مساعدة بخصوص شراء تويوتا 2008 مستعملة، جنوب أفريقي

[Abdelmoneem]

النهاردة اتصلت بواحد حاطط إعلان عشان يبيع كورولا 2008 ولما سألته كورولا جنوب أفريقيا؟ قال لي: أيوة، قولت له: إيه أخبار الفتيس معاك؟ قال لي: تمام، هو نوعه ستيبترونيك.

أنا قفلت معاه السكة وأنا محتار، لأن اللي أعرفه إن الكورولا 2008 جنوب أفريقيا يعني فيها فتيس mmt. السؤال هو: هل الكورولا 2008 الجنوب أفريقي نزلت بفتيس غيرmmt؟ ولا هو الراجل قصده mmt بس بيقول عليه ستيبترونيك؟

يعني أنا ينفع أشتري كورولا 2008 جنوب أفريقي مستعملة بفتيس غير الـ mmt؟

ويعني إيه "وكيل"؟

وليه بيقولو على التويوتا الصناعة اليابانية "خليجي"؟ إيه دخل الخليج؟

[Y a r i s]

اه ياباشا الاستوب ترونيك هو ال mmt
ووكيل يعني توكيل مصر يعني صاحب العربية جيبة من توكيل مصر
مش جايبها من الخليج
اما بالنسبة للخليج وايه دخلها في الموضوع انا هقتبص كلمة ناجي عطالله ( هو مصر والخليج ايه بلد وحده ههههههه)

[mahamede]

اه ياباشا الاستوب ترونيك هو ال mmt

الستيبترونيك غير ال mmt ,, الكورولا بتبقى mmt .....

[mahamede]

بالنسبة بقى لموضوع التوكيل أو الخليجى

التوكيل : يعنى بتبقى العربية جية من التوكيل بتاع الماركة فى مصر وده بيبقى نازل على مواصفات طبقا للى بيحطها التوكيل المصرى ,, وبيبقى التوكيل المصرى هو الضمان بتاع العربية ....

الخليجى : دى بتبقى عربيات نازلة بمواصفات خاصة للخليج ,, ففى بعض التجار بسيتوردوا لحسابهم العربيات دى وهما اللى بيضمنوها مش التوكيل ...

[Abdelmoneem]

ألف شكر يا جماعة، يعني أي عربية كورولا جنوب أفريقيا 2008 لازم تكون mmt. صح؟

أمال كذا واحد عاملين إعلانات "كورولا 2008 جنوب أفريقيا ستيبترونيك"، بينصبوا ع الناس؟

ألف شكر على التوضيح موضع الوكيل والخليجي.

[Ahmod]

هما مش بيرضوا يقولو mmt عشان سمعته !! ولان فيه ناس كتير هتبعد عن العربية بمجرد تقرأ اسم mmt

الخليجي المقصود بيها الياباني ودي فيتسها عادي اتوماتيك مافيش فيه مشاكل

لان الخليج مش بيستورد من المصنع اللى في جنوب افريقيا بالتالي اي عربية خليجي خدها وانت مطمن لان غالبا فتيسها اتوماتيك عادي

ومعروف ان ال mmt طلع من المصنع الجنوب افريقي فقط

[akmm]

وايه مشاكل الفتيس ال mmt او السبب ان الناس بتبعد عن العربيه لمابتكون بالفتيس ده .؟؟؟؟؟؟؟؟؟

[mahamede]

وايه مشاكل الفتيس ال mmt او السبب ان الناس بتبعد عن العربيه لمابتكون بالفتيس ده .؟؟؟؟؟؟؟؟؟

هكلم حضرتك بكل صراحة ,, الفتيس ال mmt فتيس ممتاز وكويس جدا ,, بس هيا المشكلة بتعتمد على نقطتين فيه : (( الاستخدام - الصيانة )) ,, واحنا للأسف معندناش ثقافة فى النقطتين دول ....

1- الاستخدام : للأسف أغلبية المصريين بيستخدموا الحاجة معتمدين على الفهلوة يعنى محدش بيفكر يجيب الكتالوج ويقراه ويعرف طرق الأستخدام الصح عشان يتعامل مع الحاجة الحديثة دى ..

2- الصيانة : الفتايس دى لازم بيتعملها صيانة بطريقة خاصة وعشان هيا لسة جديدة لازم تتعمل فى التوكيل ,, مش تروح عند الأسطى بلية وتعملها وبعد كدا تقول الفتيس وحش .....

أتمنى أنى أكون أفادتك .....

[احمد فهمى]

الmmt غير الstep tronic ومتشتريش الجنوب افريقى mmt لأن فيها مشكله ومتحلتش وتيوتا نفسها اعترفت بكده اللى بيقول تمام وجميله مش عارف ازاى انا ركبتها قبل وبعد التعديل اللى عملوه مش طبيعيه تماماً وتكنولوجيا الفتيس المانيوال من غير دبرياج نجحت فى اوبل وفيات وفشلت فى تيوتا فشل زريع واليابانى مفيش فى step tronic يعنى الوتوماتيك فيها عادى زى الكورولا القديمه والياريس

[Land_Cruiser]

هما مش بيرضوا يقولو mmt عشان سمعته !! ولان فيه ناس كتير هتبعد عن العربية بمجرد تقرأ اسم mmt

الخليجي المقصود بيها الياباني ودي فيتسها عادي اتوماتيك مافيش فيه مشاكل

لان الخليج مش بيستورد من المصنع اللى في جنوب افريقيا بالتالي اي عربية خليجي خدها وانت مطمن لان غالبا فتيسها اتوماتيك عادي

ومعروف ان ال mmt طلع من المصنع الجنوب افريقي فقط

+111111
فى اختصارات كده بقت عامله زى البعبع عند الشعب المصرى زى mmt و DSG . اى حد بيشوفها بيطلع يجرى من قدامها لانها تكنولوجيا مش ماشيه معانا و مشاكلها كتير و النصيحه ان حضرتك تبعد عن الجنوب افريقى دى بدل ما تتعبك بمشاكلها و عموما تويوتا ايجيبت بعد كده صلحت غطتها و بقت بتستورد العربيه من اليابان بفتيس عادى علشان اسم كورولا ما يضربش فى السوق خاصه مع وجود المنافسين الكتير بتوع اليومين دول و اللى بيهتموا بالكماليات و الشكل الخارجى اكتر من الشركات اليابانى و اللى تويوتا منهم

[Abdelmoneem]

طيب يا جماعة بصراحة أنا من زمان نفسي أركب كورولا، وعايز أجيب موديل حديث أحس بالتكنولوجيا اللي فيه، تويوتا الجنوب أفريقي mmt في ناس بتتباهى بقوة الموتور والسحب الجبار وبتقول إنها بتسبق عربيات تانية بيه ـ على الأقل بتنافس السيفيك ـ عشان كده كنت بفكر أجيبها بس أتعامل مع الفتيس بذكاء وصبر عشان أتعلم عليه، بس هيبقى معايا تكنولوجيا حديثة وأقدر أسحب بالعربية وأقرص لما أحب..

موضوع تويوتا الخليجي بحس إنها عربية 2008 بتكنولوجيا 2007، يعني موتور قديم، أقل في الكفاءة.. حتى لو مفيهوش مشاكل في الفتيس

تنصحوني بإيه في الكورولا؟ يعني من ناحية قوة الموتور والسحب،؟ هل موديل 2010 الأوتوماتيك كويس؟ سحبه حلو زي الهوندا سيفيك كده؟ هوا ممكن يعمل 110 ألف لو العربية حالتها حلوة تتركب، هل كورولا 2010 تستاهل المبلغ ده؟

وعلى فكرة أنا كنت خلاص استقريت على هوندا سيفيك، بس صرفت نظر بسبب وطيانها، أنا معايا لانوس ارتفاعها عن الأرض 175 مم وبتحك معايا جامد ونفسي في عربية عالية، السيفيك ارتفاعها 170 مم يعني أوطى من اللانوس كمان :( عشان كده صرفت النظر عنها، وتفكيري دلوقتي في الكورولا.

[Unendlich]

طيب يا جماعة بصراحة أنا من زمان نفسي أركب كورولا، وعايز أجيب موديل حديث أحس بالتكنولوجيا اللي فيه، تويوتا الجنوب أفريقي mmt في ناس بتتباهى بقوة الموتور والسحب الجبار وبتقول إنها بتسبق عربيات تانية بيه ـ على الأقل بتنافس السيفيك ـ عشان كده كنت بفكر أجيبها بس أتعامل مع الفتيس بذكاء وصبر عشان أتعلم عليه، بس هيبقى معايا تكنولوجيا حديثة وأقدر أسحب بالعربية وأقرص لما أحب..

موضوع تويوتا الخليجي بحس إنها عربية 2008 بتكنولوجيا 2007، يعني موتور قديم، أقل في الكفاءة.. حتى لو مفيهوش مشاكل في الفتيس

تنصحوني بإيه في الكورولا؟ يعني من ناحية قوة الموتور والسحب،؟ هل موديل 2010 الأوتوماتيك كويس؟ سحبه حلو زي الهوندا سيفيك كده؟ هوا ممكن يعمل 110 ألف لو العربية حالتها حلوة تتركب، هل كورولا 2010 تستاهل المبلغ ده؟

وعلى فكرة أنا كنت خلاص استقريت على هوندا سيفيك، بس صرفت نظر بسبب وطيانها، أنا معايا لانوس ارتفاعها عن الأرض 175 مم وبتحك معايا جامد ونفسي في عربية عالية، السيفيك ارتفاعها 170 مم يعني أوطى من اللانوس كمان :( عشان كده صرفت النظر عنها، وتفكيري دلوقتي في الكورولا.

بص في السحب, 2008/09 بال MMT أقوي من السيفيك و ده عن تجربة امتلاكي السيفيك و اخويا الكورولا.
فعلا الخليجي أقل في الموتور و الفرامل (فرامل الجنوب أفريقي Bosch الماني و طبعا فيها ABS و EBD و BA)


2010 برده محترمة جدا و ريحوا الناس جابولهم الفتيس التقليدي و بصراحة هو طبعا انعم من ال MMT بس في نفس الوقت اقل في الأداء و أعلى في استهلاك البنزين. أنا بعتبر الموديل ده افضل من ال 2008 و ال 2011 بالنسبة لل سواق ال average (اللي ملوش قوي في تجربة حاجة جديدة) عشان جمع بين مميزات الجنوب افريقي من مكونات اوروبي من Bosch و Valeo و Hella و ميزة الياباني الوحيدة اللي هي الفتيس التقليدي.

السيفيك مش هتسعفك قوي في مطباتنا الزبالة دي عشان بالإضافة لانها واطية كمان ال wheelbase بتاعها طويل و ده combination بيديها ثبات حلو (أحسن من الكورولا) بس بيبقى كارثة في المطبات

[S O P H O S]

2010 فتيس مفهوش مشاكل
ان شاء الله ..

[Ahmod]

بص في السحب, 2008/09 بال MMT أقوي من السيفيك و ده عن تجربة امتلاكي السيفيك و اخويا الكورولا.
فعلا الخليجي أقل في الموتور و الفرامل (فرامل الجنوب أفريقي Bosch الماني و طبعا فيها ABS و EBD و BA)


2010 برده محترمة جدا و ريحوا الناس جابولهم الفتيس التقليدي و بصراحة هو طبعا انعم من ال MMT بس في نفس الوقت اقل في الأداء و أعلى في استهلاك البنزين. أنا بعتبر الموديل ده افضل من ال 2008 و ال 2011 بالنسبة لل سواق ال average (اللي ملوش قوي في تجربة حاجة جديدة) عشان جمع بين مميزات الجنوب افريقي من مكونات اوروبي من Bosch و Valeo و Hella و ميزة الياباني الوحيدة اللي هي الفتيس التقليدي.

السيفيك مش هتسعفك قوي في مطباتنا الزبالة دي عشان بالإضافة لانها واطية كمان ال wheelbase بتاعها طويل و ده combination بيديها ثبات حلو (أحسن من الكورولا) بس بيبقى كارثة في المطبات

طيب يا جماعة بصراحة أنا من زمان نفسي أركب كورولا، وعايز أجيب موديل حديث أحس بالتكنولوجيا اللي فيه، تويوتا الجنوب أفريقي mmt في ناس بتتباهى بقوة الموتور والسحب الجبار وبتقول إنها بتسبق عربيات تانية بيه ـ على الأقل بتنافس السيفيك ـ عشان كده كنت بفكر أجيبها بس أتعامل مع الفتيس بذكاء وصبر عشان أتعلم عليه، بس هيبقى معايا تكنولوجيا حديثة وأقدر أسحب بالعربية وأقرص لما أحب..

موضوع تويوتا الخليجي بحس إنها عربية 2008 بتكنولوجيا 2007، يعني موتور قديم، أقل في الكفاءة.. حتى لو مفيهوش مشاكل في الفتيس

تنصحوني بإيه في الكورولا؟ يعني من ناحية قوة الموتور والسحب،؟ هل موديل 2010 الأوتوماتيك كويس؟ سحبه حلو زي الهوندا سيفيك كده؟ هوا ممكن يعمل 110 ألف لو العربية حالتها حلوة تتركب، هل كورولا 2010 تستاهل المبلغ ده؟

وعلى فكرة أنا كنت خلاص استقريت على هوندا سيفيك، بس صرفت نظر بسبب وطيانها، أنا معايا لانوس ارتفاعها عن الأرض 175 مم وبتحك معايا جامد ونفسي في عربية عالية، السيفيك ارتفاعها 170 مم يعني أوطى من اللانوس كمان :( عشان كده صرفت النظر عنها، وتفكيري دلوقتي في الكورولا.

انا مش معاكم في الكلام ده يا رجالة !!

مين قال ان الكورولا موديلات 2010 فما فوق اقل في الاداء والسحب من الكورولا ال 2008 !!! ؟

صحيح انه فتيس الكورولا ال 2008 MMT ! وكان على الرغم من مشاكله الكتييرة !! بس كان اداءه جامد جدا !!

لكن فيه نقطة مهمة !!

ماتور الكورولا ال 2010 مختلف عن ماتور الكورولا ال 2008 !!

التويوتا في الكورولا بشكل خاص بداية من 2010 دخلت تقنية ال Dual VVTI لمحركات الكورولا !!

قبل كدة كان VVTI فقط !!

ماتور الكورولا ال 2008 !! 3ZZ-FE

وده بيطلع حوالي 110 حصان وعزم 150 نيوتن عند 5200 RPM

في حين ان ماتور الكورولا موديلات 2010 فما فوق !! 1ZR-FE

وده بيطلع حوالي 124 حصان وعزم 157 عند 3700 RPM !! لاحظ ان الفرق في توقيت خروج العزم كبيير

وده بفضل ال Dual VVTI اللى بقى بيتحكم في معاد فتح وغلق الصممات مش بس في ال Intake

لا في ال Intake وكمان في ال Exhaust !! يعني خد اداء اعلى وكمان استهلاك بنزين اقل

[Ahmod]

تنصحوني بإيه في الكورولا؟ يعني من ناحية قوة الموتور والسحب،؟ هل موديل 2010 الأوتوماتيك كويس؟ سحبه حلو زي الهوندا سيفيك كده؟ هوا ممكن يعمل 110 ألف لو العربية حالتها حلوة تتركب، هل كورولا 2010 تستاهل المبلغ ده؟

110 الف ماتجبش كورولا 2010 !!

110 الاف ممكن تجبلك كورولا 1.6 اتوماتيك موديل 2007

او ممكن تجيب في الشكل الجديد الجنوب افريقي 08/09 عشان هتلاقي سعرها واقع شوية بسبب ال mmt