تسخين الياريس

[ye7ia2007]

اااه فكر جديد
والله هو موضوع اللمبة ده فعلا مش حلو بس الواحد مطمئن لاني سمعت ان العربيات التويوتا مبتسخنش وبعدين اهوه كل شهر كدة مرة بفتح الكابوت واطمئن بنفسي ان الدنيا تمام فان شاء الله مفيش مشكلة اما بالنسبة لموضوع التسخين فكلام الاستاذ محمد ابراهيم فعلا تمام وانا اشكره علي التعليق والرد ده لانها فعلا معلومة جد مفيدة لكل حد دماغه مشغولة بالموضوع ده

[Samir Elshahawy]

أعتقد إن المقصود إن أنت لو مشيت قبل ما اللمبة تطفي مفيش مشكلة لأن فيه سخانات بتساعد على التسخين

لكن لو أنت انتظرت لما تطفي ومشيت هيبقى أفضل

ودا بديهي لأن انتم بتقولو متقرص وامشي على مهلك يعني المقصود إن الموتور ميتضغطش علية ولو أنت فضلت واقف لحد ما اللمبة أطفت يبقى انت مضغطتش على الموتور ودا أفضل من أنك تمشي

أعتقد لو فيه مشكلة في الوقوف كان قال

دا رأيي

أنا مع الرأي ده قلبا و قالبا

[otefa]

المفروض ان اى عربية لما تكون باردة المفروض تسخنها قبل ماتمشى
بس الغريب ان كتالوج الباريس مكتوب فيه ان عملية التسخين المفروض تتم مع حركة العربية يعنى كاتبين ما معناه وانت بتسخن اديها نقلة وماتسخنش وانت على وضع اللا تعشيق ( المور ) بشرط عدم القرص على العربية لغاية لما اللمبة الخضرا تطفى يعنى دور واطلع على طول حتى لو العربية باردة بس ماتقرص عليها ( كانك بتلين )
ما تعليقكم عل هذا الكلام مع العلم انى فعلا بعمل كده بدور واطلع على طول وامشى على الهادى لحد لما اللمبة الخضرا تطفى

+1111111111111
بايد الكلام ده في كل العربيات الجديدة بصفة عامة
مع العلم ان اكثر ادية بتحصل للماتور اول ماتشغل العربية الصبح بعد وقوفها طول الليل لان الزيت بيكون رجع للطبة
واوحش حاجة للموتور الوقوف فترات طويلة بالعربية والموتور شغال زي الاشارات الكثيرة(بيعتبر استخدام في ظروف صعبة)

تحذير
في العربيات الاوتوماتيك متزودش الار بي ام والعربية علي المور ده ممكن يضيع الفتيس

[Samir Elshahawy]

هو تشغيل الموتور و العربية واقفة و في وضع المور بيسمي بدون حمل
لكن لو العربية معشقة وواقفة أو ماشية سلانسيه أو علي سرعة بطيئة جدا (الاول مثلا) فده أسمه حمل جزئي

خطورة الحمل الجزئي بتكمن في تكون كربون ناتج من عدم الاحتراق الكامل للوقود نتيجة لنقص الهواء اللي بيكون متوافر كلما تحركت العربية بسرعة , وده ممكن نلاحظه لما العربية تفضل داخل القاهرة المزدحمة و كثيرة الاشارات حيث تشعر أن العربية مخنوقة أو صوت الموتور عالي , لكن لما تطلع بيها علي طريق سريع و لمسافة كبيرة تشعر و أنها فاقت (ده كده بالبلدي)

الفكرة أن الاحمال الجزئية لاي محرك تحدث تحت ال 80% من الباور و اللي ممكن نعتبر عدد لفات الموتور مثال مبسط له
لذا ف 4500 لفة/دقيقة تمثل تقريبا ال 80% من الحمل الكلي لكن صعب جدا أنك تمشي بالعربية طول الوقت علي اللفات دي لان معني كده أن سرعتك هتتجاوز ال 140 كم/ساعة و ده مستحيل داخل المدن اللي عندنا