للدرجادى باور الالنترا خطر

[Mohamed.Raafat]

اخي العزيز
موضوع الباور الكهرباء ده معنه ان الباور بتاع اعربية بيتقل سنة بعد ال100 او ال120
عشان يضمن ان العربية مش تحدف من اقل حركة للدريكسيون
و ده حاجة جديدة كويسة للامان و الثبات على الطريق
و مش معناها ان الدرسكسيون بيكون تقيل زي العربيات القديمة
ده اللى انا اعرفه
و المهم انك ترب و تحكم بنفسك
ولو الباور الكهرباء مش عاجبك ساعتها ممكن تجيب مكانه واحد زيت

[fahd_628]

يا جماعة خطر اية بس :)

الباور مفيهوش اى مشاكل

و هوة معمول لية الباور ستيرينج ؟ انت عاوزة يعنى تقيل ؟ :)

و متخافش انا عندى الباور كهرباء و مفيش اى مشاكل خالص خالص

دية اشاعات :)

[mzaki]

السلام عليكم

انا معايا النترا من شهر 7 و الحمد لله البور ممتاز و بيفصل فى السرعات العالية و مش بس الألنترا فى عربيات كتير فيها الخاصية دى

[bmya]

بجد ياباشا حاجه تضحك جدااااا
ومش جديد علي الشعب المصري اللي بيحب يفتيييييييييي
عايز اقولك حاجه ياباشا انا معايا سيريون 2008 والباور بتاعها كهربه طول ما انت ماشي براحه او واقف الباور بيبقي عجينه معاك اول ما تطلع علي الطريق وكل ما السرعه تزيد الدركسيون اتوماتك بيتقل وعايز اقولك اني بسيب الدركسيون اصلا وانا ماشي وعمره ما يروح يمين ولا شمال علي العكس بقه من اباور العادي اللي بيكون علي الطريق زفت ولازم تمسكه يايدك الاتنين خصوصا لو سرعه عاليه انا لما بجي اركب النسيان صني بجد ببقي ماسك الدركسيون بايدي الاتنين وبكون حاسس اني مش مظبط ودايما علي طول تلاقي ايدك رايحه يمين وشمال

الاباور الكهربه ميزته ان هو خفييييف جدا وانت واقف او بتركن او ماشي براحه غير كده فهو زي الباور العادي ان ماكانش احسن كمان

[blob]

شكرا يا جماعه لردودكم

[KHALED AYMAN]

انا بصراحه معرفش الالنترا الباور بتاعها اخباره ايه بس احان شعب بيحب الاشاعات و الجعر و الفتاوى جرب و متسمعش كلام حد . و الخاصيه بتاع تقل الباور موجوده فى عربيات كتير زى الاوكتافيا و اسمها heavy power

[mohamedway]

انا ما سقتش النترا بس سوقت يارس و الباور بتاعها كهربه و ماحستش بأى مشكله و فيه معلومه اتقالت ياريت حد يأكدهالنا و هى ان الالنترا 2009 الباور فيها بقه زيت؟؟؟؟؟؟؟؟ هل ده صحيح؟

[limo]

هل فعلا ال2009 اتغير الباور فيها الى زيت مش كهرباء ؟
اصل ال2009 لسه منزلش

[fakoussa]

الباور الكهربائى افضل بكتير من الباور العادى انا كان عندى فى دايهاتسوا شاريد 2004 و كنت بسافر بيها و بمشى على 140 و الحمد كان كله تمام .

هو فى الاول بس هاتحس انه خفيف بس بعد كده هاتتعود عليه . زى اللى بيركب عربية فيها باور عادى بعد ما كان راكب لادا ( مع الاعتذار لللادا ) .

[hossameid]

شكرا يا جماعه لردودكم

احنا فشركتنا بنعمل السوفتوير اللى بينزل على ال ECU بتاع العربيات وانا اشتغلت فى الpower steering ECU لشركة pegout and Citroen ,ياريت بس الناس اللى بتفتى تتقى الله,الdesign بتاع الElectric Power Steering (EPS) (الباور الكهرباء) قائم على انة يكون ناعم جدا على السرعات الواطية وبيتقل كل ما السرعة تزبد بالتدريج, كل حاجة فالسيستم محسوبة بدقة متناهية, لاكن المشكلة فالهيونداى انهم بيسترخصوا فالسفتوير ومبيعملهوش كويس وده اللى سبب المشكلة المعروفة فالاكسنت الجديدة 2007 ان الدركسيون ممكن يقفل منك وانت ماشى بسرعة,وعشان كدة ابتداء من 2008 الاكسنت رجعت باور عادى مش زيت واحتمال دة ينعكس على الالنترا.

[Ahmad Allawy]

احنا فشركتنا بنعمل السوفتوير اللى بينزل على ال ECU بتاع العربيات وانا اشتغلت فى الpower steering ECU لشركة pegout and Citroen ,ياريت بس الناس اللى بتفتى تتقى الله,الdesign بتاع الElectric Power Steering (EPS) (الباور الكهرباء) قائم على انة يكون ناعم جدا على السرعات الواطية وبيتقل كل ما السرعة تزبد بالتدريج, كل حاجة فالسيستم محسوبة بدقة متناهية, لاكن المشكلة فالهيونداى انهم بيسترخصوا فالسفتوير ومبيعملهوش كويس وده اللى سبب المشكلة المعروفة فالاكسنت الجديدة 2007 ان الدركسيون ممكن يقفل منك وانت ماشى بسرعة,وعشان كدة ابتداء من 2008 الاكسنت رجعت باور عادى مش زيت واحتمال دة ينعكس على الالنترا.

يبقي انت شغال في شركة فاليو مش كده.. :) :)

[ahmedfd]

مشكلة الأكسنت إن الباور الكهربائي فيها سابقاً كان تحكمه تماثلي analog control و ده تم تسجيل بعض المشاكل ليه فعلاً لكن تم تحويله بعد كده في الأكسنت لتحكم رقمي digital control و ده اللي نازل في الإلنترا من أولها و لم تسجل له أي مشاكل.

و الباور التحكم فيه رقمي عن طريق ecu منفصل و كمان التحكم مستمر يعني مش بيفصل و يشتغل على سرعات لكن تقله بيتغير بإستمرار realtime مع كل سرعة حسب مجموعة من sensors بتحس بسرعة العربية و إتجاه دوران طارة الدريكسيون و كمان في torque sensor و كل دول بيحددوا نسبة المؤازرة المطلوبة من الموتور الكهربا 12 فولت للدريكسيون.
و طبعاً نقطة مهمة جداً هي تحديد نقطة الصفر أو zero point اللي هيا لما تكون العربية ماشية عدل و مش مطلوب أي تدخل من الموتور و دي بيتعمل عليها check كل مرة العربية تدور و لازم بيتعمل لها calibration في المصنع و عند أي اعمال فك أو صيانة في النظام و الا تحصل مشكلة طبعا.

و للعلم أهم جزء في النظام ده هو fail safe system و ده بيعمل check أول لما العربية تدور و لو حصلت مشكلة أثناء القيادة بتنور لمبة التحذير الخاصة بالنظام للسائق في التابلوه و النظام بيحفظ كود الخطاً DTC و بيفصل الباور و الدريكسيون بيشتغل عادي جداً لكن بيكون تقيل أكنه مش باور لحد المشكلة ما تتحل.

هوا بس في نقطة أنا لاحظتها ونا بدور عن الموضوع إنه بالنسبة للباور الكهرباء مش مفروض إننا نسيب الدريكسيون لافف على الآخر في أي إتجاه لفترة كبيرة و ده مكتوب عندي فعلاً في كتالوج الإلنترا .. هوا مش هيعمل مشكلة لكن هيخلي الباور يتقل شوية.

و الحقيقة دي التفاصيل اللي أعرفها لكن كويس إن معانا هنا أستاذ hossameid و يا ريت يشرح بتفصيل أكبر طبيعة النظام ده علشان الناس تستفيد و تفهمه أكثر.


و بكل تأكيد الباور الكهربائي أفضل من الباور العادي لإنه أسهل و أقل تعقيداً من الناحية الميكانيكية و بيوفر في إستهلاك البنزين لإنه مفيهوش أي تحميل على المحرك.

طبعاً كلكم زهقتوا ... كفاية كدة بقى.

[hossameid]

يبقي انت شغال في شركة فاليو مش كده.. :) :)

اه هوه كدة , كويس ان ائيت حد عارف شركتى اخيرا

[Ahmad Allawy]

عيب عليك يا باشا..
انا اصلي مهندس كومبيوتر برضه..
ابن كار يعني.. :) :) :)

[migomax]

الثبات في النترا في السرعات العالية هايل جدا جدا وبلاش اشاعات..
واللي يشكي من حاجة لازم يكون جربها مش مجرد سمع..

:k4: