ليه بنقارن الكوري بالياباني وهو بيكسب الألماني

[CryptonX]

الله طب ما الموضوع ده عباره عن مقارنة الهيونداي بالبي ام

ومحدش قال انه صح :)


سؤال بسيط يافندم ... لنفترض للحظة .. ان الهيونداي قربت لمستوى الBMW ,وعلشان منروحش بعيد ...
ناخد اغلى عربية عند هيونداي .. الي هما حتى بييفكروا يعملوها BRAND لوحده ...
ال HYUNDAI EQUUS





سيبك من تصميمها عاجبك مش عاجبك .. شبه اللكزس .. .سيبك من كل ده .. هل لاحظت حاجة في العربية ؟
انا اقولك !


فين علامة هيونداي ؟؟ مفيش !!
ليه ؟ علشان دي اول حاجة هيونداي فهمت انها حتواجهها لو قررت تدخل سوق ال PREMIUM !


يعني لو جبتلي بالدليل العلمي و اختبارات العالم كها ان السيارة دي مثلا افضل من الفئة السابعة ... و ارخص منها حتى .. برده الي رايح يشتري الفئة السابعة ... عمره ماحيبص لهيونداي !
بس خلينا برده "واقعيين " و عمره ماحيبص لهوندا ولا تويوتا و لا نيسان ولا اوبل ولا فولكسفاجن !!


ليه ؟ ده زبون معين مستني حاجة معينة من الفخامة و التكنولوجيا و التميز مش حيلاقيه الا في عربية PREMIUM.


نرجع للعربية .. ال EQUUS هي تقريبا اول محاولة جادة لهيونداي في سوق ال PREMIUM وحلوا اول مشكلة حتواجهم و هي ال IMAGE .. يعني اما لما اقولك هيونداي .. حيجي في بالك فرنا .... الانترا ... سوناتا بالكتير اوي ز. بس عمر ماحييجي في ذهنك سيارة تنافس الفئة السابعة !!


ففكروا .. لغوا علامة هيونداي تماما .. وصمموا علامة جديدة خاصة بالموديل ده فقط اسمها EQUUS زي مانت شايف ... هل هما كدة ضحكوا على الناس مثلا ؟ ما هي مازالت هيونداي .. بس انت لما تشوفها لاول وهلة .. لو اعجبت بيها ... ("لو") مش حتحس انها هيونداي خالص !!


وعلشان كدة هما اصلا بيفكروا جديا يفصلوا الماركة لوحدها تحت ماركة جديدة اسمها EQUUS او GENESIS


ال GENESIS SEDAN برده لا تحمل علامة هيونداي في المقدمة ...





ودي المحاولة الي قبل الEQUUS في سوق ال PREMIUM بس في الفئة الاصغر (الفئة الخامسة)


بالظبط زي ماتويوتا عملت من ال LEXUS و INFINITI من نيسان ...
هيونداي "بتخبط " او "بتجرب" في السوق ده و في امريكا بالذات علشان تحاول تغلي صورة "السيارة الاقتصادية" ...


نجحت او من نجتحش انا مقدرش احكم .. بس لو بصيت على التقييمات للEQUUS وGENESIS حتلاقي انهم اكيد مقربوش للعرش بتاع BMW/MERCEDES لسة ... بس بكل تاكيد عرش ال LEXUS و INFINITI وال ACURA اتهز ! و اتهز جامد كمان !! لانهم حيعملوا نفس الي بيعملوه في الماركات الارخص .. بس المرة دي الرك مش على استهلاك البنزين و ثبات ضايع .. الرك على سيارة فاخرة كاملة من مجاميعه بكماليات اعلى و تكنولوجيا "منافسة" باسعار نسبييا اقل ... 10-15% مش فرق شاسع ..

حقتبس بس حتة من موقع "امريكي"

what Hyundai has done here is create a truly bona-fide luxury car capable of standing toe-to-toe with its Japanese competition and coming pretty darn close to the likes of its lofty German rivals.

ترجمة سريعة :
"مافعلته هيونداي هنا (في حالة الاكوس قصده) هو خلق سيارة فاخرة قادرة ان تقف وجها لوجه مع المنافسة اليابانية و تاتي قريبا جدا جدا لامثالها من المنافسين الالمان"


هل معنى كلامه اننا خلاص نسيب الBMW والالماني و نجري على هيونداي ؟ لأ ! بس بينهك ان بقى في "بديل" لو انت بتفكر توفر شوية او بتفكر تجرب حاجة جديدة ...
New Thinking = New Possibilities
وده شعار هيونداي حاليا
:)

بس كدة طولت عليك اوي معلش ..

[الع العمدة مدة]

انت قلت بنفسك محدش قال صح خلاص خلص الكلام

اصل مفيش حد بيقارن عجلة او دراجة هوائية ببايك او دراجة نارية هو ده الي صاحب الموضوع عمله ههههههههههه

[adel_2346]

العفو يا زعيم
و معظم العربيات اوروبي لان معظم العربيات ال super sport بتبقي اوروبي
بس برضه كان في تواجد متواضع للامريكاني علي كام حته ياباني كده



هههه enjoooooy

اصلى ولا شفت يابانى ولا كورى

[horas3000]

اصلى ولا شفت يابانى ولا كورى

ههههه
لا كان فيه حته سوبارو امبريزا wrx
لكن الكوري صعب

[SAMEH_FOUAD]

crypton مشاركتك الاخيرة فيها توضيحات جميلة جدا وهية

1- اعتراف مسؤلين هيونداى نفسهم ان ال brand بتاعم رخيص وشعبى ولا يصلح لأن يحمل اسم سيارة بمبلغ عادى فى ثوب سيارة فارهة , لية لما يراة المستهلكون عندما يسمعون كلمة هيونداى على طول كدة عارف ان هيلاقى عربية موفرة اقتصادية

2- هية مين اللى تهز عرش الlexus وحضرتك عارف هية مين ال lexus كويس قوى كفاية ان مافيش شركة عارفة تحركها هية وال acura , honda من قائمة افضل السيارات اعتمادية فى العالم واقل شكاوى

3- كان فية فيديو بيقارن مابين العربيات الفارهة ( وطبعا كانوا audi a8 - 7 series - m s600 - jaguar , ومين بقى equess الرجل وهو بيجربها رايح كلمة ( what equess doing here ) فعلا اية اللى جابها هنا وخدت المركز الاخير بجدارة

يعنى حضرتك عايز تفهمنى ان اللى نفسة يركب bmw هيبقى بديلة ال equess اكيد لأ طبعا
ياباشا ال bmw والالمانى الفاخرة دول محدش يجى جنبهم يليها ال lexus 460 , honda legend

[AshTurbo]

البراند بتاع هيونداي سعره كويس ( مش رخيص ) وعلشان كده هي رابع أكبر منتج في العالم من 2009 علشان الناس بتحب تصرف فلوسها في المكان الصح وده اللي حققته هيونداي سعر مقابل قيمة لو هيونداي ركزت على جودة الخامات هتضطر ترفع السعر -وبردوا مش هتوصل لسعر الأوروبي- وده هيفقدها ميزة الأنتشار .

[Ahmed Selim]

الفئة التالتة Compact executive car = compact luxury car - compact premium car
يعني حاجة premium مش لاي حد
ودي فئة غير السوناتا والاكورد ، ممكن قريبة في الحجم ولكن رياضية اكتر بكتير
والفئة دي مخصصة للالماني مع بعض الاستثناءات
عربيات الفئة دي
Mercedes-Benz C-Class - Audi A4, Lexus IS و حديثا كاديلاك ATS
Compact executive car - Wikipedia, the free encyclopedia

الكلام ده من اللينك اللى أنت جايبه

Dimensionally, compact executive cars are smaller than mid-size/large family cars, and sometimes even smaller than compact cars

أعتقد و الله أعلم ان البريميوم و الأكسيكتيف دى فئات تحت الفئات الحجمية اللى هى الأساس يعنى sub category ده على حد فهمي للموضوع.

[SAMEH_FOUAD]

البراند بتاع هيونداي سعره كويس ( مش رخيص ) وعلشان كده هي رابع أكبر منتج في العالم من 2009 علشان الناس بتحب تصرف فلوسها في المكان الصح وده اللي حققته هيونداي سعر مقابل قيمة لو هيونداي ركزت على جودة الخامات هتضطر ترفع السعر -وبردوا مش هتوصل لسعر الأوروبي- وده هيفقدها ميزة الأنتشار .

معلش ياباشا هيونداى رابع اكبر منتج فى العالم ( مبيعات مش جودة عشان تفرق كتييييييييييييير قوى)

معنى انى احط فلوسى فى هيونداى دة هترجع للحرية الشخصية بس عموما كلمة سعر مقابل قيمة دية موجودة فى كل العالم ماعدا احنا

معلش انا شايف ان هيونداى فى مصر ( قيمتها اقل من سعرها بكتير )

هتردوا عليا رد وهاتقولوا ماكل العربيات كدة

وانا هرد عليكوا رد واقول ( نعم ) كلة مغالى فى تمنة - بس كلة بيقدم مواصفات امان كتجهيز اساسى بعكس الكورى عموما والهيونداى خصوصا فدية بتشيل دية او بتعوض زيادة سعر السيارة

لكن انا معلش ياجماعة انا بحس ان ملاك هيونداى بيفرحوا اوى بالاوبشن الى هو اية ( aux- bluetooth - سينسور مطر - حساسات ضوء - كاميرا خلفية - اشارات فى المرايا - تكييف اوتو ) هو دة الاوبشن اللى انتوا شايفينة مهم فى العربية يعنى اجيب عربية ب140 الف مافيهاش Abs وفيها 1 airbag - ومافيش ebd - ولا نظام اتزان مساعد - مافيهاش immoblaizer - مافيش مثبت سرعة ) وكل دة عشان حبة اوبشن معلش انت ممكن بcd ب 600 جنية تجيب فية اوبشن كتير جدا ( aux- dvd- camera- bluetooth ) فاضلك اية سينسور مطر معلش اتعب ايدك شوية كل كام شهر لما ينزل مطر على العربية - تكييف المانيوال معلش بردة اتعب ايدك شوية ودوس على زرار ال a/c وحرك زرار المروحة وشكرا ( ادى الاوبشن اللى الناس فرحانة بية مقابل عناصر الامان المهمة اللى فعلا لازم الواحد مايستغناش عنها خصوصا فى عربيات زى الكورى
وتيجوا تقولولى الكورى قيمة مقابل السعر ( بأمارة اية ان شاء الله )

[abdulkhaleq]

ياباشا اصلا ماينفعش نعمل مقارنة هتقارن اية ولا اية ولا اية ولا اية .................................................. ............... .

معلش ملاك هيونداى عمالة توسع منهم توسع منهم مش عارفين هيروحوا فين بعد كدة

انا بقى منتظر المقارنة القادمة

هيونداى genisis coupe stock تكستح bugati veron فى التسارع و الثبات

هاهاهاهاهاهاهاهاهااااااي

[mody3on]

crypton مشاركتك الاخيرة فيها توضيحات جميلة جدا وهية

1- اعتراف مسؤلين هيونداى نفسهم ان ال brand بتاعم رخيص وشعبى ولا يصلح لأن يحمل اسم سيارة بمبلغ عادى فى ثوب سيارة فارهة , لية لما يراة المستهلكون عندما يسمعون كلمة هيونداى على طول كدة عارف ان هيلاقى عربية موفرة اقتصادية

2- هية مين اللى تهز عرش الlexus وحضرتك عارف هية مين ال lexus كويس قوى كفاية ان مافيش شركة عارفة تحركها هية وال acura , honda من قائمة افضل السيارات اعتمادية فى العالم واقل شكاوى

3- كان فية فيديو بيقارن مابين العربيات الفارهة ( وطبعا كانوا audi a8 - 7 series - m s600 - jaguar , ومين بقى equess الرجل وهو بيجربها رايح كلمة ( what equess doing here ) فعلا اية اللى جابها هنا وخدت المركز الاخير بجدارة

يعنى حضرتك عايز تفهمنى ان اللى نفسة يركب bmw هيبقى بديلة ال equess اكيد لأ طبعا
ياباشا ال bmw والالمانى الفاخرة دول محدش يجى جنبهم يليها ال lexus 460 , honda legend

تمام ، ونفس الكلام مع هوندا والا مكانوش عملوا براند acura لانها اخرها عربيات اقتصادية برضه
على الاقل في المقارنة اللي بتقول عليها مكانش فيها اي حاجة هوندا اصلا
وبعدين legend مين دي اللي عمرنا ما سمعنا عنها ولا حتى في طبق اليوم
اديني فكرة كده عن الريفيوهات بتاعتها او الجوايز اللي خدتها او مبيعاتها الجبارة

[AshTurbo]

عاوز أسألك سؤال يا سامح أنا واحد معايا 140 ألف مش أكتر وعاوز عربية حديثة وأعتمادية وفيها عوامل أمان مش أقل من 2 آير باج و abs وواسعة وشكل حلو وأوبشن وقطع غيار رخيصة وسعر أعادة بيع كويس تنصحني بأيه ؟

[mody3on]

معلش ياباشا هيونداى رابع اكبر منتج فى العالم ( مبيعات مش جودة عشان تفرق كتييييييييييييير قوى)

معنى انى احط فلوسى فى هيونداى دة هترجع للحرية الشخصية بس عموما كلمة سعر مقابل قيمة دية موجودة فى كل العالم ماعدا احنا

معلش انا شايف ان هيونداى فى مصر ( قيمتها اقل من سعرها بكتير )

هتردوا عليا رد وهاتقولوا ماكل العربيات كدة

وانا هرد عليكما رد واقول ( نعم ) كلة مغالى فى تمنة - بس كلة بيقدم مواصفات امان كتجهيز اساسى بعكس الكورى عموما والهيونداى خصوصا فدية بتشيل دية او بتعوض زيادة سعر السيارة

لكن انا معلش ياجماعة انا بحس ان ملاك هيونداى بيفرحوا اوى بالاوبشن الى هو اية ( aux- bluetooth - سينسور مطر - حساسات ضوء - كاميرا خلفية - اشارات فى المرايا - تكييف اوتو ) هو دة الاوبشن اللى انتوا شايفينة مهم فى العربية يعنى اجيب عربية ب140 الف مافيهاش Abs وفيها 1 airbag - ومافيش ebd - ولا نظام اتزان مساعد - مافيهاش immoblaizer - مافيش مثبت سرعة ) وكل دة عشان حبة اوبشن معلش انت ممكن بcd ب 600 جنية تجيب فية اوبشن كتير جدا ( aux- dvd- camera- bluetooth ) فاضلك اية سينسور مطر معلش اتعب ايدك شوية كل كام شهر لما ينزل مطر على العربية - تكييف المانيوال معلش بردة اتعب ايدك شوية ودوس على زرار ال a/c وحرك زرار المروحة وشكرا ( ادى الاوبشن اللى الناس فرحانة بية مقابل عناصر الامان المهمة اللى فعلا لازم الواحد مايستغناش عنها خصوصا فى عربيات زى الكورى
وتيجوا تقولولى الكورى قيمة مقابل السعر ( بأمارة اية ان شاء الله )

اولا ، اللي ب 140 الف فيها abs و 2 ايرباج ، ولما هوندا تنزل السيفيك ب 140 الف فيها كل الكلام ده ابقى تعالى قولي هيونداي مبالغ في سعرها
هل السيتي التايلاندي الفئة الاقل فيها vsa ؟ فيها الاوبشن ده ؟

[SAMEH_FOUAD]

تمام ، ونفس الكلام مع هوندا والا مكانوش عملوا براند acura لانها اخرها عربيات اقتصادية برضه
على الاقل في المقارنة اللي بتقول عليها مكانش فيها اي حاجة هوندا اصلا
وبعدين legend مين دي اللي عمرنا ما سمعنا عنها ولا حتى في طبق اليوم
اديني فكرة كده عن الريفيوهات بتاعتها او الجوايز اللي خدتها او مبيعاتها الجبارة

على فكرة هوندا , acura نفس المواتير نفس الخامات و نفس العفشة , نفس التابلوة الفرق فى الشكل فقط لاغير , زى كدة تويوتا و lexus

ومين دية اللى عربيات اقتصادية الهوندا اقتصادية فى بعض السيارات لكن فى الفئات التانية لا يمكن ال brand بتاع هوندا عالى مش سيارات رخيصة , انت تقدر تقول وسط

- هوندا legend طيب ماطبعا عمرك ماهتسمع عنها فى طبق اليوم انت هتسمع عنها فى auto car - topspeed وبعدين هو حضرتك ماتعرفش ان هوندا legend
طيب ياباشا هوندا legend محركها 3700 سى سى بقوة 300 حصان , واخدة لمدة خمس سنوات متتالية افضل سيارة فى اليابان

طبعا اوبشن خرافى واهم حاجة نظام الثبات بتاعها يعتمد على نظام يسمى ب ( super handling - all wheel drive ) والفتيس بتاعها فية 6 سرعات تتابعية و 7 سرعات dual clutch

حضرتك بس عارف ال هوندا legend اللى انت ماسمعتش عنها فى طبق اليوم بكااااااااااااااااااااام ؟؟؟؟ تمنها 80 الف دولار و 85 الف دولار للفئة الكاملة وفيها انظمة يعنى ماشاء الله عليها

وعموما لو عايز تعرف اكتر اتفضل اللينك

http://www.nilemotors.net/Nile/292092-honda-legend-2012-a.html

والله كل يوم بكتشف حاجات كتير فى الهيونداوية ربنا يباركلكوا يارب

[SAMEH_FOUAD]

عاوز أسألك سؤال يا سامح أنا واحد معايا 140 ألف مش أكتر وعاوز عربية حديثة وأعتمادية وفيها عوامل أمان مش أقل من 2 آير باج و abs وواسعة وشكل حلو وأوبشن وقطع غيار رخيصة وسعر أعادة بيع كويس تنصحني بأيه ؟

رينو فلوانس , لانسر شارك , نيسان صنى

اولا ، اللي ب 140 الف فيها abs و 2 ايرباج ، ولما هوندا تنزل السيفيك ب 140 الف فيها كل الكلام ده ابقى تعالى قولي هيونداي مبالغ في سعرها
هل السيتي التايلاندي الفئة الاقل فيها vsa ؟ فيها الاوبشن ده ؟

اولا الالنترا اللى ب 140 الف دية فيها 1 airbag بس وبدون Abs

الالنترا اللى ب 142 الف جنية نفس الكلام الا بقى لو حصل تغييييييير فى الاوبشن ودة اشك فية بصراحة

السيتى فيها vsa بينزل فى اعلى فئة بس , وبعدين معلش انت عايز تقارن فئة سعرية

طيب انا هاقولك الالنترا مافيهاش immoblaizer السيتى فيها

الالنترا الفئة دية مافيهاش Abs و السيتى فيها

الالنترا مافيهاش Ebd ( فى كل الفئات ) السيتى فيها

الالنترا مافيهاش 2 ايرباج , السيتى فيها

الالنترا مافيهاش نظام مساعد الفرامل ( bas ) -( فى كل الفئات) , السيتى فيها

اية رايك بقى ؟؟؟؟؟؟؟؟؟؟؟؟؟؟؟؟ مش دة اللى انت عايزة

عايز تقول ان السيتى ب 145 الف جنية مقابل ان الالنترا ب 140 الف جنية

[mody3on]

على فكرة هوندا , acura نفس المواتير نفس الخامات و نفس العفشة , نفس التابلوة الفرق فى الشكل فقط لاغير , زى كدة تويوتا و lexus

ومين دية اللى عربيات اقتصادية الهوندا اقتصادية فى بعض السيارات لكن فى الفئات التانية لا يمكن ال brand بتاع هوندا عالى مش سيارات رخيصة , انت تقدر تقول وسط

- هوندا legend طيب ماطبعا عمرك ماهتسمع عنها فى طبق اليوم انت هتسمع عنها فى auto car - topspeed وبعدين هو حضرتك ماتعرفش ان هوندا legend
طيب ياباشا هوندا legend محركها 3700 سى سى بقوة 300 حصان , واخدة لمدة خمس سنوات متتالية افضل سيارة فى اليابان

طبعا اوبشن خرافى واهم حاجة نظام الثبات بتاعها يعتمد على نظام يسمى ب ( super handling - all wheel drive ) والفتيس بتاعها فية 6 سرعات تتابعية و 7 سرعات dual clutch

حضرتك بس عارف ال هوندا legend اللى انت ماسمعتش عنها فى طبق اليوم بكااااااااااااااااااااام ؟؟؟؟ تمنها 80 الف دولار و 85 الف دولار للفئة الكاملة وفيها انظمة يعنى ماشاء الله عليها

وعموما لو عايز تعرف اكتر اتفضل اللينك

http://www.nilemotors.net/Nile/292092-honda-legend-2012-a.html

والله كل يوم بكتشف حاجات كتير فى الهيونداوية ربنا يباركلكوا يارب

والله عيب لما تكون دي معلوماتك عن الهوندا ، هاتلي كده كلام توب سبيد ولا اوتو كار عن الليجند
ايه بقى الاوبشن الخرافي اللي مش موجود في المنافسين ؟ موتور 3.7 بيطلع 300 حصان بس مش شايفها حاجة جبارة خالص
و 85 الف دول دولار استرالي ، مش عارف ازاي تعدي عليك دي اصلا ، العربية بتنزل في امريكا باسم Acura RL وبقالها 8 سنين مش عارفين ينزلوا لها جيل جديد ، صباح الفل ، انظمة ايه الزيادة عن المنافسين برضه ؟