15 محاولة للأصطدام بالالنترا خلال يومين فقط - هيا الناس دي بتسوق أزاي ؟؟

[loshabih]

فعلا سعات بتحس ان الناس كلها مبتعرفش تسوق ومتفقه عليك وفعلا كرهت السواقه ومعظم مشويري بقضيها السبت او الفتره من 10 لحد1 2 الضهر
وفعلا الرحاب بقت زحمهههه جداا ولمت بصراحه
ليا تعقيب علي موضوع اللهم اني لا اسئلك رد القضاء ولكني اسئلك اللطف فيه...الدعاء دا مش مظبوط لان القصد من الدعاء رد القضاء ...والله اعلم

[big big]

طيب انت كده تؤل اية لما تنزل تلائ غطيان الاربع بلوف بتوع العجل مسرؤين خلاص دات بية الدنيا يسرء غطي بلف ده لو دخل علي اجعص محل كاوتش هيجبهم بجنة حسبي الله ونعم الوكيل

[MohammedAladel]

دا حرامى لسة بيتدرب ...خلى بالك المرة الجاية هتلاقى العربية على الأرض من غير جنوط حتى

السرقة دى مبادئ وقوانين برضه يا جماعة متفكروش ان لقمة العيش بتيجى بالسهل الحرامى برضه بيتعب وبيجتهد وبيتعلم :)

[Land_Cruiser]

الناس بقت عندها تناحه رهيبة . يعنى لسه النهارده واحد واقف بالعربيه فى نصف الشارع و سادد الشارع و لما تقوله وسع علشان الناس تعرف تعدى تلاقيه بيشاورلك ادخل مع ان مفيش مكان يساع نمله حتى لان البيه قافل الشارع لانه تايه و بيسأل عن عنوان

[Samir Elshahawy]

طيب شوفوا بقي التناحة و قلة العقل , أكيد الناس دي سكرانة أو بتشم حاجة

النهاردة و انا راجع علي الرحاب و عند تقاطع طريق السويس مع مخرج الرحاب اللي عند المدرسة الانجليزية

توك توك - أي و الله توك توك - طالع من اليمين و عايز يأخد اقصي الشمال مرة واحدة علشان يدخل من اليوتيرن العكسي و يلف الناحية التانية

قوم أييييييييييه ..

3 عربيات نقل (مقطورة علي اليمين - قلاب في الوسط - و ناقلة جاز علي الشمال
و طبعا القلاب فاضي و طاير
و التوكتوك أتحشر بين المقطورة و القلاب و مصمم يعدي شمال و يكسر علي النقل
هههههههههه

طبعا النقل مش ممكن يهدي و ال 3 عربيات في نفس واحد كلاكسات لدرجة أنهم رعبوا الطريق كله
و برضه التوكتوك مصمم

بتاع القلاب دخل و كمل و ميل سنة يمين علي التوكتوك لدرجة أن الصندوق بتاع النقل كان خلاص هايلمس سقف التوكتوك

طبعا انا جي من ورا و شوفت المنظر
هديت و بدأت اشغل الانتظار لأني توفعت كارثة ... و فعلا ...
بس الهوا بتاع النقل .... قلب التوكتوك علي جنبه

و عينك ماتشوف الا النور .....
مهزلة .. صوت صراخ الفرامل بتاعة العربيات اللي طالعة من الملف اليمين اللي جايين من الرحاب و فرامل العربيات اللي جاية في أتجاه السويس و مكملة علي الرحاب

يادوب أنا فلتت من الشمال ورا النقل و شوفت أنوار العربيات بترقص ورايا في المرايات

كله طبعا بيحاول يفادي الفسل اللي دخل وسط العمالقة

قولت في عقل بالي .. تستاهل أنت و اللي زيك "أيه جابك يا صعلوك وسط الملوك"

[spidars]

طب تعمل ايه في الي يخبطك علشان دخلت قبله

[AlGazar2]

طيب شوفوا بقي التناحة و قلة العقل , أكيد الناس دي سكرانة أو بتشم حاجة

النهاردة و انا راجع علي الرحاب و عند تقاطع طريق السويس مع مخرج الرحاب اللي عند المدرسة الانجليزية

توك توك - أي و الله توك توك - طالع من اليمين و عايز يأخد اقصي الشمال مرة واحدة علشان يدخل من اليوتيرن العكسي و يلف الناحية التانية

قوم أييييييييييه ..

3 عربيات نقل (مقطورة علي اليمين - قلاب في الوسط - و ناقلة جاز علي الشمال
و طبعا القلاب فاضي و طاير
و التوكتوك أتحشر بين المقطورة و القلاب و مصمم يعدي شمال و يكسر علي النقل
هههههههههه

طبعا النقل مش ممكن يهدي و ال 3 عربيات في نفس واحد كلاكسات لدرجة أنهم رعبوا الطريق كله
و برضه التوكتوك مصمم

بتاع القلاب دخل و كمل و ميل سنة يمين علي التوكتوك لدرجة أن الصندوق بتاع النقل كان خلاص هايلمس سقف التوكتوك

طبعا انا جي من ورا و شوفت المنظر
هديت و بدأت اشغل الانتظار لأني توفعت كارثة ... و فعلا ...
بس الهوا بتاع النقل .... قلب التوكتوك علي جنبه

و عينك ماتشوف الا النور .....
مهزلة .. صوت صراخ الفرامل بتاعة العربيات اللي طالعة من الملف اليمين اللي جايين من الرحاب و فرامل العربيات اللي جاية في أتجاه السويس و مكملة علي الرحاب

يادوب أنا فلتت من الشمال ورا النقل و شوفت أنوار العربيات بترقص ورايا في المرايات

كله طبعا بيحاول يفادي الفسل اللي دخل وسط العمالقة

قولت في عقل بالي .. تستاهل أنت و اللي زيك "أيه جابك يا صعلوك وسط الملوك"

نمله داخله لمس اكتاف مع افيال

ده اقل حاجة تتقال عليه انه سواق بهيم شارب حاجة

بس هيه التكاتك وصلت الرحاب كمان ولا ايه - هما وصلوا المعادى و بقوا بيمشوا عكس ليل نهار و لولا انى متأكد انى لو خبط العربيه مش هاتتصلح تانى كنت شيلت واحد منهم

[Nashaat Rady]

Me first

me first

الكلمتين قالهوملي الخواجات اللي شغالين معايا، ده مبدأ كم في كل حاجة، في السواقة و الطوابير و حتي في دخول الاسانسير و للأسف عارفين احنا بنسميها ايه.... فهلوة و نصاحة، وخليك صايع و خش قبله ما تبقاش غشيم، و الله العظيم انا مرة في سوبر ماركت و احد بيخلي ابنه الصغير يزاحم في الطابور و يقله انت اطلع قدام و خش في وسط الناس مش حايخدوا بالهم عشان انت صغير و بعدين أجيلك انا و ننجز، قلتله كلمة واحدة، اتفووووووووو علي الجيل اللي حايطلع من تحت أيدك.

me first
الراعي الرسمي للشعب المصرى

[ahmedabady2005]

امبارح و انا فى المطار
لسه بطلع من الركنة سواق ميكروباص صينى ( تقليد السوزوكى كارى)كسر يمين مره واحده ووقف قدامى بالظبط
طبعا دخلت فيه و اتكسر الرفرف الشمال بتاعى
لقيته نزل هو و الركاب يعتذروا و يقولى ما خدتش بالى خالص انك ماشى و الناس اتلمت و حصل خير و ما اعرفش ايه ... و انا من النوع الى باكل من الكلام ده
سبته بعد ما هزئتوا بس بعد ما مشيت ندمت جدا انى ما عملتلوش محضر او خليته يصلحه على حسابه خصوصا ان الرفرف اتكسر مش مجرد اتطبق

[besbest]

انا معاك بشده في كل اللي انت قولته يا باشمهندس سمير وللاسف الطريق في اي حته دلوقتي بقي سيرك ولازم تتعامل مع كل العربيات اللي حواليك في الطريق علي انهم بهلوانات وما بيعرفوش ابسط قواعد المرور فالحل الوحيد انك تسيب كل بهلوان يقدم الفقره بتاعته حفاظا علي عربيتك ...بالمناسبه انا معايا عربيه اخت اللي معاك بالظبط ونفس اللون كمان وحصل معايا بالظبط نفس الموقف بتاع الميدان اما جارك في التجمع الاول .....د/باسم

[Samir Elshahawy]

انا معاك بشده في كل اللي انت قولته يا باشمهندس سمير وللاسف الطريق في اي حته دلوقتي بقي سيرك ولازم تتعامل مع كل العربيات اللي حواليك في الطريق علي انهم بهلوانات وما بيعرفوش ابسط قواعد المرور فالحل الوحيد انك تسيب كل بهلوان يقدم الفقره بتاعته حفاظا علي عربيتك ...بالمناسبه انا معايا عربيه اخت اللي معاك بالظبط ونفس اللون كمان وحصل معايا بالظبط نفس الموقف بتاع الميدان اما جارك في التجمع الاول .....د/باسم

علي كده لازم نتقابل بقي و نتجمع قريب

[Nashaat Rady]

انا ثم انا ثم انا، هو ده الشعار في السواقة.... الشارع ده بتاعي، عشان انا اصيع وانصح واحد في مصر و كل اللي سائقين حوالية كروديات... انا طبعا حاوصل اقبلهم....

إمضاء: حمار بِدِيل

[sewefy]

اللى عاوز يعرف تقدم وحضارة اى بلد اول حاجة تشفها شكل الشارع فى مكان تعرف درجة تحضر البلد دى ومع الاسف الواحد حزين علشان اللى بيحصل فى البلد من قله ضمير عند الناس وفهلوه وعدم وجود شرطة بمعنى الانضابط بس الواحد بردوا عنده تفائل ان البلد ممكن تتطور وتبقى احسن من كده علشان عندنا عقول بتفكر صح يكفى الناس اللى هنا اللى هيا جزء من شعب فاهم يعنى ايه احترام وسواقه

[alrazy]

يا باشا امبارح على الزراعى فى كوبرى عند دمنهور و الكل طاير و كنت فى الحارة الشمال ..... اقل حاجه 90 او 100 و قدامى كيا بيكانتو و وراي نقل مقطورة ..... و فجأة الاقى الحـ.......... اللى قدامى ضرب فرمله !!!!!!!!!!!!!!!!! ووقف ...... تقريبا اكتشف انه ماكانش المفروض يطلع الكوبرى ..... حاولت اهرب منه يمين لقيت نقل على يميني بيعدى و وراه نقل و الباشا اللى كان وراى بيقلب نور و مشغل السارينه تيييييييييييييييييييييييييييييييييييييييييييت ..... و خلاص هيلبس لولا ربنا ستر و عرف يعدي على يمينى .... طبعا زمرت و قلبت نور و عملت كل حاجه لحد ما الجـ.......... اتحرك تانى .... .. انا كنت ناوى اكسرهاله لولا كانت معاى امى و خالتى .... بصراحه طلعت ادامه و فرملت و مشيت تانى و فرملت علشان اعرفه غلطه و كنت ناوى اوقفه بس البيه هدى خالص و تقريبا وقف و قلت بلاش الحمد لله ربنا سترها .... حسبى الله و نعم الوكيل

[amro0000]

مصر بقا فيها بلطجة بطريقة غير طبيعية وبعدين انتة جاي تقول للراجل اعتذرلي وامشي ههههههههههههههههه مهو هيعتذرلك يعني لا هينقص حاجة ولا نيله هيا عربيتك الي تتجرح وقلبك يحرقك عليها منا اسهل حاجة اقولها انا اسف عشان اخلع من موقف زي دا وانا غلطان يابشمهندس انتة شكلك راجل محترم وطيب والي زيك جة البلد دي غلط هههههههههه سامحني مصر بقت بلطجة مع الاسف وربنا ينتقم من الناس الي بتبلطج في كل حاجة ومش بتخاف علي عربيات الناس منهم لله انا بطلت اخرج بعربيتي وبقيت مقضيها اتوبيسات ومكروباص ومترو بسبب حرق الدم والله العظيم