل العربيات بتتهاجم

دي الخلاصة يا م سمير