ايه موضوع النتش فى الكورولا الجنوب الافريقى؟

[Ahmed Samy]

Sharky
مش هاقدر اديلك تقييم عادل للعربية لأن كل تركيزي كان على الأداء و بس

أستاذ مصطفى
النتشة مع التعود هاتلاقيها عادي و رجلك حساسيتها ممكن تقللها جدا
بس لو اللي راكب عايز سيارة (هادئة و مريحة) يبقى الموضوع قد يثير بعض الضيق
بس العربية طبعا كويسة و ده مش عيب صناعة ولا حاجة بس الفتيس ده أداؤه كده

[AOMARA]

أنا معايا استرا ومش حاسس إن موضوع النتشة دي صعب أوي يعني يا جماعة. أنا حاسس إن الناس مشمئزة منو.
أنا بحس أني ماشي على الاول والتاني والثالث، النتشة دي بتكون سحبة بين إلنألات، مش نتشة إن العربية بتترج. الكلام دة عن الاسترا، أما الكورولا أنا مش عارف. بس الناس بتقؤل إن الموضوع مشابه.
ممكن في الاول كنت مستغرب الموضوع بس دلوأتي حاسس إن عادي ولذيذ.
Moustafa_Farouk

أنا متفق تماماً مع كلام مصطفى، الموضوع مش نتشه، و مش عارف الكلمه دي دخلت أزاي، مفيش أي نتشه في الكورولا، الموضوع بدقه شديده أنك بتشعر بنقلات العربيه بنسبه أكبر من العربيه الأوتوماتيك، و دا طبيعي لأن الفتيس الستيبترونيك ما هو إلا فتيس عادي بس النقل فيه بيتم كهربائياً.

الأحساس بالضبط زي ماتكون راكب سياره مانيول و السواق هو إلى بينقل، فأنت بتحس بيه و بتحس بالهبوط في سحبة العربيه، وبعدين بتحس أنها بتسحب تاني لما بيدوس بنزين.

نصيحه :
أعملوا تجربة قياده قبل ما تشتروا السياره.

[أبو عبدالله]

أنا متفق تماماً مع كلام مصطفى، الموضوع مش نتشه، و مش عارف الكلمه دي دخلت أزاي، مفيش أي نتشه في الكورولا، الموضوع بدقه شديده أنك بتشعر بنقلات العربيه بنسبه أكبر من العربيه الأوتوماتيك، و دا طبيعي لأن الفتيس الستيبترونيك ما هو إلا فتيس عادي بس النقل فيه بيتم كهربائياً.

الأحساس بالضبط زي ماتكون راكب سياره مانيول و السواق هو إلى بينقل، فأنت بتحس بيه و بتحس بالهبوط في سحبة العربيه، وبعدين بتحس أنها بتسحب تاني لما بيدوس بنزين.

نصيحه :
أعملوا تجربة قياده قبل ما تشتروا السياره.

وشهد شاهد من اهلها

طيب كلمنا عنها
وابقى خليك معانا علشان الناس اللي بتقول كلام عليها وهيا مش فاهمه

[Sharky]

يا ابوعبدالله ماهى مش نتشة دى بتعلق كمان و بيطروا ينثلوا على المانيوال علشان العربية تنقل
ياريت نعرف من الأستاذ AOMRA لما العربية تهدى أو لما بياخد مطب العربية الـRPM بتعها بعلى و مابترضاش تنقل إلا لما بتجيب المانيوال زى ما قال الأستاذ elkodsy و hn_kamal

و دى مداخلة للعضو hn_kamal بتأكد الكلام دا

على فكرة انا تقريبا اول واحد فى المنتدي اشتكى من موضوع الفتيس ده لانى عندي نفس المشكلة بتاعة عدم استجابة العربية للنقل من الاول للثانى وخصوصا بعد النزول من المطب الصناعى وتلاقى صوت العربية عالى جدا والـ rpm وصل 4000 ولما اشتكيت فى التوكيل قالولى انهم حايراسلوا اليابان لمعرفة السبب
وانا بانضم معاك فى المشكلة دى وممكن نروح التوكيل مع بعض وده تليفونى 0106033055

[أبو عبدالله]

يا احمد ما انا فاهم اللي انت بتقوله
بس احنا كلامنا على النتشه مش النقله اللي مش تيجي

يعني قصد الكلام ان النتشه دي شئ طبيعي يعني والمسالة مسألة تعوود مش اكتر

[Sharky]

ما هو ياريتها كانت نتشة يا أبو عبدالله
دى حاجة كده عاملة زى تقصيرة الأسترا
و هو نفسه بيقولك فى كل نقلة بتحس بهبوط فى سحب العربية

[Sharky]

و هى يا أبو عبدالله النتشة جت فى الكرولا و بقت طبيعى و فى الميجان كانت عيب فى الفتيس :D

[Mustafa_Farouk]

أنا يا جماعة مش عايز حد يقارن بين الاسترا والكورولا في موضوع الفتيس، ممكن الفكرة متشابهة، مش عارف، بس كل عربية ولها نظام.
العربية بالتعود بتاع رجلك على النقلات بتلائيها إتظبتت معاك، دة من وجهت نظري في الاسترا، يعني مينفعشي واحد يسوقها مرة أو مرتين كأنها إختبار قيادة ويحكم عليها،عشان مش حيكون واخد على التكنولجي الجديدة دي ، وعلى ما أعتقد الموضوع مشابه في الكورولا.

[AOMARA]

السلام عليكم

الحقيقه مفيش أي زياده في RPM أو في صوت السياره مع النقل دا خالص، بالعكس أنا علشان بزود بنزين بالراحه لأني بلين السياره و مابقرصش عليها، مابحسش بزياده في صوت السياره.
بسم الله و ماشاء الله لما بشغلها الصبح و الشفاط الأتوماتيك يطفي بعد ماتكون سخنت، مابحسش أنها دايره - سواء من أهتزاز السياره أو صوت المتور- إلا لما أزود بنزين و الصوت يعلى.

كمان النقل مابحسش بيه طول مابزود البنزين ببطئ لدرجة أني بلاقيها بتنقل للرابع بسرعه من غير ما أشعر و السرعه لسه ماوصلتش 60 .

بأختصارالموضوع نسبي حسب الضغط على البنزين، و زي ماقلت دا فتيس مانيول بس النقل بيتم كهربائياً و طبيعي أنك تشعر بالنقل لما تزود بنزين بسرعه شويه.

[Sharky]

كمان النقل مابحسش بيه طول مابزود البنزين ببطئ لدرجة أني بلاقيها بتنقل للرابع بسرعه من غير ما أشعر و السرعه لسه ماوصلتش 60 .
.

إزاى حضرتك لما بتزود البنزين ببطء تلاقيها جابت الرابع بسرعة و لسه ما جبتش 60
ممكن تفهمهلنا أكتر

[AOMARA]

يعني تضغط على البنزين بخفه مش واحد عايز يدوس بنزين و يجري

[elkodsy]

وهل من الطبيعي العربية تنقل علي الخامس وهية ماشية علي ال 60, نقلات العربية سريعة جدا جدا
, حتي هي بتنقل للخامس علي اقل من الخامس وانا مشعارف اذا كان دة كمان عيب والا ميزة, ير الحمد لله علي اية حال, ضعف في السحب من الاول للتاني ومن التاني اللتالت والفتيس بيعلق علي الاول لغاية ما ار بي ام يوصل 4000 وكمان سرعة في نقل الغيارات , انا خلاص شكلي هقلبها مانوال وخلاص

مشرف اليابانى

[Sharky]

هيا لسه تويوتا ماردتش عليك فى موضوع الفتيس و السحب !!!!!

[AOMARA]

السلام عليكم
الأعتراض على الجير الجديد في الكورولا دا ناتج عن أن معظم إلى بيشتكوا منه لم يكن لهم تجربة قياده مسبقة للجير الستيبترونيك في أي سياره، ولأنه أول مره ينزل في الكورولا منذ ظهورها.

الحقيقه الواضحه المفروض الكل يفهمها أن الجير الستيبترونيك ليس جير أتوماتيك وليس جير عادي، أنما يجمع بين الأثنين بطريقة عمل الغرض منها :
1) السهوله و اليسر في الجير الأتوماتيك.
2) التحكم الكامل في السياره إلى بيوفره للجير العادي.

خلاصة القول:
أفضل شيئ هو تجربة القياده للكورولا بالجير الأستيبترونيك، و أيضاُ تجربة القياده لسياره أخرى بها فتيس مشابه زي الأسترا او الفكترا أو جيتا أو الأوكتافيا أو أي سياره بجير ستيبترونيك.
تجربة القياده و المقارنه هوالأثبات إن كان في مشكله أو لأ.

رأي الشخصي أن مفيش أي مشكله في جير الستيبترونيك في الكورولا،..... و أن كان أول مره تويوتا تنزله في الكورولا، فا مش أول مره تويوتا تنزل الستيبترونيك في سياراتها.

[Ahmed Samy]

السلام عليكم
الأعتراض على الجير الجديد في الكورولا دا ناتج عن أن معظم إلى بيشتكوا منه لم يكن لهم تجربة قياده مسبقة للجير الستيبترونيك في أي سياره، ولأنه أول مره ينزل في الكورولا منذ ظهورها.

الحقيقه الواضحه المفروض الكل يفهمها أن الجير الستيبترونيك ليس جير أتوماتيك وليس جير عادي، أنما يجمع بين الأثنين بطريقة عمل الغرض منها :
1) السهوله و اليسر في الجير الأتوماتيك.
2) التحكم الكامل في السياره إلى بيوفره للجير العادي.

خلاصة القول:
أفضل شيئ هو تجربة القياده للكورولا بالجير الأستيبترونيك، و أيضاُ تجربة القياده لسياره أخرى بها فتيس مشابه زي الأسترا او الفكترا أو جيتا أو الأوكتافيا أو أي سياره بجير ستيبترونيك.
تجربة القياده و المقارنه هوالأثبات إن كان في مشكله أو لأ.

رأي الشخصي أن مفيش أي مشكله في جير الستيبترونيك في الكورولا،..... و أن كان أول مره تويوتا تنزله في الكورولا، فا مش أول مره تويوتا تنزل الستيبترونيك في سياراتها.

يا فندم الموضوع مش بالبساطة دي
الأعضاء مش سطحيين قوي زي ماحضرتك متخيلهم

و كمان جير التويوتا مش زي جير الأوكتافيا و لا الجيتا بس هو زي جير الأوبل (الإيزيترونيك)

مشكلة الـ MMT و الــeasytronic انهم -وعلى عكس الستيبترونيك- صناديق سرعات يدوية في التكوين الأساسي الداخلي تعتمد على تروس حقيقية و لكن يتم التحكم في النقلات اوتوماتيكيا عن طريق وحدة الكومبيوتر

اما الستيبترونيك العادي : فهو صندوق حركة اوتوماتيكي في التكوين الداخلي يعتمد على ضغط الزيوت و يمكن عند الحاجة تحويل تحديد موعد النقلة للتحكم اليدوي مما يعطي تحكما أكثر (ولكن بحدود الجير الأوتوماتيك).

و بكده المفروض ان النوع الأول أداؤه أحسن و استهلاكه للوقود أقل و صيانته اقل كلفة
بس اللي حاصل انه مازال يماثل نتشة المانيوال و بعض العيوب المتعلقة غالبا بنظام التحكم

ولحضرتك كل الاحترام