ازاي ترجلش دوسات وفرامل اليد للفيرنا بالصور+الشرح

[aymn6666]

بسم الله الرحمن الرحيم
النهارده حشرح ازاي نرجلش دوسات البنزين والفرامل و الدبرياج وفرامل اليد للفيرنا
نبدا بفرامل اليد
حشرح ليه مهم رجلاش فرامل اليد
فرامل اليد مهمه جدا لان دي لقدر الله لوحصل وانك ماشي وفرامل الزيت قطعت مفيش غير فرامل اليد هي الي تقدر توقف العربيه طبعا ممكن نستعمل الغيار العكسي بس ده بيهدي من سرعه العربيه وممكن في موقف صعب متلحقش لغيار عكسي ولا يحزنون
فعلشان كده بهتم بفرامل اليد قوي
وطبعا لو ركنين علي مطلعايه نبقي مطمنين ان العربيه متريحش وان محدش يقدر يتحتحها من مكنها
نبدا بالادوات
مفتاح 12-مفك صليبه-كوريك

حنتني دهر الكرسين الي قدام ونطلعهم قدام علشان نوسع مكان وحنقعد علي الكنبه الي ورا ونشتغل
حنلاقي مسامرين قلواظ في الكونسوله يمين وشمال نفكهم

وبعدين نشد فرامل اليد علي الاخر علشان نعرف نطلع الكنسوله

وبعدين طلع الكونسوله لفوق مع ميلنها للامام حتطلع بسهوله

بعد منخلع الكونسوله ننزل فرامل اليد علشان مينفعش نرجلش والفرامل مشدوده

حنبص نلاقي الوير باين والصموله الي حنرجلش منها

نقف لغايه هنا وننزل نرفع العربيه من الجنب اليمين وحنحط قالب طوب امام الفردتين الاماميتين علشان العربيه متتحركش

وبعدين حندور العربيه لييييييييه
علشان العجل يبقي حر ونعرف نرجلش احسن
وبعدين حنلف الصموله بتاعت الرجلاش مع عقارب الساعه
يعني ناحيه اليمين

اول مره حنلف 3 لفات وننزل نلف العجل لو لسه حر نلف لفتين كمان وننزل نلف العجل تاني ونكرر الموضوع لحد لما نلاقي العجل تقل حنقوم مهويين شويه علشان نحملش علي التيل تمام كده
حنسيب كل حاجه ونزل العجله اليمين ونروح نرفع الشمال وناخد بلنا من النقطه دي
لو العجله الشمال بتلف حر يبقي تمام كده منرجلش تاني ونزل العجله ونبطل العربيه ونرجع كل حاجه زي ماكنت وخلاص
لاكن لو العجله بتلف تقيل يبقي نهوي الرجلاش لحد العجله متبقي حره علشان ممكن العجلتين ميبقوش في سوي بعض بالنسبه للتيل لازم نعمل حساب النقطه مهمه قوي
وكده نبقي خلصنا رجلاش فرامل اليد
-----------------------------------------------------------------
تاني حاجه رجلاش دولسه الدبرياج
ليه بنرجلش الدبرياج علشان نريح رجلينا في طلعه العربيه ونخلي العربيه تطلع مستريح والغيارات والمرشيدير يجو بسهوله لان بيبقي في عربيات الدبرياج واطي قوي وبيزهق في الطلعه والغيارات ولازم تدوس بقوه لحد مرجلك توجعك
نبتدي الادوات مفتاح 12 فقط
حنرجع الكرسي للخلف علشان نوسع لنفسنا ونعرف ننزل تحت عند الدوسات حنبص من تحت حنلاقي المنظر ده
دي دواسه الدبرياج

حنلاقي الوصله بين الدواسه وسرفو الدبرياج وفيه صاموله 12 بنقول عليها بالبلدي صاموله كونتر ودي علشان الوصله متلفش علشان متخلفش الظبط
في الصوره دي باينه قوي

اول حاجه حنهويها علشان نعرف نلف وصله الرجلاش حنلفها في اتجاه عقارب الساعه وكده الوصله حره حنلفها بادينا في اتجاه عقارب الساعه علشان نعلي الدبرياج بس اللف هنا يدوب نص لفه
وبعدين ندور العربيه ونجرب نطلع بيها ونشوف الطلعه عمله ازاي ونجيب مرشيدير لو مستريح يبقي خلاص نبطل العربيه ونربط الصموله كويس علشان وصله الرجلاش متخلفش الظبط
انما لو حسيت انه لسه عايز يعلي كمان حتلف الوصله بس ربع لفه فقط ونجرب تاني لحد متحس انك مرتاح في الطلعه والغيارات
بطل العربيه ونزل اربط الصموله الكونتر اوعي حد ينسي يربطها
كده خلصنا
-----------------------------------------------------------------
تالت حاجه رجلاش دواسه البنزين
ليه بنرجلش علشان نعنض القيمه الي اتكلت من التيل
علي راي الكابتن لطيف واحد يسالني محنا بنرجلش الفرامل الخلفيه من طنابير
طيب الاماميه ملهاش رجلاش حقله ليها بس مش من الطنابير من الدواسه وهو ده الي حنعمله
بس في الاول لازم نعرف ان رجلاش الدواسه بتاعت الفرامل حساس قوي يعني ربع اللفه بحساب
الادوات مفتاح 14 -بنز(زراديه)
حنرجع الكرسي للخلف علشان نوسع لنفسنا
حننزل نبص تحت الدوسات حنلاقي المنظر ده
وده شكل دواسه البنزين

زي معملنا مع رجلاش الدبرياج حنعمل مع رجلاش الفرامل
حنهوي الصموله بس دي مقاس 14 وحنلف وصله الرجلاش بس هي جمده غير بتاعت الدبرياج فحنلفها بالبنز

بس هنا نخلي بلنا لما نلف نلف ربع لفه بس وبعدين نجرب يعني ندور العربيه ونجرب الفرامل لان ربع لفه كفيله انها تخلي الفرامل
علي الشعره
انت مش حتصدق الاختلاف في الفرامل
فاياريت نكون حساسين في النقطه دي
جربنا ولقينا الفرامل تمام نبطل العربيه ونربط الصاموله الكونتر اوعي حد ينساها
وكد خلصنا
-----------------------------------------------------------------
رابع حاجه رجلاش دواسه البنزين
ودي بتيقي من الموتور مش من الدواسه
الادوات
مفتاح 14 فقط
حنفتح الكبوت ونبص حنلاقي الرجلاش بتاع كبل البنزين


وبعدين حنمسك سلك الكابل ونشوف مرخي ولا مشدود

طبعا لو مشدود يبقي خلاص مش محتاجين نرجلش لو لقيته مرخي
حنهوي اول صاموله (الصموله اليمين)

وبعدين نحرك المسوره الي ماشي فيها السلك ناحيه الشمال وبعدين نربط الصاموله التانيه( الصامله الشمال )
بس خلاص
---------------------------------------------------------
يارب اكون قدرت افيدكم واعزوروني عل التصوير لو مش واضح
واي استفسار انا تحت امركوم

[monamize4]

شغل ممتاز و مجهود كبير من حضرتك ,,,,, على فكرة انا بحترم الناس اللى بتصين العربية بنفسها

[amz2011]

موضوع رائع جدا جدا جدا

[koshary]

روووووووعة تسلم ايدك وتقرير مميز

[aymn6666]

شكرا ليكم ولزوقكم

[MohammedAladel]

تسلم يا جميل

[Karim_Monir]

موضوع ممتاز
بس ليه مارفعتش على موقع الرفع بتاعنا عشان ينزل اللوجو على الصور
ومايتسرقش الموضوع

[aymn6666]

موضوع ممتاز
بس ليه مارفعتش على موقع الرفع بتاعنا عشان ينزل اللوجو على الصور
ومايتسرقش الموضوع

اصل حجم البكسل بتاع الصور كبير ومعنديش فكره هل ينفع الرفع لو البكسل كبير ولا لئه

[mshmshm3]

مجهود ممتاز جدا جدا

[Ramy_2R]

موضوع متميز :)

شكرا

[MohammedAladel]

أنا كنت هسأل برضه على حتة دوراة السيارة بس قلت بلاش جايز قصده إن عشان دورة الفرامل تشتغل


طيب أنا عندى فرامل ديسكات ورا وقدام كدا أنا مينفعش أرجلش ورا ؟؟؟

وبكدا نستنتج من كلام حضرتك إن رجلاش فرامل اليد هو خاص بعصا فرامل اليد يعنى بدل ما تخليها تشد العربية من 5 تكات ممكن تخليها تشد من أقل شده ؟

[mohbasyouni]

موضوع مفيد و مرتب جدا شكرا على المجهود

[aymn6666]

أنا كنت هسأل برضه على حتة دوراة السيارة بس قلت بلاش جايز قصده إن عشان دورة الفرامل تشتغل


طيب أنا عندى فرامل ديسكات ورا وقدام كدا أنا مينفعش أرجلش ورا ؟؟؟

وبكدا نستنتج من كلام حضرتك إن رجلاش فرامل اليد هو خاص بعصا فرامل اليد يعنى بدل ما تخليها تشد العربية من 5 تكات ممكن تخليها تشد من أقل شده ؟

طبعا انا رديت علي موضوع تدوير العربيه
والموضوع عباره عن زياده تاكيد ان الرجلاش صح
وبعدين الي مش عايز يدور العربيه خلاص براحته
بنسبه ان الفرامل ورا سكاكيس
منت ممكن ترجلش دواسه الفرامل وهي حتقدي نفس الغرض وحتلاقي فرق كبير وهي سرعه استجابه الفرامل اسرع
وانت عارف ان جزء من الثانيه ممكن يعديك من موقف لا قدر الله صعب
ايوه الرجلاس بتاع الهاند برضه بيخلي العجل الي ورا لو شديت اليد يكلبش ابرع واقوي من انه قبل مترجلش
بس خالي بالك متخليش اليد تبقي اقل من 4 تكات يعني في حدود 6 او5 تكات يبقي تمام

[aymn6666]

سؤالى ليك:
لما انت بتشد سلك فرامل اليد بالطريقه بتاعتك دى هل انت كده بترجلش فردتين القبقاب فى كل ناحية عجل ولا بترجلش فرده قبقاب واحده منهم بس!!!
و هل بيكون فيه تحميل مستمر على سلك فرامل اليد طول الوقت ولا التحميل ده بينتقل للرجلاش اللى المفروض انه بيكون دايس على فردتين القبقاب!!
((كل عجله خلفى فيها فردتين قبقاب))

ايوه طبعا فردتين التيل بيتحركو ناحيه الطنبور
لا مفيش تحميل عارف ليه
علشان انا بعمل حساب الرجلاش تمام وعلشان ابقي متاكد برجلش العربيه وهي دايره
عرفت ليه بدور العربيه
علشان يطلع شغل فنادق

[mshmshm3]

بقولك يا اكسلانس لو سلك دواسة البنزين مسحناه (مش رشينا ) بحتة فيها زيت wd-40 هايخلي دواسة البنزين انعم ؟