15 محاولة للأصطدام بالالنترا خلال يومين فقط - هيا الناس دي بتسوق أزاي ؟؟

[Medicalist]

الوضع سيئ فعلا

بس مش من صفات الرجال رمى الكلام

وألوم على حضرتك اللى انت عملته فى النمرة دى جريمة يعاقب عليها القانون طيب افرض الراجل خبط حد دلوقتى ؟ الحكومة تجيب نمرته ازاى ؟

وبعدين عيب برضه انك تشتم راجل كبير فى السن

امال كنت اضربه و اتعدى عليه ؟
انا برضه كنت خايف على العربيه لانه اى شد معاه ممكن يخبط العربيه او يعاند و يسيبنى مزنوق وما اعرفش اروح
ولما هو عيب انى اشتم راجل كبير فى السن انت لو مكانى تعمل ايه ؟
حط نفسك مكانى

[MohammedAladel]

ماهو ده اللي يجننك انك تكون بتعرف تسوق (بمعني وفق قواعد صحيحة) و تلاقي واحد بيقول لك أن أنت اللي غلط و الناس ماشية كده بمعني (هذا ما ألفنا عليه وورثناه عن أبائنا و أجدادنا)

بجد أنا قعدت 5 سنين اتعلم سواقة في مصر و بره مصر
و دخلت 3 مدارس تعليم قيادة
و والدي كان رافض تماما أني أركب عربيته قبل ما اطلع رخصة حتي لو هأركنها

و يوم ماطلعت الرخصة رفض أنه يتدخل أو يكلم حد بالرغم من مركزه و قائد المرور نفسه لما عرف أني رايح أمتحن أتصل بيا و قالي أنتظره

لكن لأني واثق من نفسي وواثق من فووووز قولت و أنتظر ليه و دخلت الامتحان
- نظري
- ميكانيكا (رغم أني رخصة خاصة) بس مهندس المرور حب يغلس عليا
- عملي

و رغم نجاحي في العملي بشكل أذهل سائقي النقل و الاجرة اللي كانوا واقفين و لدرجة أنهم كلهم سقفوا لما رجعت بالعربية من علي مطلع صعب جدا بظهري

ألا أن ظابط المرور رفض ينجحني في الامتحان .... (علشان شاف أني جاي لوحدي مامعيش حد زي باقي الناس اللي ماركبتش حتي عربية و لا سألهم حتي أسمهم أيه لمجرد أن معاهم عسكري أو امين شرطة من طرف فلان الفلاني)

و هنا لما زعقت و هللت و أتصلت قدامه بالواسطة اللي أنا رفضت استخدمها في الاول
الظابط الي سقطني قالي : مش كنت تقول , تعالي بكرة أستلم الرخصة و لاتزعل

بالذمة ده كلام ؟
- يعني أطلع الرخصة علشان معايا واسطة و مش علشان بأعرف أسوق كويس
- يعني أمشي في الشارع عدل و أحترم نفسي و احترم الاشارة ييجي واحد يخبطني و هو غلطان و الناس تتلم و تطلعني أنا اللي غلطان لمجرد أني أتيت فعل مخالف لما ألفوا هم عليه ؟

ياااااااااه بعد كل دا وسقطت يا هندسة !

مش الراجل قال لك استنانى انت حر بقى ههههههه

بس أنا مش شايف أى صعوبات خالص يعنى

وعلى فكرة الناس اللى كانوا بيسقفولك دول بيسقفوا لكل واحد ينجح مش انت بس

وعلى فكرة برضه انا اليوم اللى اختبرت فيه

كنا بتاع 50 واحد ونجح أكتر من 60 واحد مننا

أنا ركبت العربية مكنتش بعرف أسوق بس ربنا جابها معايا جمايل وعرفت أرجع لورا ( العسكرى اللى كان راكب جنبى لما لاقانى هخبط فى القمع قال للى حاسب يعمى قلبك ربنا ههههههههه )

ونجحت واتصورت وطلعت الرخصة ومن غير واسطة

والاختبار النظرى بتاع الاشاارات دا كله بينجح فيه بتوفيق ربنا لأن مفيش وقت يختبر فيه 50 واحد فكان امين الشرطة بيجاوب وينجحنا كلنا ( وحياة قلبى وأفراحه زى الفرحان بنجاحه )


معلش بقى اللى معاه واسطة مش بيروح المرور خالص

فيه ناس كانت وما زالت بتعمل الرخصة مقابل 400 جنيه ويجيبهالك ديليفرى لحد البيت او الشغل !!

[Samir Elshahawy]

ياااااااااه بعد كل دا وسقطت يا هندسة !

مش الراجل قال لك استنانى انت حر بقى ههههههه

بس أنا مش شايف أى صعوبات خالص يعنى

وعلى فكرة الناس اللى كانوا بيسقفولك دول بيسقفوا لكل واحد ينجح مش انت بس :e_braces[1]:

وعلى فكرة برضه انا اليوم اللى اختبرت فيه

كنا بتاع 50 واحد ونجح أكتر من 60 واحد مننا

أنا ركبت العربية مكنتش بعرف أسوق بس ربنا جابها معايا جمايل وعرفت أرجع لورا ( العسكرى اللى كان راكب جنبى لما لاقانى هخبط فى القمع قال للى حاسب يعمى قلبك ربنا ههههههههه )

ونجحت واتصورت وطلعت الرخصة ومن غير واسطة

والاختبار النظرى بتاع الاشاارات دا كله بينجح فيه بتوفيق ربنا لأن مفيش وقت يختبر فيه 50 واحد فكان امين الشرطة بيجاوب وينجحنا كلنا ( وحياة قلبى وأفراحه زى الفرحان بنجاحه )


معلش بقى اللى معاه واسطة مش بيروح المرور خالص

فيه ناس كانت وما زالت بتعمل الرخصة مقابل 400 جنيه ويجيبهالك ديليفرى لحد البيت او الشغل !!

ياااااه 60 واحد
و هايجيبوا لهم عربيات منين دول ؟ ده مصر كلها شارعين و حارة سد

بص يا أستاذ / محمد ..
مشكلتي أني بأمشي جد و بأحاول أعمل كل حاجة حسب الاصول فالدنيا بتتعقد معايا
و سبحان الله لما أمشي عوج ألاقيها سالكة

بس برضه لأني بأعمل حاجات كتير صح في دنيتي ربنا بيوقفلي ولاد الحلال في أحلك المواقف

[MohammedAladel]

ياااااه 60 واحد
و هايجيبوا لهم عربيات منين دول ؟ ده مصر كلها شارعين و حارة سد

بص يا أستاذ / محمد ..
مشكلتي أني بأمشي جد و بأحاول أعمل كل حاجة حسب الاصول فالدنيا بتتعقد معايا
و سبحان الله لما أمشي عوج ألاقيها سالكة
ما تثبت بقى يا هندسة ولا هو شوية كدا وشوية كدا
بس برضه لأني بأعمل حاجات كتير صح في دنيتي ربنا بيوقفلي ولاد الحلال في أحلك المواقف

يا باشا بهزر معاك طبعا مش 60 واحد بس عدد كبير هههههه غير اللى بينجحوا من غير ما يحضروا يبقوا 60 واحد :)

بس هى كانت عربية واحدة بس دا انت بتعدى وسط أربع أقماع مرصوصين ورا بعض وترجع بضهرك الواحد مش بيكمل 3 دقايق فى الاختبار وبيبدأ بدرى شوف بقى ممكن يختبروا كام واحد فى اليوم

بس الواضح على حضرتك انك طيب جدا يا باش مهندس وأنا قلبى انفتحلك بصراحة وبلاش أستاذ دى خلينا أخوات أحسن

[khaledccie]

دة الطبيعى يا بشمهندس سمير

زى ما انت عارف دخل فيا واحد حمار امين شرطة بعربية بوكس فى الجانب الشمال من العربية وخبطلى الاكسدام والرفرف والفانوس
فى طريق واسع 5 حارات وفاضى تماما ويوم جمعة ودة داخل فى عربيتى من وراء بدون اى اسباب
دول مش بنى ادمين للاسف وربنا ينتقم منهم

[micho129]

البلد دي مشكلتها في شعبها

[Samir Elshahawy]

دة الطبيعى يا بشمهندس سمير

زى ما انت عارف دخل فيا واحد حمار امين شرطة بعربية بوكس فى الجانب الشمال من العربية وخبطلى الاكسدام والرفرف والفانوس
فى طريق واسع 5 حارات وفاضى تماما ويوم جمعة ودة داخل فى عربيتى من وراء بدون اى اسباب
دول مش بنى ادمين للاسف وربنا ينتقم منهم

ما انت قولت لي
بس بصراحة أنا كان نفسي أي ح.....ر من بتوع الشرطة أو الجيش يلمس عربيتي و انا كنت طلعت فيه كل غل و حقد السنين اللي فاتت و اللي جاية

ياااااااه مش ممكن أنسي لما كنت بأشوف عربيات الامن المركزي علي طريق السويس بعد الثورة و كانت بتنتابني حالة هيستيرية و أكسر عليهم علشان أنزله عن الاسفلت و مرة كنت هأخبطه فعلا فأضطر يفاديني و كان هايتقلب و شوفت الطريق في المراية وقف و شكله كان حكاية

بجد كرهي للداخلية و الجيش زاد عن الاول 100 مرة لأنهم سبب كل البلاوي اللي أحنا فيها
- مرة بعدم أمتثالهم للقانون أيام المخلوع
- و مرة بأمتناعهم عن ردع المخالفين لمجرد معاقبتنا أن قمنا بثورة كسرنا فيها عصاية النظام (اللي هيا هما)

[mshmshm3]

استاذي الفاضل
مدينة الرحاب بقيت ملجأ لاي حد عايز ينزل يلف
مع احترامي للبشر
تلاقي فيها اللي جي من كل حتة من البلد
و تلاقي فيها حرامية
و تاكس طيب سواق التاكس ساكن هناك مثلا وﻻ داخل يزور صاحبه ؟
ابتديت الكائنات الغريبة اللي بنشوفها في الشارع تلاقيها جوة
عايز اقولهم والله الرحاب مش في كوكب تاني مدينة سكنية فيها مباني
كل ده تسبب في وجود زحمة
يوم الجمعة اللي فات كان في حريقة في السوق بعد الصلاة
عربية المطافي رايحة السوق
كمية البهايم واقفين قدامها متنحين و السواق صوته اتنبح
وتلاقي اللي يطلع عشان ﻻقي حتة فاضية و مش مهم المطافي
واللي ماشي فاقد الوعي
ناس في منتهي التخلف
حاول تتحكم في اعصابك و تصبر مش في الرحاب بس ﻻ في اي حتة
ﻻن مستوي الوعي عند الشعب بينحدر للاسف
انا عارف ان في ناس كتير مش هايعجبها طريقة كلامي بس ده واقع

[S O P H O S]

المشكلة ان دي بيقي الطبيعي
عمره ما كان طبيعي كده !

[Samir Elshahawy]

استاذي الفاضل
مدينة الرحاب بقيت ملجأ لاي حد عايز ينزل يلف
مع احترامي للبشر
تلاقي فيها اللي جي من كل حتة من البلد
و تلاقي فيها حرامية
و تاكس طيب سواق التاكس ساكن هناك مثلا وﻻ داخل يزور صاحبه ؟
ابتديت الكائنات الغريبة اللي بنشوفها في الشارع تلاقيها جوة
عايز اقولهم والله الرحاب مش في كوكب تاني مدينة سكنية فيها مباني
كل ده تسبب في وجود زحمة
يوم الجمعة اللي فات كان في حريقة في السوق بعد الصلاة
عربية المطافي رايحة السوق
كمية البهايم واقفين قدامها متنحين و السواق صوته اتنبح
وتلاقي اللي يطلع عشان ﻻقي حتة فاضية و مش مهم المطافي
واللي ماشي فاقد الوعي
ناس في منتهي التخلف
حاول تتحكم في اعصابك و تصبر مش في الرحاب بس ﻻ في اي حتة
ﻻن مستوي الوعي عند الشعب بينحدر للاسف
انا عارف ان في ناس كتير مش هايعجبها طريقة كلامي بس ده واقع

بالعكس ...
أنا مقتنع بكل كلمة أنت قولتها أو ماقولتهاش خوفا من الرقابة هههههههههه

للأسف أمبارح أنا كنت هأتشل أو هايجي لي حاجة من كم اللامبالاة و البلاهة بتاعة الناس اللي واقفة تتفرج و تقول لي خلاص ماحصلش حاجة و هما شايفيين مين الغلطان و مين اللي مش غلطان

يااااااااااااااااااه أنا كل ما أفتكر أحس أني هأموت
للدرجة دي وصلنا للقاع و تدني الاخلاق و القيم و ضاعت الحقوق

يارب أرحمنا برحمتك

[CaptaiN-AhmeD]

استاذ سمير انا كنت ماشي ف نفس الطريق دا امبارح والله العظيم اغرب يوم شفته ف حياتي فعلاً كان امبارح ف تاريخ سواقتي طريق الـ n/a كله حوادث وبلاوي اكتر من 6 عربيات شفتهم داخلين ف بعض وواحد معجون وسطهم ع رجليه امبارح يوم عمري ما هنساه
مش مسألة سواقين بهايم ولا حاجه دا من زمان عادي بس امبارح فعلا كان في حاجه غريبه اول مش قادر افسرها غير اني قولت الحمد لله اني مشيت من التجمع الخامس سليم
اخرها وانا قدام هيئة الشرطه ع محور الشهيد وماشي بسرعه والطريق سالك ببص لقيت فجأه عسكري شرطه وقف قدام العربيه مش بيتحرك ولا يمين ولا شمال ولا بيعدي انا هديت عشان هو يقرر انه يعدي الشارع معداش وسنتر نفسه بالظبط في نص كبوت العربيه اعمل ايه ف ابن المؤذيه دا

قررت اقف خالص وانا خلاص السرعه اقل من 10 لقيته هو بيلف حولين نفسه قبل مالمسه بلحظات وبيرمي نفسه ع الارض

انا من شدة الفرامل مسمعتش اذا كنت خبطته ولا لا

نزلت اشوف في ايه بصيت لقيت عربية شرطه جايه والظباط نزلو طلبو مني رخص طلعت بكل ادب لا قولت انا ظابط ولا حاجه ببص لقيت نقيب فيهم خدني ع جنب بيقولي وهو بيضحك العسكري كان عايز يعمل عليك نمره عشان ياخد اجازه !!!!

وعينك ماتشوف الا النور جبته من قفاه والله لولا الناس الي واقفه واتلموا كان هيروح المستشفى بعد علقة تمام

[CaptaiN-AhmeD]

الي اقدر اقوله لاستاذ سمير سواء امبارح او اي يوم كله بتاع ربنا بس حاول تملك اعصابك اكتر من كده لأنك بالشكل دا هتنتهار نفسياً اما تقعد تحلل مع نفسك كل الناس غلط كله غلط والمجتمع كله مذنب وغير عارف بالحقوق والواجبات انا معاك ان الفكره صح بس مش هنقدر نغير الناس والعالم والدنيا الي حولينا للاسف دي ثقافه شعب كامل الا من رحم ربي
حاول تملك نفسك والااا بعد الشر هتتعب اوي بجد

[haysam2000]

ياااااااااااااااا بشمهندس انا شخصيا فى اسكندريه قربت اخد مهدئ قبل ما انزل اسوق فيرنتى

[samihanwar]

انت فى مصر ام الدنيا
يعنى لازم تاخد على كده
وقوى قلبك
وربنا يسترها على الجميع
انت صحيح يا باشا مقولتليش ايه رايك فى بتوع الموتسيكلات
اكيد بونبونى

[MohammedAladel]

انت فى مصر ام الدنيا
يعنى لازم تاخد على كده
وقوى قلبك
وربنا يسترها على الجميع
انت صحيح يا باشا مقولتليش ايه رايك فى بتوع الموتسيكلات
اكيد بونبونى

هو يعنى ايه بونبونى

أصل حد يعز عليا كان زمان بيقولهالى
والشيف حسن الرغاى دا كان دايما يقول ... بونو بونو يا مدام رشا