تسارع فيلوستر تربو اوتوماتيك 0 - 100 فى 7 ثوانى

[SAMEH_FOUAD]

تاني يا سمسم :)
80% من مبيعات سيارات الفئة دي (100 الى 140 الف) بتبقى بالتقسيط . و دي تقريبا اكثر فئة مبيعا في مصر... ليه ؟

سيارة من 100 الف الى 140 الف ... مقدمها بيبدأ من 25 الى 50 الف جنيه و ده غالبا بيبقى ثمن عربيتك القديمة الي انت بعتها وعايز تشتري جديد .

الفئة دي من الناس حنقول متوسط مرتبها 3500 جنيه .

متوسط القسط بتاعة الفئة دي من 1500 الى 2000 جنيه في الشهر على حسب عدد السنين (3 - 6 سنين)

فبالتالي واحد معاه نقول 40 الف جنيه مقدم و مستعد يدفع 1700 جنيه قسط.
حتلاقيه اتحشر في خانة 115 الى 135 الف على حسب البنك و نسبة القرض .

بالتالي المستعمل اتلغى لواحد زي ده فمش حيفكر في مستعمل.
و مبدأك بتاع زود 25 الف ولا 35 الف وخد ليون ولا مش عارف ايه برده مش نافع نهائي .. ده الالف جنيه زيادة او اقل بتفرق مع الراجل ..

اومال انت ليه فكرك لما غبور عمل عرض على الانترا بقت ب 123 بدل 126 .. عايز اقولك انا عديت على مندوب المبيعات الي باعلي العربية اسلم عليه .. والله ماكان عارف يقعد معايا 5 دقائق من كم الحجوزات !!

على فكرة المثال الي بضربهولك فوق ده قريب مني جدا .. المهم ياسيدي .. اضف الى الفلوس دي التامين الاجباري بتاع 3-4 الاف جنيه كمان و نقول 1000 جنيه تراخيص و حلاوات ..

يبقى انت بتتكلم في 40 الف مقدم + 6000 عك و تامين و ترخيص و خلافه
وقسط 1700 جنيه يقسموا الظهر (نصف المرتب) لمدة لا تقل عن 5 سنين كل ده من اجل التمتع بسيارة.

هل بقى تتوقع الشخص ده ... حيكون عايز ايه من عربية ب 135 الف ؟ ( وهي على فكرة واقفة عليه ب 180 مثلا بعد القسط)

بمنتهى البساطة عايز فئة متوسطة (compact) عايزها 1600 و عايزها اوتوماتيك و واسعة و مش عايز يدفع صيانة ولا قطع غيار كتير لانه ببساطة جدا معووش الهواء ... يادوبك بنزين العربية و شكرا ! وفي نفس الوقت في قرارة نفسه عايز يجيب حاجة شكلها حلو علشان برستيجه قدام الناس انه جاب عربية و كدة .. و مينفعش تيبقى هاتشباك اوروبي علشان تكفي العيلين الي لسة مولودين وبعدين انت في مصر عارف .. الهاتشباك دي قلة ... السيدان = احترام d:

ومفيش شركة بتحقق المعادلة دي للاسف غير كيا - هيونداي حاليا !

فلا حيبص لمواصفات امان ولا خلافه .. اهم حاجة الدلع ! شكل بقى و كاسيت و مالتي فنكشن و فوج لايت ! شكرا !! هو ده الي هو عايزه !
ولو عايز امان ياعم .. عندك السيراتو و السول ... بال abs وال ِairbags و عندك الكارينز !

ده بقى شخص مسؤول من عائلة .. مش حيفرق معاه بقى ان حضرتك قطعته بالمكنة ال sir ولا ان حضرتك طرت من جنب في مطب هواء و هو اضظر يهدي علشان عربيته مش ثابتة زيك !

العربية بالنسبة له "اداة" او "وسيلة" للنقل ... مش هواية !!
وفي نفس الوقت بعد 5-6 سنين مالقسط يخلص ... حيبيعها ... المرة دي حتجيبله اعلى شوية .. يعني نقول 70 - 80 الف .. .

فحيعرف يخش في الاوروبي شوية لو الاسعار فضلت معقولة ..

علشان كدة حتلاقي ناس كتير و معانا في المنتدى هنا ... ابتدوا مثلا ب 127 و ربنا وفقهم لحد الاوكتافيا !

او ابتدى بفرنا ... و بعدين وصل ل فلوانس ...

الفكرة بقى ان "النقلة" دي او الفئة دي .. هي مبيعات غبور و كيا :)

ياريت تكون فهمتني !

كلامك كلة تحليلى ومنطقى مع انى متحفظ على بعض الجمل اللى وجهتها ليا بطريقة غير مباشرة بس مشكلة هعديها

وياباشا انا فاهم كل اللى بتقولة دة بس انت كدة ذكرت فئة معينة وهية الناس اللى بتجيب العربية تقسيط وعلى فكرة انا كنت واحد منهم وكنت هجيب النترا تقسيط بس ركبتها مارضيتش وركبت الهوندا سحرتنى الصراحة لان دية متطلباتى فى العربية فحسمت الموضوع وكان قدامى سيفيك 2005 وسيتى 2006 كاملة 1500 ومارضيتش بيهم مع انهم هوندا بردة بس دية كانت متطلباتى

وبعدين طالما الامثلة اللى انت جيبتها فوق دية جايبة العربية عشان ( بريستيج وتريحهم وشكل واوبشن ) بشوف لية ناس كتير بتجرى بيها وتعمل غرز وبتشد مع بعض وفاكراها عربية سباق وهما عارفين ان ثباتها قليل وخفيفة

فمعلش المنطق مش كدة خالص كل واحد بيجيب عربية بيبقى نفسة يجرى ويروح ويجى ويسبق دة ويظبط دة ودة اللى بشوفة اذن عندة ميول للحاجات دية كأى شاب فى الدنيا يبقى بردة لازم يحسم الاختيار من الاول صح انة يجيب عربية ترضية

عموما المشكلة انها مش هتبقى موحدة لكل الناس يعنى فية ناس بتشترى العربية :

1- لانها وسيلة مواصلات وعمرهم ماهيفكروا يجيبوا بيها 120 الا فى طريق سفر ( دة اللى ينطبق عليهم كلامك )
2- لان الميزانية مافيش حاجة قدامهم غيرها ومطرين يجيبوها خوفا من المستعمل ومشاكلة , مع ان الجديد بردة فية مشاكل
3- ناس بتفكر صح وبتحاول توازن مابين متطلباتها ومابين فلوسها ودة بيجيب عربية كسر زيرو وفى نفس الوقت تقسيط وموجودة كتير

4- ناس بتجيب عربيات غالية فى مقابل انها ماتتنازلش عن مواصفات الامان ولا الثبات او المحركات لانهم من الاخر عايزين دة وماينفعوش يركبوا عربية من غير الاساسيات دية وممكن يدفع ويزنق على نفسة بس هيكون مقتنع تماما ان دفع فلوس فى عربية فعلا

بس فى النهاية انا مقتنع بكلامك ووجهة نظرك

[minicooper20]

ياباشا رأيك على راسى ويحترم طبعا بس مش للدرجه دى

لما نفك البرافو بكل دول , امال نفك الجولف والاسترا والفوكس بإيه بشركة هيونداى وكيا مع بعض :)

وعلى فكره انا مش عاجبانى الفيلوستر يعنى هى مش احسن حاجه ال i30 افضل كتير فى نظرى وياسلام لو تتربن هى كمان , بس مبحبش النقد المستمر على اى حاجه كورى لازم تبقى وحشه وتعبانه وخلاص

يا كبير و الله منقد و خلاص قد ماهو نحط الصوره فى بروازها يعنى تلاقيه راكب فرنا و يقولك اصلى علمت على جولف امبارح هههههههههههههه
اقولو افتحلى الكابوت
يفتحو اروح مطبطب على الماتور و اقولو امشى يا حفريت امشى يا حفريت
ياد يا ايمن هى فين توربينه التربو
فاهمنى يا حسام بيه ولا ايه

الاسترا تربو 180 حصان تسارعها 9 ثوانى فى فرق ثانيتين لصالح الفيلوستر

والفتيس اللى عايز تغيره فى الاسترا هو هو اللى فى الفيلوستر اوتوماتيك عادى يعنى فى تكافئ

الميجان التربو الجديده 2000 سى سى تمنها نص مليون يعنى بره الموضوع :)

طيب تراهنى اعلم على الفلويستر التربو باسترا بتلين و فكك من كلام الورق
احنا لينا الشارع يا حسام بيه اسالنى انا عن تسارع الامانى لما يكون بتربو و لما يكون كورى بتربو دول لسه سنه اولى تربو يا كبير
لاكن عمتن ادسنى مستنيها تنزل مصر
اما الميجان فا دى حواااااااااااار

تاني يا سمسم :)
80% من مبيعات سيارات الفئة دي (100 الى 140 الف) بتبقى بالتقسيط . و دي تقريبا اكثر فئة مبيعا في مصر... ليه ؟

سيارة من 100 الف الى 140 الف ... مقدمها بيبدأ من 25 الى 50 الف جنيه و ده غالبا بيبقى ثمن عربيتك القديمة الي انت بعتها وعايز تشتري جديد .

الفئة دي من الناس حنقول متوسط مرتبها 3500 جنيه .

متوسط القسط بتاعة الفئة دي من 1500 الى 2000 جنيه في الشهر على حسب عدد السنين (3 - 6 سنين)

فبالتالي واحد معاه نقول 40 الف جنيه مقدم و مستعد يدفع 1700 جنيه قسط.
حتلاقيه اتحشر في خانة 115 الى 135 الف على حسب البنك و نسبة القرض .

بالتالي المستعمل اتلغى لواحد زي ده فمش حيفكر في مستعمل.
و مبدأك بتاع زود 25 الف ولا 35 الف وخد ليون ولا مش عارف ايه برده مش نافع نهائي .. ده الالف جنيه زيادة او اقل بتفرق مع الراجل ..

اومال انت ليه فكرك لما غبور عمل عرض على الانترا بقت ب 123 بدل 126 .. عايز اقولك انا عديت على مندوب المبيعات الي باعلي العربية اسلم عليه .. والله ماكان عارف يقعد معايا 5 دقائق من كم الحجوزات !!

على فكرة المثال الي بضربهولك فوق ده قريب مني جدا .. المهم ياسيدي .. اضف الى الفلوس دي التامين الاجباري بتاع 3-4 الاف جنيه كمان و نقول 1000 جنيه تراخيص و حلاوات ..

يبقى انت بتتكلم في 40 الف مقدم + 6000 عك و تامين و ترخيص و خلافه
وقسط 1700 جنيه يقسموا الظهر (نصف المرتب) لمدة لا تقل عن 5 سنين كل ده من اجل التمتع بسيارة.

هل بقى تتوقع الشخص ده ... حيكون عايز ايه من عربية ب 135 الف ؟ ( وهي على فكرة واقفة عليه ب 180 مثلا بعد القسط)

بمنتهى البساطة عايز فئة متوسطة (compact) عايزها 1600 و عايزها اوتوماتيك و واسعة و مش عايز يدفع صيانة ولا قطع غيار كتير لانه ببساطة جدا معووش الهواء ... يادوبك بنزين العربية و شكرا ! وفي نفس الوقت في قرارة نفسه عايز يجيب حاجة شكلها حلو علشان برستيجه قدام الناس انه جاب عربية و كدة .. و مينفعش تيبقى هاتشباك اوروبي علشان تكفي العيلين الي لسة مولودين وبعدين انت في مصر عارف .. الهاتشباك دي قلة ... السيدان = احترام d:

ومفيش شركة بتحقق المعادلة دي للاسف غير كيا - هيونداي حاليا !

فلا حيبص لمواصفات امان ولا خلافه .. اهم حاجة الدلع ! شكل بقى و كاسيت و مالتي فنكشن و فوج لايت ! شكرا !! هو ده الي هو عايزه !
ولو عايز امان ياعم .. عندك السيراتو و السول ... بال abs وال ِairbags و عندك الكارينز !

ده بقى شخص مسؤول من عائلة .. مش حيفرق معاه بقى ان حضرتك قطعته بالمكنة ال sir ولا ان حضرتك طرت من جنب في مطب هواء و هو اضظر يهدي علشان عربيته مش ثابتة زيك !

العربية بالنسبة له "اداة" او "وسيلة" للنقل ... مش هواية !!
وفي نفس الوقت بعد 5-6 سنين مالقسط يخلص ... حيبيعها ... المرة دي حتجيبله اعلى شوية .. يعني نقول 70 - 80 الف .. .

فحيعرف يخش في الاوروبي شوية لو الاسعار فضلت معقولة ..

علشان كدة حتلاقي ناس كتير و معانا في المنتدى هنا ... ابتدوا مثلا ب 127 و ربنا وفقهم لحد الاوكتافيا !

او ابتدى بفرنا ... و بعدين وصل ل فلوانس ...

الفكرة بقى ان "النقلة" دي او الفئة دي .. هي مبيعات غبور و كيا :)

ياريت تكون فهمتني !

انات كده جبت الزاتونه شابووووووووووووو

مبدئيا: أنا مقتنع بجزء كبير من كلام كريم كريبتو فـ مبدأ شراء العربية (فـ مصر)، بصرف النظر عن اختلافنا عـ العربية نفسها.


ولو جريت جنبها الفتيس الأوتو اللى فيها (رغم اقتناعنا انه مش بتاع جرى), هتزعلها برضه..



أيوه، بس الفوليستار لو طلعت من 0-100.. الأسترا (بالفتيس التعبان) هتجيبها من قفاها عند الـ120، وهتعديها عند الـ160...
وبعدين كوبر هيبص فـ مراية الصالون على الضفدعة الكورى وهو بيقفل الأمبير أو كاسر الـ240 (زى اختها الـinsignia ما بتعمل رغم انها أثقل).. هههههههههههههه

يبقى كوبر فـ الآخر زعل الفوليستار الفضائية، وهو بيجرى جنبها بأسترا تربو زى ماقال..!!
ههههههههههههههههههههههههههه
حبيب قلبى و نعمه و ابص فى مرايه الصالون ليه يا عمنا هو هيبان اصلن
@ hosam_optrawy
أنا شايفك شلت الضفدعة من صورة توقيعك (وحطيت صرصار)، أتمنى مايكونش إنتقادى ليها أثر على حماسك للعربية؟؟!!! ههههههههههههههههه

هزارك تقيل يا عم بس عم حسام من الناس التتناقش معهم و انتا فرحان

[CryptonX]

كلامك كلة تحليلى ومنطقى مع انى متحفظ على بعض الجمل اللى وجهتها ليا بطريقة غير مباشرة بس مشكلة هعديها

لا والله انا مش منهم يا سمسم , ان مش بتاع تحديف كلام انا بتكلم بجد ولو في حاجة في كلامي ضايقتك حقك عليا يا باشا انا والله بتناقش بس مش بتريق :)

بالنسبة للناس الي بتجري .. ماهو انا قلتلك 80% من الناس ..

ال 80% دي ادمغة ... انا بحب اجري مثلا .. بس امكانياتي مسمحتليش اجيب عربية جراية و ثابتة .. حعمل ايه ؟ حمشي جنب الحيط ؟ :)

اكيد لآ .. ححاول اجري على ادي .. يعني انا مثلا مش حريف سواقة .. بس بحب اجري .. لما بشوف عربية مماثلة ليا في القوة و الحجم و بيجري بطريقة "ودية" ممكن اجري معاه .. بس عمرك مثلا محتلاقيني خادت غرزة قطم ... او علشان اسبق الي بجري معاه اكسر على ناس و غيره ... لا ... دنا ركبت مع احمد عماد (معانا في المنتدى) كان معاه sir على فكرة .. كنت حقعد في الدواسة من كتر الي عمله فيا !

ده انا .. في واحد تاني مش فاهم كدة ,,.. قدامي و بعربيتي القديمة حتى الباليو ... كنت على طريق السخنة .. والعربية 1200 سي سي يعني مش حاجة .. ولقيت واحد ب116 طاير جاي جنبي ..
سخنت وجريت معاه والله لحد 170 (اخر العربية) ... , هوب ... لقيلتك طريق السخنة خلص و في مطب كدة في الاخر .... انا فرملت و هو فرمل ... هو وقف قبل المطب ... انا عديته و لبست المطب و طيرت و نزلت .. وهو طبعا فطسان من الضحك (بس انا كسبت lol)

فهي بتبقى عقليات ... انت مثلا عارف انت عايز ايه من العربية ... فلما سوقت الالنترا معجبتكش ...انا بالنسبة لي لما سقت اللانترا و قارنتها باكتر حاجة سوقتها في حياتي (الكورولا ال 94 بتاعة ابويا و عربيتي الباليو) كانت عاملة زي المرسيدس لل 128 ! في كل حاجة ! فاتلكت على الله.

ومن دولقتي بقولك ... كمان 5-6 سنين .. سيارتي القادمة مش كورية ولا يابانية ان شاء الله :)
بس مد لحافك على اد رجليك لحد ماربنا يفكها علينا من الجمارك :)

و تقبل تحياتي .

[Hosam_Optrawy]

أيوه، بس الفوليستار لو طلعت من 0-100.. الأسترا (بالفتيس التعبان) هتجيبها من قفاها عند الـ120، وهتعديها عند الـ160...
وبعدين كوبر هيبص فـ مراية الصالون على الضفدعة الكورى وهو بيقفل الأمبير أو كاسر الـ240 (زى اختها الـinsignia ما بتعمل رغم انها أثقل).. هههههههههههههه

يبقى كوبر فـ الآخر زعل الفوليستار الفضائية، وهو بيجرى جنبها بأسترا تربو زى ماقال..!!

وانت عرفت منين انت شوفت تسارع الفيلوستر 0 - 200 ؟ ولا هو عشان كورى وخلاص :)

@ hosam_optrawy
أنا شايفك شلت الضفدعة من صورة توقيعك (وحطيت صرصار)، أتمنى مايكونش إنتقادى ليها أثر على حماسك للعربية؟؟!!! ههههههههههههههههه

لا يامعلم قول براحتك ضفدعه وصرصار والمستنقع كله , والموضوع مش حماس ولا حاجه بس انا اول مره اعرف ان الاوروبيين والايطاليين تحديدا بيركبوا صراصير اكتر من عربيات خارقه تانيه زى البرافو مثلا

[Hosam_Optrawy]

يا كبير و الله منقد و خلاص قد ماهو نحط الصوره فى بروازها يعنى تلاقيه راكب فرنا و يقولك اصلى علمت على جولف امبارح هههههههههههههه
اقولو افتحلى الكابوت
يفتحو اروح مطبطب على الماتور و اقولو امشى يا حفريت امشى يا حفريت
ياد يا ايمن هى فين توربينه التربو
فاهمنى يا حسام بيه ولا ايه

فاهمك بس الفيلوستر مش فيرنا وكمان تربو فالمفروض مانحكمش عليها قبل ماتتجرب او تشوفلها ريفيوهات وفيديوهات تسارع وبعدين نحكم

طيب تراهنى اعلم على الفلويستر التربو باسترا بتلين و فكك من كلام الورق
احنا لينا الشارع يا حسام بيه اسالنى انا عن تسارع الامانى لما يكون بتربو و لما يكون كورى بتربو دول لسه سنه اولى تربو يا كبير
لاكن عمتن ادسنى مستنيها تنزل مصر

من غير رهان ماحنا قولنا هانستنى :) ضامن النتيجه ازاى وانت مشوفتش جرى الفيلوستر

وعلى فكره مش شرط عشان سنه اولى تربو يبقى تعبان لان التربو مش حاجه جديده لسه بتتجرب دا بقاله سنين واكيد الموضوع متجرب ومدروس قبل ما ينزل فى العربيه مش هايجربوا فى الزباين

[Formulator]

طيب تراهنى اعلم على الفلويستر التربو باسترا بتلين و فكك من كلام الورق
احنا لينا الشارع يا حسام بيه اسالنى انا عن تسارع الامانى لما يكون بتربو و لما يكون كورى بتربو دول لسه سنه اولى تربو يا كبير

ماهو ده اللى بنتكلم فيه ياكوبر، مش عايزين يقتنعوا ان الكورى بتاع الـOn-Paper.. إنما On the Street فيه كلام تانى،
العربيات الجراية مش بالأرقام اللى عـ الورق.

هزارك تقيل يا عم بس عم حسام من الناس التتناقش معهم و انتا فرحان

أنا كـ formulator، باستمتع جدا بالنقاش (أو الغلاسة) على حسام_كروزاوى.

ده انا .. في واحد تاني مش فاهم كدة ,,.. قدامي و بعربيتي القديمة حتى الباليو ... كنت على طريق السخنة .. والعربية 1200 سي سي يعني مش حاجة .. ولقيت واحد ب116 طاير جاي جنبي ..
سخنت وجريت معاه والله لحد 170 (اخر العربية)

لا مؤاخذة يا كريبتو، 1242cc SuperFIRE مش 1200cc.. ههههههههههههه
وحلو جدا ان آخرها 170.. المهم قبل الـ170 بتعمل أيه؟؟!!!

وانت عرفت منين انت شوفت تسارع الفيلوستر 0 - 200 ؟ ولا هو عشان كورى وخلاص :)

لأ شوفت فلوسه،
خد عندك من WhatCar آخر حاجة من يومين-3:

Flexibility is far more impressive. Hyundai has engineered a version of the engine especially for Europe, which offers more low-down torque; US cars will be slower to 62mph, but will have a slightly higher top speed.

والـSpecs بتتكلم فـ توب-سبيد 208 كم/س، إنما الأسترا تربو 220 كم/س.. (بصرف النظر ان العربيتين بيوصولوا لسرعات أعلى من الـacclaimed).

فيه حاجة انت مش واخد بالك منها ياحسام، فـ الـState-of-Tune بتاع الموتور عموما.. وفـ مواتير التربو تحديدا..
قالك: فـ النسخة الأوروبى زود فـ الـLow-End Torque على حساب الهورسباور.. عشان يحقق رقم الـacceleration الـ8.4 ثانية (اللى هو أصلا تعبان ).
فـ كانت النتيجة ان التوب سبيد قلت..
أيه ياعم مالعبتش NFS وغيرت الـSetting بتاع العربية: الـAcceleration vs. Top-Speed؟؟!!!

أقولك حاجة كمان بالنسبة للأسترا تربو: آه الـSpecs بتاع منصور بتقول 9.0/9.1 زمن التسارع من 0-100،
لكن فـ أى حته تانى الأسترا تربو (أوبل/فوكسهول، US/Euro) بيقول 8.3/8.5 ثانية؟!! الحقيقة أنا معرفش اذا كانت النسخة بتاع مصر De-Tuned ولا لأ؟؟!!!

فاهمك بس الفيلوستر مش فيرنا وكمان تربو فالمفروض مانحكمش عليها قبل ماتتجرب او تشوفلها ريفيوهات وفيديوهات تسارع وبعدين نحكم

من غير رهان ماحنا قولنا هانستنى :) ضامن النتيجه ازاى وانت مشوفتش جرى الفيلوستر

وعلى فكره مش شرط عشان سنه اولى تربو يبقى تعبان لان التربو مش حاجه جديده لسه بتتجرب دا بقاله سنين واكيد الموضوع متجرب ومدروس قبل ما ينزل فى العربيه مش هايجربوا فى الزباين

لا لأ حاسب يامعلم..
الـTurbocharging ده ليلة تانى خااااااااالص فـ الـTune والـSetting بتاع العربية، كفاية الصعوبة بتاع ضبطة الجيربوكس اللى هونضاى مش عارفة تعملها؟؟!!!
هأسألك سؤال واحد فقط، وأتمنى إجابة مقنعة منك:

- لما هيونداى عدلت فـ الـTorque/Horsepower Curve بتاع النسخة الأوروبى.. تفتكر انهم عدلوا فـ الـGear-Ratios (عن النسخة الأمريكانى)؟؟؟!!
دور وقوللى.
عشان تتناسب مع منحنى العزم الجديد، ومايبقاش فيه مناطق Torque-Dip (اللى أصبحت مميزة لمواتير-جيربوكسات الهيونداى-كيا).. التسارع بيقع منك فـ كذا رينج فوق وتحت؟؟!!!

أنا مع الرأى انهم لسه فـ سنة أولى تربوتشارج،
وبرضه احنا لسه ماتكلمناش عن باقى التغييرات فـ العربية (بعد ماتربنت)، عفشة وفرامل وهاندلينج ووو...etc.
هل هتبقى على مستوى قوة الموتور، ولا أقل.. وده مش جديد على هيونداى (زى ما التجربة فـ الزباين مش جديد عليهم برضه). هههههههههههههههه

اتفضل ياباشا الريفيو بتاع WhatCar:

2012 Hyundai Veloster Turbo review - Car and Car-Buying News - What Car?

قالك:
- الموتور محتاج يتضبط فـ الـPower-Delivery، عايز Refinement؟؟ والـExhaust صوته وحش (مش "Not Sporty" بس).
- الجيربوكس بينط فـ النقلات، Snappy
- الدركسيون مش بس مفيهوش أى Feeling، لأ.. دا كمان مابيقولكش العجلتين اللى قدام فين؟؟ يعنى مفيش Road-Feedback
(ودى حته صعبة بصراحة على شركات أكثر تقدما من هيونداى).

- وأجمد حاجة بقى: قابل الـTorsion-Beam يامعلم، قالك الظهر بينط (مش بيلعب) لأ, دا العجلتين اللى ورا بيعوموا مع نفسهم فـ الملفات..؟؟!!!
(ودى فـ مصر هتبقى مسخرة، عشان عندنا مطبات هواء وفواصل كبارى)؟؟!! هههههههههههههه

وفـ الآخر قال ان هيونداى فشلت انها تعلى بـ "السواقة" فـ نسخة التربو عن العادية الـGDi (اللى واخدة ريفيو زى الذفت بالمناسبة)..!! disappointing

هو ده اللى بنتكلم فيه يا كريبتون انت وحسام، قولتولنا عربيات الهونضاى مش مطلوب منها أداء رياضى.. طب ولما يعملوا عربية "المفروض" ان أداؤها كده،
يفشلوا ليه؟؟؟!!
الإجابة: مالهمش فيها.. العربيات السبور، الـHot-Hatch أو عربيات الجرى.. كله واحد، وكله هيونداى مابتعرفش..
يفتقدوا مش بس للتكنولوجيا، لأ والخبرة والـPassion كمان.

[mody3on]

انا عاوز اعرف حاجة بس , ما دام هيونداي شركة تعبانة وشركة لادا ونصر للسيارات احسن منها , عاملة المبيعات دي ازاي ؟ وكل المواقع بتشيد بيها ليه ؟
ومش كان وات كار وحش عشان ادى البرافو نجمتين ؟
وكمان مقرتش في الريفيو بتاع الفيلوستر انها لسه نسخة pre-production ؟
طب بالنسبة للجيربوكس اللي بينط في النقلات , مش الكلام ده واوحش منه موجود على ال DSG والباور شيفت ؟ , لو كان بتاع هيونداي بينط يبقى ال DSG بيتنطط يا جدع !!
وات كار برضه مدي اوبل INSIGNIA و Mini Countryman و Peugeot 4007 نجمتين برضه
وفي الاخر تقولي اتكلم بموضوعية

[mody3on]

اه كمان بما ان وات كار تعبان
توب جير مدي البرافو 6 من 10
ومدي منافسها المباشر "هونضاي" i30 التعبانة اللي مبتعرفش تعمل حاجة 7 من 10
LOLOLOLOLOL
حتى انت يا جيمي طلعت متآمر ضد فيات

[SAMEH_FOUAD]

ياجماعة شىء مفروغ منة ان الاعجاب اللى بيكون بسيارات هيونداى هو الاتى فقط :

1- التصميمات العصرية

2- التابلوة الشيك مع تقديم شاشة بيانات بشكل جميل جذاب

3- الاوبشن الكتير

4- قوة المحرك المعلنة يعنى مثلا تلاقى هيونداى بتخرج 150 حصان من محرك 1800 سى سى فى حين ان اى شركة تانية بتخرج 136 الى 140 حصان بالعافية

شركة هيونداى بتفكرنى بالموبايلات الصينى تلاقى فيها اوبشن قد كدة ( تليفزيون - اربع شرائح - شاشة كبيرة- صوت مجسم باربع سماعات - اوبشن كتييييييييييير ) وفى الاخر دة كلة ب250 جنية بس يابلاش طبعا كل الناس بقت بتشترية وتسيب النوكيا والسامسونج اللى فى الاسعار مابين 600 الى 1000

بالظبط هيونداى عملت كدة بتقدم كل دة بسعر قليل او فى سعر زى المنافسين باوبشن وشكل احلى من المنافسين فطبعا فبيختاروها

[minicooper20]

ياجماعة شىء مفروغ منة ان الاعجاب اللى بيكون بسيارات هيونداى هو الاتى فقط :

1- التصميمات العصرية

2- التابلوة الشيك مع تقديم شاشة بيانات بشكل جميل جذاب

3- الاوبشن الكتير

4- قوة المحرك المعلنة يعنى مثلا تلاقى هيونداى بتخرج 150 حصان من محرك 1800 سى سى فى حين ان اى شركة تانية بتخرج 136 الى 140 حصان بالعافية

شركة هيونداى بتفكرنى بالموبايلات الصينى تلاقى فيها اوبشن قد كدة ( تليفزيون - اربع شرائح - شاشة كبيرة- صوت مجسم باربع سماعات - اوبشن كتييييييييييير ) وفى الاخر دة كلة ب250 جنية بس يابلاش طبعا كل الناس بقت بتشترية وتسيب النوكيا والسامسونج اللى فى الاسعار مابين 600 الى 1000

بالظبط هيونداى عملت كدة بتقدم كل دة بسعر قليل او فى سعر زى المنافسين باوبشن وشكل احلى من المنافسين فطبعا فبيختاروها

لا يا سمسم و بتديك اعتماديه و قله اعطال و سهوله فى التصليح و تكنو غير معقده و اسعار كويسه
و اعداه بيع جامده و دى عملها السوق بيتعنا حط دول جنب المميزات

[SAMEH_FOUAD]

لا يا سمسم و بتديك اعتماديه و قله اعطال و سهوله فى التصليح و تكنو غير معقده و اسعار كويسه
و اعداه بيع جامده و دى عملها السوق بيتعنا حط دول جنب المميزات

ماشى حط الزيادات اللى انت حطيتها دية بس معلش ماعدا نقطة قلة اعطال انا بشوف سيارات كتير كيا - هيونداى عطلانين على الطريق وحاجات كتير بتبقى عايزة تتغير فى وقت قصير ,بلاش موضوع عطل كامل انة يوقف العربية , خلينا فى نقطة ان قطع الغيار بتاعتها بتتغير عند وقت قصير مقارنة باليابانى

[mody3on]

طب بذمتك يا سمسم هو في ريفيو عدل بيطلع على موبايل صيني ؟ ولا في موبايلات صيني موجودة ومنتشرة في اوروبا وامريكا ؟
يا راجل بتقارن ايه بايه كلامك يمشي على byd مش هيونداي :)

[Hosam_Optrawy]

هأسألك سؤال واحد فقط، وأتمنى إجابة مقنعة منك:

- لما هيونداى عدلت فـ الـTorque/Horsepower Curve بتاع النسخة الأوروبى.. تفتكر انهم عدلوا فـ الـGear-Ratios (عن النسخة الأمريكانى)؟؟؟!!
دور وقوللى.
عشان تتناسب مع منحنى العزم الجديد، ومايبقاش فيه مناطق Torque-Dip (اللى أصبحت مميزة لمواتير-جيربوكسات الهيونداى-كيا).. التسارع بيقع منك فـ كذا رينج فوق وتحت؟؟!!!

مش عارف , لما العربيه تبتدى تتباع فى اوروبا وال Specs تنزل على كل مواقع هيونداى اوروبا هابقى اقولك

أنا مع الرأى انهم لسه فـ سنة أولى تربوتشارج،
وبرضه احنا لسه ماتكلمناش عن باقى التغييرات فـ العربية (بعد ماتربنت)، عفشة وفرامل وهاندلينج ووو...etc.
هل هتبقى على مستوى قوة الموتور، ولا أقل.. وده مش جديد على هيونداى (زى ما التجربة فـ الزباين مش جديد عليهم برضه). هههههههههههههههه

المفروض ان فيها تعديلات عفشه عن العاديه بس معرفش التفاصيل

الإجابة: مالهمش فيها.. العربيات السبور، الـHot-Hatch أو عربيات الجرى.. كله واحد، وكله هيونداى مابتعرفش..
يفتقدوا مش بس للتكنولوجيا، لأ والخبرة والـPassion كمان.

ماشى ملهمش فيها

[ashouhdy]

انا فخور بأن العالم كلة يشيد بالصناعة الكورية وبيديها مراكز اعلى كمان من مثيلتها الاوروبية و اليابانية واة اللى بينزل برة كورى بيتقارن باللى بينزل برة اوروبى و يابانى ههههههههه

وباقى الكلام اللى بيتقال ماهو الا كلام شوية geeks مصريين فايقة ورايقة بتحاول تبرر فرق التعب و الفلوس و الاعطال و واقفة الميكانيكية ب هاندلينج و تسارع فوق ال 200 وفرقعة تربو و تكة نايتروس

[SonaSteel]

ههههههههههههههههههههههههههههههههه
من امتع المواضيع اللي قريتها في المنتدي من ساعة ما دخلته
انا بقرا المشاركات كلها وانا سعيييييييد
ليييييييه مش عارف هاهاهاهاها :))))

fORMULATOR ........... انا عازمك علي طبق ورق عنب بالليه وفراخ مشويه
حدد المكان والزمان ههههههههههههههه :)))