وداعا نيو اكسنت ...

[Speed_1747]

انا تقريبا خلاص قررت ابيع النيو اكسنت

و اشترى بريليانس FRV كروس

بعد ما ركبتها وسوقتها كذا مره ... بصراحه كنت هتف على الاكسنت :( مع انى بحبها جدا

لكن الصين ولاد الايه عملو الصاروخ ده و ب 75 الف جنيه .. و الله ببلاش على امكانياتها

ثبااااااااااااات لحد 160 و اكتر متتقارنش بالاكسنت خالص

و اماااااااان abs ebd
2 air bags

ايييييييييييييه

ابييع و لا انا بس موهوم بشكلها ... حد ينصحنى انا خلاااص بنام و احلم بيها ...

ياريت النصيحه يا رجاله

انا ابويا معاه فيلوستر ... و بجد البريليانس مديانى نفس الثباااات انا مش مصدق اصلا .. و لما بركب النيو اكسنت بعد ما اسوق الفيلوستر بابقى عاوز اركنها و انزل امشى .. بعكس لما بسوق البريليانس اينعم فى فرق ... بس بردو تحس انك راكب عربيه بجد


النصيحه يا نجووووووووووم

[Samir Elshahawy]

بصراحة مش عارف اقولك أيه ...

البريليانس من العربيات اللي عجبتني جدا و باحترمها بالرغم من كونها صيني لكن مكوناتها كموتور و عفشة ممتازة

السؤال هو :
هل الاكسنت مريحاك و لا لأ ؟
و هل هيا مناسبة لمتطلباتك في العربية و لا لأ ؟

لو الاجابة بنعم يبقي خليك زي ما أنت و اللي تعرفوا أحسن من اللي ماتعرفوش
لو الاجابة بلا ... يبقي توكل علي الله بس برضه اسأل نفسك ... هل البريليانس هاتحقق متطلباتك و لا لأ ؟

[koshary]

لو الاكسنت مريحاك وبتحبها خليها معاك انما لو غاوى وثبات وشد وعربية تدوس بيها خليك فى البريليانس لان الاكسنت مش مخصصه لكدا

[Land_Cruiser]

أؤيدك يا باشا علشان انا باحترم ال cross دى قوى بس ان معنديش اكسنت فمعرفش ايه اخبارها.

[moh19227]

انا لو مكانك افكر الف مرة قبل ما اجيب البريليانس

[Kareem Fawzy]

البريليناس عربية محترمة بس السؤال اللى مفروض تسأله لنفسك
بعد سنة ولا اتنين هيبقا حالها عامل ازاى

[medoghaly]

انا في رايي بلاش الصيني مما ان كان مش مضمون و بعد سنتين متلا يا ترا هتبقي ماسكة نفسها زي الاكسنت اعتقد لا

[Hesham94]

طب ماتشوف الفيات بونتو ايفو

اهى تضرب البريلانس فى الثيات و ملللللللييييييانه انظمة ابرزهم blue&me

دا غير حاجات دانية كتييير زى زرار city و معلومات عن سواقتك وشرح بالكمبيوتر عن اماكن الاعطال فى العربية وحاجات كتيييييير متعدش

واهو فى الاخر تبقى اسمك راكب عربية اوروبى !!!

[ibn_seena]

طب ماتشوف الفيات بونتو ايفو

اهى تضرب البريلانس فى الثيات و ملللللللييييييانه انظمة ابرزهم blue&me

دا غير حاجات دانية كتييير زى زرار city و معلومات عن سواقتك وشرح بالكمبيوتر عن اماكن الاعطال فى العربية وحاجات كتيييييير متعدش

واهو فى الاخر تبقى اسمك راكب عربية اوروبى !!!

تمنها كام دي؟؟

[S O P H O S]

لو بونتو يبقي مفيش كلام تاني
احسن 100 مرة طبعا

[me_medoo]

بيع يا وديع ... وانا عندي الزبون لوعربيتك نضيفه راسل صاحب الموضوع ده .

http://www.nilemotors.net/Nile/282125-a.html

صحيح محدش يقدر قيمة النعمة الي معاه الا لمن يجرب غيرها
والمثل بيقول علشان تعرف خيري جرب غيري .
بأه حد يبيع كوري علشان يشتري صيني ماشي ماشي .
توكل على الله وبيع .

[حماده المصري]

بيع يامعلم بس بصراحه متور وفتيس الاكسنت اعتماديه لا يعلى عليها

بس الثبات شيء مهم جدا جدا وهو معدوم في الاكسنت

[haroun707]

بيع يامعلم بس بصراحه متور وفتيس الاكسنت اعتماديه لا يعلى عليها

بس الثبات شيء مهم جدا جدا وهو معدوم في الاكسنت

اتفق مع حضرتك فى ان العربية اعتمادية جداً واقتصاديو جداً واعطالها والحمد لله قليله جداً

لكن اسمحلى اختلف مع حضرتك فى موضوع الثبات
العربية دة ثباتها مش وحش خالص بالعكس عربية ثباتها معقول جداً .. بس الموضوع ليه عدة عوامل منها طريقة القيادة وحساسية الباور والتحكم فى الدركسيون وضغط الهواء فى الكاوتش وكمان نوع وحالة الكاوتش وحالة العفشة

وتقبل احترامى


وبالنسبة للزميل صاحب الموضوع ...... انا شايف ان حضرتك مبهور ليس الا بالسعر وشويه امكانيات اسميه لكن زى ما قال ليك زملاء كثير قبل كده بالكثير سنتين وحتلاقيها بقى شكلها عجوز وكمان فى حاجات كثير مش حتعيش معاك واعتقد ان اولها العفشة

[حماده المصري]

اتفق مع حضرتك فى ان العربية اعتمادية جداً واقتصاديو جداً واعطالها والحمد لله قليله جداً

لكن اسمحلى اختلف مع حضرتك فى موضوع الثبات
العربية دة ثباتها مش وحش خالص بالعكس عربية ثباتها معقول جداً .. بس الموضوع ليه عدة عوامل منها طريقة القيادة وحساسية الباور والتحكم فى الدركسيون وضغط الهواء فى الكاوتش وكمان نوع وحالة الكاوتش وحالة العفشة

وتقبل احترامى


وبالنسبة للزميل صاحب الموضوع ...... انا شايف ان حضرتك مبهور ليس الا بالسعر وشويه امكانيات اسميه لكن زى ما قال ليك زملاء كثير قبل كده بالكثير سنتين وحتلاقيها بقى شكلها عجوز وكمان فى حاجات كثير مش حتعيش معاك واعتقد ان اولها العفشة

بص انا ركبت النيو اكسنت 4 سنين وانا من اوائل الناس الي ركبت نيو اكسنت كان لسه الشعب ميعرفهاش ف انا حافظ كل مسمار في العربيه فعلا

العربيه تجيبها يمين تجيبها شمال عفشه ناشفه بطريقه غريبه ثبات ممكن نقول كويس بس بتتنطط تنطيط غريب غريب غريب مضيع اي حاجه حلوه في العربيه ف هي خارج نطاق العربيات المريحه تماما وتنطيطها ده مخلي ثباتها وحش

انا بعد ما بعتها ركبت النترا 2005 بعديها ب فتره سوقت نيو اكسنت زيرو والله اول ما جبت بيها 100 ركنت وقولت لصحابها الف مبروك قالي مالك مش قولتله مفيش مش قادر اسوق وانا من جوايا كنت بستغرب انا كنت راكبها ازاي

[Hesham94]

تمنها كام دي؟؟

ب 100 الف تقريبا