رابطه مالكي الفيرنا ...الجزء الاول الاخير

[verna2008auto]

السلام عليكم ورحمه الله وبركاته
وعيد سعيد

ادخل في الموضوع
استكمال لموضوع

http://www.nilemotors.net/Nile/383369-a.html

وطبعا كل سنه وانتم طيبين الموضوع ده حصل قبل (( عطله العيد بيومين ))
وكان المفروض اني محتاج جدا العربية في الفتره دي وللاسف ماكنش ولا فيه بتوع قطع غيار ولا حد شغال

اكتشفت تسرب (( رهييب )) فوق طلمبه البنزين نتيجه لتأكل الخرطوم والكلبس بتاعه
فا اتغصبت اني (( الزق الخرطوم ووش طلبه البنزين )) عشان اوقف واقلل من التسرب ده ..
وفعلا عملت كده ..
ووالحمد لله عدي العيد بسلام...

وجت مهمه الاصلاح

(( كلمت زميلي العزيز وعاشق الفيرنا ومحطم كل المقايس )) (( AhmedCar ))
وسألته عن سعر طلمبه البنزين + الخرطيم كلها جديده .. الراجل دلني علي كل الاسئله دي والله مومبيه كبير طبعا ...

نزلت اشتريت بس (( وش طلمبه البنزين )) ب 55 جنيه عشان القديم (( مهري ومعجن ومتفرتك ))

وبدات الرحله

اشتريت (( خرطوم إطالي دوبل محترم من بتاع بلاده اللي بيستخدم في الانبوبه ))
حته كده 30 سم

وكان عندي بالصدفه البحته مسوره ( ستاره عربيه شماسه يعني ) قديمه لاقتها قد المقاس
كله ها يبان في الصور ..




وفعلا تم تغيير وش الطلمبه (( سهل بس ما تستهترش بالبلاستك والتقفيل الكويس ))
وبعد كده
(((( قطعت الكلبس وسبت حته عشان يمسك فيه القفيز المعدن ))))
وعملت وصله محكمه الصنع جداااااا ةالحمد لله


ونجحت العمليه ..

(( عشان ما حدش يقوللي ما تغير الخرطيم احسن واله وديها التوكيل )) انا با انقل خبرتي الشخصيه لعلها تنفع حد كان مزنوق زيي وعاوز ينجد نفسه

اسيبكم مع الصور والفلم




مع الفيلم ..
[youtube]http://www.youtube.com/watch?v=ron0ImMkbjY&feature=youtu.be[/youtube]

[zeeeez]

معايا فيرنا موديل السنة
عاملة 5600 كم
زى ما هى ستوك و المشمع لسة على الفرش
اللى عاوز اجيبة ان شاء الله:
فرش للصالون جلد
فرش للدواسات
عاوز اغير مقاسات الكاوتش و اجنط !!!! بس مش عارف اجيب مقاس ايه ؟ و نوع ايه ؟ و هل من المستحب ان اعمل كدة فى عربية لسة جديدة ولا لا ؟
سمعت عن الفلاتر ال k&nو غيرها ..اللى عاوز اعرفة ايه فرق الاداء بتاعها و هل حتخرج العربية من الضمان ولا لا

[verna2008auto]

معايا فيرنا موديل السنة
عاملة 5600 كم
زى ما هى ستوك و المشمع لسة على الفرش
اللى عاوز اجيبة ان شاء الله:
فرش للصالون جلد
فرش للدواسات
عاوز اغير مقاسات الكاوتش و اجنط !!!! بس مش عارف اجيب مقاس ايه ؟ و نوع ايه ؟ و هل من المستحب ان اعمل كدة فى عربية لسة جديدة ولا لا ؟
سمعت عن الفلاتر ال k&nو غيرها ..اللى عاوز اعرفة ايه فرق الاداء بتاعها و هل حتخرج العربية من الضمان ولا لا

فرش الصالون والدواسات شارع دمشق مصر الجديده (( وشوف اللي يعجبك من هناك )) اعمل حسابك علي 1500 جنيه مثلا

تغير مقاس الكاوتش وتجنط ( 195*50*15 )) ده مقاسي من سنه 2008 وممتاز
اعمل حسابك علي جنط كومهو كوري من التوكيل ب 450 الفرده والجنوط الاسبور تعملها 500 الفرده لو حاجه كويسه وشكل محترم
ماتساش (( ما ترميش الجنوط القديمه (( خليهم تحت السرير )) ها ينفعوك صدقني او ها تبعهم غاليين كمان وتكسب فيهم
ركب فلتر ( K&N ) انا مركبه من عند محل اسمه Tokyou توكيو في شارع دمشق توكيله
عامل 380 جنيه .. وها يفرق معاك جداااااااا
ماتقلقش مافيش حاجات تخرج بره الضمان احنا قلناها

وماتساش ركب انزار محترم مع ماكينه رفع زجاج .. هاتفرق معاك
والفين مبروك

[verna2008auto]

اللي متابع معايا موضوع مشكله شجره خرطوم البنزين
تم الشراء الشجره جديد والحمد لله ب 220 جنيه
وتم التركيب ب 100 جنيه مصنعيه ..
وطبعا الفرق شاسع

اضغط هنا لمشاهدة الصورة بالحجم الطبيعي.

[bassem samir]

الله ينور يا كبير

[verna2008auto]

الله ينور يا كبير

الله ينور عليك حبيبي ..
الله يكرمك ..
شكرا مومبيك

[عماد]

السلام عليكم ورحمة الله وبركاته
بـإذن الله بجمع معلومات عن الفيرنا علشان اشتريها زيرو 2014 وعاوز من حضراتكم تقولولي بس من غير ما تزعلوا منى هى احسن ولا الشيفورليه لانوس زيرو وهل اشتريها (أقصد الفيرنا) f/o . A/t (كاملة اتوماتيك ) و لا ( كاملة مانيوال ) وايه أخبار أسعار قطع الغيار معلش ساعدونى فى طلباتى علشان قرار الشراء للفيرنا يبقى عن اقتناع تام وإن شاء الله تكون فيرنا بس مش عارف اذا كانت مانيوال أو اتوماتيك بعد ما تفيدونى طبعا
ومبدأيا أقدم لكم فروض الولاء والطاعة بالنشيد بكل عصبية ونرفزة
فيرنا فيرنا تحيا فيرنا
فيرنا فيرنا احنا فيرنا
فيرنا فيرنا احلى فيرنا
فيرنا فيرنا وهى الفيرنا
فـــــــــــــــــــيرنــــــــــا
تحياتى \عماد سيد

[mado_xxx]

اللي متابع معايا موضوع مشكله شجره خرطوم البنزين
تم الشراء الشجره جديد والحمد لله ب 220 جنيه
وتم التركيب ب 100 جنيه مصنعيه ..
وطبعا الفرق شاسع

اضغط هنا لمشاهدة الصورة بالحجم الطبيعي.

هو موضوع التغسسر صعب اوى كده لدرجة انه ياخد 100 جنيه مصنعية

[verna2008auto]

هو موضوع التغسسر صعب اوى كده لدرجة انه ياخد 100 جنيه مصنعية

من حاجتين يا مومبيك ..
الحاجه الاولي ..(( انا ما فا صلتش .. وكان باين جهلي بالمصنعيه )) عرفت انها ب تركب ب 70 جنيه اخره
الحاجه التانيه ..(( قعد حوالي ساعتين يركب فيها ))
ماهو بيفك القديمه وبيهوي التانك ويخرجه .. ويمررج الجديده .. ويرجع التانك مكانه .. ويركبها
عارف برضه انضحك عليا .. بس اهي خبره
وياريت الناس تعرف عشان ما حدش ينضحك عليه زيي

[verna2008auto]

السلام عليكم ورحمة الله وبركاته

بـإذن الله بجمع معلومات عن الفيرنا علشان اشتريها زيرو 2014 وعاوز من حضراتكم تقولولي بس من غير ما تزعلوا منى هى احسن ولا الشيفورليه لانوس زيرو وهل اشتريها (أقصد الفيرنا) f/o . A/t (كاملة اتوماتيك ) و لا ( كاملة مانيوال ) وايه أخبار أسعار قطع الغيار معلش ساعدونى فى طلباتى علشان قرار الشراء للفيرنا يبقى عن اقتناع تام وإن شاء الله تكون فيرنا بس مش عارف اذا كانت مانيوال أو اتوماتيك بعد ما تفيدونى طبعا
ومبدأيا أقدم لكم فروض الولاء والطاعة بالنشيد بكل عصبية ونرفزة
فيرنا فيرنا تحيا فيرنا
فيرنا فيرنا احنا فيرنا
فيرنا فيرنا احلى فيرنا
فيرنا فيرنا وهى الفيرنا
فـــــــــــــــــــيرنــــــــــا
تحياتى \عماد سيد

بص يا مومبيك ..
اخويا معاه اللانوس مانيوا .. وحوت شغل وعالي العال
وانا معايا الفيرنا اوتو ووحش الطريق واوعي وشك ويجعه عامر

ايه الفرق ..
اللنوس من جوه ضيقه وتحس مش مخدومه
الفيرنا من جوه واسعه ومخدومه
اللنوس سريعه وفراطه
الفيرنا الاوتو خاليها تاخد سرعتها علي الطريق وخلي حد يحصلك ..
الاتنين ((( مهروسين ومحبوبين ومصناعيتهم وقطع غيارهم حلوه وكل الناس بتشتغل فيهم )))

اخويا في النهايه صاحب اللانوس نفسه في الفيرنا الاوتو ..عشان يريح رجله من النقلات
بالتوفيق

[verna2008auto]

الفيرنا عملت 419 كيلو متر في التفويله

السلام عليكم ورحمخ الله وبكاته
بعد كل خير وصحه

اللي كان متابع معايا موضوع (( شجره البنزين )) وتغيير وش طلمبه البنزين ..

http://www.nilemotors.net/Nile/383369-a.html

http://www.nilemotors.net/Nile/384563-a.html

بعد التغيير والحمد لله حصل التالي ..
الفيرنا عملت 419 كيلو متر في التفويله يعني لغايه ما اللمبه نورت .. ولما جيت افول تاني عملت (( 37.7 لترات ))
وانا اعتقد ان الرقم ده في البنزين وخصوصا للفيرنا الاوتوماتك كويس والحمد لله
لان عربيتي كانت اخر التفويله ( 320 كيلومتر ) يعني والحمد لله بالشكل ده كان فعلا عربتي بتسرب بنزين من زمان جدا .. قبل ما اخد بالي ..

فا انا با انصح كل الفيرناويه (( يراقبو عداد الكيلومترات والبنزين )) عشان ده اعتقد علامه من علامات تسريب بنزين او خلل في منظومه الحرق خصوصا البوجيهات او اشياء اخري.. المهم .. عداد الكيلومترات ده مهم جدا عشان الكشف المبكر عن الاعطال اللي ليها علاقه بالبنزين..
سلم الله طريقكم

[ekandil]

الغيار الرابع مش بيجي

يا جماعة حد يساعدني... معايا فيرنا اتوماتيك 2004 .. الفتيس بيعلق مش بيجيب الغيار الرابع... اكاني قفلت زر الاوفر درايف معا اني مشغاله عادي ... يعني بكون مشي علي 100 كيلو صوت العربية عالي وال rmp بيعلي ويعدي 3 .. ولو دوست علي الاوفر درايف وطفاته ولا ليه اي تاثير مع انه بينور ويطفي عادي في التابلوه....كانت عاملت كده من سنه ورجعت اتظبطت لوحدها من 6 شهور.. دلوقتي رجعت تعمل كده تاني.... حد فاهم حاجة؟

[verna2008auto]

يا جماعة حد يساعدني... معايا فيرنا اتوماتيك 2004 .. الفتيس بيعلق مش بيجيب الغيار الرابع... اكاني قفلت زر الاوفر درايف معا اني مشغاله عادي ... يعني بكون مشي علي 100 كيلو صوت العربية عالي وال rmp بيعلي ويعدي 3 .. ولو دوست علي الاوفر درايف وطفاته ولا ليه اي تاثير مع انه بينور ويطفي عادي في التابلوه....كانت عاملت كده من سنه ورجعت اتظبطت لوحدها من 6 شهور.. دلوقتي رجعت تعمل كده تاني.... حد فاهم حاجة؟

شوف يا صديقي الفيرناوي .. ممكن تعمل شويه حاجات بنفسك..
1- شغل صيانه عام للعربيه مالهوش دعوه بموضوع الفتيس بس اعمله مش ها تخسر حاجه( تنضيف حساسات + تنضيف انجيكشانز+شوف بوجيهاتك لو عاوزين تغيرهم +تغيير فلتر بنزين وشوف طقم السيور كمان لو عاوز يتغير غيره بالكاتينه والبليتين)

2- فيه حساس اسمه AB حساس فتيس الفيرنا (( يتغير او يتنضف .. بس اعتقد انك تغيره احسن ))

3-شوف موضوع زيت الفتيس + الفلتر ATF320 ها تاخد 2.6 لترات بس (( مش اكتر )) صدقني عن تجربه شخصيه ومع اصدقائي ..
وان شاء الله لو عملت النقطتين رقم ((((( 2+3 )) لحل مشكله الفتيس
نقطه 1 دي لفوقان العربية وللمصلحه العامه

شوف وكلمني

[ekandil]

ماشي يا باشا .. هاجرب واقولك النتيجة.. بس اصلا فلتر البنزين بيتغير كل اد اية؟..

[verna2008auto]

ماشي يا باشا .. هاجرب واقولك النتيجة.. بس اصلا فلتر البنزين بيتغير كل اد اية؟..

انت ممكن تجيب الفلتر ((( نوفي ))) وحظك يجي في بنزينه معدومه الضمير يبقي البنزين بتاعها مضروب .. الفلتر يتوسخ ....

عموما (( كل 20.000 كيلو )) .. بس انا عمري ما عملت كده ..يعني با اغيره شخصيا كل 7.000 او 8000 كيلو ويمكن اقل من كده والله ..
عشان بيفرق في سحب العربيه