ايه موضوع النتش فى الكورولا الجنوب الافريقى؟

[qwertyqwerty]

يتردد وجود مشكلة فى فتيس الكورولا الاوتوماتيك الجنوب الافريقى موديل 2008
هل صحيح ان الفتيس الاوتوموتيك بينتش؟
السادة الخبراء وملاك الكورولا الجنوب افريقى ارجو الافادة؟
مع الشكر

[Sharky]

فتيس الكرولا الجديدة تيب ترونيك و أى فتيس تيب ترونيك لازم تلاقى فيه نتشة خفيفة فى النقلات و دا موجود فى السيارة إللى فيها التفقنية دى زى الميجان و الأسترا و الأوكتافيا لكن تتفاوت فى كل موديل من نتشة فى نقلة واحدة زى الميجان أو نتش خفيفة فى كل النقلات زى الاوكتافيا و الكرولا أو نتشة جامدة فى كل النقلات زى الأسترا

[qwertyqwerty]

هل الموضوع ده موجود فى الاتوموماتيك العادية ؟؟؟؟؟؟؟؟؟؟؟؟؟ظظ

[Sharky]

Noooooooooooo

[qwertyqwerty]

To Mr. Sharky,
Thank you, but do you have a Corolla?

[Sharky]

لأ لكن حضرتك لو راجعت اللينك دا حتلاقى ردك من ملاكها

http://www.nilemotors.net/Nile/showthread.php?t=10562&page=3

[qwertyqwerty]

شكرا لحضرتك.
مع خالص التقدير.

[Ahmed Samy]

أنا ركبت الكورولا الجديدة
الموضوع مش نتشة خفيفة زي الميجان
ثانيا الأوكتافيا مافيهاش نتشة من أصله (احنا A5 2007)
النتشة شبيهة بنتشة الأسترا ..........حاجة مؤذية جدا (أنا سقت أسترا و معمول عليها تست درايف).

الموضوع ده مش بسيط و لا يعدي ...ده عيب في العربية و خلاني أشيلها من حساباتي نهائيا + صالونها الضعيف نسبيا

الغريب انهم حاططين فيها flap shift و ده معمول للنقل بسرعة
طب اذا كان الفتيس بطييييييييئ الإستجابة للدرجة دي لازمته ايه االـflaps ؟؟؟؟؟؟؟؟

علشان الزبون يتبسط :]

[Sharky]

إنت سوقت العربية يا احمد
هى النتشة فى كل النقلات و لا فى نقلة واحدة ؟؟؟
و لو هى زى الاسترا دى تبقى موذية جدا

بالنسبة للأوكتافيا أنا كنت سمعت من واحد إن فيه نتشة خفيفة فى النقلات بس واضخ إنك سوقتها برضه ياريت توضح لنا الحقيقة

[Ahmed Samy]

لأ مش في كل النقلات
بين الأول و التاني بتكون محسوسة و مزعجة
وعلى فكرة هي هي (تقصيرة) الأسترا - لأن الاتنين فيهم نفس الفكرة : فتيس مانيوال بتحكم اليكتروني.

أما الأوكتافيا و الجيتا و الجولف (فليس فيهم اي تقصير او نتش) هما صحيح انشف من الياباني زي مانت عارف بس مافيش مشاكل و كل ده عن تجارب

[Sharky]

طب إذا كان الميجان لما كان فيها نتشة خفيفة بتيجى لما العربية تكون فيه زحمة و ماشى براحة فى الزحمة و بتتحل بالسوفت وير الجديد و قالوا إن الفتيس بتاعها بايظ و قالوا لما تنزل التقنية دى فى اليابانى حتشوفوه الفرق :D

طب ما الكرولا أهى إللى هى أشهر و أكثر السيارات اليابانية مبيعا و إللى معروفة بعدم وجود عيوب أو أعطال نهائيا فيها بها نفس العيب فى الفتيس التيب ترونيك بل و أقوى و مزعج عن الميجان و دا ظاهر فى العربية و هى جديدة

و دى التقنية إللى الميجان كانت أول واحدة تحطها فى الفئة دى من 5 سنوات

يا ترى سيكون هنكا مفاجأت أخرى فى الكرولا جديدة أم ستكتفى بنتشة الفتيس فقط

أستاذ أحمد ممكن تقولنا إيه مميزات و عيوب الكرولا من حكم تجربتك لها

ياريت يا جماعة لو حد عاف أسعار الصيانة وقطع الغيار الخاصة بالكرولا الجديدة يفيدنا بيها

[qwertyqwerty]

عيب اوى واحد يشترى سيارة بمبلغ 150 تنتش.
اعتقد ان هذا سيكون غش فى حالة صحته واكيد سيتبعه مشاكل بعد ذلك فى الفتيس برضه لو كان ذلك صحيح.
نرجو من السادة ملاك الكورولا الجديدة وسواء اوتوماتيك عادى او تيبترونيك يقولو لنا ايه الحكاية ونكون لهم شاكرين

[esssammm]

يا جماعه كل الكلام اللي بيكتبوه في أخبار السيارات وفلان راح المصنع وشاف بنفسه والماتور والفتيس جايين من اليابان بكراتينهم كل ده دعايه وهؤلاء الكتاب يؤجروا عليه من قبل الشركه كنوع من الترويج هو لو كان زي ما بيقولوا مش كانت اليابان أولى بتركيبهم في سياراتها بدل ما تحط محركاتها القديمه ومع العلم إن الفتيس الياباني الجديد يحتوي على تقنية تحكم إلكتروني في الغيارات وهذه كانت غير موجوده في الفتيس القديم ولكنه ممتاز جدا وجعل السياره نشيطه للغايه وبدون أي عيوب رغم حداثة النظام وهذا دليل على أن غلاء أسعار السيارات الأصليه تقابله جوده ودقه في التصنيع يعني لما يبعتوا اليبانيين واحد من عندهم يراقب عملية التصنيع ويبعت تقرير كل نصف ساعه ولا لما يكون كل اللي بيعملوا في التصنيع فاهمين شغلهم كويس وعندهم أفق وخبرات وحب لهذا العمل

[wawoo]

عيب اوى واحد يشترى سيارة بمبلغ 150 تنتش.

لاء هو عيب اساسا انها تكون ب 150 الف اساسا , انما لو ب 150 و بتنتش دة يبقى حرام مش عيب بس :)

[Mustafa_Farouk]

أنا معايا استرا ومش حاسس إن موضوع النتشة دي صعب أوي يعني يا جماعة. أنا حاسس إن الناس مشمئزة منو.
أنا بحس أني ماشي على الاول والتاني والثالث، النتشة دي بتكون سحبة بين إلنألات، مش نتشة إن العربية بتترج. الكلام دة عن الاسترا، أما الكورولا أنا مش عارف. بس الناس بتقؤل إن الموضوع مشابه.
ممكن في الاول كنت مستغرب الموضوع بس دلوأتي حاسس إن عادي ولذيذ.