ما هو تقييمك لوكيل تويوتا و مراكز الخدمه

[Islam_galal]

أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس

برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)

[Sharky]

أنا بتعامل مع توكيل العباسية و مركز العبور
و شايف إنه جيد و ممكن يكون أحسن من كده نتيجة للزحمة الكبيرة فى توكيل العباسية و تأخير إستلام العربية قليلا عن الموعد المقترح
لكنه إجمالا أراه جيد جدا

[eng_ah_xxxx]

سئ جداً

من خلال تجربتى الشخصية توكيل تويوتا أيجبت ( محرم بك الأسكندرية ) سئ جداً , قمة الأهمال وعدم التدريب الجيد وهذا واضح فى الفنيين والمهندسيين فى ضعف الخبرة عندهم

[sasasony]

يا جماعة تويوتا ايجيبت واخده المركز الاول علي مستوي افريقيا في خدمة العملاء مش العارف الكلام ده صح ولا كلام جرايد

[Nile Heart]

It's excellent

compared to disasters like VW & Huyndai

[ahmad7610]

من احسن التوكيلات فى بلدنا .. لكن انتشار العربية اعتقد انه يفوق قدرة الوكيل
على استيعاب كل العربيات دى بنفس الجودة فى كل مراكز الخدمة..
-
عموما تويوتا العباسية نمرة 1 وبعديه ...مممم ؟ ممكن العبور
-
عيبهم انك بتدفع و خلاص وعلشان تعرف ايه اللى اتعمل بالتفصيل فى العربية
حتدوخ على ما تلاقى حد يشرحلك

[goodwave]

تعاملت مع مركز خدمة الرزق بالإسكندرية في خدمة إصلاح وتركيب سنتر .... زباااااالة

تعاملت مع مركز خدمة تويوتا مصر في صيانة الألف ..... ناس ذوق بس صيانة الألف مش حكم! ممكن أفيدك أكتر بعد صيانة ال 5000

[محمدايهاب]

مركز العبور
مهندسين جهلة ....خدمة سيئة..........مواعييد زفت.......قطع غيار مش موجودة

[hero]

يبقي كدة ومن خلال خبرتي البسيطة قوي..
مركز صيانة النصر يتفوق علي مركز العبور...من حيث الاهتمام بالعربية وبالشكاوي..ومن حيث المواعيد..(يمكن علشان الضغط علية قليل شوية)

مركز خدمة ابو رواش ورغم المسافة ما زال يتمتع برضا كل من سالتهم عن هذا المركز...بما فيهم سواقين عربيات حكومية (هاي لوكس 4ْْx4 دبل كابين)..الناس بتشكر قوي في المهندسين والفنيين هناك...بس بيقولوا انهم نااااااااار في قطع الغيار..

عموما الصيانات القادمة هاتعرفنا اية النظام....

[waleed24ag]

مركز صيانه تويوتا ايجيبت من خلال ما اسمع انه كويس جدا لكن تويوتا العبور اسوء ما يكون مفيش اي اهتمام و لا اي علم ولا خبره اساسا انا عملت صيانه الالف العربيه طلعت متجرحه من ورا و ناس كتير اعرفها اشتكت منهم

[mafbadr]

المشكلة الكبيرة زى ماقال الزميل السابق
إنك ما تعرفش إيه اللى حصل فى سيارتك داخل المركز
و بعدين هتيجى مشكلة الأسعار أول ما الواحد يبدأ يغير
ربنا يستر

[محمد ابراهيم 1]

بصراحه هما مالهومش لازمه غير فى فترة الضمان

[hanyelwaly2010]

بصراحه احسن مركز هو الي في العباسيه

[دموع الثلج]

جربت توكيل العبور كذا مره وعملت فيه اول صيانه ليا
وقلت انهم ملهمش فى الموضوع نهائى خبره زيرو وحرافيه زيرو

جربت توكيل ابو رواش قبل رمضان فى صيانه 5000
فرق شاسع بين ابو رواش والعبور
اغلب المتواجدين فى الاستقبال مهندسين اصلا بعكس العبور كلهم بصمجيه

الورش داخل تختلف فيه حرفيه فى الشغل وفيه ناس فاهمه كويس وعارفه تتعامل مع اى مشكله فى العربيه ده ملقتهوش فى العبور المهندس هناك مكانش عارف الفرق بين الفرامل العاديه وabs , ebd وواكثر تنظيم واتقان من العبور بكثير

فى ابو رواش دخلت ا لورشه مع العربيه لحد ما راحت للمغسله بصراحه فرق 180 درجه بين توكيل العبور والاسعار تقريبا نفس الاسعار اللى كاتبها شاركى مفيهاش زياده

بالنسبه لتوكيل العباسيه كل اللى جربوه بيشكروا فيه

[د.محمد]

بعد اذنكم استفسار
او انا لو لسه شاري العربية وطبعا هى في الضمان , هل انا لازم اروح التوكيل نفسه ولا ممكن مراكز الخدمة المعتمدة تفي بالغرض , وكاني رحت التوكيل نفسه؟؟؟