بداية الثورة ضد غبور (موضوع للشكاوي ضد التوكيل)

[Samir Elshahawy]

الاخوة الكرام / نجوم هيونداي

بعد التحية ...

تعددت شكاوي الأعضاء من الوكيل و خاصة في الفترة الاخيرة خاصة فيما يتعلق بأمور الصيانة الدورية و اسعارها و تعديل السيارات

لذا فقد قررنا و بناء علي طلب من بعض الاعضاء اتخاذ الخطوات التالية :

1- عمل موضوع لتجميع أسماء من له شكوي ضد التوكيل
2- يقوم "هيونداي تيم" بكتابة الشكوي بشكل قانوني و جمع توقيعات الاعضاء الذين سجلوا أسمائهم بتلك الشكوي
3- يتولي "هيونداي تيم" طلب عمل لقاء مع الوكيل و رفع تلك الشكوي الجماعية اليه
4- في حالة رفض الوكيل للأستجابة الي مطالبنا يتم رفع الشكوي الي الشركة الأم مع توجيه أنذار اليها و الي الوكيل باللجوء لتدشين حملة لمقاطعة الوكيل و سيارات هيونداي

.................................................. ......................

لذا نرجو من السادة الاعضاء ممن لديهم شكوي كتابة شكواهم في هذا الموضوع مع البيانات التالية :

- الاسم :
- نوع السيارة :
- سنة الصنع :
- الكيلومتر :

كما نرجو كتابة الشكوي بأسلوب لائق و بدون تجاوز أو أستخدام ألفاظ خارجة حتي لاتسقط حقك و يتم حذف المشاركة , كما نرجو أيضا عدم رد باقي الأعضاء علي شكوي العضو فالموضوع للشكاوي و تسجيل أسماء من له شكوي من مالكي سيارات هيونداي

[mahmoud_afifi]

اشكرك على سرعة استجابتك وان شاء الله الموضوع المره دي يكمل على خير.


- الاسم : محمود عفيفي
- نوع السيارة : هيونداي النترا
- سنة الصنع :2010
- الكيلومتر : 78,000 km

شكوتي على كذا حاجه. اول حاجه الكاسيت الاصلي باظ من اول 1000 كيلو بعد ما عملت عندهم الصيانه. بس ماكنتش اعرف موضوع انه يتغير في الضمان.
تاني حاجه, صيانة ال30 الف ماتعملش حاجه في العربيه .
تالت حاجه, قلة عدد مراكز الخدمه بتاعت غبور.
رابع حاجه, الاسعار المبالغ فيها للصيانات وقطع الغيار الاصليه.
خامس حاجه, الاكسسوارات الي بتطلع العربيه من الضمان. غير سعرها الغالي جدا جدا جدا في التوكيل زي اسعار الجنوط مثلا.
سادس حاجه, الخداع في عمل الدعايه عن الضمان, وهو ان العربيه 60 الف مش 100 الف زي مابيقولوا.
سابع حاجه, العربيه عندي ظهر فيها عيب صناعه في الدهان ومش عارف اروح اقولهم عليه ولا بلاش اوجع دماغي لأني عارف انهم هينكروا الموضوع.
تامن حاجه, العربيات الي بتنزل من غير وسائل امان وبنفس سعر مثيلاتها الي فيها وسائل امان في الخارج.

[Mohab555]

- الاسم : مهاب النحاس
- نوع السيارة : هيونداي جيتز
- سنة الصنع :2010
- الكيلومتر : 49,000 km

الشكوى الاولى : الكاست بايظ و مش بيقرأ اى حاجة و رحت كذا مرة من اول صيانة الالف و مرضوش يغيروه بحجه ان المشكلة فى الاسطوانات بتعتى .

تاني شكوى : صيانة ال 40000 الف اكتشفت انهم مغيورش ميه التبريد ولا عملوا حاجة و العربية كانت الانذار بايظ و متصلحش وقالولى وحده الانذار مش لاقينها فى العربية !! اختفت

تالت شكوى : بطىء شديد فى الصيانات مع عدم الاهتمام بالعميل فى المقام الاول الاهم عندهم انه يمشى من المركز وخلاص و سوء التعامل وكأن العميل واخد العربية منهم ببلاش .

رابع شكوى: اسعار قطع الغيار الهلاميه الى بتعقد العميل من العربية

خامس شكوى : بأى قانون تطلع العربية من الضمان علشان ركبت اكسسوار مش مضر والتوكيل شايله علشان اساباب اقتصاديه بحته مش اسباب فنيه .. لو غيرت الكلاكس العربية تخرج من الضمان !!! وهو اوحش كلاكس ظهر يوما فى عربية

سادس شكوى :الخداع مع العميل فى الضمان وهو ان العربيه 60 الف مش 100 الف زي مابيقولوا ومش تلات سنين لا 2 بس !!

سابع شكوى: سيارات بتنزل بدون ادنى وسائل امان وبنفس سعر مثيلاتها فى البلاد الاوروبيه والى فيها الامان اهم شىء فى السيارة ... وايضا الاسترخاص و ازاله انظمه الفرامل المتطورة الى بتنزل فى نفس السيارات بره ( الديسكات ) وابدالها بانظمة قديمه لاتحتاج لصيانة كبيرة ولاكن زو اداء منخفض ( الطبالى ) وده بيظهر جدا فى الالنترا ال 2012 و الاكسنت RB واضح وده عمرها ماتنزل برده بالمواصفات دى..

[حماده المصري]

خطوه ايجابيه الله ينور عليكم

[م.محمد علاء]

- الاسم : محمد علاء
- نوع السيارة : هيونداي I 10
- سنة الصنع :2012
- الكيلومتر : 600 km
شكوتي ان العربيه جديده وعايز اركب انذار ..جوه التوكيل..
رافضين و بيقولوا انه يخرج العربيه بره الضمان.
يعني لا جوه نافع ولا بره نافع!!

[Kefo_Honda]

ربنا ينصركم عليهم باذن الله

[heart_sugar]

- الاسم : عماد صبيح مصطفى
- نوع السيارة : هيونداي accent rb
- سنة الصنع :2012
- الكيلومتر : 4500 km
شكوتي ان العربية بعد صيانه الاف بقت كل ممشي بيها 600 الي 700 كيلو بروح التوكيل لاني بسمع صوت طقه كل ملف الدركسيون يمين او شمال ورجعت التوكيل 8 مرات من بعد الصيانه حتى الان وكل مره ادخل يقولو بسيطه وحتنحل واخر مره
مره مسمار في الكبالن مش موجود ومره المسمار فك وكل مره بسمع حاجة ومش عارف احل الموضوع وهما مش لاقين حل
ثاني شئ حاولت اركب وحده رفع او فوانيش شبوره وبيرفضوا لانها حتخرج من الضمان
ثالث سبب بروح التوكيل اقعدل 5 سعات الي 6 سعات

[Screenplays]

قولوا "خلي عند اهلك ضمير في التقفيل و كفايه سرقه بقي"

[BESO516]

والله خطوه جميله ربنا يوفقكم
انا والله بعت عربيتى الفيرنا بسبب غبوور ربنا ياخد امثاله

[me_medoo]

الاسم محمد الرفاعي
النوع هونداي rb
سنة الصنع ٢٠١٢
الشكوى المبدئية هيا حكاية كلكس العربية لايتناسب مع الشارع المصري ولا اعتقد ان لو غيرتو. هيئثر على العربية. انا غيرتو قبل كده في الماتريكس ٢٠٠٦ بعد ما اكتشفت ان ضمنها هو عبارة عن دحك على الدقون ، ثانياً ازاي التوكيل لو ركبلي لمبات شبورة. يخرج عربيتو من الضمان ازاااااي نفسي افهم حتى لو ركبتها في توكيل غبور لمباة الشبورة يقلي انتا بره الضمان دي الي مش قادر افهمها
بالاضافة لعدم الاهتمام بالعميل نهائي بالمقارنة بتوكيلات اخرى

[sayedmagic]

ربنامعاكوا

[AshTurbo]

sorry i don't have an arabic keyboard right now but i will fix this ASAP please i have a request for ppl who want to participate :


Please notify that this thread is only for complaints about specified problems just write your car information and the problem u have faced with the agency so we can know the number of participants easily ... best regard


Name : Ashraf Nabil

Car Model : Hyundai Elantra 2012

Km : 8000

[AshTurbo]

الأسم : أشرف نبيل

السيارة : هيونداي ألنترا

الموديل 2012

المشاكل : الشكاوي بخصوص فرع التوكيل في الأسكندرية .

1- سوء المعاملة ( تأخر في الوقت - أهمال في التعامل مع العميل - أهمال في التعامل مع السيارة ) .

2- الناحية الفنية : المتعاملون مع السيارة من لحظة تسلمها حتى لحظة تسليمها مروراً بالمهندسين على غير دراية كافية بالسيارة حتى فيما يتعلق بالمعلومات الأساسية والجوهرية عن السيارة .

3- خدمات الصيانة السهلة واللي ممكن عملها خارج التوكيل بربع التمن كتغيير الزيت على سبيل المثال أو تربيط العفشة تتم على أكبر قدر ممكن من الأهمال وعدم الأحترافية مع دفع مبالغ كبيرة بلا طائل .

4- أماكن الأستراحة سيئة وغير ملائمة بالمرة ( كراسي مهترئة - مكان ضيق - حمامات سيئة )


ياريت نطالب الشركة الأم تبعت متخصصين يشرفوا على مراكز التوكيل أو حتى يبقى في تفتيش دوري لكن يسيبوا الحكاية سبهلله كدة يبقى أحنا كمان نسيب عربياتنا ونبيعها ومنركبش هيونداي تاني .

[momo2011]

- الاسم : عماد صبيح مصطفى
- نوع السيارة : هيونداي accent rb
- سنة الصنع :2012
- الكيلومتر : 4500 km
شكوتي ان العربية بعد صيانه الاف بقت كل ممشي بيها 600 الي 700 كيلو بروح التوكيل لاني بسمع صوت طقه كل ملف الدركسيون يمين او شمال ورجعت التوكيل 8 مرات من بعد الصيانه حتى الان وكل مره ادخل يقولو بسيطه وحتنحل واخر مره
مره مسمار في الكبالن مش موجود ومره المسمار فك وكل مره بسمع حاجة ومش عارف احل الموضوع وهما مش لاقين حل
ثاني شئ حاولت اركب وحده رفع او فوانيش شبوره وبيرفضوا لانها حتخرج من الضمان

ثالث سبب بروح التوكيل اقعدل 5 سعات الي 6 سعات

حضرت ممكن لما تعمل صيانة اللي جاية تعملها في مودرن سيرفس ف مصر الجديدة و تقولهم علي المشكلة و ان شاء الله تتحل

[Samir Elshahawy]

الي الان الشكاوي تنحصر في :
1- عدم حل المشاكل التي يتم الابلاغ عنها
2- عدم أحساس الأعضاء بالاهتمام
3- عدم قبول أضافة اي تعديلات للسيارات حتي و أن كانت اصلية و التهديد بالخروج من الضمان

بالنسبة للبندين 1 و 2 ممكن نتكلم فيهم مع الوكيل
بالنسبة للبند رقم 3 ممكن نسأل باقي الاقسام هل توكيلاتهم كده و لا مسموح بأضافة التعديلات

علي ما أذكر توكيل هوندا عندما سألتهم عن اضافة تعديلات للسيتي لرفعها كي تصبح كالهاي لاين أجابوا بالقبول و بعدم الخروج من الضمان ياريت بس نتأكد من باقي التوكيلات