بخصوص عدم ثبات الفيرنا

[bebo_bambino]

كنت عايز اعرف ايه حل المشكله دي
علشان العربيه خفيفه جدا

[temoo_110]

مين قالك ان الفيرنا خفيفة الفيرنا عربية ثابتة الى حد ما ولو عاوز ثباتها يزيد ركبلها جنوط اسبور وعرض العجل هتبقى تمام

[Tarek Fadl]

السلام عليكم ورحمة الله وبركاته
العربية لغاية 140 كم وثابتة علي الارض ومفيهاش اي مشكلة وفي الملفات كمان ثباتها هايل اما لو هنمشي علي 180 و 200 كم يبقي منتكلمش علي ثبات اصلا لان ده كده تهلكة مش ثبات لان معندناش في مصر طرق تقدر تمشي عليها بالسرعات العالية اوي ده اما في حدود السرعات المعقولة 120 : 140 كم فالعربية بصراحة لا توجد فيها مشكلة علي الاطلاق
وانا كل كلامي علي الفيرنا 1500 لاني مسقتش ال 1600 عشان احكم عليها

[ايهاب]

الفيرنا 1600 فعلا ثابتة حتي 140 بشروط:
1-الطريق ناعم وعدل
2-مقاومه الرياح ليست عالية
3-مش بتعدي من نقل كبير او اونوبيسات سياحة علي سرعة عالية زي ال140----لان وانت داخل علي موخرتهم بتشعر بمقاومة تم وانت في المنتصف تحس ان السيارة بتتشفط تجاة النقل او الاتوبيس ثم بعد التعدية مباشرة يعني عند الكصدام الامامي تشعر ان مجال الجاذبية تجاه التريللا او الاتوبيس انعدم فجأة والسيارة بتتزاح الناحية الثانية مما يجبرك علي التهدية باستخدام الفرامل
--ومن هنا ياتي الزهق والقلق والاحساس بعدم الثبات -وهو ملخص تجربة شخصية لقيادة السيارة مسافة 600 كم علي طريق العلمين
dr/ehababdelhafeez

[fahd_628]

و ممكن كمان تركب عفشة سبور

[temoo_110]

و ممكن كمان تركب عفشة سبور

لا هيا ثابتة حتى 140 على جميع الطرق وموضوع انجزبها للترلات والاتوبيسات السياحية دى على اساس انها فيها مغنطيس ولا هيا عربية لاعبة ولا عربية صينى
دى هيونداى فيرنا اللى انت بتكلم عليها ولا انت مش واخد بالك

[Eng.Ahmed]

الفيرنا فعلا مش محتاجه اكتر من جنوط و كاوتش عريض و هتلاقى ثبات العربيه اختلف تماما و بالنسبه لموضوع خلخله الهواء الى بتعمله الاوتوبيسات او النقل الثقيل ده مش بتحس بيه فى عربيه معينه لكن فى اى عربيه بتمر جنبهم ، و عموما جرب يا أ / ايهاب تعدى بين مقطورتين بأى عربيه و قولى هاتحس بأيه

[hamada_syndrome]

انا عندي فيرنا 1500...و فعلا العربيه بتبقى خفيفه اوي عند ال 130 و دي حاجه انا متأكد منها.....بس انا عارف واحد صحبي عنده فيرنا برده 1500 و حل الموضوع ده بأنه ركبلها كفرات (185\14) و خلي بالك ان الفيرنا بتنزل أصلا(175\13).....دي ال 1500......العربيه بتعته ثابته جدا على الطريق و في اللفات... Peace

[Ahmed Anwer]

يا جماعة أنا عندي فيرنا 1600 و لما جيت اشتريها كل الناس قاللولي علي العيب ده ، بس في نفس الوقت الناس بتقول العيب ده موجود في الياريس و اللانسر و حتي الكورولا و اصحابها نفسهم بيقولوا كده فرأيي الشخصي إن دول عيال صغيرة عايزين يجيبوا عربية و يطلعوا بيها علي الصحراوي و يمشوا علي 150 و يغرزوا بين الترلات و لما تتقلب بيهم و لا يعملوا حادثة تبقي دي عربيات وحشة و مش ثابتة ، تهريج طبعا ، يروحوا بقه يجيبوا بي ام و لا مرسيدس عشان الثبات علي 150، الفييرنا خلاص سيارة اثبتت نفسها و اكتسحت منافسيها في فئتها الإسبرانزا و اللانوس

[PRO-DRIVE]

ليه بى ام ولا مرسيدس SUBARU HERE :twisted: :twisted:

[temoo_110]

ليه بى ام ولا مرسيدس SUBARU HERE :twisted: :twisted:

يا سلام

[PRO-DRIVE]

مش مصدق جرب اركبها بس و انت حتعرف الفرق

ثبات سوبارو يقارن مع البورش

http://www.youtube.com/watch?v=Q7dVFY5CxT0

و ده فيديو تانى عشان تصدق ثابت العربيه ممتاز اد اية

http://www.youtube.com/watch?v=-8wEysKpF5I&mode=related&search=

شوف الفيديو ده و ده اختبار رسمى و بالصور حتلاقى اختبار سلالوم و اختبار الارض الزلقه و و اختبارات تانيه كتير بس دول فى كلامنا على الثبات

خد فى بالك كل انظمه التعليق و الدفع واحده :twisted: يعنى اللى حتعملوا اى عربيه كل سوبارو حتعملوا :mrgreen:

[Tarek Fadl]

السلام عليكم ورحمة الله وبركاته
انا موافقك في الراي تماما يا أ / احمد انور ان فعلا العربية اثبتت كفاءتها وكفاية ان اصحابها اللي جربوها بيقولوا كده

[Ahmed Anwer]

يا جماعة هو |حنا بنشتري عربيات نخش بيها الفورمولا وان !! المهم العربية تبقي سواقتها و ركوبها مريحين و مش شكاية و مشاكلها بسيطة حتي حكاية إن العربية تبقي معمرة دي شوية و محدش هيبصلها لأن كلنا دلوقت عاملين حسابنا اخرها خالص سبع سنين و نغير مش زي اهالينا كان الواحد يجيب العربية يفضل يصاينها و يجدد فيها لحد مايطلع علي المعاش و يورث العربية لولاده ، في معرض أوتوماك الأخير شفت العربية اللأسبرانزا اللي هتنزل ب 45 ألف طبعا شكل و تابلوه و صالون و كماليات حاجة اخر فشخرة و كان معاي واحد قريبي بتناقش معاه و بقوله مهما كان دي صيني فرد علي و قاللي و حتي لو كده سعرها يشفعلها يعني عربية زيرو اقل حاجة خمس سنين يعني كفاية إنني اركبها خمس سنين بثمنها ابقي مش خسران،بخصوص الثبات أنا شخصيا عندي طفل صغير مستحيل اخد ملف علي سرعة عالية و لا اغرز بين المقطورات في ستين داهية العربية بس عشان ابني .
طبعا السبارو عربية راليات و مستوى معروف بس معرفش اللي بيوصل مصر منها نفس المستوي و لا حاجة للإستخدام العادي،و ربنا يبارلك فيها بس ممكن نقول عليها دي عربيات مثقفين، يعني محدش في مصر يفهم يعني ايه سوبارو و برده متجريش اوي
و انا لا زالت عند رأيي إن الفيرنا سيارة ممتازة و مفهاش مشكلة ولا يعيبها سوي انها موديل توقف انتاجه في بلاده

[Ahmed Anwer]

تم الحذف للتكرار