حادث كورولا لصديق ....العربية اتقلبت ومحتاجين نصيحة +الصور

[محمد ابراهيم 1]

حمد لله على سلامة صاحبك وفداه العربية
وموضوع الإيرباج إللي مفتحش فده يدل على نضافة شركة تويوتا إنه الموضوع مكانش مستدعي خصوصا إن مفيش خبطة مباشرة من قدام أو من الجمب فده ذكاء من تويوتا مش غلطة منهم

جميع السيارت تكون مصممة على حماية الجانب الذى يتعرض للحادث فقط دون غيرة لسببين أولهم أنه لا داعى لحماية جانب لم يتعرض للإصطدام وثانيهما لخفض تكلفة الإصلاح بالقدر الممكن دون تأثير على سلامة الركاب
والملاحظ من السيارة أن الكابينة لم تتعرض لتأثيرات شديدة من الحادث وهو ده التفوق فى مجال الأمان
والحمد لله إن صاحب العربية كان رابط حزام الأمان والحمد لله على سلامتة وكدة العربية عملت اللى عليها

[محمد ابراهيم 1]

نصيحة لحضرتك تعمل محضر شرطة اثبات حالة وترفع قضية علي شركة تويوتا وعلي الحكومة المصرية الحادثة دي لو برة بالسبابين دول حضرتك تاخد حقك مية في المية وانت اعمل الي عليك وربنا يعوض عليك

عندنا برضة لو أثبت إن الحادث بسبب الطريق حياخد التعويض المناسب بس أهم حاجة يكون ثابت فى المحضر الأساسى إن الحادث بسبب الحفرة دى

[د.محمود صلاح]

تجار شراء الحوادث بيبخسوها فى الأرض :- 30 الف ج مثلا ,,

[tamagogo]

حمدالله علىالسلامه وماتخليهوش يزعل.
واحسن حاجه يبيعها انه هيصرف عليها وعمرها ما هترجع زي ااول وفي الاخر قيمتها هتبقى في الارض لان فيها قوايم معووجه.

[Karim_Monir]

روحت النهاردة شوفت العربية
العربية اسوء من الصور بكتير
بس حوض العربية سليم تماما بدليل ان الكبوت بيفتح عادي
غير كدة العربية متبهدلة
متبهدلة لدرجة انا كان في حجر قطرة اكتر من 30 سم جوة العربية
العربية بعد عمل مقايسة مبدئية محتاجة حوالى 30 او 32 الف
وكاوتش وزجاج ونثريات ممكن كان 7 الالاف
يعني توصل ل 40
لو اتباعت زي ما هي مش هاتجيب 25 او 30 ومش هايسمع ال 30 الف الا لو حد عندة حاجتها
لو العربية رجعت بنسبة 80 % يبقي هو الكسبان
لانه ساعتها يقدر يبيعها ب 90 الف
لكن دلوقتي خسارة جامدة جدا في البيع
وه رايي وراي اكتر من واحد محترف شاف العربية

الاير باجز ماتفتحش لان العربية اتقلبت بدون ولا صدمة
وطالما مفيش اصطدام يبقي السنسور مش هايحس
والراجل طلع سليم بخدوش وكدمات في الوجه واليد
وتحية مني لتويوتا انها بالحزام بس قدرت تحمي الراكب بالمنظر ده

[AhmedBayoumi]

الحمد الله على السلامة وفداك 1000 عربية
من تجربة شخصية لحادث مشابه حصل معي من 4 سنوات
كان معايا كورولا 2004 و اتقلبت بردو في طريق NA
الحمد الله كونت رابط الحزام وطلعت سليم وAirbig مفتحش
اخذت العربية وروحت التوكيل وطلعت Total Loss
المهم روحت الدويقة لواحد هناك سمكري شغال في تصليح عربيات التأمين اسم عادل السني ،استلمت العربية منوا عروسة بس موش زي الأول طبعا و بعتها على طول قبل ما تبدا تعمل مشاكل
كلفني الموضوع دا 25000 قطع غيار و4000 مصنعية السمكري
قطع الغيار كولها صاج مفيش حاجة في العفشة
جبتهم من واحد في الحرفين اسم الكنج

[mido777]

روحت النهاردة شوفت العربية
العربية اسوء من الصور بكتير
بس حوض العربية سليم تماما بدليل ان الكبوت بيفتح عادي
غير كدة العربية متبهدلة
متبهدلة لدرجة انا كان في حجة قطرة اكتر من 30 سم جوة العربية
العربية بعد عمل مقايسة مبدئية محتاجة حوالى 30 او 32 الف
وكاوتش وزجاج ونثريات ممكن كان 7 الالاف
يعني توصل ل 40
لو اتباعت زي ما هي مش هاتجيب 25 او 30 ومش هايسمع ال 30 الف الا لو حد عندة حاجتها
لو العربية رجعت بنسبة 80 % يبقي هو الكسبان
لانه ساعتها يقدر يبيعها ب 90 الف
لكن دلوقتي خسارة جامدة جدا في البيع
وه رايي وراي اكتر من واحد محترف شاف العربية

الاير باجز ماتفتحش لان العربية اتقلبت بدون ولا صدمة
وطالما مفيش اصطدام يبقي السنسور مش هايحس
والراجل طلع سليم بخدوش وكدمات في الوجه واليد
وتحية مني لتويوتا انها بالحزام بس قدرت تحمي الراكب بالمنظر ده

سيبك من كل ده ....
انت صاحب راجل وجدع قوى قوى..

ربنا يجعله ميزان حسناتك
من يسر على معسر، يسر الله عليه في الدنيا والآخرة... رواه مسلم

[Karim_Monir]

ايه يا عم الاحراج ده
جدعنة ايه ده اقل واجب يتعمل مع صاحب راجل زيك
دي الصور بس محدش يتخض

[mido777]

ياااااااه
انا مكنتش متخيل انها للدرجة دية ... الصور اللى كانت معايا مش مبينه كم الضرر اللى العربية فيه

يارب بس نلاقى حاجتها كلها

[wisambasha]

انا متهيألي يا جماعة العربية بعد ما تتصلح وتيجي تتباع مش هاتجيب 90 الف ابدا
صح ولا انا غلطان

[Karim_Monir]

ياااااااه
انا مكنتش متخيل انها للدرجة دية ... الصور اللى كانت معايا مش مبينه كم الضرر اللى العربية فيه

يارب بس نلاقى حاجتها كلها

لاء حالتها سيئة جدا
واكتر مانت شايف في الصور كمان
حاجتها بعد ما سالت لقيتها موجودة وتكلفة مبدئية 32 الف
لكن لو اتباعت كدة فعلا مش هايسمع فيها ال 25 الف
يبقي لو صرف عليها لغاية 40
وباعها ب 90 يبقي هو الكسبان الطاق 2
انا بتكلم بالحساب مش بالعاطفة

[محمد ابراهيم 1]

انا متهيألي يا جماعة العربية بعد ما تتصلح وتيجي تتباع مش هاتجيب 90 الف ابدا
صح ولا انا غلطان

أنا شايف إنه صعب برضة

أهم حاجة إنه طلع بالسلامة منها

[solycar]

لاء حالتها سيئة جدا
واكتر مانت شايف في الصور كمان
حاجتها بعد ما سالت لقيتها موجودة وتكلفة مبدئية 32 الف
لكن لو اتباعت كدة فعلا مش هايسمع فيها ال 25 الف
يبقي لو صرف عليها لغاية 40
وباعها ب 90 يبقي هو الكسبان الطاق 2
انا بتكلم بالحساب مش بالعاطفة

هى محتاجة ايه ب 32 الف؟؟؟؟؟؟

3 فوانيس 1 امامى و 2 خلفى

طقم زجاج للعربية بالكامل

2 مراية جانبية

اكصدام خلفى + شاسيه

كام كارتيرة

ا جنط

القايمة اللى فاتت دى كلها اساسية و مفيش حاجة منهم متتجبش

و مش محتاج يغيير حاجة تانى لو هو اللى هيركبها

و لو هيبيع زود عليها 4 رفارف 2 امامى و 2 خلفى و كبوت


بس انا رأيى يعمل الحاجات الاساسية بس و يشوف سمكرى نضيف يعمللوا الرفارف و الكبوت

و كدة التكلفة هتقل للنص


و ربنا يصبر صاحبها و حمد لله على سلامته

[ahmed_h_g]

أنا من رأيى ان صاحب العربيه يركنها دلوقتى ويفكر على مهله علشان مياخدش قرار سريع يكلفه جامد
يحسبها صح ويعمل حسابه فى كل حاجه وبعدها يحلها حلال .

[Karim_Monir]

هى محتاجة ايه ب 32 الف؟؟؟؟؟؟

3 فوانيس 1 امامى و 2 خلفى

طقم زجاج للعربية بالكامل

2 مراية جانبية

اكصدام خلفى + شاسيه

كام كارتيرة

ا جنط

القايمة اللى فاتت دى كلها اساسية و مفيش حاجة منهم متتجبش

و مش محتاج يغيير حاجة تانى لو هو اللى هيركبها

و لو هيبيع زود عليها 4 رفارف 2 امامى و 2 خلفى و كبوت


بس انا رأيى يعمل الحاجات الاساسية بس و يشوف سمكرى نضيف يعمللوا الرفارف و الكبوت

و كدة التكلفة هتقل للنص


و ربنا يصبر صاحبها و حمد لله على سلامته

اقولك اسعار حبة حاجات بس وما تتخضش
علما ان مفيش غير عربية واحدة بس في الحرفيين متقطعة عشان لسه جديدة

سقف بفتحة سقف (وده المتوفر ب 14 الف وبعد الفصال ب 12
سقف بدون فتحة (مش موجود) ب 9 الالاف جنية
شنطة اصلية بفوانيسها ب 3500 جنية
الفاونيس الخلفية طبعا جزئين واحد على الرفرف وواحد على الشنطة
شبكة امامية 7 قطع مجموعهم 900 جنية
اكصدام امام وخلفي الواحد ب 650 جنية
الفانوس الامامي الاصلي بدون موتور ب 800 جنية
كبوت جديدة ب الف جنية
شنطة جديدة ب 1200 جنية فاضية
رفرف خلف الواحد ب 1500 جنية
رفرف امام الواحد ب 600 جنية
دي بعض الحاجات مش هاقولك بقي السمكري عايز كام وبتاع البوية اللي هايمعجن ويرش كل سم في العربية جوة وبرة
ولا الكهربائي اللي هايفك العربية سواء جوة الصالون ولا برة في الحوض وكهربة الموتور
الميكانكي اللي هايحل الموتور والفتيس ويرفعة برة ويرجع يركبه
العفشجي اللي هايحل العفشة
السروجي اللي هايحل فرش العربية كله ويرجعه تاني
بتاع الكوالين
بتاع الزجاج

كفاية كدة عشان زهقت

انا وقفت على شد عربية واحد صاحبي وكانت اكسنت لانه كان مصاب جامد
حقيقي قرفت وزهئت رغم اني اعرف نص صنايعية الحرفيين معرفة شخصية