رابطه مالكي الفيرنا ...الجزء الاول الاخير

[ekandil]

تفتكر انا ممكن اعمل الحاجات دي بنفسي ولا اشوف مكانيكي..

[wael6]

السلام عليكم ورحمة الله

العربيه غاز وبنزين وماشيه الى الان بفضل الله حوالى 35 الف كم
لكن المشاكل بحصل ع البنزين وبدور وبقفل ع البنزين
علما بانى مغير بوجيهات وزيوت وفلاتر ومنضف حساسات قريب

1 - فى ساعات عند التدوير رجه جامده والعربيه مش بتبطل لكن الرجه بتسمر شوية ثوانى وبعدين ترجع العربيه لطبيعتها

2- وفى ساعات اخرى عند التدوير ال rpm بيعلى لوحده عن 1 وبنزل بعد فترة من التسخين او قلبها لغاز ؟

3- ساعات اخرى العربيه مش بتدور من اول مره وده اختفي او قل تماما عندما عليت الدبرياج سنه صغيره لوجود عضه خفيفه فى الفتيس نتيجه ان لازم اكبس رجلى للاخر فى الارض فى الدبرياج وساعات بكسل او بنسي ؟

4- تكملة لنقطة السابقة // المارشدير معاكم ناعم ولا فى عضه وشخلله ساعات ولازم ترجع تبيته تانى فى مكانه ؟
........ انا عشان اضمن تبيته النقله بتاعة المارشدير برزع الفتيس وبسمع صوت حركة الوايرات ؟ هل ده فيه مشكله ولا ايه ؟

اسف للاطاله
وشكرا جزيلا

[verna2008auto]

تفتكر انا ممكن اعمل الحاجات دي بنفسي ولا اشوف مكانيكي..

كل اللي انا قلته سهل جدااا بس الميكانيكي ((( افضل ))) عشان عنصر البهدله والفرهضه .. وشم التراب هما وخدين علي العناصر دي ..

مش هاتكلفك كتير مصنعيات من 150 ل 200 ب اسبري التنضيف كمان والشاي وسجارتين
شوف وقلي عملت ايه

السلام عليكم ورحمة الله

العربيه غاز وبنزين وماشيه الى الان بفضل الله حوالى 35 الف كم
لكن المشاكل بحصل ع البنزين وبدور وبقفل ع البنزين
علما بانى مغير بوجيهات وزيوت وفلاتر ومنضف حساسات قريب

1 - فى ساعات عند التدوير رجه جامده والعربيه مش بتبطل لكن الرجه بتسمر شوية ثوانى وبعدين ترجع العربيه لطبيعتها

موضوع الرجه دي (( تظبيط هوا )) وتنضيف حساسات وتغيير فلتر ( بنزين ).. وخلي الميكانيكي يهوي صواميل قواعد الموتور ويرفعه من تحت بكوريك لوضعه الطبيعي وبعد كده يربط تاني (( بس ))


2- وفى ساعات اخرى عند التدوير ال rpm بيعلى لوحده عن 1 وبنزل بعد فترة من التسخين او قلبها لغاز ؟
انا متأكد دي مشكله تنضيف حساسات .. اشتري علبه اسبري ( جانك ) اصفر ب 30 جنيه واديه للميكانيكي ينضف الحساسات بيه مع النقطه رقم واحد في سؤالك ..(( بص فوق )) المشكله اتحلت وال rpm تمام التمام

3- ساعات اخرى العربيه مش بتدور من اول مره وده اختفي او قل تماما عندما عليت الدبرياج سنه صغيره لوجود عضه خفيفه فى الفتيس نتيجه ان لازم اكبس رجلى للاخر فى الارض فى الدبرياج وساعات بكسل او بنسي ؟
اصبر عليها .. عادي بتحصل في احسن العائلات .. ممكن يكون ( زي عندي ) تنفيس خفيف في طلمبه البنزين ..(( الهواء اللي خارج والداخل من التانك)) وانا عارف الحل كمان (( تغيير ماسوره الباكم الخاصه بالطلمبه وكمان طلمبه البنزين ده بالنسبه ليه..(( بس مش مستاهله )).. عاااادي

4- تكملة لنقطة السابقة // المارشدير معاكم ناعم ولا فى عضه وشخلله ساعات ولازم ترجع تبيته تانى فى مكانه ؟
........ انا عشان اضمن تبيته النقله بتاعة المارشدير برزع الفتيس وبسمع صوت حركة الوايرات ؟ هل ده فيه مشكله ولا ايه ؟
لا طبعا مش طبيعي ((( اي رزع وعضه وشخلله ))) فورا وريها لحد بيفهم في الفتيس المانيول... بالتوفيق

اسف للاطاله
وشكرا جزيلا

[verna2008auto]

محدش يعمل زيي .. واله بتعملو ومخبيين عليا ؟

انا ساعات كتير احب اتجنن با ابقي مشغل ال صب ووفر عالي لدرجه ان الازاز وجسم العربية يتهز علي اغنيه (( رزع )) والازاز الداخلي بيبقي مشبر وماسك الدركسيون ب ايديه الاتنين (( قافشه الصراحه )) لغايه ما ايدي بتنمل وتقريبا عنيا ما بترمش ( مبحلق بشده وعنف علي الطريق ) ..
(( با احب اطلع نسبه الادرينالين )) في جسمي ..
وبعد كده (( با فرهض )) واستريح
علي فكره .. انا با اجري زي ما اجري (( مش في الزحمه ))
يعني علي طريق مستقيم واول ما اشوف عربيات رجلي علي الفرامل ( يعني با اسوق ب إحترام )
ماحدش يعمل زيي واله بتعملو ومخبيين عليا ؟؟
حفظنا الله واياكم

[medod]

ممكن انضم للرابطة معايا فيرنا 2014 كاملة لسا مستلمها من اسبوعين عاملة 280 كيلو

[tommyshoo]

انا من ملاك السياره فيرنا
فيرنا 2011 مانيوال
120000 كيلومتر
بس خلاص بعتها ولسه مستلم برضه فيرنا بس اتوماتيك 2014 النهارده الحمد لله

[verna2008auto]

انا من ملاك السياره فيرنا
فيرنا 2011 مانيوال
120000 كيلومتر
بس خلاص بعتها ولسه مستلم برضه فيرنا بس اتوماتيك 2014 النهارده الحمد لله

الللف مببببروك ...
(( جيتلي في ملعبي يا مومبيك ))
الفيرنا الاوتو .. انا مش ها اقولك اني المخترع ولا الافتكاسي الشرس .. بس ها اقولك ((( اني هرست الفيرنا وهرستني 5 سنوات )))
لو احتجت شيء او معلومه .. قول ...

[verna2008auto]

احبائي واصدقائي ( الفيرناويه )
اسعد الله صباحكم ..

لاقيت صور توضيحيه عن سير الكاتينه (( اهم سير فيكي يا فيرنا ))
(( لاقدر الله ده لو قطع ممكن يجيب وش سلندر او( دخول مياه التبريد علي الزيت والعكس مسؤليه جوان وش السلندر )ومشاكل احنا في غني عنها ( طقم شنبر او بساتم) عند التغيير كل 40.000 الف كيلو هوا والبليتين بتوعه )) حتي ولو خرج سليم وكويس
السير الفبريكا بيتغير عند ال 60.000 الف وبعد كده كل 40.000
والخاص بالتوقيت المناسب ومعدل الدوران بين ( عامود الكرنك ) وال ( كامات )





ال A بيشاور علي ترس الكرنك وال C ترس الكامات وال B البليه الثابته وال D البليه المتحركه

والله شباب دي حدود معلوماتي الضعيفه العاميه لو حد عنده إضافه او تصحيح ها كون سعيد اني با اتعلم

[falcon44]

السﻻم عليكم
بعد اذن صاحب الرابطه عندى استفسار صغير
ان شاء الله هشترى عربيه جديده وامكانياتى الماديه لغاية 82 الف بالكتير وطبعا الرنج ده فيه اللانوس والفيرنا واللوجان والساجا
اللانوس عربية والدى التنايه وبقالها سنتين وعامله 50 الف بدون مشاكل جوهريه الحمدلله وطلعتها من المقارنه عشان التغيير واحساسى ان استهالكها للبنزين عالى شويه مش عارف ليه
الفيرنا اعرف ناس كتير معاها العربيه وبتشكر فيها لكن بيتكلمو عن ثبات العربيه بعد 120 وفى ناس حلت الموضوع ده بالجنط 15 وفى ناس مفرقتش معاها بعد الجنط وعن ضيق الصالون الداخلى وخصوصا الخلفى وبيشكرو جدا فى سحب العربيه والتكييف وقلة وسهولة صيانتها
اللوجان مسمعتش عن حد قال عليها عيوب غير الكاوتشات الاصليه وعامود الاتزان تقريبا فى المانوال وقطع الغيار تقريبا اغلى من اللانوس والفيرنا لكن العرببه احسن فى الصالون واقل فى قوة الماتور
الساجا عيبها الوحيد اللى عرفته قطع الغيار غاليه شويه والتوكيل سئ والعربيه كل ملاكها بيشكرو فيها جدا
معلش طولت عليكو بس طبعا انا فى حيره دلوقتى بين الفيرنا والساجا تحديدا وبعدين اللوجان وكتبت هنا مخصوص عشان عارف كويس انكم هتفصلولى الفيرنا كويس وايه اهم مميزاتها وايه العيوب وتدلونى اعمل ايه وياريت اعرف اخر اسعار الفيرنا دلوقتى ايه بجميع فئتها وشكرا جدا

[falcon44]

ممكن انضم للرابطة معايا فيرنا 2014 كاملة لسا مستلمها من اسبوعين عاملة 280 كيلو

الف مبروك العربيه
عايز اعرف لو سمحت جبتها بكام واوتو وﻻ عادى ومنين

[verna2008auto]

السﻻم عليكم
بعد اذن صاحب الرابطه عندى استفسار صغير
ان شاء الله هشترى عربيه جديده وامكانياتى الماديه لغاية 82 الف بالكتير وطبعا الرنج ده فيه اللانوس والفيرنا واللوجان والساجا
اللانوس عربية والدى التنايه وبقالها سنتين وعامله 50 الف بدون مشاكل جوهريه الحمدلله وطلعتها من المقارنه عشان التغيير واحساسى ان استهالكها للبنزين عالى شويه مش عارف ليه
الفيرنا اعرف ناس كتير معاها العربيه وبتشكر فيها لكن بيتكلمو عن ثبات العربيه بعد 120 وفى ناس حلت الموضوع ده بالجنط 15 وفى ناس مفرقتش معاها بعد الجنط وعن ضيق الصالون الداخلى وخصوصا الخلفى وبيشكرو جدا فى سحب العربيه والتكييف وقلة وسهولة صيانتها
اللوجان مسمعتش عن حد قال عليها عيوب غير الكاوتشات الاصليه وعامود الاتزان تقريبا فى المانوال وقطع الغيار تقريبا اغلى من اللانوس والفيرنا لكن العرببه احسن فى الصالون واقل فى قوة الماتور
الساجا عيبها الوحيد اللى عرفته قطع الغيار غاليه شويه والتوكيل سئ والعربيه كل ملاكها بيشكرو فيها جدا
معلش طولت عليكم بس طبعا انا فى حيره دلوقتى بين الفيرنا والساجا تحديدا وبعدين اللوجان وكتبت هنا مخصوص عشان عارف كويس انكم هتفصلولى الفيرنا كويس وايه اهم مميزاتها وايه العيوب وتدلونى اعمل ايه وياريت اعرف اخر اسعار الفيرنا دلوقتى ايه بجميع فئتها وشكرا جدا

اخر سعر عرفته للفيرنا الاوتوماتك 2014 كان 91.500 الف جنيه
وسعر المانيول بتاعها 2014 81.500 او 82.000 الف

[wael6]

بالنسبة لزيت الفتيس بينزل امتى
العربيه حتى الان ماشية حوالى 35 الف كم
وهل الافضل زيت موبيل 75-85 ولا ايه ؟
وبياخد كام لتر ؟
وشكرا

[fa_hashem]

السلام عليكم و رحمة الله و بركاته
كنت عايز اسألك سؤال بما ان حضرتك خبرة في الفيرنا و ان شاء الله الاقي عند الاجابة
انا معايا فيرنا موديل 2005 فيها مشكلة ان المياه الغسيل او لما تمطر بتنزل طبعا في المزراب البلاستيك ( عند المساحات ) و بعد كده بتنزل في طريق ليها عن طريق جسم العربية الي الارض المشكلة ان جزء كبير بينزل علي الارض و جزء تاني بلاقيه عند دواسة العربية ( الكرسي اللي جانب السواق ) انا طبعا كنت عايز اتاكد من مكان نزول المياه و سببه رحت فاكك المزراب البلاستيك ( خلعت الكليبسات ) و بعد كده لاقيت مكان المفروض اللي المياه بتنزل منه ( حفر مستطيلة في شاسية السيارة و فوقها غطاء مربع ) رحت جايب زجاجة مياه و نزلتها في المكان ده و كان كلامي سليم جزء كبير نزل علي الارض و جزء نزل في الصالون عندك حل للمشكلة ديه و كمان كنت عايز اسالك في 2 كليبس كانو بيمسكوا المزراب البلاستيك لو عايز اشتري جديد منهم اجيه منين علي فكرة انا حلت المشكلة حل وقتي اني قمت بلزق قطعة جلد علي الغطاء البلاستيك بالسيلكون و ركبتها فقفلت المكان المخصص لتسريب المياه من داخل جسم السيارة و كده بقي تسريبها من جانب الايسر للماتور و شكرا

[verna2008auto]

السلام عليكم و رحمة الله و بركاته
كنت عايز اسألك سؤال بما ان حضرتك خبرة في الفيرنا و ان شاء الله الاقي عند الاجابة
انا معايا فيرنا موديل 2005 فيها مشكلة ان المياه الغسيل او لما تمطر بتنزل طبعا في المزراب البلاستيك ( عند المساحات ) و بعد كده بتنزل في طريق ليها عن طريق جسم العربية الي الارض المشكلة ان جزء كبير بينزل علي الارض و جزء تاني بلاقيه عند دواسة العربية ( الكرسي اللي جانب السواق ) انا طبعا كنت عايز اتاكد من مكان نزول المياه و سببه رحت فاكك المزراب البلاستيك ( خلعت الكليبسات ) و بعد كده لاقيت مكان المفروض اللي المياه بتنزل منه ( حفر مستطيلة في شاسية السيارة و فوقها غطاء مربع ) رحت جايب زجاجة مياه و نزلتها في المكان ده و كان كلامي سليم جزء كبير نزل علي الارض و جزء نزل في الصالون عندك حل للمشكلة ديه و كمان كنت عايز اسالك في 2 كليبس كانو بيمسكوا المزراب البلاستيك لو عايز اشتري جديد منهم اجيه منين علي فكرة انا حلت المشكلة حل وقتي اني قمت بلزق قطعة جلد علي الغطاء البلاستيك بالسيلكون و ركبتها فقفلت المكان المخصص لتسريب المياه من داخل جسم السيارة و كده بقي تسريبها من جانب الايسر للماتور و شكرا

انت تاعب نفسك ليه ..
بالنسبه لمكان تشتري منه اي كلبس بلاستك اي خرطوم كاوتش اي شيء تحلم بيه
( بدايه ش جمال عبد الناصر من ناحيه نزله السلام من الدائري بالتحديد نزله رقم 17 ) المنطقه دي اسمها بدايه الحرفيين .. في هناك محل مشهووور جدا اسمه المصريين .. عنده اللي بتحلم بيه .. ومش ها يكلفك حاجه .. غير الخرطيم ..وادعيلي (( بكلبساته ))

[kogypt]

الدبرايج و بلى العجل

السلام عليكم
احمد عبد السلام
فيرنا 2009 مانيوال هاف اوبشن
عامله 96000 كم
بمناسبة ان ديه اول مشاركة ليا كنت عايز اعرف ازاى اعرف ان الدبرياج عايز يتغير من قبل ما يعملها و يبوظ و كمان عايز اعرف بلى العجل اعرف ازاى انه عايز يتغير و بيتغير على كام؟