بخصوص كورولا 2008 الشكل الجديد

[Nile Heart]

على فكرة ياجماعة تجميع السيارات بيوفر على المصنع 20% من الرسوم الجمركية المفروض يدفعها المستورد على السيارة بالكامل ، بالأضافة ان الصنع بيستورد ما يعادل 60% تقريبا من السيارة و الباقى طبعا محلى و ايدى عاملة ( الأيدى العاملة بتمثل من 15 الى 20 % من المنتج النهائى ) و ممكن طبعا المصنع يستورد بعض الخامات من مصدر اخر غير مكان استيراد مكونات السيارة الأصلى ، زى مثلا خامات الأقمشة و البلاستيك و اسلاك الضفيرة و الأطارات و البويات الخ
وده كله بيوفر فى تكلفة السيارة ككل . و تلاقى السيارة فى الأخر سعرها بيكون اقل فى السوق عن المستورد .

أقل من المستورد لآن المستورد عليه جمارك ورسوم فاجره وفاحشه تبدآ من 65% (الرسوم كلها) على اقل موتور وحتى 340% على اعلى فئه

مثال على ذلك الكامرى اللى موجوده فى مصر ب 560 الف جنيه (يعنى 100 الف دولار) دى تمنها فى الخليج 120 -140 الف جنيه!! تخيل الفرق!! والرسوم دى لا هيه عشان حماية الصناعه المحليه ولا عشان تقليل عدد السيارات ولا بطيخ! دى جبايه عشان يصرفوا بيها على السفه والمؤتمرات وننوس عين امه جماده عزو (بالجيم)

[hesham2004]

وطبعا استمالا لكلام wawoo ان قطع الغيار الخارجية ( قطع الغيار فقط و ليس اجزاء التجميع فى المصنع ) الى بلون السيارة و بيكون تثبيتها بالسيارة عن طريق الفك و التركيب و ليس اللحام ( زى المرايات الجانبية و الأكصدام و الأبواب و غطاء المحرك والشنطة . . . ) بتكون جاهزة فى مراكز الصيانة بلون السيارة الأصلى لسرعة التركيب و التغيير.

[seka]

الف شكر ليك يا ا/wawoo انت فعلا تلطع صح و انا اللى كنت غلطان و دا نفس الكلام اللى اكدهولى نسبى فى موضوع الرش و اللحام بس هو السبب والله لانه مابعرفش يشرح صح والله دا كنت حاخنوة ما كلمنى فى التليفون و بقيت اقولة خليت الناس تقول عليا عبيط اعمل انا اية دلوقتى وانا مابعرفش اكابر اما اكون انا غلطان بقول انى غلطان و خلاص والاختلاف فى الرأى لا يفسد فى الود قضية تحياتى ليك
صديقك Islam الملقب بـ seka ;) ;) ;)

[seka]

بس انت تلطع خبير والله و عشان كدة عايزك تر على موضعى اللى فى متسوبيشى ودا اللنيك بتاعة http://www.nilemotors.net/Forum/viewtopic.php?t=11080 على فكرة انا ولله الحمد اللى ردت فى الوضوع ده

[yahyanaabil]

بالنسبه لحوار التجميع واحد صاحبى راح مصنع مرسيدس اللى تقريبا فى 6 اكتوبر .اتوهم بيه قالى كل ما يركبو حاجه فى العربيه بيعملولها تيست حتى العلامه بتاع المرسيدس
هوه قالى كلام كتير مش فاكره الصراحه بس واحد من الاختبارات اللى علقت فى دماغى اختبار المطر بينزلو مطر على العربيه بزوايا مختلفه ولو حصل اى تسريب العربيه بترجع تانى
العربيه فيها نسبه مكون محلى 45% وفى حاجات بتتصنع هنا فى مصر وبتتبعت المانيا

[hesham2004]

طبعا الشركات المحترمة هية الى بتعمل تست على كل قطعة بتتركب فى السيارة قبل التركيب ( ده طبعا اذا مكانش عليها ختم ال quality control بتاع المصنع لها ) و طبعا على السيارة ككل بعد انتهاء التصنيع و تتختم بختم ال PID .و كمان رقم الشاسيه بتاع العربيات العالية يكون متظمن بعض المعلومات عن رقم الوردية الى تصنعت فيها السيارة و كود رئيس الوردية و طبعا التاريخ ( طبعا بيكون رقم الأسبوع الى تصنعت فيه السيارة )
اما الشركات العادية فكبر دماغك و مشى حالك و النتيجة لما تستلم العربية الزيرو من الموزع بتبقى محتاجة عمرة سمكرة و دوكو او عفشة او سروجى يعدلك كاوتش الأبواب و تلاقيها بتدخل هوا سخن للصالون و انتى ماشى و النور الأمامى فانوس عالى و التانى واطى و غيره و غيره

[wawoo]

الف شكر ليك يا ا/wawoo انت فعلا تلطع صح و انا اللى كنت غلطان و دا نفس الكلام اللى اكدهولى نسبى فى موضوع الرش و اللحام بس هو السبب والله لانه مابعرفش يشرح صح والله دا كنت حاخنوة ما كلمنى فى التليفون و بقيت اقولة خليت الناس تقول عليا عبيط اعمل انا اية دلوقتى وانا مابعرفش اكابر اما اكون انا غلطان بقول انى غلطان و خلاص والاختلاف فى الرأى لا يفسد فى الود قضية تحياتى ليك
صديقك Islam الملقب بـ seka ;) ;) ;)

يا اخى كدة انت زعلتنى , لو اعرف ان كلامى حيخليك تخنق نسيبك مكنتش فتحت بقى خالص ,و بعدين الرجل مطلعكش عبيط و لا حاجة انت الفكرة بس فهمت بشكل مختلف ,عادى جدا بتحصل كتير , و ياسيدى محصلش حاجة عشان دة كلة انت بس مكبر الموضوع ,احنا بنتناقش , انا بعرف حاجات جديدة و انت كذلك مهو المنتدى دة الهدف منة اعتقد , مافيش حد بيفهم فى كل حاجة و مافيش حد ما بيفهمش فى اى حاجة , و تحياتى ليك ول نسيبك كمان .

[seka]

الف شكر ياباشا