ايه موضوع النتش فى الكورولا الجنوب الافريقى؟

[hn_kamal]

السلام عليكم

الحقيقه مفيش أي زياده في RPM أو في صوت السياره مع النقل دا خالص، بالعكس أنا علشان بزود بنزين بالراحه لأني بلين السياره و مابقرصش عليها، مابحسش بزياده في صوت السياره.
بسم الله و ماشاء الله لما بشغلها الصبح و الشفاط الأتوماتيك يطفي بعد ماتكون سخنت، مابحسش أنها دايره - سواء من أهتزاز السياره أو صوت المتور- إلا لما أزود بنزين و الصوت يعلى.

كمان النقل مابحسش بيه طول مابزود البنزين ببطئ لدرجة أني بلاقيها بتنقل للرابع بسرعه من غير ما أشعر و السرعه لسه ماوصلتش 60 .

بأختصارالموضوع نسبي حسب الضغط على البنزين، و زي ماقلت دا فتيس مانيول بس النقل بيتم كهربائياً و طبيعي أنك تشعر بالنقل لما تزود بنزين بسرعه شويه.

على فكرة انا من ملاك الكرولا الجديدة MMT وللامانة لى تعليقات على كلام حضرتك وهى:
1- فعلا السيارة عندما تزود بنزين ببطء بتنقل بسرعة ممكن توصل للرابع وهى على سرعة 40 والخمس وهى على 60 بس انا شايف ان ده عيب لانه بخنق السيارة ويخلى سحبها بطئ لذلك تغلبت على الموضوع ده بانى أدى العربية غيار اقل من الريشة اللى ورا الدريكسيون وهى على الـ E mode
2- العربية فى بعض الاحيان (القليلة) بتتاخر فى النقل من الاول الى الثانى وخاصة بعد المطب الصناعى او مطب عادى لدرجة الوصول لسرعة 40 وهى لسه على الاول وزي ما الاخ القدسي وضح سابقا أن التوكيل قالوا انهم تلقوا شكاوي كثير من المشكلة دى وبعتوا اليابان ومستنيين الرد - وممكن التغلب على مشكلة تاخير النقل ايضا بزيادة الغيار عن طريق الريشة اللى ورا الردكسيون وهى على الـ E mode
3- بخلاف ذلك انا شايف ان العربية ما شاء الله ممتازة فى كل حاجة وخاصة استهلاك البنزين اللى بقي مهم جدا بعد اسعار البنزين الجديدة

[qwertyqwerty]

السيد كمال
افادكم الله كنا منتظرين تقييم موضوعى منذ مدة.
ماذا قطع الغيار هل هى مكلفة.
وهل لديك ملاحظات اخرى.....

[hn_kamal]

بالنسبة لقطع الغيار انا مسألتش عليها لسه لكن اعتقد انها حتكون فى حدود نفس الاسعار للموديلات السابقة او ال 2008 اليابانى

[Sharky]

على فكرة كان زميلنا elkodsy كان جرب التيبترونيك بتاع الميجان و بيقول فيه فرق واضح فى صالح فتيس الميجان عن الكرولا

يعنى elkodsy كان مجرب عربية فيها تيبترونيك و رغم كده مش عاجبه فتيس الكرولا

[hn_kamal]

على فكرة كان زميلنا elkodsy كان جرب التيبترونيك بتاع الميجان و بيقول فيه فرق واضح فى صالح فتيس الميجان عن الكرولا

يعنى elkodsy كان مجرب عربية فيها تيبترونيك و رغم كده مش عاجبه فتيس الكرولا

بس امكانية التحكم فى زيادة أو تقليل غيار الفتيس من الريش اللى خلف الدركسيون أثناء ما يكون الفتيس على الـ E-mode بتقلل العيوب الموجودة فى فتيس الكورولا حاليا بنسبة كبيرة جدا وانصح أي حد عنده كورولا 2008 جنوب أفريقى MMT يجرب ويقولنا النتيجة

[Sharky]

ما هو الأستاذ elkodsy معاه العربية و هو إللى قال الكلام دا

[elkodsy]

انا لسة لسة عندي موضوع تاخير النقل من الاول للتاني وانا زي ما قال الأستاذ شاركي جربت العربية النهاردة مخصوص وفعلا لما ذاد ال RPM نقلت من الدراع تحت الدركسيون والعربية بالفعل نقلت للغيار التاني ودة بالطبع حاجة كويسة شوية ومن الممكن تقلل المشكلة بس باردة مشهوا دة الحل
الغريب في الموضوع اني لما نقلت لأقيت في شاشة المعلومات رقم الغيار رغم العربية كانت علي ال M مود ود غريب لآن العلابية علي ال m مود مبتكتبش رقم الغيار ولما زوت شوية رقم الغيار اختفي. مشعارف دة طبيعي والا لأة ومشعارف بردة التغير من الدراع دة الي تحت الدركسيون لية تاسير علي أداء العربية وحالة الماتور والا لأة. لان في الكتيب الخاص بالعربية مفيش خالص طريقة القيادة بالصورة دة ( العربية تكون علي الاوتومتك وانقل الغيار مانول) الرجاء من اصحاب الكورولا التوضيح

[hn_kamal]

تقصد لما نقلت ظهر على الشاشة رقم الغيار رغم أن العربية على الـ E ثم اختفى بعد ذلك
على فكرة ده نفس اللى ظهر عندى واعتقد انه طبيعى ويقلل المشكلة شوية لغاية لما نلاقى حل عند التوكيل

[AOMARA]

أرسل أصلا بواسطة Ahmed Samy
يا فندم الموضوع مش بالبساطة دي
الأعضاء مش سطحيين قوي زي ماحضرتك متخيلهم

عفواً، أنا لم أفترض سطحية أي عضو على الأطلاق
مع كل أحترامي لكافة الأعضاء، دا أستنتاج حضرتك!!

[M.Mohsen_Saleh]

يا جدعان ايه الكلام ده

انا سوقتها و عارف كل حاجة عنها

أولا عشان الفتي اللى شغال ده ، الفتيس ده اسمه ايزي ترونيك و ده فتيس مانوال بينقل اوتوماتيكيا يعنى الفتيس فيه اسطوانة .

ثانيا النتش ده بيبقى موجود في الول بس، في التليين يعني. بعد ال 2000 كيلو مفبش نتش، لكن في حاجة تانية بتحصل. العربية زي اي عربية مانوال مش اوتوماتيك بتيجي عند النقلة و تمور و بعدين تعشق تاني، و ده بياخد زمن طويل في العربية ديه بس مش نتش و لا عيب صناعة.

العربية ديه السحب بتاعها غريب ، تحفة ، و مفيش زيها. و كل كلامي على الكورولا الجنوب افريقي مش الياباني. الفرق بينهم كبير.

[Sharky]

يا باشا الموضوع نش نتشة فقط زى ما حضرتك بتقول دا الموضوع فيه كمان إن الفتيس بيعلق و مابيرضاش ينقل غير لما يتحول على المانيوال و على فكرة دا كلام ملاك العربية نفسهم فى المنتدى يعنى الكلام مش فتى و خلاص و فيه منهم عدى 2000 كم

و التوكيل نفسه معترف بالمشكلة دى

و الكلام دا بره مصر كمان و ممكن تتأكد من اللينك دا
http://toyotaownersclub.com/forums/i...0&#entry748251