امتنع عن شراء اربى 2015 هاتش باك

[mhkorayem]

كرسي في الكلوب

حضرتك جبت من الاخر
هو ده اللي انا عاوز اقوله من اول ما قريت الموضوع بصراحه
عربيات بتجري لوحدها وعربيات بترجع لورا وتطلع لقدام لوحدها مش ناقص غير حد يدخل يقول ان شاف عربيات بتمشي على الحيط
واضح ان في ناس متاثره بلعب الطفوله

[mhkorayem]

أطالب إدارة المنتدى بحذف المشاركة دى فورا لان بها تحريض بدون دليل عملى (عن طريق صور من الواقعة و رقم محضر بالواقعة) أو منطقى (مفيش تفسير معقول و لا تجربة سابقة في أي سيارة من أي نوع) بالإضافة لعدم رد صاحب المشاركة على المطالبات المستمرة بتفسير ملابسات الحادث.
نقطة أخرى... لماذا يحذر صاحب الموضوع من نوع معين بينما كان ممكن يحذر من الصيانة التي من الممكن (لو صدقنا الرواية) تكون هي السبب في هذا العيب الفادح. و ما مصلحته في ذلك.
أيضا ماذا حدث منذ أن انتهى من الصيانة في اليوم السابق إلى أن توجه إلى محل إقامته و ركن السيارة إلى ثانى يوم و الذى حدث به الحادث المزعوم
لم نسمع في أي من وسائل الإعلام (اللى ما بتصدق تصتاد في المية العكرة) عن هذا الحادث الغريب.
لم نسمع في أي مكان في العالم عن مثل هذا العيب الخطير (عدم عمل الفرامل و بوابة البنزين مفتوحة و لا أي تحليل بتنجانى أخر)
أخيرا نرجوا من إدارة المنتدى المحترمة أن تكون على قدر المسؤولية - و هذا عهدنا بها- و تقوم تحذف هذه المشاركة لمنع اللغط. أما في حالة تقديم أدلة معقولة فأعتقد أنه لن يمانع أحد في مقاضاة الصيانة المهملة أو عيب الصناعة الجسيم (إذا ثبت ذلك)
و شكرا

متفق معاك تماماً
بس بلاش الموضوع يتحذف عشان من الواضح انه هيبقى موضوع كوميدي وهنضحك كتير
حضرتك بس اصبر وهتلاقي كمان شويه في عربيات بتتحول لمازنجر وعربيات تانيه بتطير في الجو لوحدها

[john55]

انا دخلت علي الفيس وشوفت العربيه وكانت سيده اللي بتسوق العربيه ممكن بدل مادوس فرامل راحت داست بنزين بقوه ممكن تحصل

[Waleed_aboammar]

انا دخلت علي الفيس وشوفت العربيه وكانت سيده اللي بتسوق العربيه ممكن بدل مادوس فرامل راحت داست بنزين بقوه ممكن تحصل

اللى أتذكر على فيس بوك من الرابط انها ما داستش على البنزين!!!!!

[Waleed_aboammar]

متفق معاك تماماً
بس بلاش الموضوع يتحذف عشان من الواضح انه هيبقى موضوع كوميدي وهنضحك كتير
حضرتك بس اصبر وهتلاقي كمان شويه في عربيات بتتحول لمازنجر وعربيات تانيه بتطير في الجو لوحدها

و الله أنا مش شايف ان الموضوع كوميدى خالص و ضد القواعد الأخلاقية و ضد مبادئ المنتدى و بيعمل سمعة سيئة بدون برهان أو دليل. فمن الأمانة إيقافه حتى تثبت صحته.

[john55]

انا متفق معاكم بس انا بستنتج يعني ازاي العربيه تطلع زي الصاروخ مره واحده انا معايا نفس العربيه مستغرب خالص من اللي حصل ياريت فعلا اي فني يفتينا دا حقيقي ولا خيال

[mhkorayem]

و الله أنا مش شايف ان الموضوع كوميدى خالص و ضد القواعد الأخلاقية و ضد مبادئ المنتدى و بيعمل سمعة سيئة بدون برهان أو دليل. فمن الأمانة إيقافه حتى تثبت صحته.

الموضوع كله مش داخل دماغي وغير منطقي ومش كوميدي فعلاً ده بالعكس ده موضوع سخيف لانه شويه كلام مرسل مفيش اي شيء يدل على اي احتمال لصحته بس الكوميديا في المزايدات اللي بتحصل في التعليقات زي العربيات اللي بترجع تخبط اللي وراها لوحدها وبعدين تطلع تخبط اللي قدامه لوحدها وبعدين بعد ما العربيه تخلص لعب وتنطيت فترجع لحالتها الطبيعيه يقوم صاحبها واخدها عادي جداً وماشي ولا كان حصل حاجه
بيفكروني بالعربيات اللعبه اللي كانت عندنا واحنا صغيرين اللي تفضل ماشيه لحد ما تخبط في الحيطه تروح لفه وماشيه في الاتجاه العكسي
انا بقترح على القائمين على المنتدى اضافه قسم للخيال العلمي ونقل الموضوع ده ليه

[eltanamly]

الموضوع كله مش داخل دماغي وغير منطقي ومش كوميدي فعلاً ده بالعكس ده موضوع سخيف لانه شويه كلام مرسل مفيش اي شيء يدل على اي احتمال لصحته بس الكوميديا في المزايدات اللي بتحصل في التعليقات زي العربيات اللي بترجع تخبط اللي وراها لوحدها وبعدين تطلع تخبط اللي قدامه لوحدها وبعدين بعد ما العربيه تخلص لعب وتنطيت فترجع لحالتها الطبيعيه يقوم صاحبها واخدها عادي جداً وماشي ولا كان حصل حاجه
بيفكروني بالعربيات اللعبه اللي كانت عندنا واحنا صغيرين اللي تفضل ماشيه لحد ما تخبط في الحيطه تروح لفه وماشيه في الاتجاه العكسي
انا بقترح على القائمين على المنتدى اضافه قسم للخيال العلمي ونقل الموضوع ده ليه

و الله هوا برضوا حضرتك مسمعتش عن مشكلة دواسة البنزين في تويوتا في امريكا اللي كانت نتيجتها ان في واحد مات ولا ايه ؟؟
المشكله مشابهه ليها على فكره و اكيد صاحب العربيه دمه محروق علي عربيته و فلوسه و بصراحه انا لومكانوا مش حبقى فاضي اصور عربيتي و الناس اللي خبطهم علشان اقنع سيادتك

ممكن المره الجايه صاحب العربيه يخليهم ياخدوا صوره سيلفي مع العربيه علشان حضرتك تقتنع

للاسف معترض مع اسلوب حضرتك تماما في السخريه من صاحب المشكله و تكذيبه

[mora_farahat]

برجاء من الاداره حذف الموضوع ده لايوجد دليل ولا برهان ولا اي شيء يتبت صحته ده غير انه موضوع ميدخلش العقل على واحد جاهل .واضح انها دعايه مضاده .نرجو من ادارة النتدى والمشرفين حذف الموضوع وايقاف العضو حتى يظل المنتدى من افضل منتديات السيارات ونثق به

[eltanamly]

و دا على اساس ان الحاج غبور محتاج دعايه مضاده مثلا ؟؟!!!!!!!!!!!!!!!!!!!!!!!!!!!!!!!!!!!!

[aymaneid]

ملحوظة هامة
فى ناس شافت نفس المشكلة معمولها شيير على الفيس باسم واحدة اسمها رانيا عيد
احب اوضح لكل الناس المهندسة رانيا هى صاحبة العربية اللى عملت حادثة واللى بتكلم عليها
ودى اختى ... وانا كنت فى الموقف ده وعشان كدة بكتب عن اللى حصل بكل تفصيلة ... لانى اكتشفت
بعد الحادثة اننا اتخدعنا فى شراء السيارة
مرة تانية لجميع الناس والاعضاء على نيل موترور ... الموضوع اتبعت ومتشير على مواقع كتير ومعمول محضر
وقضية ضد غبور عن طريق اصحاب الحادثة وهم كالاتى ( رانيا عيد ، ايمن عيد ، طارق عيد ( الناس اللى فى النص ) ، واحمد عيد ) وشكرا

[aymaneid]

الموضوع اللى جاى اتكلم فيه النهاردة لكل وجميع اعضاء نيل موترو ...
انا رحت الحرفيين ونقلت العربية لناس هناك معروفين باسم ادروة ....
وكنت صراحة رايح افهم واعرف ايه هى المشكلة قبل ما اروح غبور
ولكن اكتشفت ما هو اكبر من تخيلى .... واللى لا يمكن كنت هعرف لو مافيش حادثة
اكتشفت ان موديل ترخيص السيارة وارواقها مكتوب لسة 2015
و جميع اكسسوارت العربية زى الزجاج مثلا ما بين 2013 و 2014 وان السيارة غير منتجة لسنة الترخيص 2015
ودى الكارثة اللى ماكنتش متخيلها ولا كان نفسى حتى اعرفها
على العموم .... زى ما كان عاوز يموت اختى وسود ايامنا وشوفنا ايام منيلة ...
برضوا هسودها عليه وعلى اللى جابه ................ لان ده غش ونصب
يعنى مش عيب صناعة وبس لا ده كمان لعب فى اوراقها ومواصفتها .............. ايه الارف ده
ربنا ينتقم منه ............. اشوفك محروق فى نار جهنم يا غبور انت وعيالك

[aymaneid]

بالنسبة للاستاذ اللى عاوز المنتدى حذف موضوعى
الموضوع حقيقى وبجد مافهوش اى هظار ولا تهريج ولاا كوميديا ....
اختى كانت هتموت فى الحادثة دى ودخلت مستشفى
غير طفل وست رجلها اتجبست ... غير حرقة الدم و 7 عربيات اكسروا
واخدت كل الفلوس اللى فى البيت عشان اعوضهم عن خسائرهم
حاجة كمان فى محضر صلح تم عشان صاحبت العرببة ما تتحبسى فى الفصة دى
و3 محاضر بقسم حدايق القبة بخصوص عيب الصناعة والغش فى ارواق العربية
لو عاوز رقم المحضر مافيش مشكلة ولو عاوز صور العربية مافيش مشكلة
ولو عاوز تتاكد ان المشكلة دى حصلت فى عربيات قبل كدة ممكن تسال ناس فى شارع دمشق ( وهما هيقولولك ان عربية جيب عملت نفس القصة ودخلت فى محلات مش عربيات بس )
كمان فى تقارير فنية جاتلى على الخاص بطبيعة المشكلة دى غير الناس اللى فى الحرفيين عرفوا المشكلة عشان حصلت قبل كدة قدامهم فى عربيات فلستر والترا لان دفيرة كهرباء العربية واحدة ...

حد بس يا جماعة يقولى ارفع الصور ازاى على الجرروب ... انا مش عندى مشكلة فى رفعها لكل الناس

بالنسبة لاصلاح العربية ... الحمد لله عندى مقدرة مادية اصلحها ولا ارجع لتوكيل ولا اروح نيابات عشان اوجع دماغى
المشكلة يا سادة .... ان العيب الخبيث ... ممكن يؤدى الى موت يا اما صاحب العربية يا اما اى حد تانى ماشى فى الشارع

ولو الاستاذ اللى نفسه حذف الموضوع ..... لو ابنك كان مكان الطفل اللى خبطه .....كنت عملت اايه ؟؟؟؟

[aymaneid]

مفاجاة النهاردة لم اكنت اتوقعها من غبور
غبور اللى اشتريت من عنده 3 عربيات قبل كدة
للاسف النهاردة يتم الضغط علينا من التوكيل بسحب العربية باى شكل
ويتم التفاوض بدون مشاكل حتى لو العربية فيها عيب صناعة .... لا يمكن كتابة تقرير بالحالة الفنيية
لان ده يسئ لسمعة المكان .....

يعنى دلوقتى الوكيل همه الوحيد يسكتنى وى خلاص بدل ما يحل المشكلة ولا يعترف بيها ....
يعنى يا جماعة اسيبه يسحب العربية والموضوع يموت ويروح حقى ؟؟؟؟؟
يعنى الافضل اسكت عشان يكمل نصب على الناس ويكسب اكترر ؟؟؟؟
انا مش قادر افهم ايه المشكلة ان عربية فيها عيب صناعة ويغيرها ولا يبدلها ولا يصلحها
يعنى هو اللى مصنعها ؟؟؟ مش فيه مصنع برة بيعمل ده ويخلص الموضوع ....
اشمعنى برة الحياة اسهل من كدة والموضوع بيخلص بسرعة ؟؟؟

[aymaneid]

انا محتاج اعرف رفع الصور ازاى ؟؟