دعوة الى التكاتف مع هيونداى ضد حملات الهجوم عليها.... مش حنقبل كل النقد ده

[sokasoon]

اوكى و انا بقول حاجة يا جماعة حاجة اخيرة , اعتبروا الاتى :
اكسنت و فيرنا و نيو اكسنت كوري // ماتريكس كوري يابانى // النترا و سوناتا يابانى ... لانهم فعلا خالفوا كل التوقعات

يعنى ايه اعتبر عربية كورى انها يابانى

وعلى اساس ايه التصينيف اللى حضرتك مصنفو ده

لو حضرتك الكورى زى اليابانى يبقا اليابانى زى الالمانى

عمر ما الكورى هيبقا زى اليابانى ولا اليابانى هيبقا زى الالمانى

[alivara]

مانا حعمل ايه بس ؟ بيقيموا الماركة كلها بعربية واحدة يعنى فيرنا فيها مشاكل يبقى هيونداى و كل عربياتها وحشة رغم ان قليل من عربيات هيونداى بيحصل فيها مشاكل و لو دخلت على موقع فاميلى كار حتلاقى ان الانترا من اقل العربيات اللى فيها مشاكل فى امريكا ... طبعا فيه اختلاف بين امريكا و هنا .. بس اهم حاجة انا النترا نفسها كاسم مشهورة و مفيهاش مشاكل

[sokasoon]

مانا حعمل ايه بس ؟ بيقيموا الماركة كلها بعربية واحدة يعنى فيرنا فيها مشاكل يبقى هيونداى و كل عربياتها وحشة رغم ان قليل من عربيات هيونداى بيحصل فيها مشاكل و لو دخلت على موقع فاميلى كار حتلاقى ان الانترا من اقل العربيات اللى فيها مشاكل فى امريكا ... طبعا فيه اختلاف بين امريكا و هنا .. بس اهم حاجة انا النترا نفسها كاسم مشهورة و مفيهاش مشاكل

الالنترا اقل العربيات اللى فيها مشاكل !! اذن الالنترا فى امريكا فيها مشاكل امل اللى هنا هيكون فيها ايه

فماذا تنتظر من الفيرنا ؟ إذن كان الله فى عون مالكي هذه السيارة وتوكيلها

عايز اوضخلك حاجة هيونداى مش النترا بس !!!!!!!!!!

هيونداى .. فيرنا و نيو اكسنت و النترا و جيتس و ماتريكس و i10 و i30 و سانتا فيه و سوناتا .... مش عربية واحدة

[ehabthefirst]

بامانه دى وجهات نظر
انا عن نفسى مابطقش حاجه اسمها هيونداى
و افضل انى اكون من غير عربيه عن انى اجيبها
و اى موديل مش الفيرنا بس
ده ما يمنعش انها ممكن تكون كويسه
و انت بتحبها
عادى
ده مايمنعش انها ممكن تكون وحشه
بس لو حد استشارنى
اكيد هقولو لأ
عشان ده رأى فيها

[alivara]

مين قال انى بحب فيرنا ؟ انا بقووووووووول ان المشاكل اللى فى فيرنا خلت الناس تقول ان هيونداى كلها وحشة و ده غلط

[MOHAMED ABD EL SHAFY]

طالما شركة قبلت على نفسها غش مستهلكها (ولو فى منتج وحييد)
فهى لا تستحق الاحترام وتفقد المصداقية
ولا تستحق الاحترام ابدا
لانها اودت بحياة الكثيرين (هذه حقيقة)
ولا ننسى مئات ضحايا ميكروباصات الهيونداى التى دوت فضائحها الصحف لسنوات
ولاننسى الغاء الشرطة لعقودها مع هذة الشركة بعد اكتشاف الغش التقنى بها
واضاعت من اموال الكثيرين لمحاولة اصلاح اخطائها
علاوة على ذلك لم تسعى ولم تقدم يد العون والمساعدة فى محاولة منها لاصلاح ما افسدتة بالعكس
تشاركت ووضعت يدها فى يد من يذيق مقتنيها الويل والنصب والغش
بالغم من تقدم الكثيرين للشكوا لها محاولة منهم ان تغيير وكيلها او تضع علية اشتراطات تقنية ملزمة
وللاسف لم تعيرهم ادنى اهتمام وتتعامل معهم من منطلق اننا شعوب متخلفة
فبذلك تستحق كل ما يحدث
=============== حسبنا الله ونعم الوكيل ============

[محمد المشد]

بصفتى احد مستخدمى هيونداى خارج مصر لفترة طويلة 000 فأننى احب ان اوضح بأن الهجوم على السيارة او على الوكيل هى وجهة نظر لكل صاحب راى ، وقد راينا الاسبرانزا يتم مهاجمتها من كل صوباً وحدب بمناسبة او بدون مناسبة ، ومع ذلك الامور سايرة ولم يتم ايقاف انتاج السيارة او العزوف عنها وما زال هناك الكثير من المشترين والبائعين وهكذا بالنسبة لهيونداة وغيرها سوف تجد من مع او من ضد ! فلا تعير الامر اى اهتمام إلا اذا كان الامر يتعلق بأمر شخصى او اهتمام شخصى ، ولا اعتقد بأنك بمجرد مالك لسيارة تدافع عنها اكثر من وكيلها ، واعتقد ان الوكيل المحترم من يراعى مصلحة مالكى السيارة عملياً وليس دفاعاً كلامياً
عموما اترك الامر لوجهة نظر كل صاحب راى او مالك للسيارة فلا حجر على احد فى الراى ولن يضيرك ذلك نهائياً

[M_HaFeZ]

انا مش فاهم ليه كل واحد بيتكلم على عربيته كانه هو اللى مصنعها وسمعتها من سمعته
وكأن اللى هيغلط فيها هيكون غلط فى صناعته العظيمه وخبرته فى صناعه وتسويق السيارات
العربيات الصينى الاقل جوده فى كل الموجود مجرد لما واحد يتكلم عليها تلاقى اى واحد معاه عربيه صينى واخد الكلام ولاكانه على حد من قرايبه ... تقولش مشارك فى التوكيل ولا بياخد نسبه من المبيعات

مفيش عربيه اتعملت فى الدنيا مفيهاش ملاحظات ..
سواء من اعتماديه - قيمه مقابل السعر - سعر قطع الغيار عموما وفى الاسواق المختلفه - توافر قطع الغيار فى الاسواق المختلفه - توكيلات - حتى افضل العربيات برضوا ممكن تلاقوا ملاحظات تمنعك انك تشتريها زى البنزين المطلوب لها اكتر من 95 والى أخره

ملحوظه : انا لاأذكر احد بعينه

[MOHAMED ABD EL SHAFY]

ممكن نغيير عنوان الموضوع ليصبح ( دعوة الى التكاتف مع هيونداى لاصلاح عيوبها ورفع مستوى توكيلها) ونجمع اكبر عدد من المشاركات والاقتراحات للارتقاء بها ونعمل قوة ضغط على غبور ليهتم بالمستهلك ويراعى ضميرة شوية ونراسل الشركة الام بكوريا للمحاولة منا لثنيها عن تمسكها بغبور او ان تحاول ان ترفع من مستوى الخدمة بكدا نبقى بنعمل شئ مفيد بدلا من الجدل حول حقائق دامغة

[M_HaFeZ]

ممكن نغيير عنوان الموضوع ليصبح ( دعوة الى التكاتف مع هيونداى لاصلاح عيوبها ورفع مستوى توكيلها) ونجمع اكبر عدد من المشاركات والاقتراحات للارتقاء بها ونعمل قوة ضغط على غبور ليهتم بالمستهلك ويراعى ضميرة شوية ونراسل الشركة الام بكوريا للمحاولة منا لثنيها عن تمسكها بغبور او ان تحاول ان ترفع من مستوى الخدمة بكدا نبقى بنعمل شئ مفيد بدلا من الجدل حول حقائق دامغة

ده الكلام الصح .. الناس اللى عايزه تحل مش اللى عايزه متسمعش صوت المشاكل وتعيش فى الخيال بس

[ballackbob]

يا جماعة صاخب الموضوع مش حيرد لفترة لا تقل على اسبوعين بسبب شجار بينه و بين العضو توت عنخ امون نتيجة اختلاف فى الرأى حول جين 2 و كمان نتيجة مشادة كلامية بينهم عشان كده اتوقف ... انا لسة عضو جديد و اتمنى الا يكون بينى و بين اى حد خلافات
بس انا اتعمدت انى اتصفح كذا موضوع عشان اشوف الحكاية بين الاخ اليفارا و الاخ توت لقيتهم فعلا فى كذا موضوع غير متفقين بالمرة و فيه دايما عصبية فى الرد بينهم
يا ريت حد يوضح لنا اسباب الكره ده بينهم

[OlaOsman]

يا جماعة صاخب الموضوع مش حيرد لفترة لا تقل على اسبوعين بسبب شجار بينه و بين العضو توت عنخ امون نتيجة اختلاف فى الرأى حول جين 2 و كمان نتيجة مشادة كلامية بينهم عشان كده اتوقف ... انا لسة عضو جديد و اتمنى الا يكون بينى و بين اى حد خلافات
بس انا اتعمدت انى اتصفح كذا موضوع عشان اشوف الحكاية بين الاخ اليفارا و الاخ توت لقيتهم فعلا فى كذا موضوع غير متفقين بالمرة و فيه دايما عصبية فى الرد بينهم
يا ريت حد يوضح لنا اسباب الكره ده بينهم

مش لدرجة الكره يعني.. بلاش نستعمل ألفاظ ضخمة و نحمل الأمور اكتر مم تحتمل..كلنا بنختلف مع بعض في الآراء، انما ده مش دليل على كره حد لحد.. متهيألي الكلمة دي لا تعبر بأي حال من الأحوال عن علاقةبين عضوين في نايل موتورز.

ودلوقتي تعالوا نرجع الحوار في الموضوع لمساره الأصلي.

[ballackbob]

بالمناسبة انا كنت عايز اشتري عربية فى حدود 100 الف ترشحولى ايه ؟ انا ميال لالنترا او ياريس و ممكن ازود شوية و اجيب اقل فئة فى المازدا 3
كل خوفى من هيونداى فى التوكيل بس انما العربيات نفسها ممتازة

[YoussefMostafa]

رد

بالمناسبة انا كنت عايز اشتري عربية فى حدود 100 الف ترشحولى ايه ؟ انا ميال لالنترا او ياريس و ممكن ازود شوية و اجيب اقل فئة فى المازدا 3
كل خوفى من هيونداى فى التوكيل بس انما العربيات نفسها ممتازة

ياريت يا باشا تفتح موضوع جديد علشان تستفيد بعدد اكبر من الاراء

[MOHAMED ABD EL SHAFY]

افتح موضوع جديد افضل واعمل استطلاع على نوعية السيارات اللى انت بتقارن بينهم وهتلاقى ردو مفيدة إن شاء الله
رايى المبدئى شوف اليارس او الانسر