رابطه مالكي الفيرنا ...الجزء الاول الاخير

[wael6]

السلام عليكم ورحمة الله
اخبار الفيرنا فى البرد معاكم ايه يا شباب
وخصوصا الفتيس
انا عندى بيتظبط يجي بعد نص ساعة كده من السير والتشغيل
هل ده طبيعي
وقبل كده بيعض وتقيل وبيشخط ساعات ومبيعشقش مظبوط خصوصا فى المارشدير
العربيه عامله 39 الف كم بمشيئة الله وجايبها من الزيرو ومغيرتش زيت فتيس خالص ولا عملت اى صيانه فيه
ومحدش يقولى الضمان عشان خلاص انا بره الضمان ومرحتش ولا مره؟

........*وهل تكرار الشخط او التعشيق الغلط للفتيس وخصوصا المارشدير وهى بارده بيعمل ايه وايه الاثار اللى بتحصل تدلنى ان فى الفتيس مشكله ؟

........*ازاى تضمن التعشيقة المظبوطة للمارشدير وانت بتنقل ؟ اقصد زى ما بنقل الاول والتانى والتالت والرابع بيطون عميانى لكن الخامس لانه قليل جدا استعماله الا فى حالات السفر والمارشدير قلما يستخدم فمش متعود عليه بالمهارة بتاعة الاول للرابع وده مينفيش انها وهى بارده بتعض فى كل النقلات عامة والمارشدير خاصة .

على فكره انا كان عندى اكسيل موديل 95
وكنت بشتكى من ونة فى الفتيس وغيرتله بلى واتظبط وبقيت عضه صغير فى النقلات وهى موجوده ايضا فى الفيرنا الزيرو من اول يوم استلامها ووجدت جارى بيقولى نفس الكلام وحتى بعد ما غير فتيس

واضح انه عيب اصيل فى الهيونداى عامة والفيرنا خاصة؟
نرجو التوضيح المستفيض
وشكرا جزيلا

[Ahmed.rm.hos]

[overline]فيرنا 2007 اتوماتيك كاملة شاريها من شهر 6 الى فات مستعملة و عملت معايا مواقف كتير حلوة و وحشة وربنا بيسترها معاك احمد رمضان [/overline]

[Ahmed.rm.hos]

ليا سوال بسيط هوا انى عايز اشترى جهاز انزار للعربية يكون كويس فياريت تقلولى اشترىه نوعه ايه ومنين و هيبقى بكام و سعات بسمع كده اسامى من اصحابى وصنايعية زى ( ولف ) و بخصوص اجهزة التحكم فى العربية من الموبيل زى gps tacker ليه لازمة دلوقتى ولا الدنيا بقت امان ولو الجهاز دى مش حلو فى اجهزا تانية
انا اسف يا شباب بطول عليكم بالسوال اصلى لسة بتعلم مبقليش 6 اشهر فى عالم السيارات و شكرا مقدما

[shaaban2008]

ليا سوال بسيط هوا انى عايز اشترى جهاز انزار للعربية يكون كويس فياريت تقلولى اشترىه نوعه ايه ومنين و هيبقى بكام و سعات بسمع كده اسامى من اصحابى وصنايعية زى ( ولف )
فيه ال ولف وال SPY نوعين كويسن وتشتريه وتركبه في التوفيقية اوش دمشق والسعر في حدود 250 جنيه تقريبا مش متأكد بالضبط
و بخصوص اجهزة التحكم فى العربية من الموبيل زى gps tacker ليه لازمة دلوقتى ولا الدنيا بقت امان ولو الجهاز دى مش حلو فى اجهزا تانية
دي بصراحة معنديش عنه فكرة خالص
بس في انتظار الافادة من زعيم الرابطه
انا اسف يا شباب بطول عليكم بالسوال اصلى لسة بتعلم مبقليش 6 اشهر فى عالم السيارات و شكرا مقدما

[shaaban2008]

قدر الله وماشاء فعل
وعلي رأي عاصم بيه
يا مومبيك عربياتنا في الشارع للاسف ما نعرفش نطلعها البيت
العربية اتخبطت من اسبوع والنتيجة ان الرفرف الشمال امامي باظ خالص
وبعض الحكات والخدوش في البابين اليمين
وديتها للاسطي أشرف السمكري في صقر قريش - مدينة نصر
الراجل عملها علي البارد بدون اي رش ماشاء الله عليه ايده نضيفة
واستلمتها تاني يوم والحمد لله
كمان غيرت البطارية بأخري جافة 70 أمبير علشان لاقيت البطارية اللي جاية مع العربية
بتسيل مياه وكانت هاتبدأ تعمل بارومة في الصاج اللي تحت البطارية
اشتريت نوع اسمه النسر الالمانيه 70 أمبير ب 370 جنيه

[Ahmed.rm.hos]

جهاز الgps tracker بيحمى العربية من السرقة و يعتبر اكتر جهاز لتتبع مكان العربية وحجات كده تانية و فى فيديو على النت ممكن تشوفه بس انا بسال فى حد جربه يعنى عملى ولا ايه النظام Gps tracker full @ Forsa E-Store - YouTube

[anaskhal]

يا ريت اهل الخبرة الفيرناوية يفيدونى عن الفرق بين ال1600 و ال 1500 سي سي باستفاضة لانى ناوى اشترى فيرنا ولا تبخلوا بالردود وجزاكم الله خيرا

[verna2008auto]

يا ريت اهل الخبرة الفيرناوية يفيدونى عن الفرق بين ال1600 و ال 1500 سي سي باستفاضة لانى ناوى اشترى فيرنا ولا تبخلوا بالردود وجزاكم الله خيرا

انا ها اقلك الفرق ( النفسي )
انك لو اشتريت ال 1500 cc ها يفضل عينك علي ال 1600 cc .. وهاتقول ما ياريتني استحملت شويه وحطيت تمن وجبت العربية الفول اوبشن وال 1600
( دي وجهه نظري )

باقي الاصدقائ يقولولنا عن ايه الفرق المادي

[anaskhal]

انا ها اقلك الفرق ( النفسي )
انك لو اشتريت ال 1500 cc ها يفضل عينك علي ال 1600 cc .. وهاتقول ما ياريتني استحملت شويه وحطيت تمن وجبت العربية الفول اوبشن وال 1600
( دي وجهه نظري )

باقي الاصدقائ يقولولنا عن ايه الفرق المادي

كلام مقنع جدا من الناحية النفسية لكنى اريد الفروق الملموسة وايها افضل

[aswasiam]

استفسار من الفرناوية انا معايا فيرنا 2007 اوتوماتيك كاملة و عاملة 28 الف كيلو بس و استخدامها جوة المدينة و عمر ما سافرت بيها لاني من اسوان و بافكر ابيعها و اغير لفئة اعلي غالبا بيجو 301 او نيسان صني و العربية فابريكة كأنها زيرو تفتكروا اطلب فيها كام

[wael6]

اللهم صل على محمد وعلى آله وصحبه أجمعين

[ekandil]

يا جماعة انا عايز احكيلكوا عن مشكلتي ( انا العربية كانت بتعلق في الغيار الرابع) شوية تجيب الرابع وشوية لا هي اتوماتيك 2004 رحت لطوب الارض كله قال غير الفالف بودي ... انا مكنتش مقتنع روحت التوكيل طلعوا اوسخ ناس ولا فاهمين حاجة كان رايهم اني اغير الفتيس خالص... برضه مقتنعتش... عشان كنت متاكد انه عيب كهرباء.. من هنا لهنا كذا حد قالي عشان تحل المشكلة دي روح لعسكر في الحرفيين هو هيظبتها... فعلا روحت وطلعوا ناس زي الفل وصلحوها وبقت تمام... وطلع العيب ان فيشة الضفيرة مكسورة وهي سبب التعليقة.... المهم نصحتي ان محدش يروح التوكيل وخصوصا بتاع قليوب.. كذا حد كان بيتشم فيهم هناك... لو تعرف صنيعايا كويسيين خليك معهم..

[احمد عبد الغني]

السلام عليكم يا اسود الفرناوية دي اول مشاركة ليا واريت تأبلوني عضو معاكو الاسم:احمد عبد الغني. السيارة:فرناgls موديل2013 منيوال. 5800كم. انا شريها شهر4 يعني خبرتي قليلة معها بس اناحبيت العربية جدا العربية الحمد لله مأبلتش معها أي عيوب معدا التقفيل مش حلو اوي طبعان كل العربيات المصري كدة وشكرا ليكو يارجلة. تقبلو تحياتي

[mahmoudrahmy]

يا جماعة ربنا عرفوه بالعقل
دلوقتى العربيه الفيرنا موديل 2014 زيرو فى المعارض بتتباع ب 70 و ب 71 الف تمام
على موقع كونتكت كار مزودين فى سعر العربيه 5 الاق جنيه فا بيخلي الى يجي يبيع عربيته بيطلب سعر مغالى فيه ولما بتسأله يقولك اصلها غليت .
طيب السؤال لما تكون الفيرنا 2014 زيرو ب 71 الف جنيه
يبقى زي ما كلنا عارقين لما اجي اشترى ال 2013 كسر زيرو هاتقل 10 الاف جنيه عن سعرها
يبقى اذاى واحد تبقى عربيته موديل 2011 او 2010 ويطلب فيها 57 و 60 هو دا كلام يا جماعه شوروا عليه وصححولى لو انا غلطان
عاجل

[verna2008auto]

يا جماعة انا عايز احكيلكوا عن مشكلتي ( انا العربية كانت بتعلق في الغيار الرابع) شوية تجيب الرابع وشوية لا هي اتوماتيك 2004 رحت لطوب الارض كله قال غير الفالف بودي ... انا مكنتش مقتنع روحت التوكيل طلعوا اوسخ ناس ولا فاهمين حاجة كان رايهم اني اغير الفتيس خالص... برضه مقتنعتش... عشان كنت متاكد انه عيب كهرباء.. من هنا لهنا كذا حد قالي عشان تحل المشكلة دي روح لعسكر في الحرفيين هو هيظبتها... فعلا روحت وطلعوا ناس زي الفل وصلحوها وبقت تمام... وطلع العيب ان فيشة الضفيرة مكسورة وهي سبب التعليقة.... المهم نصحتي ان محدش يروح التوكيل وخصوصا بتاع قليوب.. كذا حد كان بيتشم فيهم هناك... لو تعرف صنيعايا كويسيين خليك معهم..

تجربه ممتازه ...مشكووووور جداااا
ممكن توصفلنا مكان المحترف (( عسكر ده )) وتكمل جميلك تقلنا اتكلفت كام
ويجعله عامر