إعـــــــلان

**ashouhdy** · 07-01-2010, 03:42 AM

قدر الله و ماشاء فعل
حمد الله ع سلامة صحبك
و فعلا تحية لتويوتا اسم مش من فراغ انا حمت الانسان اللى جوة بعد قلبة 6 مرات
العربية خسارة فيها التصليح تتباع ع حالتها
لان
1) لو اتصلحت مش حترجع ابدا ذى الاول
2) لو اتصلحت و اتباعت 100% حيتعرف انها مقلوبة و حيتخسف بتمنها الارض يبقى الخسارة مرتيين
3) حرام واحد غشيم يلبسها و يدفع فيها فلوس و يفضل طول عمرة يصلح فيها اذا ما عملتهاش معاة و اتقلبت تانى لان العربية كدة خلاص و ممكن حد يروح فيها و يبقى دمة فى رقبت صحبك

اللهم بلغت اللهم فأشهد

**solycar** · 07-01-2010, 02:12 PM

المشاركة الأصلية كتبت بواسطة ashouhdy مشاهدة المشاركة

قدر الله و ماشاء فعل
حمد الله ع سلامة صحبك
و فعلا تحية لتويوتا اسم مش من فراغ انا حمت الانسان اللى جوة بعد قلبة 6 مرات
العربية خسارة فيها التصليح تتباع ع حالتها
لان
1) لو اتصلحت مش حترجع ابدا ذى الاول X
2) لو اتصلحت و اتباعت 100% حيتعرف انها مقلوبة و حيتخسف بتمنها الارض يبقى الخسارة مرتيين X
3) حرام واحد غشيم يلبسها و يدفع فيها فلوس و يفضل طول عمرة يصلح فيها اذا ما عملتهاش معاة و اتقلبت تانى لان العربية كدة خلاص و ممكن حد يروح فيها و يبقى دمة فى رقبت صحبك

اللهم بلغت اللهم فأشهد

**ghazy12** · 07-01-2010, 06:34 PM

حمد الله على سلامة صاحبك, و عايز أقولك ان ده نفس الحادث بتاعي بالظبط (سبحان الله) بس مع اختلاف بسيط...
بس أنا حصلتلي اصابه في رجلي و كتفي الحمد لله, ربنا يعافيكوا...

قدر الله و ما شاء فعل و الحمد لله انه كويس و ربنا يعوضه ان شاء الله...

**adel_2346** · 07-01-2010, 10:35 PM

الحمد لله على سلامة صاحبك وربنا يعينه على التصليح

**M.almaghraby** · 07-01-2010, 10:57 PM

الله يكون في عون صاحبك

بس انا لو مكانه حصلحها و اركبها....

ان شاء الله ترجع كويسة

**د.اسماعيل النجار** · 10-01-2010, 09:49 PM

المشاركة الأصلية كتبت بواسطة ghazy12 مشاهدة المشاركة

حمد الله على سلامة صاحبك, و عايز أقولك ان ده نفس الحادث بتاعي بالظبط (سبحان الله) بس مع اختلاف بسيط...
بس أنا حصلتلي اصابه في رجلي و كتفي الحمد لله, ربنا يعافيكوا...

قدر الله و ما شاء فعل و الحمد لله انه كويس و ربنا يعوضه ان شاء الله...

==================================
عشان ماكنتش رابط الحزام واتنطرت برة العربية من خلال البربريز وده يبين اهمية حزام الامان حتى شوفو اسمه حزام الامانيعنى في وسائل كتير للامان زى اليرباجز وانظمة الكبح والمساعدة والاتزان والقضبان الامامية والرن فلات تايرز والرادار المامى والخلفى ونظام تنبية السائق عند الغفوة وحاحات تانية كتيرة جدا لكن مفيش حاجة مرادف لاسمها لفظ الامان غير الحزام اربطوه مش هنسر حاجة وربنا هو الحافظ

**mxz911** · 10-01-2010, 10:06 PM

بخصوص العربيه انا شايف انها تتصلح عادى

وبخصوص الاير باج انا شايف انك ترفع قضيه على الشركه لان دى حاجه فعلا غريبه جدا

واولا واخيرا حمد لله على سلامه صاحبك

وحسبى الله فى الناس اللى سايبه الطرق السريعه كده ومستهينا بأرواحنا

**عزيز محمد** · 11-01-2010, 01:18 AM

باضم صوتى لكل الأعضاء الأفاضل اللى نصحوا بأنها تباع على حالتها الحالية
من واقع تجربة شخصية اتضح أنه مهما تم الإنفاق على التصليح من وقت ومال ومجهود وخناقات مع الصنايعية فالمحصلة أقل بكثير من المتوقع
كانت أول سيارة أشتريها ومستلف جزء من تمنها وعز عليا قوى إنى أبيعها، واخترت الإصلاح والحمد لله على كل حال
طبعا التقدير المبدأى للمصنعيات وقطع الغيار اتغير تماما أثناء الشغل وبعده والنتيجة سيارة تحمل وصمة أبدية (رشة دواخل)

وعند بيع السيارة - وهو ما سيحدث بعد فترة طالت أو قصرت - إما أن يتم إخفاء حقيقة الحادث، أو التصريح به مما يؤدى لخسف الثمن فورا لإن ببساطة اللى بيشترى ما شافش الحادثة ولا عارف حجم الجهد اللى اتبذل فى الإصلاح ولا العربية استخدمت أد إيه بعد إصلاحها وهيفترض أكيد إن الحادث أكبر بكتير مما تحكيه له وأن الإصلاح تم على عجل وقبل البيع مباشرة

كمان ما حدش ضامن إمتى هيبيع سيارته وهل ساعتها هيكون أمامه وقت يحدد سعر ويفضل متمسك به، ولا هيضطر يقبل أول سعر يعرض عليه، وبالتالى مفيش داعى للاحتفاظ بسيارة معيوبة (من وجهة نظر السوق) على أمل أنها ستباع بسعر معين

وما تنسوش يا جماعة إن الصنايعية قبل ما ياخدوا الشغلانة بيكونوا محترفين أوى وواثقين من نتيجة الإصلاح أوى أوى، وبعد ما يحط إيده على العربية تظهر الحقيقة اللى كلنا عارفينها وبنحكيها لبعض فى المواضيع التانية
وعمر ما هتورى عربية عاملة حادثة لسمكرى ويقول لك بيعها، أكيد عمره ما هيقطع أكل عيشه، أو يقولك ما أضمنش النتيجة، طبعا هيقولك أرجعها أحسن من الأول

والله الهادى إلى سواء الصراط

**mido777** · 11-01-2010, 10:46 AM