رابطة الجيتزاويه

[java_java]

السلام عليكم .
ازيكم جميعا انا عندى مشكلة صغيرة و محتاج مساعدةز
انا عندى جيتز 2008 و الحمد لله عملت حدثة
عربية نقل دخلت فى العربية على الدائرى و عايز اغير الربع الشمال الخلفى بالقايم كمان ومش لاقى قطعية بكل القايم لو حد يعرف ممكن اجيب الحاجة ممنين يايت يرد .
وجزاكم الله كل خير.

[w_abedelhakim]

سلام عليكم
عاوز اعرف اخبار العزل يتاع الجيتز اخباره ايه وهل صوت الموتور وصوت الطريق بيكون مسموع ولا لا ؟
واستهلاك البنزين برضه
انا بقارن بينها وبين رينو سيمبول ووكيا ريو ونيسان ليفينا
طبعا ملهمش علاقة ببعض بس انا هجيب واحدة منهم ان شاء الله d:

استهلاك البنزين حوالي 10 لتر لكل 100 كيلو داخل البلد ( العربية اتوماتيك )
واعتقد بره البلد علي الطرق السريعة بيقل

بالنسبة للعزل كويس جدا انا مش بسمع صوت العربية تماما بالنسبة لصوت الطريق انا بسوق جوا البلد مسفرتش بيها لسه لاني لسه جايبها من شهر بس لغاية 80 كم مفيش اي صوت للطريق مسموع

اعتقد الميزة الحلوة قوق في العربية وخصوصا انها اتوماتيك هي السحب العربية سحبها ما شاء الله جميل جدا

[w_abedelhakim]

هما الجيتزاويه راحو فين؟

احنا هنا اهه

[ahmedcopy]

الجيتز 1600 بعد سرعة 170 كم

السلام عليكم ورحمة الله وبركاته ......

انا معايا جيتز 2009 سعة 1600 cc المهم انا مشيت بيها على سرعة 170 ومكنش فيها مشكلة بس خفت ازود عن كده بصراحة بس المهم تانى يوم لقيت الدركسيون بيرعش لوحده وانا ماشى بس بعد حوالى اسبوعين ابتدت الرعشة ده تقلل . بس انا عايز اعرف المشكلة ده ممكن تكون ايه.

وجزاكم الله خيراً

[w_abedelhakim]

تمام و الحمد لله قست المسافات و طلعت زي الفل
و رحت و دفعت العربون بتاع الاستوب لغايه لما ييجي ابقى استلموا ان شاء الله
ولك الشكر

الف الف مبروك مقدما
وعايزين صورة بعد ما يركب بقه

[MOSTAFABASAL]

ان شاء الله اصور الاستوب بعد التركيب

[mega3050]

الاخ العزيز اللى بيشتكى من رعشة الدريكسيون
روح ظبط الترصيص بتاع العجل

[mega3050]

ازيكم جميعا انا عندى مشكلة صغيرة و محتاج مساعدةز
انا عندى جيتز 2008 و الحمد لله عملت حدثة
عربية نقل دخلت فى العربية على الدائرى و عايز اغير الربع الشمال الخلفى بالقايم كمان ومش لاقى قطعية بكل القايم لو حد يعرف ممكن اجيب الحاجة ممنين يايت يرد .
وجزاكم الله كل خير.
روح هاتلا الربع من الحرفيين فى مدينة السلام
هناك كل حاجة ممكن تتخيلها فلى عربيتك

[hossamsamy]

السلام عليكم يا جماهة وربنا يبارك فيكم
أنا عندى سؤالين عن الجيتز ياريت حد يجاوبنى عليهم
1- أستهلاك البنزين فى الجيتز أيه أخباره وأهم حاجه جوه البلد
2-هل يوجد كمبيوتر رحلات ولا لأه
وشكراً يا جماعه على المجهود ده

[w_abedelhakim]

السلام عليكم يا جماهة وربنا يبارك فيكم
أنا عندى سؤالين عن الجيتز ياريت حد يجاوبنى عليهم
1- أستهلاك البنزين فى الجيتز أيه أخباره وأهم حاجه جوه البلد
2-هل يوجد كمبيوتر رحلات ولا لأه
وشكراً يا جماعه على المجهود ده

وعليكم السلام

اولا بالنسبة للاستهلاك البنزين هو 10 لتر لكل 100 كم
بالنسبة لكمبيوتر الرحلات اعتقد انه مفيش بس مش متاكدة ممكن لو حد متاكد يقولك
او احاول ادورلك في الكتالوج

[w_abedelhakim]

صيانة ال 10000 صيانة عادية عملتها فى ابوغالى العبور التكلفة 262 بفلتر الزيت لكن بدون الزيت علشان انا بجيبه معايا

ازاي عملتها في ابو غالي انا بتصل بالرقم المختصر مش بيقول ان عندهم صيانة هيونداي
انت بتتصل برقم ايه او بتحجز ازاي

[Ahmed_Ezz]

ابو غالى العبور 25228080

[placebo_sh82]

انا بفكر اجيب عربية جديدة وكنت محتار بين جيتز و لانوس عشان موضوع الشنطة وقطع الغيار ...ايه رايكو هل شنطة الجيتز يمكن استغلالها ولا ضيقة اوى و صيانتها وقطع غيارها نظامهم ايه؟؟؟

[mada_76]

السلام عليكم يا جماهة وربنا يبارك فيكم
أنا عندى سؤالين عن الجيتز ياريت حد يجاوبنى عليهم
1- أستهلاك البنزين فى الجيتز أيه أخباره وأهم حاجه جوه البلد
2-هل يوجد كمبيوتر رحلات ولا لأه
وشكراً يا جماعه على المجهود ده

استهلاك البنزين كويس زي ماقلتلك زميلتنا العزيزة . لكن العربية مافيهاش كمبيوتر رحلات

[mada_76]

انا بفكر اجيب عربية جديدة وكنت محتار بين جيتز و لانوس عشان موضوع الشنطة وقطع الغيار ...ايه رايكو هل شنطة الجيتز يمكن استغلالها ولا ضيقة اوى و صيانتها وقطع غيارها نظامهم ايه؟؟؟

شنطة الجيتز اصغر طبعا من شنطة اللانوس . يعني ممكن تشيل شنطة سفر كبيرة واحدة بس .
قطع الغيار كويسة ومتوفرة زيها زي اللانوس . مافيهاش مشكلة .
بس الجيتز تتفوق في حاجات زي القوة والموتور والعزم والتكييف والتقفيل كوري بالكامل وبراحة الصالون بتاعها اوسع من اللانوس .