دعوة الى التكاتف مع هيونداى ضد حملات الهجوم عليها.... مش حنقبل كل النقد ده

[Hossam_Hassan]

عن نفسى عمرى ما جربت عربية هيونداى علشان اكتب عليها و كمان مليش موقف ايجابى او سلبى مع غبور علشان اكتب عنه أى رأى.

يا أ/ اليفارا، ان شاء الله لما ربنا يوفقك و تشترى العربية و تتعامل مع غبور ابقى اكتب عن تجربتك، لكن كونك بتدافع الدفاع المستميت ده بدون تجربة، ده اللى بيفتح الباب لكل من يجتهد و كل من سمع لأنك انت كمان مجتهد و مستمع.

[alivara]

ايوة حضرتك بس بسأل و عارف .. و مش محتاج اجرب غبور طالما كل اللى بسألهم بيقولوا كلام زى الفل عليه

[mohamedok]

السلام عليكم ورحمة الله وبركاته

انا مع الاخ الغالى محرر هذا الموضوع فى موقفه هذا واعتقد انه على حق 100% فالسياره الهيونداى ممتازه لظروفنا وبالنسبه لكل الفئات السعريه التى تنتمى لها كل انواع الهيونداى

وانا شخصيا اعتقد ان غبور عبقرى لاختياره هذا التوكيل بالذات واعتقد ايضا ان كل المشاكل التى يوجهها البعض من حيث التقفيل او الصيانه فيعتبر هذا طبيعى جدا وذلك لسبب بسيط ان توكيل هيونداى يعمل فى مصر مش فى امريكا
وكلنا عارفين مشاكل الصناعه المصريه واهمال العمال وغيرها من السلبيات الى كلنا عارفنها
ادعو الجميع لمعايشة الواقع ومحاولة الاصلاح ولكن بنقد بناء وفهم جيد لظروف التجميع والصيانه فى مصر ويجب الحرص دائما على ان لا يكون النقد هدام ( نعوذ بالله من ذلك )

[alivara]

السلام عليكم ورحمة الله وبركاته

انا مع الاخ الغالى محرر هذا الموضوع فى موقفه هذا واعتقد انه على حق 100% فالسياره الهيونداى ممتازه لظروفنا وبالنسبه لكل الفئات السعريه التى تنتمى لها كل انواع الهيونداى

وانا شخصيا اعتقد ان غبور عبقرى لاختياره هذا التوكيل بالذات واعتقد ايضا ان كل المشاكل التى يوجهها البعض من حيث التقفيل او الصيانه فيعتبر هذا طبيعى جدا وذلك لسبب بسيط ان توكيل هيونداى يعمل فى مصر مش فى امريكا
وكلنا عارفين مشاكل الصناعه المصريه واهمال العمال وغيرها من السلبيات الى كلنا عارفنها
ادعو الجميع لمعايشة الواقع ومحاولة الاصلاح ولكن بنقد بناء وفهم جيد لظروف التجميع والصيانه فى مصر ويجب الحرص دائما على ان لا يكون النقد هدام ( نعوذ بالله من ذلك )

ربنا يخليك .. شكرا على دعمك
بس احب اقول لحضرتك حاجة مفيش فى نايل موتورز كله نقد بناء ابدا لهيونداى
كل النقد نقد لاذع هدام بكل المقاييس
و كل اللى بيتكلم على هيونداى ما جربهاش اصلا و عنده عربية تانية مش هيونداى بس هو متغاظ من النجاح بتاع هيونداى و تفوق موديلات هيونداى اللى فى نفس سعر عربيته على عربيته نفسها فبيطلع غيظه فى التوكيل و الكلام الفاضى ده
بجد ما تسمعش اى رأى هنا فى غبور او هيونداى لانك عمرك ما هتسمع حاجة تفرحك ابدا مش عارف ليه !

[ZOZ]

انا بصراحة شايف ان ده حرية شخصية يعني كل واحد اكيد هيجيب العربية اللي نفسه فيها زي كده مثلا انا قبل ما اجيب الفرنا احترت بينها وبين الانوس نع ان معظم الناس قالوا طبعا لانوس احسن لكن فيه ناس تاني قالوا فيرنا لكن كانت الاغلبية للانوس مش عارف ليه مع ان السعر واحد ومعظم المعارض كانت بتنصحني عن الانوس بس انا اخدت رايي وقررت الفرنا هو طبعا حكاية التوكيل والخدمة مهمة جدا في نظري لكن الاهم منها انت ايه اللي بتعمله في عربيتك عربيتك لو صنتها هتصونك لو خنتها هتديك فوق دماغك اما بالنسبة لحكاية الكوري والياباني اكيد الياباني احسن لكن ده ما يمنعش ان الكوري كمان حلو وواخد مكانه في السوق بجدارة اما بالنسبة لهيونداي انا شايف انها احسن الماركات الكورية ةانا هن نفسي كنت عايش في السعودية وانت عارف السعودية يحبوا الامريكي وال4000 سي سي والحاجات ده لكن انا كمان شفت انتشار كبير جدا للهيونداي وهنا كمان لانه لو كان الناس فعلا بتشتكي منها هنا طب ليه فيه كتييييير معاهم هيونداي مش تلاحظ ان يه تناقض في الكلام وبعدين اللي مش عايز هيونداي براحته واللي عايزها كمان براحته كل واحد ينام على الجنب اللي يريحه مع ان طبعا اكيد مفيش عربية كاملة مكملة الكمال لله وانا عن نفسي ما تعملتش لسى مع التوكيل غبور لكن طبعا لما اتعامل معاهم اكيد هقولكم ايه رايي فيه وشكرا

[alivara]

انا بصراحة شايف ان ده حرية شخصية يعني كل واحد اكيد هيجيب العربية اللي نفسه فيها زي كده مثلا انا قبل ما اجيب الفرنا احترت بينها وبين الانوس نع ان معظم الناس قالوا طبعا لانوس احسن لكن فيه ناس تاني قالوا فيرنا لكن كانت الاغلبية للانوس مش عارف ليه مع ان السعر واحد ومعظم المعارض كانت بتنصحني عن الانوس بس انا اخدت رايي وقررت الفرنا هو طبعا حكاية التوكيل والخدمة مهمة جدا في نظري لكن الاهم منها انت ايه اللي بتعمله في عربيتك عربيتك لو صنتها هتصونك لو خنتها هتديك فوق دماغك اما بالنسبة لحكاية الكوري والياباني اكيد الياباني احسن لكن ده ما يمنعش ان الكوري كمان حلو وواخد مكانه في السوق بجدارة اما بالنسبة لهيونداي انا شايف انها احسن الماركات الكورية ةانا هن نفسي كنت عايش في السعودية وانت عارف السعودية يحبوا الامريكي وال4000 سي سي والحاجات ده لكن انا كمان شفت انتشار كبير جدا للهيونداي وهنا كمان لانه لو كان الناس فعلا بتشتكي منها هنا طب ليه فيه كتييييير معاهم هيونداي مش تلاحظ ان يه تناقض في الكلام وبعدين اللي مش عايز هيونداي براحته واللي عايزها كمان براحته كل واحد ينام على الجنب اللي يريحه مع ان طبعا اكيد مفيش عربية كاملة مكملة الكمال لله وانا عن نفسي ما تعملتش لسى مع التوكيل غبور لكن طبعا لما اتعامل معاهم اكيد هقولكم ايه رايي فيه وشكرا

+1000000000000000000000000000
كلامك لخص الموضوع كله .. 30% من سيارات مصر هيونداى بس يبقى اكيد الناس الكتيرة ديه اللى اشترت هيونداى مش عايزة ترمى فلوسها على الارض
منتهى التناقض .. نايل موتورز يدمر هيونداى و الشارع المصرى يحييها بل و يرفعها الى السماء !
ليه ده كله ؟! اقولك طبيعة الشعب المصرى (افتي و انا أفتي)

[creative]

ياجماعة على فكرة انا اكتر هجوم شوفته على عربية كان هنا ,,, انا مش بقول ان كل واحد ليه تجربة مع عربية اكيد يتكلم عنها اذا حصله حاجة والتوكيل لم يلبى طلبه
فله كل الحق فى التنفيس عما بداخله
انا عاوز اوضح بس لكل الجمع اللى موجود هنا ,, اكتر سيارة موجودة فى السوق دلوقتى هى الهيونداى دى موجودة تاكسى يعنى لو هى وحشة ماكنتش تبقى تاكسى العاصمة بالنسبة للنيو اكسنت او الالنترا -او التاكسى العاادى بالنسبة للاكسنت القديمة والفيرنا حاليااااااا
التوكيل له فروع ومراكز خدمة فى كل مكان- خدمة بيوفرها كمان وهى انه بيجيلك لحد عندك تحت البيت لو المشكلة اللى بتبلغ عنها صعبة ومش ينفع تجيب العربية ليهم
قطع غيار متوفرة لاى ماركة مهما كانت
اعادة بيع مالهاش مش بتخسر فى العربية كتير
نيجى بقا بمقارنتها بالعربيات اليابانى اللى الناس عندها عقدة اليابانى محسسانى انهم راكبين مرسيدس او بى ام الفئة السابعة
ياجمعة زى ماليابانى بيبص النظرة دى للكورى برده اللى معاه المانى بيبص نفس النظرة للالمانى
للعلم ان فى موديلات فى هيونداى واتحدى انها تفوقت على كل من اليابانى والالمانى
وياريت ياجمعة مش كله ضرب ضرب عشان لو حد بيفكر انه يشترى العربية اللى بيحلم بيها يعرف عيوبها من الناس اللى معاها العربية وركبتها فعلا ولما حصلها مشكلة عرفوا يحلوها ولا لا
اسف للاطالة وعلى فكرة انا مش معايا هيونداى عشان محدش يفتكر انى بدافع عنها لانى شارى العربية بس الواحد مش بيحب الاسلوب المصرى ده فى الانتقادات
وعلى فكرة انا موجود لو حد عاوز يعرف ان فى موديلات هى مكتسحة لليابانى والالمانى فى اختبارات الامان
طبعا انا مش بقصد الهيونداى اللى بينزل هنا انما فى موديلات بتنزل بره ملهاش حل

[creative]

ياجماعة انا طبعا جبت رابط من هنا فى المنتدى بيقول ان هيونداى جينيسيس الجديدة تفوقت على الالمانى بفئاته العالية

http://www.nilemotors.net/Nile/showthread.php?t=37961

[creative]

انا اسف انا كتبت فى الوضوع هنا كتير بس انا عاوز نكون متكاتفين لبعض فى الاراء
يعنى اللى عنده مشكلة نحاول نساعده لانها ممكن تكون حصلت لحد فينا قبل كده او هاتحصله ممكن بعد كده وبالتالى هاتعم الفايدة علينا كلنا ويكون المنتدى خير تجمع للمعلومات المتوفرة عن السيارة اللى بيحلم بيها اى شخص يود شراءها
انا اسف كمان تعتبر هيونداى من الشركات الاعتمادية على مستوى العالم +كمان تغيير الشكل الخارجى للسيارة اللى بيناسب كافة الاعمار مع ظروف العصر
الالنترا - الجيتز- السوناتا- واخيرا العربية اللى فعلا بعشقها من هيونداى وهى الكوبيه
بيتهيى لى ان عشان تاخد كماليات زى مانت عاوز وبالشكل ده لو فى ماركة تانية هاتدفع اكتر بكتير
وفى النهاية لولا اختلاف الاذواق لبارت السلع

[creative]

انا اسف انى اتكلمت كتير ,,,, بس انا مش معنى كلامى ان الهيونداى احسن ماركة فى الدنيا بس الظروف المادية لاى شخص هى اللى بتحدد الفئة اللى ممكن ياخدها
يعنى ( الفيرنا - شاهين - لانوس -لادا-نوبيرا) اعتقد الفيرنا موديل احدث موتور اقوى يبقا هى اللى تكسب
( لانسر الشكل القديم-نيسان صنى-ياريس-النترا الشكل الجديد ) الالنترا احسن
فئة الهات باك والسبورت (ابيزا - جولف - جين 2 - كوبيه- i 30 ) هنا المنافسة شرسة
اللى عاوز اقوله ان الهيونداى بتقدم كل الفئات وبتنافس وبقوة مع كل الموديلات والاختيار الاول والاخير للمستهلك
واخيرا وليس اخر ده راى شخصى ممكن اللى يتقبله وومكن اللى لا يقبل بيه
بس ده منتدى وانا حاولت اقول رايى بس من غير فتى

[MOHAMED ABD EL SHAFY]

الاخ المتنرفز اوى بدون مايجرب
معلش
الايده فى الميه مش زى اللى ايده فى النار
لما تجرب بنفسك هتغرف