رابطة الجيتزاويه

[mada_76]

ازيكم جميعا انا عندى مشكلة صغيرة و محتاج مساعدةز
انا عندى جيتز 2008 و الحمد لله عملت حدثة
عربية نقل دخلت فى العربية على الدائرى و عايز اغير الربع الشمال الخلفى بالقايم كمان ومش لاقى قطعية بكل القايم لو حد يعرف ممكن اجيب الحاجة ممنين يايت يرد .
وجزاكم الله كل خير.
روح هاتلا الربع من الحرفيين فى مدينة السلام
هناك كل حاجة ممكن تتخيلها فلى عربيتك

ربنا معاك طبعا ويجعلها اخر الحوادث ويكفينا ويكفيك شرها
انا اقدر افيدك في الاسعار دي من التوكيل لان عربيتي اتخبطت من ورا وتقريبا غيرت نفس اللى انت عايز تغيره .
لو تعرف ازاي احمل الصور هنا قولي وانا اوريك صور الحادثة .

[placebo_sh82]

طيب و بالنسبة للثبات و التكييف....فى ناس بتقول ان العربية خفيفة اوى؟وهل تكييفها كويس انتو شايفيين البلد بقت حر اوى....ارجو الافادة

[mada_76]

ازاي عملتها في ابو غالي انا بتصل بالرقم المختصر مش بيقول ان عندهم صيانة هيونداي
انت بتتصل برقم ايه او بتحجز ازاي

يا جماعة انا بنصح وعن تجربة بلاش تعملوا الصيانة في مراكز الخدمة وخصوصا الصيانات المهمة الاولانية دي عشان لو في حاجة بايظة في العربية مركز الخدمة مش هايغيرها .
وهي دي الميزة الوحيدة اللى في غبور . ليييييييه؟؟؟؟؟
لان العامل في غبور لو شاف حاجة بايظة بيغيروها لانهم عندهم مخزن كبير ملياااااااان من كل قطع الغيار وباعداد مهولة وده حصل معايا كنت شاكك في مساعد والمهندس قالي لو عايز اغيروهلك اغيره معندناش مشكلة في التغيير بس هو ماكانش العيب في المساعد الصراحة .
انما في اي مركز خدمة هما عنهم قطعتين من كل النوع وطبعا اهم شيء عندهم المكسب بدون اي مصاريف وكان هو لما بيغيرلك قطعه غيار لازم يروح يبدلها من غبور او ياخد فلوسها منه فاكيد دي بالنسبة ليه مشكلة .

[mada_76]

طيب و بالنسبة للثبات و التكييف....فى ناس بتقول ان العربية خفيفة اوى؟وهل تكييفها كويس انتو شايفيين البلد بقت حر اوى....ارجو الافادة

التكيييف حلو جدا .
انا عن نسي بشغل التكييف بليل على درجة 1 وبتكون العربية تلج . والصبح في عز الحر بتاخد حوالى 10 دقايق كده على مابتخلي العربية ساقعة وبشغله على 3 الاول وبعدين بنزل 2 .
ثبات العربية مش نمرة واحد بس بيني وبينك الكلام ده على 140 و160 والسرعات العالية دي .
لو انت من النوع اللى بيمشي كده يبقى هاتضطر تجنط وتجيب كاوتش عريض شوية .
انا عن نفسي لما غيرت الكاوتش جبت 185 بدل 175 واقدر اقول ان العربية تقلت شوية وبقت راسية . لكن موضوع الثبات ده مش عاملي اي مشكلة خصوصا ان انا بمشي على 110 متوسط يعني .
نصيحة مني انت لازم تجرب العربية قبل ماتجيبها . ماتجيبش على السمع بس . شوف حد يكون معاه العربية وسوقها اصحابك او زملاء عمل كده يعني .
وربنا يوفقك

[mada_76]

يا جماعة
انا عندي راي ومحتاجين المشاركة منكو
اولا انا ملاحظ ان كل الناس هنا في المنتدي عاملين جروبات كبيرة وبيتشاركوا مع بعض في مقابلات واعياد الميلاد الخاصة بالمنتدي وبيعملوا استيكرات خاصة بموديلات عربياتهم واحنا مش موجودين خالص .
ربنا يسهل ونبدأ نعمل اي نشاط جماعي كده .
الموضوع بقى اللى انا عايز اقوله هو موضوع الشماسة الخاصة بنايل موتورز . لو محدش شافها يدخل على اللينك ده ويشوفها
http://www.nilemotors.net/Nile/141014-a.html
هي شماسة من النوع اللى هي عبارة عن دايرتين كبار متصلين ببعض وكتبوا عليها شعار نايل موتورز من الناحيتين وبيبيعوها ب 25 جنيه . في بقى بعض الجروبات زي بروتون جمعوا عدد من الاعضاء وطلبوا من الاستاذ كريم منير انه يعملهم واحد عليها شعار بروتون في ناحية ونايل موتورز في الناحية التانية وعملوها ب 30 جنيه .
انا بقترح اننا نجمع برضه عدد من هنا ونخليهم يعملولنا زاحد مكتوب عليها GETZ CLUB من ناحة والناحية التانية شعار نايل موتورز .
واعتقد ان كلنا محتاجين الشماسة دي لانها فعلا مفيدة خصوصا في الصيف اللى احنا داخلين عليه ده .
ايه رايكوا ؟؟؟؟؟؟؟؟؟؟؟؟

[placebo_sh82]

سؤال تانى هل هى واطية فعلا وبتحك فى المطبات

[mada_76]

سؤال تانى هل هى واطية فعلا وبتحك فى المطبات

دي اصلا العربية دي اللى مخلي الاتزان بتاعها مش قوي على السرعات العالية انها عالية عن الارض . انت وانت راكبها بتكون اعلى من اي عربية سيدان . من النقطة دي اطمئن وركب فيها خمسة وخد مطبات صناعي عادي جدا بدون قلق .

[placebo_sh82]

هل قطع غيارها غالية ؟؟

[mada_76]

هل قطع غيارها غالية ؟؟

بص
انا عندي حل كويس .
انا هاسيبك يومين تلاتة كده تعصر دماغك وتكتب كل الاسئلة مرة واحدة وانا اجاوبك عليها كلها
ايه رايك ؟؟؟؟؟؟؟

[placebo_sh82]

معلش تعبتك معايا....اصلى محتار بينها وبين اللانوس اوى

[w_abedelhakim]

انا معاك في موضوع الشماسة ده
واعتبرني اول مشاركة

[Bassem316]

ايه ظروفها فى السرعات العالية انا بسافر كتييييييير وبجرى 140 يعنى - فانا عايز اعرف ثبات العربية ايه فى الطريق المستقيم والملفات ومطبات الهوا

:b4_564:

[mahmoudazima30]

جنوط جيتز

السلام عليكم يا اهل الجيتز
بامانه عربية محترمة بس مشكلتها معايا فى العافشة مع انى حريص فى المطبات و البلاعات - حد يقولى هي فعلا عافشتها معاكو ضعيفة و الحل ايه؟ فى ناس قالولى اجنط؟ طب ايه المناسب؟


محمود عظيمة

[placebo_sh82]

بتحتاج تربيط علطول ولا بتحك منك فى المطبات

[mada_76]

السلام عليكم يا اهل الجيتز
بامانه عربية محترمة بس مشكلتها معايا فى العافشة مع انى حريص فى المطبات و البلاعات - حد يقولى هي فعلا عافشتها معاكو ضعيفة و الحل ايه؟ فى ناس قالولى اجنط؟ طب ايه المناسب؟


محمود عظيمة

انا معاك ان العافشة بتاعتها بتحتاج تربيط كل 5000 كيلو كده عشان تكون كويسة . المشكلة بقى ان الجنوط دي هاتبوظ العافشة اكتر . وده بشهادة كل الناس والصنايعية حتى احنا عارفين كده . بس الواحد نفسه يجنط الصراحة