15 محاولة للأصطدام بالالنترا خلال يومين فقط - هيا الناس دي بتسوق أزاي ؟؟

[Samir Elshahawy]

الاخوة و الأخوات الكرام / مالكي و محبي هيونداي ..

أسعد الله أوقاتكم ......
ووقاكم ووقانا من شر الطريق و شر أنفسنا ...

طبعا الموضوع باين من عنوانه , أحنا ماشيين في سيرك أو سوق أو كريزي تاون ماحدش عارف أيه ده بالظبط , و الله لو حاولوا يخترعوا لنا لعبة سيارات علي الكمبيوتر أو البلاي أستيشن مش هاتكون بالشكل اللي أحنا فيه في مصر ده

اللي يمشي بعربية في مصر و يكون نصيبه تجريح للعربية بس يبقي بطل و الله و يستاهل رخصة قيادة دولية

بجد أنا أعصابي باظت من أمبارح ...

مش عارف أبدأ منين لكن هانبتدي واحدة واحدة علشان لازم نشوف حل للسيرك اللي أحنا فيه ده


* السبت 10مارس 2013 :
المكان : مدينة الرحاب - عند الميدان المواجه لمنطقة البنوك

الساعة الثانية عشر ظهرا

انا جاي من أتجاه الفود كورت و مكمل علي طول في أتجاه الباركينج المواجهه لمنطقة البنوك

طبعا دخلت الميدان و المفروض الاولوية لمن هو بالميدان
فجأة وجدت العربيتين اللي قدامي وقفوا علشان العربيات اللي جاية من اليمين قطعت الطريق و مكملة (حاجة كده تنم عن جهل الناس بأبسط قواعد المرور)

المهم أيدي علي الكلاكس علشان اللي قدامي يكمل و يدخل و فعلا أول عربية كملت و التانية واحدة ست وقفت زي ماهي فأنا طلعت من شمالها و كملت و أذا بعربية جاية من اليمين داخلة الميدان
طبعا أنا شايف الطريق كويس و أيدي كانت لسه علي الكلاكس علشان البيه مايدخلش لأن ده طريقي أنا و فعلا هو واقف فأنا كملت
و بعد ماعديت منه أذا بصوت أرتطام قوي بالعربية عندي من الجانب الايمن بالخلف
طبعا وقفت في الحال و نزلت أشوف فيه أيه
لاقيت البيه بعد أنا مادخلت راح مكمل و داخل بأكصطدامه في الكاوتش اليمين الخلفي وواخد الأكصطدام الخلفي من جهة اليمين خط علي الماشي

- أول سؤال سألته للأفندي : أنت كده صح ؟
- طبعا رد بمنتهي التبجح : أنا واقف حضرتك اللي خبطت فيا !!
- قولت له : أنت واقف و أنا خبطتك تقوم الخبطة تيجي في الرفرف الخلفي بتاعي , طب أزاي ؟
- قام كمل و قال لي : أنا كنت واقف
- قولت له : بفرض أنك واقف , هو فيه واحد يقف في مدخل ميدان الا أذا كان ........
طبعا الراجل (و هو في الثلاثينات تقريبا ) بهت من الاجابة و اللفظ
و علي طول لحقته بالتانية و قولت له : زي ما احنا كده و نستدعي الشرطة و نشوف مين اللي كان واقف و مين اللي كان ماشي و نعمل محضر و اللي غلطان يتحمل ثمن غلطته
- قام قال لي : بس أنت عربيتك مافيهاش حاجة
- قولت له : و التجريح اللي في الطاسة ده ؟ و تجريح البوية في الاكصطدام ؟
يا أما محضر و أنت تتحمل تكاليف أصلاح ما أفسدته بغبائك و جهلك بأصول و قواعد المرور أو ...
و خدوا بالكوا من أو دي
أني أكسر لك حاجة في عربيتك بنفس قيمة ما أفسدته لأني لن أقبل أني أخد من أمثالك أي تعويض

طبعا الشارع كله واقف ورانا وواحد من الافندية اللي برضه مش فاهمين حاجة تدخل و قالي :
خلاص حصل خير و أنت كده معطل الطريق

بصيت له و قولت له : و أنت مالك ؟ لو مستعجل كمل من اي طريق تاني
و بعدين أنت بتكلمني أنا أني معطل الطريق ليه ؟ ماتشوف الب ....... اللي راكنين في الميدان

- طبعا الراجل بمنتهي النرفزة قالي : طيب أنت عايز أيه دلوقتي ؟
- قولت له : يا أما محضر يا أما تعتذر و تقول أنك غلطان
و بعد ماعطلت الشارع كله و جه فعلا أحد أفراد الامن و طلبت منه يتصل بنقطة الشرطة و يطلب كمان ونش يشوف العربيات اللي راكنة في الميدان و بدأت أستخدم التليفون في الاتصال بجهاز المدينة أضطر الراجل (و اسف علي أستخدام هذه الكلمة لمثل هذه النوعية) أنه يعتذر بعد ما اخد علي دماغه

طبعا مشيت بعد ماسمعته كلمتين في جنابه هو و اللي كان بيتشدد له و دي كانت أول حالة أحتكاك للألنترا من يوم ماجبتها لكن الحمد لله بشوية بوليش طلعت أثاره و العربية رجعت تقريبا زي ماكانت


طبعا باقي اليوم كله محاولات مني لتفادي مايفعله الاخرين بالرحاب و خارجها من :
- توقفات مفاجئة
- أنحراف مفاجئ (واحد يكسر عليا فجأة)
- واحد أو واحدة يقطع الطريق فجأة

و الحمد لله ربنا سترها طول اليوم


.... اليوم .. 11 مارس 2013 :
كنت نازل الصبح علي الشهر العقاري لعمل بعض الاوراق بمكتب التوثيق بمدينة نصر
و قولت بدل الزحمة و القرف بتاع الحي العاشر أخد الدائري و أنزل بعد كده من محور الشهيد و أخلص نفسي

طبعا البداية الطين كانت عند الميدان المواجهه لأكاديمية الشرطة
سائقي الميكروباص .. اللي ماشي عكسي (في ميدان علي الدائري !!) و اللي واقف في الحارة التانية و التالثة و اللي فجأة يطلع من غير مايبص في المراية و يكسر عليك و ممكن يدخل عندك و يقعد علي الكرسي اللي جنبك من الاخر ..... مهرجان أضطريت معه أني أستخدم الكلاكس طول ما انا بألف الميدان

و هنا حصلت حاجة غريبة ..
أحد أفراد المرور اللي في الميدان جه ووقفني
- قالي أنت عامل دوشة ليه ؟؟
- رديت عليه : و أنت مش بتعمل حاجة ليه لكل السيرك اللي أحنا فيه ده ؟
أنت سايب الأيشي و جاي تتشطر عليا أنا
و علي فكرة و أنا باكلمه كنت لسه دايس علي الكلاكس
و روحت سايبه و ماشي


طبعا لو عديت لكوا كم التجاوزات من الاخرين التي كادت أن تسفر عن خسائر لسيارتي مش هأقدر و لكني قدرت عددها المبدئي ب 15 مرة

منها علي سبيل المثال و أنا علي محور ال NA واحدة ست بعربية فيرنا ماشية في الحارة اللي علي شمالي و أنا يادوب مقدمة العربية عندي لاتتجاوز الرفرف الخلفي لعربيتها و اذ فجأة الهانم تحدف يمين أديها انوار و كلاكسات و لا هيا هنا فاضطريت أهدي و أخد يمين سنة بعد ما أديت أشارة للعربية اللي في اليمين

طبعا لما عديت من جنبها لاقيت الهانم بتتكلم في الموبايل و مش فاضية تبص علي المرايات بتاعتها ده اذا كانت ظابطاها أصلا

المهم أخرة المتمة علشان ما أطولش عليكوا أكثر من كده
و أحنا واقفين في اشارة أو الطريق واقف قبل هيئة الشرطة اللي علي محور الشهيد أذا بعربية نقل محمل خشب بارز من الصندوق جاي من شمالي و أنا شايفه في المراية و لو كمل و عدي هايأخد الجنب الشمال كله معاه

طب أعمل ايه و فيه في يميني عربية تانية ؟

قررت أني أطلع قدام سنة و أخد يمين علي قد ما أقدر و فعلا الافندي دخل و لا هو هنا من غير مايقدر اي مسافة و هوووووووووب

لطش المراية اليمين في سكته

الحمد لله ... المراية لفت لقدام ... فتحت الازازا و عدلتها و شغلتاه وجدت أنها سليمة

طيب أعمل ايه ؟
أجري وراه أجيبه من قفاه و لا أعمل أيه ؟
قولت مش مهم نصيبي اني أمشي في بلد أهلها بالشكل ده

المهم وصلت و خلصت مشواري و رجعت بعد كده علي المكتب في شيراتون هليوبوليس طبعا متخذا نفس المسار (محور الشهيد - ال NA - الدائري - طريق السويس - الاوتوستراد)

وصلت المكتب و أنا اعصابي بايظة من اللي بيحصل علي الطريق و من الاستهبال بتاع الناس اللي سايقة

و الله أنا ملتزم جدا بقواعد المرور
- بأمشي في حارتي بين الخطين
- لما بأجي أغير الحارة بادي أشارة قبلها و اشوف هل الطريق خلفي يسمح بالتغيير و لا لأ
- لو في تقاطع بأحترم أولوية المرور للقادم من اليسار أو القادم من الميدان (بالرغم من أن اللي ورايا بيفضل يقلب لي نور و يدي لي كلاكسات)
- مش ممكن أركن صف تاني و لا علي ناصية أو أمام فتحة أو يوتيرن و باختار اماكن الركنة بعناية ليس فقط أحتراما لقواعد المرور و حق الاخرين و لكن ايضا خوفا علي سيارتي من أن تتعرض للأحتكاك و لو فيه جاراج أو ساحة أنتظار بأركنها فيها

بالله عليكوا نعمل أيه بس
بجد أنا تعبت و زهقت و طهقت

اللهم أنا لا نسألك رد القضاء و لكن نسألك اللطف فيه

[تامر.محمد]

و هي دي مصر

انا امبارح في خلال خمس دقايق كنت على وشك ميني باص يحكني (على الاقل) و انا مش عارف اعمل حاجة و بعدها بمفيش واحد رجع بضهره ريح عليا من قدام

[mohammedabdallh]

وده الطبيعى فى مصر

[AlGazar2]

ده العادى فى مصر

البلد دى مينفعهاش العربيات الجديده - فى ناس هنا عايزين الواحد يبقى معاه العربيه الفورد القديمه عشان يشيلهم و هو مطمن على عربيته و ان مش هيحصلها حاجه غير خربشه ده لو وصلت للصاج اساسا

[horas3000]

welcome to egypt

لسه النهارده الصبح
سواقين المكروباص قطعوا كوبري العاشر
و عملت قرد و دخلت عكسي زي كل الناس عشان اطلع علي وصله الهايكستب عشان اطلع الدائري و منه لطريق الاسماعيليه تاني
و الحمد لله ربما كرمني و كان سالك
و انا في الطريق الميعاد اللي كنت رايحه الاسماعيليه اتلغي و لفيت عشان ارجع العبور
و اذا بي الاقي لجنه و بيقولي بتجري ليه علما اني طول الطريق كنت مشغل الكروز كنترول
بقول للامين انا اتلقطت فين و انا اصلا لسه لافف اليو تيرن و لسه هنفجر فيه عشان المسخره اللي سايبنها عند كوبري العاشر لقيته بيديني الرخصه رحت واخدها و ماشي

[MohammedAladel]

15 محاولة لاغتصاب الجميلة النترا كلها باءت بالفشل
هنا القاهرة :
* السبت 10مارس 2013 :
المكان : مدينة الرحاب - عند الميدان المواجه لمنطقة البنوك
الساعة الثانية عشر ظهرا ( مع مراعاة فروق التوقيت )
تم خدش الإلنترا فى الطاسة والاكسدام
بعد حوار مرير وقاسى لاسترداد كرامتها

أنا شايف انك هزقت الراجل يا باش مهندس وبهدلت كرامته
أنت كده صح ؟
مش جايز يكون كان هو واقف فعلا ؟
بس فيه حتة عجبتنى قوى
طبعا الراجل بمنتهي النرفزة قالي : طيب أنت عايز أيه دلوقتي ؟
- قولت له : يا أما محضر يا أما تعتذر و تقول أنك غلطان



مش عايز أكمل بقى الحاجات دى مش للحكاوى

[Samir Elshahawy]

15 محاولة لاغتصاب الجميلة النترا كلها باءت بالفشل
هنا القاهرة :
* السبت 10مارس 2013 :
المكان : مدينة الرحاب - عند الميدان المواجه لمنطقة البنوك
الساعة الثانية عشر ظهرا ( مع مراعاة فروق التوقيت )
تم خدش الإلنترا فى الطاسة والاكسدام
بعد حوار مرير وقاسى لاسترداد كرامتها

أنا شايف انك هزقت الراجل يا باش مهندس وبهدلت كرامته
أنت كده صح ؟
مش جايز يكون كان هو واقف فعلا ؟
بس فيه حتة عجبتنى قوى
طبعا الراجل بمنتهي النرفزة قالي : طيب أنت عايز أيه دلوقتي ؟
- قولت له : يا أما محضر يا أما تعتذر و تقول أنك غلطان



مش عايز أكمل بقى الحاجات دى مش للحكاوى

واقف فين بس

في نص الطريق ؟ و في منتصف الصينية ؟
و لو هو واقف أزاي هايخبطني من ورا ؟
بالظبط زي اللي يتهمك أنك ضربته بوشك علي أيده

[Mohamed.Fawzy]

و مين سمعك ... انا كرهت السواقه و العربيات و بقيت بتخنق كل لما اسوق و خصوصا بعد ما سواق تريلا مصطول قلبنى على الدائرى

ربنا يكفينا جميعا شر الحوادث

[john55]

زحمه يا دنيا زحمه عفوا انت في بلد العجايب مصر لازم تعمل عفوا زي القرد علشان تعرف تسوق عربيتك انا كنت ماشي قابلني في المخالف توك توك + عربتين كارو كل واحده واخده حاره بصراحه انا جالي نوع من التناحه مش عارف اتصرف ازاي نزلت بسرعه من العربيه ووقفت زي بتوع المرور علشان اعديهم والحمد لله عدت بسلام بس انا غلطان علشان اشتريت عربيه جديده ملها 128 كنت بخش في الحديد ومكنش بيهمني لكن الحمد لله علي كل حاجه وشكرا

[MohammedAladel]

ا

و هنا حصلت حاجة غريبة ..
أحد أفراد المرور اللي في الميدان جه ووقفني
- قالي أنت عامل دوشة ليه ؟؟
جامدة هتموتنى من الضحك

طبعا لو عديت لكوا كم التجاوزات من الاخرين التي كادت أن تسفر عن خسائر لسيارتي مش هأقدر و لكني قدرت عددها المبدئي ب 15 مرة
دا غير اللى كانوا فى النقط العمياء للسيارة قول 15 تانى يبقى 30 على كدا الواحد يبيع العربية أحسن له
منها علي سبيل المثال و أنا علي محور ال na واحدة ست بعربية فيرنا ماشية في الحارة اللي علي شمالي و أنا يادوب مقدمة العربية عندي لاتتجاوز الرفرف الخلفي لعربيتها و اذ فجأة الهانم تحدف يمين أديها انوار و كلاكسات و لا هيا هنا فاضطريت أهدي و أخد يمين سنة بعد ما أديت أشارة للعربية اللي في اليمين
31
طبعا لما عديت من جنبها لاقيت الهانم بتتكلم في الموبايل و مش فاضية تبص علي المرايات بتاعتها ده اذا كانت ظابطاها أصلا
32
المهم أخرة المتمة علشان ما أطولش عليكما أكثر من كده
و أحنا واقفين في اشارة أو الطريق واقف قبل هيئة الشرطة اللي علي محور الشهيد أذا بعربية نقل محمل خشب بارز من الصندوق جاي من شمالي و أنا شايفه في المراية و لو كمل و عدي هايأخد الجنب الشمال كله معاه

طب أعمل ايه و فيه في يميني عربية تانية ؟

قررت أني أطلع قدام سنة و أخد يمين علي قد ما أقدر و فعلا الافندي دخل و لا هو هنا من غير مايقدر اي مسافة و هوووووووووب

لطش المراية اليمين في سكته
33
الحمد لله ... المراية لفت لقدام ... فتحت الازازا و عدلتها و شغلتاه وجدت أنها سليمة :_alshmokh22[1]:

طيب أعمل ايه ؟
أجري وراه أجيبه من قفاه و لا أعمل أيه ؟
قولت مش مهم نصيبي اني أمشي في بلد أهلها بالشكل ده

المهم وصلت و خلصت مشواري و رجعت بعد كده علي المكتب في شيراتون هليوبوليس طبعا متخذا نفس المسار (محور الشهيد - ال na - الدائري - طريق السويس - الاوتوستراد)

وصلت المكتب و أنا اعصابي بايظة من اللي بيحصل علي الطريق و من الاستهبال بتاع الناس اللي سايقة

و الله أنا ملتزم جدا بقواعد المرور
- بأمشي في حارتي بين الخطين
- لما بأجي أغير الحارة بادي أشارة قبلها و اشوف هل الطريق خلفي يسمح بالتغيير و لا لأ
- لو في تقاطع بأحترم أولوية المرور للقادم من اليسار أو القادم من الميدان (بالرغم من أن اللي ورايا بيفضل يقلب لي نور و يدي لي كلاكسات)
- مش ممكن أركن صف تاني و لا علي ناصية أو أمام فتحة أو يوتيرن و باختار اماكن الركنة بعناية ليس فقط أحتراما لقواعد المرور و حق الاخرين و لكن ايضا خوفا علي سيارتي من أن تتعرض للأحتكاك و لو فيه جاراج أو ساحة أنتظار بأركنها فيها

بالله عليكما نعمل أيه بس
بجد أنا تعبت و زهقت و طهقت

اللهم أنا لا نسألك رد القضاء و لكن نسألك اللطف فيه

انا بقى واحد بموتسكل دخل فى العربية دمرلى العتبة اليمين

بس ملحقتش أهزقه الله يرحمه بقى

[Medicalist]

حسبى الله ونعم الوكيل
الناس بقت حيوانات دى اقل كلمه
وكميه لامبالاه و بلطجه لا توصف
امبارح راكن فى المستشفى لقيت واحد قام جاى راكن ورايا قلتله حضرتك انا خارج دلوقتى
قالى بطل كلام وتعالى اخرج بدل ما انت واقف تتكلم
بصيتله باندهاش وخصوصا انه راجل كبير فى السن
قلتله حضرتك المستشفى فاضيه اركن فى مكان جمب العربيه فيه مكان فاضى قام سايبنى وماشى
رحت ناديت عليه بقوله انا بقولك خرج العربيه
قام قايلى اتكلم بادب قلتله ادب ايه و عديت الموقف لحد ما جبته وخرجت وركن مكانى
حاجه يعنى مش عارف تتوصف ايه وبيقولى اوعى تكون مفكرنى ادارى انا استشارى التحاليل
طب ارد عليه واقوله ايه ؟
المهم خرجت وكنت خايف على العربيه وركن مكانى وكنت بغلى وعايز اعمل حاجه
قمت ملقح عليه بالكلام وقلتله البلد دى هتفضل طول عمرها بلد و.... طول ما فيها الاشكال دى
ما ردش طبعا وكان بيبص من تحت لتحت وبعدين دخل وانا واقف بغلى برضه عايز اكسر ام العربيه بتاعته
االمهم الى طلع بايدى رحت على النمره الى فى الشنطه وكنت عايز اكسرها اتنت معايا لفوق
وسبته ومشيت
طب واحد ززى ده و التلقيح بتاعه و قله ذوقه ومش عامل احترام لسنه اعمله ايه ؟
ده غير الاتارى الى عايشينه فى السواقه و الى يقطع طريق عليك و التكاتك الخ الخ

[adelmof40]

هو ده فن القيادة في مصر
لا قواعد ولا احترام ناس جهله بأبسط قواعد المرور
صوت عالي بلطجة وخد حقك بدراعك الصح فيها غلط
والغط فيها صح
طالما كل اللي معاه قرشين بيطلع رخصة ولا اللي له ظهر
بيطلع رخصة
وقولوا لي اي دولة في العالم بتعترف برخصة القيادة المصرية
ليه بقي لان كل اللي قعد علي حجر ابوه واتعلم يلف الدركسيون
ولا اللي قعد جنب صحبه وشاف الفتيس بقي سواق
واسأل 90% من حاملي تراخيص القيادة عن 5 علمات للمرور
ولا ابجديات القيادة لن تجد منه اجابة غير الكلمات التالية
يا عم................ كبر.....................فكك
واسف جدا لو تجاوزت

[MohammedAladel]

حسبى الله ونعم الوكيل
الناس بقت حيوانات دى اقل كلمه
وكميه لامبالاه و بلطجه لا توصف
امبارح راكن فى المستشفى لقيت واحد قام جاى راكن ورايا قلتله حضرتك انا خارج دلوقتى
قالى بطل كلام وتعالى اخرج بدل ما انت واقف تتكلم
بصيتله باندهاش وخصوصا انه راجل كبير فى السن
قلتله حضرتك المستشفى فاضيه اركن فى مكان جمب العربيه فيه مكان فاضى قام سايبنى وماشى
رحت ناديت عليه بقوله انا بقولك خرج العربيه
قام قايلى اتكلم بادب قلتله ادب ايه و عديت الموقف لحد ما جبته وخرجت وركن مكانى
حاجه يعنى مش عارف تتوصف ايه وبيقولى اوعى تكون مفكرنى ادارى انا استشارى التحاليل
طب ارد عليه واقوله ايه ؟
المهم خرجت وكنت خايف على العربيه وركن مكانى وكنت بغلى وعايز اعمل حاجه
قمت ملقح عليه بالكلام وقلتله البلد دى هتفضل طول عمرها بلد و.... طول ما فيها الاشكال دى
ما ردش طبعا وكان بيبص من تحت لتحت وبعدين دخل وانا واقف بغلى برضه عايز اكسر ام العربيه بتاعته
االمهم الى طلع بايدى رحت على النمره الى فى الشنطه وكنت عايز اكسرها اتنت معايا لفوق
وسبته ومشيت
طب واحد ززى ده و التلقيح بتاعه و قله ذوقه ومش عامل احترام لسنه اعمله ايه ؟
ده غير الاتارى الى عايشينه فى السواقه و الى يقطع طريق عليك و التكاتك الخ الخ

الوضع سيئ فعلا

بس مش من صفات الرجال رمى الكلام

وألوم على حضرتك اللى انت عملته فى النمرة دى جريمة يعاقب عليها القانون طيب افرض الراجل خبط حد دلوقتى ؟ الحكومة تجيب نمرته ازاى ؟

وبعدين عيب برضه انك تشتم راجل كبير فى السن

[Samir Elshahawy]

هو ده فن القيادة في مصر

لا قواعد ولا احترام ناس جهله بأبسط قواعد المرور
صوت عالي بلطجة وخد حقك بدراعك الصح فيها غلط
والغط فيها صح
طالما كل اللي معاه قرشين بيطلع رخصة ولا اللي له ظهر
بيطلع رخصة
وقولوا لي اي دولة في العالم بتعترف برخصة القيادة المصرية
ليه بقي لان كل اللي قعد علي حجر ابوه واتعلم يلف الدركسيون
ولا اللي قعد جنب صحبه وشاف الفتيس بقي سواق
واسأل 90% من حاملي تراخيص القيادة عن 5 علمات للمرور
ولا ابجديات القيادة لن تجد منه اجابة غير الكلمات التالية
يا عم................ كبر.....................فكك

واسف جدا لو تجاوزت

ماهو ده اللي يجننك انك تكون بتعرف تسوق (بمعني وفق قواعد صحيحة) و تلاقي واحد بيقول لك أن أنت اللي غلط و الناس ماشية كده بمعني (هذا ما ألفنا عليه وورثناه عن أبائنا و أجدادنا)

بجد أنا قعدت 5 سنين اتعلم سواقة في مصر و بره مصر
و دخلت 3 مدارس تعليم قيادة
و والدي كان رافض تماما أني أركب عربيته قبل ما اطلع رخصة حتي لو هأركنها

و يوم ماطلعت الرخصة رفض أنه يتدخل أو يكلم حد بالرغم من مركزه و قائد المرور نفسه لما عرف أني رايح أمتحن أتصل بيا و قالي أنتظره

لكن لأني واثق من نفسي وواثق من فووووز قولت و أنتظر ليه و دخلت الامتحان
- نظري
- ميكانيكا (رغم أني رخصة خاصة) بس مهندس المرور حب يغلس عليا
- عملي

و رغم نجاحي في العملي بشكل أذهل سائقي النقل و الاجرة اللي كانوا واقفين و لدرجة أنهم كلهم سقفوا لما رجعت بالعربية من علي مطلع صعب جدا بظهري

ألا أن ظابط المرور رفض ينجحني في الامتحان .... (علشان شاف أني جاي لوحدي مامعيش حد زي باقي الناس اللي ماركبتش حتي عربية و لا سألهم حتي أسمهم أيه لمجرد أن معاهم عسكري أو امين شرطة من طرف فلان الفلاني)

و هنا لما زعقت و هللت و أتصلت قدامه بالواسطة اللي أنا رفضت استخدمها في الاول
الظابط الي سقطني قالي : مش كنت تقول , تعالي بكرة أستلم الرخصة و لاتزعل

بالذمة ده كلام ؟
- يعني أطلع الرخصة علشان معايا واسطة و مش علشان بأعرف أسوق كويس
- يعني أمشي في الشارع عدل و أحترم نفسي و احترم الاشارة ييجي واحد يخبطني و هو غلطان و الناس تتلم و تطلعني أنا اللي غلطان لمجرد أني أتيت فعل مخالف لما ألفوا هم عليه ؟

[lidosasa]

من يومين بالظبط تاكسى كان ماشى قدامى شوية وعلى شمالى فى أمان الله والطريق سالك وزى الفل وهوووووووووووووب قام ناطط على اليمين عشان ينزل زبون بدون إشارة ولا بص فى مراية ولا الهوا وأضطريت إنى أمسك فرامل على خفيف وقمت كاسر شمال على خفيف لآنى مش عارف فيه ايه ورايا وملحقتش أبص بس كان ربنا ساترها وكان ورايا فاضى قمت مشاور للسواق بإيدى وزعقت وقالت ليه فين إشارتك .
المهم حصلنى فى دوران وكان راجل كبير فى السن وسألنى هى الإشارة مش شغالة اصلى عاطى إشارة قبل ما أركن قلت ليه لاء مش شغالة . والله أعلم كان فعلاً ميعرفش ولا بيستهبل بس كويس إنى لفت نظره وإنه حصلنى عشان يتأكد .