امتنع عن شراء اربى 2015 هاتش باك

[aymaneid]

إلى جميع الزملاء المحترمين
والى جميع من هم يريدون شراء هذة السيارة السيئة
والى جميع مالكى الهيونداى بمصر

الرسالة دى مهمة جدا جدا .... ده لا افتراء ولا اى نوع من انواع الدعاية المدفوعة
انا واحد حطيت فلوسى كلها فى عربية ماركة ار بى 2015 هاتش باك ودفعت اخر مليم معايا
عشان اركبها ... ولكن قبل 1000 ك اكتشفت انها اسوء عربية
ممكن اسميها عربية النعش الطائر ....
عربية ممكن تموت وتموت اى حد ادامك بدون ارادتك
كلامى حقيقى .... فى اقل من ثانية تصبح العربية خارجة عن سيطرتك وتسير بسرعة هائلة من الثبات
لتصل لاقصى سرعة لها مع توقف الفرامل تماما .....
وفى اقل من ثانية يا اما انت ميت يا اما موت حد من اللى فى الشارع


الحمد لله الحمد لله .... ان الناس اللى خبطهم بالعربية لسة عايشين
وتغور الاربى ويغور غبور ............ ربنا ينتقم منك فيك وفى عيالك
زى ما جبتلنا عربيات تقتلنا

[Hosam_Optrawy]

حمد الله على سلامتك وسلامة اللى خبطتهم

بس معلش انا مش فاهم حضرتك عندك مشكله في الفرامل ولا تقصد ان الفرامل ضعيفه بشكل عام ولا ايه يعنى ايه اللى حصل

[mhkorayem]

1000 سلامه عليك والحمد لله ان محدش جرا له حاجه
وربنا يعوضك عن الخسائر اللي في العربيه
بس معلش سؤال
هي العربيه دي فيها مثبت سرعه وكنت مشغله ساعه الحادث ولا لأ ؟؟؟؟
وياريت لو تقدر تفيدنا بتفاصيل اكتر عن اللي حصل عشان نحاول نفهم اللي حصل ده حصل ليه وازاي

[ashourashour]

انا مفهمتش بردوا

بس لما كان معايا فرنا

لما كنت بعلم حد عليها ممكن تسرقه و تطلع باندفاع شديد عشان هوا مش عارف يسيطر عليها

لو دي مشكلتك ان العربيه بتفط وتامرك من السكون و عربيتك مانيوال اعتقد مع الوقت هتتعود و هتتتحكم فالعربيه

لو اوتوماتيك حساسيه رجلك ليها عامل

اكون معاك قلبا وموضوعا لو دواسه البنزين بتعلق او انت بتسيب بنزين و بتفضل دايسه

ياريت توضخ و تقولنا بعد اذنك دس اول عربيه ولا كنت راكب ايه قبل كدا

وكل حاجه وليها حل

[ashourashour]

يعني انت بتفاجا كان واحد دايسلك بنزين عالاخر و مش بتعرف تفرمل حتى ؟؟؟ انا فهمت صح كدا ؟

[john55]

انا معايا السيدان بقالها 3 سنين معايا هي فعلا زي الصاروخ في طلعتها بس دا بمزاجك وفعلا الفرامل ضعيفه بس مش وحشه وبقدر اسيطر علي العربيه بس اعتقد في الموديل بتاعك 2015 فيها abs اكيد مشعارف ايه اللي حصل لحضرتك بلتفصيل علشان نفهم كلنا والحمد لله انك بسلام

[aymaneid]

اللى حصل شئ غريب مش ممكن حد يصدقه ....
عربية وقفة مكانها ... بمجرد وضع الd ... العربية طلعت لوحدها بسرعة هائلة زى الصاروخ
ولما حاولت ادوس فرامل ماشتغلتش .... طيرت ست وابنها ... ودخلت فى اكتر من 6 عربيات بسرعة جنونية
وكملت شالت واحد راجل كبير .... .......... رغم انها لسة طالعة من صيانة غبور امبارح
وعربية ماعملتش 1000 ك

انا مش عارف اعمل ايه .............. ربنا ينتقم منك يا غبور ويحرق فلوسك وتوكيلاتك بحق ما شوفته النهاردة

[ashourashour]

اللى حصل شئ غريب مش ممكن حد يصدقه ....
عربية وقفة مكانها ... بمجرد وضع الd ... العربية طلعت لوحدها بسرعة هائلة زى الصاروخ
ولما حاولت ادوس فرامل ماشتغلتش .... طيرت ست وابنها ... ودخلت فى اكتر من 6 عربيات بسرعة جنونية
وكملت شالت واحد راجل كبير .... .......... رغم انها لسة طالعة من صيانة غبور امبارح
وعربية ماعملتش 1000 ك

انا مش عارف اعمل ايه .............. ربنا ينتقم منك يا غبور ويحرق فلوسك وتوكيلاتك بحق ما شوفته النهاردة

اه ده !

[ashourashour]

لا دا موضوع كبير قوي مفروض النيابه و لجنه من كليه هندسه تحقق لما توصل للسبب

[aymaneid]

المشكلة دلوتقى حتى لو صلحتها وحتى لو رحت حماية المستهلك وحتى لو عملت محضر
مافيش خلاص امان ولا نقة انى اركبها من تانى
فعلا العربية سيئة وفيها عيب صناعة
والعيب ده بيطلع فجاة ويختفى ................... دى اسمها النعش الطائر مش عربية

انا بقالى اكتر من 15 سنة بسوق عربيات سواء جوة مصر ولا برة ... عمرى ما شوفت العيب ده فى اى عربية

[aymaneid]

مافيش مثبت سرعة فى العربية

[ashourashour]

حصل في تويوتا قبل كدا

بس لازم الموضوع ياخد مسار قانوني

الناس دي حد فيها مات او عنده عاهه مستديمه ؟

[john55]

غريبه فعلا لكن ايه السبب دا انت كدا خوفتني ازاي عربيه تطلع لوحدها كدا عايزين تفسير علمي للحصل بس فعلا لازم تروح حمايه المستهلك وتعمل محضر وتجئ لجنه فنيه وتعمل تقرير فني علشلن نعرف السبب وشكرا

[عبدالرحمن محمد]

قدم بلاغ فى النيابة و فى حماية المستهلك ولما يبتدى يتجمع معاك وثائق واثباتات اعمل الصح و راسل الشركة الام بالوثائق اللى معاك واطلب تعويض مناسب و بأذن الله هتاخد حقك لما توصل للشركة الام لآن حماية المستهلك احيانا بتشم منهم (ريحة شاى بالياسمين) - بس المهم راسل الشركة الام ف كوريا بعد ما يتجمع معاك وثائق و بلغة انجليزية سليمة وان شاء الله خير ، ماتسيبش حقك ، لو مش عشانك .. عشان هتتسأل عنه يوم الدين

[adelghanem]

دا شيئ رهيب
قلبى معاك..
دنا لو مكانك اخاف اقرب ناحيه العربيه
متسكتش