ليه بنقارن الكوري بالياباني وهو بيكسب الألماني

[Samir Elshahawy]

حضرتك أنا جربت ويا ريتني مجربت (اكسنت rb والانترا وسيراتو) و لو حبيب احكي لحضرتك على اللي حصل معايا لمجرد بس اني اتعودت ع الياباني و كنت فكرهم زيه والله الثلاث تجارب كانوا هينتهو بحاودث ... الحمد لله على نعمة الياباني و ما أعظمها من نعمة, أنا عندي اقتراح إن حضرتك تركن عربيتك شوية وتاجر أي عربية ياباني تعجب حضرتك لمدة اسبوع عشان تحس بالفرق وبعد كده حضرتك هتيجي تعرض عربيتك للبيع هنا

أنا كنت راكب ياباني 4 سنوات و مش نوع واحد لأ 4 عربيات مختلفة و كنت فاكر أني مش هأقدر أغير من الياباني و تحديد تويوتا لأي ماركة تانية لكن هيونداي قدرت تغير لي الفكر ده

و موضوع الحوادث اللي حضرتك كنت هاتعملها:
أولا .. ربنا يسترها عليك و علينا
ثانيا.. واضح أن ده مش عيب في العربية و قد يكون تهور من حضرتك لثقتك الزائدة في نوعية معينة من العربيات و فعلا و للاسف معظم حوادث الطرق اللي بأشوفها لسيارات فيها وسائل أمان لأن الناس معتقدة أن طالما فيه ايرباج و أي بي اس يجري علي اي سرعة و يعمل أي حاجة دون أعتبار لحالة الطرق و أخطاء الغير اللي معظمهم فعلا مابيعرفش حاجة عن قواعد القيادة و لا قوانين المرور ألا أنه يدوس بنزين و خلاص

للمرة المليون هأقولها و مش هاكررها
اللي ركب عربية 5 دقائق و لا نص ساعة مش زي اللي ركبها سنة و عمل بيها 30000 كم و اصبح لديه ثقة فيها و في أمكانياتها و عارف أزاي يتعامل مع هذه الامكانيات و في نفس الوقت مع العيوب

سيارات هيونداي مش هيا رقم واحد و لا هيا التوب لكن مش معني كده أنها خارج المقارنة مع اي عربية من موديل تاني و ألا أزاي نحكم علي العربيات دي و علي كفائتها و الشركات بره بتعمل المقارنات دي لتطوير عربياتها

اما الكلام اللي بتقولوه عن قوة الموتور و السحب و الشد فده كله ورا ظهري لأني لا أهتم به
كل اللي يهمني في العربية أدائها يكون في حدود أحتياجاتي و ثباتها يكون ملائم للسرعات اللي بامشي بيها في السفر تكون مريحة و اقتصادية و الحمد لله ألنترا الجيدة حققت لي ده يبقي لي أدفع جنيه واحد زيادة في عربية تانية لمجرد الاسم أو العلامة طالما أن العربيتين بيؤدوا نفس الغرض و في نفس التوقيت

و علي فكرة علشان اريحكوا ..
انا عن نفسي مقتنع بهيونداي و العربية الجاية أن شاء الله هاتكون يا أما سوناتا أو ألنترا فولي لودد أو الشكل الجديد حتي لو عندي القدرة علي ثمن عربية ياباني أو ألماني , الموضوع مش عند و لكنه موازنة و معادلة لأحتياجات كل واحد باقل تكلفة ممكنة و ده اللي هيونداي حققته لي و هاتححقه لي في المستقبل

معلش ياجماعة الموضوع ده بالنسبة لي أتقفل خلاص و مش هأشارك و لا ارد فيه لن كده مضيعة للوقت و الجهد و اللي عايز يجيب كوري هو حر و اللي عايز يفضل في الياباني أو الاوروبي برضه هو حر

و كل عام و حضراتكم بخير

[Eng.Geo]

معلش اسف طبعا اني دخلت في حاجه شخصيه و محدش يتمنى لاي حد تبوظ منه حاجه بس بصراحه انت استفزيتني لما قلت على موتور الهوندا تعبان
يعني لما حد انا بثق في كلامه زي حضرتك و يقول كده و خصوصا اني راكب الموتور ده بالذات يبقى حاجه من اتنين يا مجربش يسوق العربيه دي و شغال سماعي زي معظم الاعضاء مع الاسف او حضرتك داخل في عند مع قسم هوندا و خلاص
انا مش هدافع عن العربيه او الموتور انا طبعا مصدق حضرتك ان الهوندا بتفوت بدليل التسقيط بس بتفوت على كام و حضرتك كنت قايل على موتورك انه ضرب على٧٥٠٠٠ بصرف النظر ضرب ليه عشان ممكن العربيات اللي انت قايل عليها ليها اسبابها برضه و عموما اسال اي حد شاف كام مره هوندا بتدخن مقارنه بالدايو و الهيونداي و النوبيرا
ولو حضرتك شايف ان الموتور تعبان عشان تسارعه مش مرضي لحضرتك كان فورملاتور عامل مقارنه بينه و الالنترا الجديده في الميد رانج و فوق الميه والارقام اللي طلعت كانك بتقارن عربيه تربو بعربيه ستوك و هنروح بعيد ليه انا العربيه بتسبق كل الكوري ال ١٦٠٠ مانيوال بفارق كبيييير بس برضه مش ده الموضوع فيه حاجه اسمها متعة السواقه جزء منها بيعتمد على التسارع و جزء على الثبات و الهاندلينج و الباقى سر الصنعه محدش يقدر يعبر عنه و حضرتك خبير و طبعا فاهمني و موضوع المتعه ده بالذات لسه شويه عليه في الكوري و عشان كده تلقى هيونداي عامله مواصفات رهيبه و فعلا تتقارن مع البي ام على الورق انما الواقع على الارض فرق السما و الارض كانك بتقارن كمبيوتر تجميع نفس مواصفات الماك
تحياتي لحضرتك و اتمنى ربنا يوفقك و ترجع عربيتك احسن من الاول و تعمر لحد المليون

أولا حضرتك من الناس اللي بحترمها هنا في المنتدي جدا
حضرتك عارف انا ليه قولت تعبان ؟ لو كنت دققت شوية كنت فهمتني ومكانش حصل سوء التفاهم ده
انا بقول أزاي هوندا عاملة موتور من سنة 92 بيطلع 130 حصان من موتور 1600
وجاية في 2007 تعمل موتور بيطلع 123 !!
فرق 15 سنة دول مايزودش القوة بفرق ملحوظ ؟
ممكن نقول أهتموا بالبيئة وبقي في التزامات أكتر .... بس دول 15 سنة يعني
الا لو كانت هوندا بتكدب بقي زمان في الأرقام ده .... أترفع عليها قواضي هي ونيسان في أمريكا عشان بيكدبوا في الأرقام
انا كان قصدي الموتور ده تعبان بالنسبة لهوندا
بالنسبة للدايو ... ممدوح كان حاطت صورة عداد لعربية لحد يعرفه في مصر كانت عاملة 929 ألف كم والموتور مكانش أتلعب فيه ولا أتفتح ... مجرد الصيانات العادية
علي فكرة انا مابدافعش عن دايو وماحبش أدافع عن حاجة كدة لأنها مجرد عربية ومجرد شركة

[SAMEH_FOUAD]

يلا بقى ما دام دخلنا فى top gear
البنتلى اللى الأزيرا قهرتها :) 5/10
Bentley Continental GTC SS ISR driven full road test car review - BBC Top Gear - BBC Top Gear

أستون مارتن dbs أخدت 8/10 زى الtype-r
افرحوا يا هونداوية
Aston Martin DBS Carbon Black driven full road test car review - BBC Top Gear - BBC Top Gear

pagani zonda أخدت 8/10
افرحوا تانى يا هونداوية
Pagani Zonda expert car review verdict - BBC Top Gear


المفاجئة الكبيرة أوى خالص جدى
corvette c6 grand sport convertible أخدت كام
مش 10





ولا 9





ولا حتى 8





أخدت 3/10
أيوه تلاتة
Corvette C6 Grand Sport convertible full road test car review - BBC Top Gear - BBC Top Gear


بس مش شايف حد جاب سيرة الكارينز مثلاً !!!
الكارينز أخدت 2/10ههههههههههه
Kia Carens expert car review verdict - BBC Top Gear

ولا السبورتاج اللى أخدت 4/10
Kia Sportage expert car review verdict - BBC Top Gear

بلاش بعد كده تقارنوها بالقاشقاى اللى أخدت 7/10
Nissan Qashqai expert car review verdict - BBC Top Gear

عيب أوى كده
دى البيكانتو أخدت 7/10
Kia Picanto expert car review verdict - BBC Top Gear

و أحب اختم المشاركة باعتراف صريح من جيريمى كلاكسون بكفائة و اعتمادية الهوندا
vtec - YouTube

ياجماعة والله جيرمى كلارسون لما بيسوق عربية مثلا زى الفيرارى بيشتم فيها فى حاجات تخيل بقى لو ساق هيونداى

بس الاختبارات المعمولة دية مبنية على حاجات , يعنى ماينفعش يسوق عربية هيونداى تمنها مابيعيدش 15 الف دولار ويجرب ثباتها على 180 كم , ولا حتى يجيبلك التوب سبيد بتاعها
ويقولك مش ثابتة , لأ هو عارف كويس انة بيجرب عربية مدينة على قدها ( يعنى عايز عربية اول حاجة استهلاك بنزين قليل - تكون واسعة - تكون كل حاجة قريبة منك فى التحكم - يكون فيها وسائل امان ) يعنى كل سبل الراحة تكون موجودة فيها بقدر فلوسها لانهم عارفين ان دية عربيات مدينة

فمحدش يجى يقول دية الهيونداى i10 واخدة 7/10 وال سيفيك واخدة 6/10

ومعلش ياجماعة فية ناس مع الكلام معاها هنا اثبتت ان فية حاجات كتير فاهمها غلط

[SAMEH_FOUAD]

أولا حضرتك من الناس اللي بحترمها هنا في المنتدي جدا
حضرتك عارف انا ليه قولت تعبان ؟ لو كنت دققت شوية كنت فهمتني ومكانش حصل سوء التفاهم ده
انا بقول أزاي هوندا عاملة موتور من سنة 92 بيطلع 130 حصان من موتور 1600
وجاية في 2007 تعمل موتور بيطلع 123 !!
فرق 15 سنة دول مايزودش القوة بفرق ملحوظ ؟
ممكن نقول أهتموا بالبيئة وبقي في التزامات أكتر .... بس دول 15 سنة يعني
الا لو كانت هوندا بتكدب بقي زمان في الأرقام ده .... أترفع عليها قواضي هي ونيسان في أمريكا عشان بيكدبوا في الأرقام
انا كان قصدي الموتور ده تعبان بالنسبة لهوندا
بالنسبة للدايو ... ممدوح كان حاطت صورة عداد لعربية لحد يعرفه في مصر كانت عاملة 929 ألف كم والموتور مكانش أتلعب فيه ولا أتفتح ... مجرد الصيانات العادية
علي فكرة انا مابدافعش عن دايو وماحبش أدافع عن حاجة كدة لأنها مجرد عربية ومجرد شركة

شوف ياباشا هوندا عملت السيفيك الجيل الخامس بمحركات محتلفة وعديدة

والماتور بتاع السيفيك الجيل الخامس بيخرج قوة حصانية قوتها من 130-137 حصان حسب البلد اللى رايحة ليها العربية , حضرتك عارف السيفيك بالمحرك 1600 2 كامة بدون vtec بقوة 130 حصان بتوصل من صفر الى 100 فى قد اية ( 8.5 ثانية ) ودة متجرب من كل الشركات ومطلعة الارقام دية ودة معناة صدق هوندا فى قوة المحرك والماتور بيوصل لسرعة قصوى مقدارها 220 كم

فى الجيل السادس : تم تعديل المحرك الى محرك انعم بواحد كامة لان العملاء كان فية شكوى ان محرك ال Si خشن شوية فى السرعات اللى قبل 100 كم
وتم وضع محرك 1 كامة 1600 سى سى بقوة 127 حصان مزود ب vtec وم هنا بدأت السيارة تنتهج هذا المنوال

فى الجيل السابع حذفوا من مصر نهائيا المحرك ال1600 سى سى ونزلوها بمحرك بقوة 115 حصان من محرك 1500 سى سى وفى الخاج اصبح موجود 1600-1700 سى سى

فى الجيل الثامن رجعوا المحرك ال1600 سى سى بقوة 123 حصان ودة ناتج عشان هما زودوا عزم المحرك اصبح 15.4 بدل من 14.8 واصبح المحرك الجديد عدد لفاتة اقل بس فى ال vtec بيفتح بدرى وسرعتة القصوى اصبحت 226 كم , الفتيس اصبح 5 سرعات بدل من اربع سرعات
وزن العربية زاد

لكن ياباشا معلش هو كدة حضرتك بتاخد بالارقام لان كل الناس عارفة ان الالنترا دية لا يمكن تكون 130 حصان , ولا 120 حصان ولا 110 حتى
الدليل ان السيفيك اللى قوة محركها 123 حصان بتوصل من صفر الى 100 فى 10.2 ثانية مقابل 10.5 او 10.7 ثانية للالنترا تقريبا وبعد كدة تجميع السيفيك بيفرق جامد جدا خصوصا بعد الوحش مايفتح ( vtec ) العربية بتتحول كل دة وحضرتك مقتنع ان السيفيك قوتها قلت ؟؟؟؟؟؟؟

- معلش ياجماعة ياللى بتقولوا ان محرك هيونداى تطور ( حد فيكوا حاسس بنظام ال dvvt ) ودة المفروض سيستم زى ال i-vtec بالظبط الفرق المسمى فقط لاغير وزية كمان زى ال mivec كلهم بيعملوا على نظام ( variable valve timing )
انا اقولكوا الاجابة : كل واحد يجرب يشد كدة بالانترا او rb ويسمع صوت الماتور ويشوف قوتة اثناء تشغيل النظام , ويركب السيفيك ( اى موديل ) ويشوف فرق المحرك بعد فتح ال vtec وقبل هيلاقى تحول غريب حصل للسيارة وبقت more amazing صوت واداء

وهية دية التكنولويجا مش اسم محرك فية نظام وخلاص وشكر ولا بيعمل حاجة

[horas3000]

شريف باشـــــــــا مشمعنا جيو باشــــــا يعنى واحنا مالناش ولا اى (تمييز عنصـــرى)
وكالعـــــــــادة بتجيب فيديوهات تجبلــــــنا بيها الضغط والسكر وشلل رعــــــــــاش بس اللى عــــــــاجبنى ان الطريـــق زى حلاوة ومتلقيش مطب هواء ولا تلاقى حمــــــار بيزنق على حد ..
دانكة

ههههه ما هو اللي رد عليا يا زعيم
كمان ما انا قلت عشان تاخدوا فكره
و متفكرنيش بالطرق الواحد مش ناقص

قلبي
جالي صدمة في صوابع أيدي
هو ده الدائري بتاعهم ؟
أحنا عندنا هنا تلاقي فيديو عن فيرنا ولانوس والسرعات في حدود ال 150 وكل واحد فارم الموتور عشان يطلع مالتاني ... الفيرنا تكسب وصاحبها يحفل علي بتاع اللانوس هههههههههه
أحنا طيبين قوي

هههه يا باشا ده دائري من ال 8 اللي في الكويت
و لك ان تتخيل بقي واحد بيشوف الكلام ده علي الحقيقه و يقرا ال25 صفحة (حتي الرد اللي فيه الفيديو) بتوع الموضوع ده
تفتكر هيكون ردة فعله ايه

بعد فيديو الاستاذ حورس
مش عايز اسمع لا SIR ولا GTI ولا 316 موديل 90 و كل العربيات موديل سنة 90 الي فاكرنها بتجري دي ... دنتوا غلابة اوي يا جدعان D:

ليه مش بقول واحنا كمان ؟ علشان احنا غلابة من الاول . جايب عربية تادي غرضها كل 6 سنين و حغيرها مش بقنع نفسي انها فراري و فاكرها حاجة :D

بمعنى اخر مفيش هدنة :p

واضح ان محدش خد باله من ردك ده
ده الموضوع كمل يجي 3 صفحات من بعده
و تقريبا كده

مفيش فايده

[CryptonX]

واضح ان الناس متعرفش يعني ايه تقييمات اصلا .. اي عدس وخلاص !

لما واحد يقول ان عربية سوبر ميني مثلا واخدة 7/10 ... هل معنى كدة ان هي احسن من عربية فيراري واخدة 6/10 ؟

بجد هو ده مستوى التفاهم هنا ؟ ولا يمكن علشان صايمين !

عامة للناس الي عايزة تعرف مش عايزة تجادل و تقاوح و تفتي وخلاص ...

لما عربية في فئة مثلا ال i30 زي الجولف تاخد 7/10 ... معناها ان في ده التقييم بتاع الفئة دي .. يعني فئة الهاتشباك العائلية !

هل في فيراري هاتشباك عائلية ؟ هل في فئة سادسة هاتشباك عائلية ؟
طبعا هما هناك كدة علشان بيقارنوا العربيات بفئاتها الحجمية ... مش ببلدها و لا سعرها زي عندنا ..

كملوا بقى عدس عدس عدس عدس :)
وكل عام وانتم بخير D:

[horas3000]

خلاصة القول ان الفرق بين المرسيدس والبي ام والبنتلي وماركات القمة في السيارات يتمثل في الاتي:

1- الثقة اسال نفسك هل شعورك بالثقة وانت راكب اي عربية كوري او حتي ياباني حيكون نفس الشعور بالقة وانت راكب اس كلاس او 7 سيريس
2- الخبرة. عموما السيارات مش بتتعلق بالتكنولوجيا والرفاهيات اد ما هي مساله خبرة, انا مثلا ممكن اجيب شاسية احن عربية في الثبان اورح لاكبر شركة تعديلات واقولهم حطولي احسن تعليق واكبر واسرع موتور وجمعولي اعلي كمية رفاهية من السيارات الموجودة , ممكن دة يكلفني كتير وحاخد سيارة بموصفات خاصة جدا, لكن السؤال هل شعوري بالاطمئنان للي عملته حيمون هو هو لو كان في عربية خارجة من مصنعها كدة, لا طبعا. لان المساله عند شركة التعديلات مساله نظرية بحتة , لكن عند صاتعين كبار المسالة مساله سنين اختبارات ووصول للمعادلة القياسية, اكيد انا بتكلم مظبوط ولا اية,
3- التميز. مش كل الناس بتحسبها اية الاحسن كقيمة مقابل سعر والا كنت حتلاقي الراي السائد ان احسن عربية في الدنيا هي السوزوكي الماروتي, اهي عربية وبتمشي وشكلها مش قمئ وما بتفتحش بقها بسرعه, اكيد طبعا ده مش صح لان في ناس كتير جدا بيهمهم التميز وممكن يضحي بعربية منتشرة وتكيفها تلاجة وقطع غيارها ببلاش واعتمادي كويسة زي الفيرنا (اللي هيا عربيتي ههههه) مقابل انه يركب عربية زي هوندا جاز مثلا اللي هي مش منتشرة وقطع غيارها نبيا غالية مقابل انه يحس انه متميز, مش كل شيء بيتحسب كدة والا اللي بيلبس بدله شيك بس من بي تي ام زي اللي بيلبس بدله ارماني, اكيد البي تي ام كويسة بس لو قرنتها بارماني تبقي مقارنه ظالمة وببقي بظلم البي تي ام, ودي نقطه بيغفل عنها الكتير

اخيرا الهيونداي اثبتت كفائة ونجمها صاعد زي ما بيقولوا بس لفئة الناس المتوسطةاو تحت المتوسطة لكن اللي معاه وحابب فعلا يحس بالتميز زالرفاهية والثقة فاكيد حيروح لماركات القمة واكيد لو صاحب الموضوع معاه وربنا رزقة (ويرزقوا ويرزقنا ان شاء الله) اكيد مش حيفكر اساسا والاختيار محسوم

احييك علي ردك ده

[Eng.Geo]

شوف ياباشا هوندا عملت السيفيك الجيل الخامس بمحركات محتلفة وعديدة

والماتور بتاع السيفيك الجيل الخامس بيخرج قوة حصانية قوتها من 130-137 حصان حسب البلد اللى رايحة ليها العربية , حضرتك عارف السيفيك بالمحرك 1600 2 كامة بدون vtec بقوة 130 حصان بتوصل من صفر الى 100 فى قد اية ( 8.5 ثانية ) ودة متجرب من كل الشركات ومطلعة الارقام دية ودة معناة صدق هوندا فى قوة المحرك والماتور بيوصل لسرعة قصوى مقدارها 220 كم

فى الجيل السادس : تم تعديل المحرك الى محرك انعم بواحد كامة لان العملاء كان فية شكوى ان محرك ال Si خشن شوية فى السرعات اللى قبل 100 كم
وتم وضع محرك 1 كامة 1600 سى سى بقوة 127 حصان مزود ب vtec وم هنا بدأت السيارة تنتهج هذا المنوال

فى الجيل السابع حذفوا من مصر نهائيا المحرك ال1600 سى سى ونزلوها بمحرك بقوة 115 حصان من محرك 1500 سى سى وفى الخاج اصبح موجود 1600-1700 سى سى

فى الجيل الثامن رجعوا المحرك ال1600 سى سى بقوة 123 حصان ودة ناتج عشان هما زودوا عزم المحرك اصبح 15.4 بدل من 14.8 واصبح المحرك الجديد عدد لفاتة اقل بس فى ال vtec بيفتح بدرى وسرعتة القصوى اصبحت 226 كم , الفتيس اصبح 5 سرعات بدل من اربع سرعات
وزن العربية زاد

لكن ياباشا معلش هو كدة حضرتك بتاخد بالارقام لان كل الناس عارفة ان الالنترا دية لا يمكن تكون 130 حصان , ولا 120 حصان ولا 110 حتى
الدليل ان السيفيك اللى قوة محركها 123 حصان بتوصل من صفر الى 100 فى 10.2 ثانية مقابل 10.5 او 10.7 ثانية للالنترا تقريبا وبعد كدة تجميع السيفيك بيفرق جامد جدا خصوصا بعد الوحش مايفتح ( vtec ) العربية بتتحول كل دة وحضرتك مقتنع ان السيفيك قوتها قلت ؟؟؟؟؟؟؟

- معلش ياجماعة ياللى بتقولوا ان محرك هيونداى تطور ( حد فيكوا حاسس بنظام ال dvvt ) ودة المفروض سيستم زى ال i-vtec بالظبط الفرق المسمى فقط لاغير وزية كمان زى ال mivec كلهم بيعملوا على نظام ( variable valve timing )
انا اقولكوا الاجابة : كل واحد يجرب يشد كدة بالانترا او rb ويسمع صوت الماتور ويشوف قوتة اثناء تشغيل النظام , ويركب السيفيك ( اى موديل ) ويشوف فرق المحرك بعد فتح ال vtec وقبل هيلاقى تحول غريب حصل للسيارة وبقت more amazing صوت واداء

وهية دية التكنولويجا مش اسم محرك فية نظام وخلاص وشكر ولا بيعمل حاجة

يعني أستنتج من كدة ان هوندا قللت من خشونة الموتور بأنهم خلوها كامة واحدة وعليه قلت قوة الموتور ؟
علي فكرة كلامك اللي بيقول كدة ومفيهوش لعبكة حتي عشان أكون فااهم غلط مثلا
وليكن الكلام ده صح مثلا ... هوندا في 15 سنة مش عارفة تتطور الحتة ده عشان مايبقاش الموتور خشن ؟
ماتنساش صخيخ فرق الأوزان وان ال 8.5 دول كانوا بفتيس مانيوال
بالنسبة للهيونداي و dcvvt فاكس ... عندك تويوتا نفس الكلام وزي الهيونداي مش زي هوندا ولا ميتسوبيشي

[Eng.Geo]

هههه يا باشا ده دائري من ال 8 اللي في الكويت
و لك ان تتخيل بقي واحد بيشوف الكلام ده علي الحقيقه و يقرا ال25 صفحة (حتي الرد اللي فيه الفيديو) بتوع الموضوع ده
تفتكر هيكون ردة فعله ايه

أيوة انا كنت بعمل زي ال emotion ده بالظبط
عايز أروح أتفرج :(

[hany63]

أولا حضرتك من الناس اللي بحترمها هنا في المنتدي جدا
حضرتك عارف انا ليه قولت تعبان ؟ لو كنت دققت شوية كنت فهمتني ومكانش حصل سوء التفاهم ده
انا بقول أزاي هوندا عاملة موتور من سنة 92 بيطلع 130 حصان من موتور 1600
وجاية في 2007 تعمل موتور بيطلع 123 !!
فرق 15 سنة دول مايزودش القوة بفرق ملحوظ ؟
ممكن نقول أهتموا بالبيئة وبقي في التزامات أكتر .... بس دول 15 سنة يعني
الا لو كانت هوندا بتكدب بقي زمان في الأرقام ده .... أترفع عليها قواضي هي ونيسان في أمريكا عشان بيكدبوا في الأرقام
انا كان قصدي الموتور ده تعبان بالنسبة لهوندا
بالنسبة للدايو ... ممدوح كان حاطت صورة عداد لعربية لحد يعرفه في مصر كانت عاملة 929 ألف كم والموتور مكانش أتلعب فيه ولا أتفتح ... مجرد الصيانات العادية
علي فكرة انا مابدافعش عن دايو وماحبش أدافع عن حاجة كدة لأنها مجرد عربية ومجرد شركة

يافندم ربنا ما يجيب سوء تفاهم
فعلا كل اللي حضرتك قلته انا سألت نفسي فيه في الاول و خصوصا في مرحلة التليين و قلت مش معقول دي الهوندا اللي بيحكوا عليها و خصوصا كنت راكب قبلها TSI و لكن بعد التعود على الفتيس و التليين و طريقه التعامل مع دواسة البنزين عشان نظام DBW اقول لك ان نظام ivtec عوض الفرق و زياده عشان بمجرد ما توصل ل 4000 لفه العربيه شخصيتها بتتغير و تحس انها قلبت على عربيه سباق اداء و صوت وانا برضه صدقني مش متحيز للهوندا و خلاص و بفكر اجيب الماني و اسيبها للبيت بس المشكله معنديش استعداد اتنازل عن مزايا الهوندا قصاد فخامة الالماني فقط و مش عايز اعدي رانج معين

[Eng.Geo]

يافندم ربنا ما يجيب سوء تفاهم
فعلا كل اللي حضرتك قلته انا سألت نفسي فيه في الاول و خصوصا في مرحلة التليين و قلت مش معقول دي الهوندا اللي بيحكوا عليها و خصوصا كنت راكب قبلها tsi و لكن بعد التعود على الفتيس و التليين و طريقه التعامل مع دواسة البنزين عشان نظام dbw اقول لك ان نظام ivtec عوض الفرق و زياده عشان بمجرد ما توصل ل 4000 لفه العربيه شخصيتها بتتغير و تحس انها قلبت على عربيه سباق اداء و صوت وانا برضه صدقني مش متحيز للهوندا و خلاص و بفكر اجيب الماني و اسيبها للبيت بس المشكله معنديش استعداد اتنازل عن مزايا الهوندا قصاد فخامة الالماني فقط و مش عايز اعدي رانج معين

انا عارف انها كويسة جدا وتسارع حلو
بس مش ده اللي انا منتظره
السيفيك الجيل التامن عربية ليها ناسها ... مش أي حد يحب القعدة بتاعتها ... قاعد عالأرض وماسك دركسيون صغير وقدامك شاشة ديجيتال !
انا من عشاق القعدة ده
بس كان نفسي يبقي موتور أقوي حبتين
في الألماني في الرينج ده مش هتلاقي حاجة

[mody3on]

لأ يا صديقى............مع أحترامى الشديد ليك

الأزيرا أعلى من الألنترا و أعلى من السوناتا....يبقى أزى فئة ال 3 series ؟

أعتقد أنها لو هتتقارن يبقى مع الفئة الخامسة........مش أقل من كده.

يا فندم بي ام بتبدأ من فئة الازيرا والافالون والتورس ، والفئة التالتة اعلى منهم كمان ، الفئة التالتة حاجة لوحدها كده
الفئة الخامسة تتقارن بالجينيسس

[mody3on]

عندكوا فيها ريموت ولا مفتاح وشكرا

معندكوش immoblaizer لحد الفئة اللى ب 141 الف جنية والفئة اللى ب 145 الف جنية فيها airbag واحدة بس ومافيهاش بردة immoblaizer

ال fully loaded - مافيهاش ولا نظام مساعد للاتزان ولا حاجة امال بقى fully loaded على اية ؟؟؟؟؟؟؟؟؟؟؟؟؟

السيفيك نازلة بفوج لايت وفيها multi function , فيها مرايات كهرباء بس مش ضم , وعلى فكرة ال fully loaded مافيهاش بردة مرايات ضم , طبعا فيها bluetooth , aux وكل الاوبشن اللى انت تعرفة

فتحة السقف موجودة فقط فى الvti , وبعدين هية هيونداى , هتخيرك مابين ال Abs وفتحة السقف ههههههههه

عايز اية تانى فى فئة ال lxi

طبعا في ريموت
ماشي مفيش ايموبلايز مختلفناش ومفيش ESC
والمرايات الضم نازلة ستاندرد في كل الفئات
فين برضه ال 40 الف جنيه ؟ ايموبلايزر و vsa بس ؟

[mody3on]

ياجماعة والله جيرمى كلارسون لما بيسوق عربية مثلا زى الفيرارى بيشتم فيها فى حاجات تخيل بقى لو ساق هيونداى

بس الاختبارات المعمولة دية مبنية على حاجات , يعنى ماينفعش يسوق عربية هيونداى تمنها مابيعيدش 15 الف دولار ويجرب ثباتها على 180 كم , ولا حتى يجيبلك التوب سبيد بتاعها
ويقولك مش ثابتة , لأ هو عارف كويس انة بيجرب عربية مدينة على قدها ( يعنى عايز عربية اول حاجة استهلاك بنزين قليل - تكون واسعة - تكون كل حاجة قريبة منك فى التحكم - يكون فيها وسائل امان ) يعنى كل سبل الراحة تكون موجودة فيها بقدر فلوسها لانهم عارفين ان دية عربيات مدينة

فمحدش يجى يقول دية الهيونداى i10 واخدة 7/10 وال سيفيك واخدة 6/10

ومعلش ياجماعة فية ناس مع الكلام معاها هنا اثبتت ان فية حاجات كتير فاهمها غلط

ايوااااااااااااااا اخيرا ، هو عارف ان الفئة دي للمدينة اولا ، والسيفيك نفس الفئة ، يعني مش بياخد السيفيك غرز على 180 ، لان السيفيك مش بتاعة كده ، فين اللي مش واضح طيب ؟

[mody3on]

هو ايه يا جدعان ، اكورد ايه اللي فئة ال 5 series ، هو ده مش منتدى عربيات برضه ؟
الاكورد فئة اقل من الفئة التالتة اصلا !