امتنع عن شراء اربى 2015 هاتش باك

[adel1212]

طب احنا كلنا بنتكلم في المشكلة و لها رجالها......
و بم ان اغلبنا عندهم هيونداي و معرضين للموقف ده ما هو الحل فى حال تعرضنا (لا قدر الله) للموقف ده ممكن الفنيين يفيدونا
مبدئيا انا شايف الحل اننا نفصل الفتيس (على n) و مش عارف ده حيكون حل صحيح و لا لأ
و لو في اقتراحات تانية ارجو التفاعل
تحياتي و تمنياتي لصاحب الموضوع بالسداد
تحياتي

[عبده غريب]

استاذ عبده صراحة ماعنديش فكرة لان الموضوع غريب علينا اوى
ولكن النهاردة هعرف وارد عليك .... إن شاء الله

شكرا استاذ ايمن وربنا يعوض عليك وتقدر توصل لحل للمشكله دي وياريت تتواصل معنا حتى نعرف تهاية الموضوع ده ايه لانى واحد من اللى بيفكروا يشتروا العربية دى

[Hmatchy]

لما تكون عربيه وسط الاف العربيات يبقي اسمه ايه

ده مش مساعد ضرب ولا متور فوت ولا صوت فى تيل الفرامل
ده ارواح ناس

[طارق محمد نبيل]

شكرا استاذ ايمن وربنا يعوض عليك وتقدر توصل لحل للمشكله دي

[eltanamly]

النهاردة رحنا قابلنا مدير صيانة غبور .... وحكينا القصة من الاول للاخير
وقولنا كل اللى نفسنا فيه ... والراجل سمعنا للاخيرر
وقال برده اللى عنده من الاخير .... هى هات العربية نختبرها رغم انى ماشوفتش عطل زى ده ؟
للاسف مش عندى اختيار تانى غير وضع حماية المستهلك بينى وبينهم ونجيب لجنة فننية لتقييم الموقف والعطل
معاهم .....

اما الثقة فى ان العربية دى او الموديل ده كويس ... خلاص انتهى .... لا ثقة فى الار بى من تانى

اه ده يا أستاذ أيمن د الصور نزلت و طلع في محاضر وعربيات مخبوطة أهو
أصل كان في ناس عايزة تنقل الموضوع لقسم الخيال العلمي وكمان نحذف خالص عشان ده تشويه لعمو غبور المكافح المحترم
وناس بتئلك يا جماعة ده كلام فاضي د عربية فالمليون
تصور حضرتك لو كان حظك أن لبست فالعربية إلي فالمليون دي ؟؟؟
وبعدين في إيه الناس طلعة بهيندي السما كدة ليه
دانا معايا الإلنترا MD 2013 جبت طقم فتيس عل 5,000 K.M وقالك سوء إستهلاك وبرا الضمان
وأنا أصلن لو ال-RPM علي عن ال-2.5 بحس أني بغتصب العربية ولو مرة حرقت بس بحس بالذنب طول اليوم (بس بردو معلش سوء إستخدم أصل أنا غاوي أجب عربيات وأبوظها)
يا رجل دانا معايا الكورلا 2008 أقسم بالله دخلة عل 210,000 K.M ومستحرم أبعها لسة زي الفل ما شاء الله
وأخويا معاه ال-Jetta 2009 بسم الله ما شاء الله
والناس زعلانة أنك بتعيب ف غبور و مصرين إن العربية دي نازلة من السما
العربية والله كويسة بس مش super ومش ممتازة أصلن يعني تسوقها أصلن ونت قلقان وايوة فيها عيوب تصنيع
وتقفيل ذي الزفت وأكتر عربية متعبة فالسواقة أكتر من التويوتا وال-jetta
مل أخر كدة لو أنا هاتكلم عل Elantra إلي معايا هديها Overall كدة ٥ من ١٠ أكتر من كدة فاكس ومتسواش

[S O P H O S]

ان شاء الله الناس تقوم بالسلامة

[aymaneid]

انا رفعت الصور عشان الموضوع حقيقى ومش عملية نصب ولا ادعاء على جد نهائيا
بالنسبة لتوكيل غبور ... ولكل من هو منهم ولكن من يدخل ويقراء كلامى وعاوز ينافق او يهدم الموضوع من اساسه
او عاوز حذف القصة لمجرد السكوت عشان نسبة المبيعات عندكم اتاثرت ومضايق انك بعت اكتر من 100 عربية بس فى الشهر ده وعاوز تبيع اكتر ..... بقولك لما تعمل ايه مش هصلح العربية عندك حتى ولو هرميهاا .... انت ومصنعك والهياكل بتاعتك اقل بكتير من مستوى الصناعية عندك .... والمساومة على قصة اصلاحها عندك ............... بقولك لاااااااااااااااااا
انت بتعدم العربية مش بتصلحها ... كبيرك تغير فانونس وخلصنا على كدة

اما موضوع عطل العربية .... وتجميعها برة كوريا ووضع استوكات 2013 على العربية ... نشوف حمااية المستهلك هتقولك ايه ؟؟؟

من الاخير يا جماعة ......... هات سمكرى وكهربائى قبل ما تستلم عربية من غبور احسلك ....
الموضوع ده عرفنى كتير اوى اوى عن العربيات بالاسلوب المصرى الغبورى

[aymaneid]

صحيح كنتت هنسى ... قصة ان العطل ده ممكن يحصل ... مع المانيول ولا الاتوماتيك

ممكن يحصل ... مادام الكنترول بيدى اوامر غلط ودى حااجة
تانى حاجة ممكن تحصل فى الالنترا او السوناتا وظهرت القصة دى فيها قبل كدة ...

[aymaneid]

بعد التجربة اللىى عيشناها مع العربية و التوكيل الجميل بتاعنا
وبعد معرفتى بمشاكل العربية والامكانيات الخطيرة المضحوك علينا فينا
احب اقول لكل عشاق هيونداى وغبور واللى بيدافعوا عن حلاوت وجمال العربية


انـــــــــــــــــــــا عارض العربية للبيـــــــــــــــــــــــــــــــع

[adel_edrees]

أما عايز أقول جاجة و أسمحوا لى أنى أتكلم سامحتوا لى أتكلم و ألا لأ أـكلم يعنى
بص تعالى نتكلم في المشكلة فين
المشكلة أن غبور تعملق و بقى هو رقم واحد و أتنين و تلاتة و هو مشغل عنده ناس ياما في أعتقادى الشخصى أن ممكن يكون في حدموظف من عنده بيلعب في الورق وبيسرق و بينصب و يبيع و يضرب ورق و السوق كله عارف أيه اللعب اللى ممكن يحصل في الورق و العربية و بيبيع العربيات المضروبة لمعارض معينة ومعروفة في السوق و بسعر خرافى و طبعا صاحب المعرض الطماع بيشتريها و هو عارف أن ورقها مش سليم و طبعا هو باع العربية و خلاص وغبور يتصرف معاها وده حصل و بيحصل في الأمجراند والمازدا و طبعا هيونداى الأجمل من كده أن الموظفين الكبار اللى عند غبور اللى بأخدوا ملايين رواتب ما بيوصلوش الكلام ده لمجلس الأدارة و لا لرئيس مجلس الأدارة لأن دول يهمهم في الأول و في الأخر أنهم يبيعوا و يحققوا أرباح و طول مالموضوع ماشى كويس و المبيعات في أرتفاع و طبعا الأرباح يبقى خلاص ماعجبنيش أراء بعض الناس في الاستهزاء من صاحب المشكلة و لا من المشكلة و لاحظت أن معظم اللى طالبوا أن تقوم الأدارة بحذف هذا الموضوع من أصحاب الأر بى كأنهم خايفين أن بعد أنتشار الخبر في السوق سعر العربية حيقل بس أحب أطمنهم الناس هنا حمادة و الناس برة حمادة تانى خالص يعنى الموضوعات اللى بتتناقش هنا لا علاقة لها بالسوق كأن المنتدى في واد و الناس في واد تانى خالص المشكلة دى حصلت فعلا في بعض السيارات

[adel_edrees]

و ده لأسباب كتير الزملاء أتكلموا عنها بأستفاضة و لكن مطلوب من غبور ألا يلتفت ألى المكاسب الوهمية اللتى يحققها الأن و أ، يضع خطة لتحقيق الجودة و النظر لشكاوى العملاء و أتخاذ وقفة جادة نحو المفسدين اللى بيشتغلوا عنده و اللى بسببهم ممكن تبقى الأرباح خسائر و لابد من أتخاذ خطوات جادة للقضاء على الفساد الأدارى الذى أستشرى بشدة داخل مؤسسات و شركات غبور .

[aymaneid]

adel_edrees شكرا لحضرتك وكلامك ولصدقك وثفتك للمشكلة اللى عرضتها على الجميع

بجد نصب على مستوى عالى

[aymaneid]

الواحد النهاردة مش عارف يفرح ولا يزعل .....
الحمد لله الحمد لله ناس اتصلوا بينا وبياكدوا ان كلامى حقيقى وان الموضوع ده حصل معاهم واتعرضوا لحوادث مختلفة
ناتج عن عدم الكنترول على العربية وتوقف الفرامل ....
وبيحكوا نفس القصة اللى اتعرضنا ليها ونفس الخطوات مع غبور وايه اللى عمله معاهم ودفعوا كام ؟؟؟
على الععموم الواحد عرف المقلب اللى اسمه ار بى اد ايه ؟

[toty_305]

-أي شئ يغور من وش غبور..ربنا معاك.

[aymaneid]

معلش بقالى كتير ما قولتلكمش على الجديد فى موضوعى
صراحة التجربة كانت بالنسبالى لحد دلوقتى سيئة للغاية
لانى اتعرفت على ناس بوش السم فى العسل من توكيل غبور ،،، كلام حلو فى وشك ولكن كل القصة هو ازاى تقفل القضية بتاعت العربية ويطلعوا تقرير يدينى انا قبل كل شئ .... ويكون هما الحمل الوديع ....
غير المشاوير لمعرفة اصلاح العربية والتكلفة سواء فى الحرفيين او التوكيل او غيرهم ...
التكلفة للاسف طلعت مش اقل من 18000 الف الى 35000 الف عشان ترجع عربية نعرف نركبها او نبيعها ودى حاجة
بالنسبة لحماية المستهلك انا مش فهمه عاوز ايه ... هل هى جهة عاوزة تساعدنى ولا جهة تطليع سبوبة منى ومن الوكيل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبرضه مش فاهم ليه لما اجيب لجنة من كلية هندسة هيخدوا واحد فى المية من ثمن العربية ..... (دى سبوبة برضه )
الخلاصة التوكيل اسوء مما كنت متخيل ........ هم عبارة عن ناس افاقة عاوزة تبيع عربيات ويكسبوا وبس اما الناس اللى هتركب العربيات دول يغوروا فى داهية وفى اكتر من وسيلة لدهس الموضوع واكتر من وسيلة لشراء النفوس بالفلوس

منظومة سيئة ونظام سئ ... ساب السايب لحد ما بقة غول يدوسنا وبس .......... حسب الله ونعم الوكيل فيك يا غبور وفى عيالك واهلك كلهم ز.. اشوفك محروق ومولع بجاز وسخ ..............