للدرجادى باور الالنترا خطر

[blob]

:ack2:يا جماعه انا نفسى اشترى النترا وشكلها عجبنى جدا جدا بس الى مخوفنى منها ان فى ناس بتقول الباور بتاعها ميه لانه كهرباء واى تكه فيه تودي فى دهيه وبعد ال 100 يبقى صعب تتحكم فيه وبيقولو لو انا عايز ابعد عن مطب او بلاعه فجاه ممكن البس فى الرصيف:ack2: .....للدرجادى الباور خطر؟ يعنى مشتريش العربيه بسبب كده....بالذات انا بسوق عربيه تانيه الباور بتاعها عادى وعلى طول هابدل مابينهم خايف اكون اتعودت على الباور العادى واجى اركب الالنترا اروح فى دهيه بسبب الباور....وياترى هو العربيه حلوه اوى كده عشان سعرها يعدى الميه؟ياريت لو حد اشترى العربيه دى وندم انه اشتراها ياريت يقولى

[Ahmed Anwer]

تم استبدال الباور الكهربا في موديلات 2009

بباور عادي

في السيارات بضمان غبور

و عموما الافضل تجرب و تحكم بنفسك بدل ما تبقي متضايق منه بعد كده

[blob]

هى النترا 2009 نزلت؟؟؟لو نزلت ممكن اعرف بكام اول فئه فى الاوتوماتيك...بس انا عارف ان هى هاتبقى غاليه اوى ...عشان كده انا كنت بسال على الباور الكهرباء عشان لو هاجبها هاجبها مستعمله كسر زيرو 2008

[HANGMAN]

هي تعملها كام كسر الزيرو 2008

[mondy2010]

رايي تشوف حد يديهالك تجربها قبل الشراء

[blob]

هى عامله 98..99 كسر زيرو

[AHMEDCAR]

اابور بتعها كهربى علشان يساعد فى الركن كويس جدا انا سوقتها البور جامد جدا جدا بس فى حاجه مهمه ان العربيه بمجرد ما تعدى ال 60 كم البور بيفصل و الدركسيون بيكون كويس يعنى مش خفيف زى ما انت متوقع

حاجه مهم انا مش متاكد من المعلومه اللى العمده احمد انور بيقولها و دى لو صحيحه فعلا و تم تعديل البور الى بور هيرولكى يبقى ميه ميه توكل على الله العربيه ممتازه

تم استبدال الباور الكهربا في موديلات 2009

بباور عادي

في السيارات بضمان غبور

و عموما الافضل تجرب و تحكم بنفسك بدل ما تبقي متضايق منه بعد كده

معلومه جديده و ممتاز ايوه كده ماتبخلش علينا بمعلوماتك تانى

[mogabr]

يا جماعة بور الانترا كهرباء فى كل موديلتها
و موضوع انى خفيف و يودى فى دهيا ده كلام فاضىىىىىىىىىىىىى

انا معايا النترا من شهر 6 و الحمد للاه البمر بتعها ليسة معيشنى :)

[tamohsen]

يعني حضرتك متخيل ان كل العربيات الالنترا والياريس اللي ماشيه في الشارع وفيها باور كهرباء
ممكن تتقلب او تلبس في الرصيف وهي بتفادي بلاعه ولا مطب؟
كانت كل العربيات دي اختفت من البلد في شهر ولا اتنين.

[farahat]

و أكتر من كده كمان ، العربيات الأوبل كورسا إلي موجودة من ٩٨ لحد إنهاردة و فيها بور كهرباء و وزنها أخف كتيييير من الإلنترا عشان هتش باك يعني البور خفيف جداً ، و مع ذلك محدش قال إن العربية إتقلبت ولا عملت حادثة عشان البور لا قدر الله
أنا رأي تستمتع بالتكنولوجية و متخليش حاجة ذي كدة تغير رأيك في عربية ، و هتلاقي على فكرة كل العربيات موديلات ٢٠١٠ و طالع هتكون كهرباء ، ساعتها بقى هتعمل اييه ؟

[shalaby2001]

استمتع بالتكنولوجيا زى ما قال الاخ فرحات

[blob]

شكرا يا جماعه على ردكم ومساعدتكم ليا

[حماده المصري]

هو فعلا الباور الكهربا في الهيونداي مش رائع زي باقي العربيات الالماني الي باورها كهربا

بس الناس الي بتشتكي انه صعب تتحكم في العربيه دي بتبالغ جدا جدا

انت قدامك باور رااااااااااااائع في الزحمه والركن

انما في الجري طبيعي انت تحاسب وانت بتفادي او بتاخد غرز انما مش غشوميه على الدركسيون

وانا قدت ال اي 30 كان باور كهربا وعلى السرعات العاليه لما ادوس فرامل الباور بيتقل

[shanodaa]

اشعات وسمع وفهلوه
يعني حضرتك في حد قال لك ان البور الكهربا في مشاكل ؟
في العاشر السياره منتشره جدا والمدينه مفتوحه والشوارع وسعه وفاضيه والشاب بتطيير بيها وتلف بسرعه مع فرامل عشان المطبات بلا ادني مشكله
النترا افضل سياره

[Ahmad Allawy]

انا كنت من الناس اللي حذرت من الباور بتاع الالانترا فعلا..
و ده عن تجربة..
انا جربتها و حسيت بالموضوع ده جدا.. اكيد ف الركن و الزجمة حلو قوي..
لكن مع الجري و السرعة.. انا حسيته خطر.. و سوقت عربيات تانية الباور فيها كهربا برضه و كان اتقل من دي..
و موضوع انه بيتقل او بفصل بعد ال60 ده مش صح.. (علي الاقل في العربية اللي جربتها..)
لأني جيبت بيها حوالي 90 في مسافة قليلة قوي..و كان زي ما هو..
الكلام مش علي الباور الكهربا.. ولكن كان التحذير من انه بتاع الالانترا خفيف جدا..