مساعدة بخصوص شراء تويوتا 2008 مستعملة، جنوب أفريقي

[احمد فهمى]

يا جماعة أنا سألتكوا، حد يعرف العربيات 2008 mmt المستعملة المعروضة للبيع الفتيس بتاعها بيبقى بحالته؟ ولا طالع عينه من كتر التجريب والسواقة الخطأ؟
دي حاجة..

الحاجة التانية أنا عندي تساؤل منطقي: في عربيات كتير جنوب أفريقي 2008 معروضة للبيع وعاملة كيلومترات كتير جدًا، طيب لما تكون العربية عاملة 80 ألف مثلاً وساعات 160 ألف وأكتر، إزاي صاحبها مشي بالعربية كل ده والفتيس في حاجة أو مش مريح؟

هتلاقيه غير اسطوانه وديسك وشوية حاجات بتاع ٥ مرات ودفع ارقام فلكيه او العربيه مستنيه المشترى اللى هيلبس

[M.FOUAD]

هتلاقيه غير اسطوانه وديسك وشوية حاجات بتاع ٥ مرات ودفع ارقام فلكيه او العربيه مستنيه المشترى اللى هيلبس

لا مش شرط عالفكرة
اللي اتعلم يسوقها من الاول صح معملتش معاة مشاكل خالص بص مثلا على عربيات شركات السياحة 2008و 2009 عاملة 300 الف كيلو و مغيرش فيها حاجة و بيشكروا فيها كمان التوكيل كان في الاول عامل دورات لتعليم سواقتها
من الاخر كل اللي شفتهم بيفهموا و بيقروا و معاهم العربية دية بيشكروا فيها اوي و اللي مش فارق معاة هو راكب اية و لا عارف بيشتموا فيها

[Abdelmoneem]

هتلاقيه غير اسطوانه وديسك وشوية حاجات بتاع ٥ مرات ودفع ارقام فلكيه او العربيه مستنيه المشترى اللى هيلبس

والله ده اللي أنا بحسه، ودي الحاجة الوحيدة اللي خايف منها

[Abdelmoneem]

طيب يا جماعة إيه رأيكوا في 2010 جنوب أفريقي؟ هل هي نفس قوة الموتور والعزم بتاع 2008 بس على أوتوماتيك؟ ولا إيه نظامها؟

[احمد فهمى]

لا مش شرط عالفكرة
اللي اتعلم يسوقها من الاول صح معملتش معاة مشاكل خالص بص مثلا على عربيات شركات السياحة 2008و 2009 عاملة 300 الف كيلو و مغيرش فيها حاجة و بيشكروا فيها كمان التوكيل كان في الاول عامل دورات لتعليم سواقتها
من الاخر كل اللي شفتهم بيفهموا و بيقروا و معاهم العربية دية بيشكروا فيها اوي و اللي مش فارق معاة هو راكب اية و لا عارف بيشتموا فيها

شركات السياحه عامله عقد صيانه مع تيوتا وبيدفعو ارقام كبيره فى الصيانه ومش فارقه معاهم لأن العربيه بتدخل فلوس يعنى الكرولا بتدخلهم اقل واجب ٤ الاف فى الشهر يعنى لما كل ٦ شهور يصرفو ٥ عادى جداً مش هتفرق وهو ممكن يقولك وفيش اعطال وتمام لأن كل ميعاد صيانه التوكيل بيغير مجموعة حجات وكل ٤٠ الف يغيرلو اسطوانه وديس على كام حساس وشركة السياحه بتحاسب بالسنه لكن العربيه فيها عيب صناعه ايوا فيها عيب صناعه وبتستهلك قطع غيار اسرع من المثيل من نفس التكنولوجيا وال n ايرور اللى بيظهر بسبب السخونه ده مش طبيعى وبالنسبه لطريقة السواقه حتى لو بتسوقه غلط بتتعود ولو متعودتش يرضو العربيه ميحصلهاش حاجه زى الاسترا والفيكترا هم نفس الفكره واخرك تنتش معك مثلاً لكن مشكله وقطع اتغيرت والمشكله تظهر تانى دى فى تيوتا فقط وبعدين هو من قلة العربيات اللى مفيهاش مشاكل عشان حد يشتري دى؟؟ ول اشتريتها وحبيت تبيع هتعانى تانى طيب ليه اشتري ياريساو كورولا خليجى وريح دماغك من المشاكل التوكيل فى مصر بيجامل الشركه على حساب المصريين العربيات دى كان لازم ترجع وفى ناس فى مصر رفعو قضايا والتوكيل رجع العربيات ودفعلهم فلوسهم يعنى موضوع عيب ده لا اشاعه ولا ناس مبتعرفش تسوق لا جت لجنه من كلية هندسه وعملو معاينه واثبتو فشل النظام المبتكر من كرولا ونتج عنو الناس كسبت القضيه وتيوتا دفعت وعلى فكره اكتر من واحد عمل كده بس المشكله ان تيوتا قالت هتسترد العربيات وهتخصم جنيه على كل كيلو متر اللى رجعو العربيات كان اللى عامل ١٥ الف و٣٠ الف كيلو فعادى خد الفرق لكن اللى عامل ١٠٠ الف كيلو او ٨٠ مرضيش طبعاً لأنو بالباقى مش هيعرف يجيب تيوتا كرولا ٩٣ اوتوماتيك وده ببساطه الموضوع

[wwaeel]

بص يا باشا من الاخر كده انا معايا كرولا 2008 وعاملبيها لحد دلوقت 190 الف كم ومن اول ما جيبت العربيه وانا فهمت الفتيس وبعرف اتعامل معاه كويس جدا بقيت فاهم عيوبه اكتر من مهندسين التوكيل الفتيس ده عيبه انه مع الزحمه في مصر والطلوع والوقوف كتير بيستهلك بسرعه واجزاء منه بتبوظ هو عاوز طرق مفتوحه مفهاش زحمه من حيث قوته واداء ممتاز جدا تجميعه وسحبه اعلي من الاوتوماتيك العادي واعلي من المانيوال كمان والي يعرف يتعامل معاه ويتعود عليه هيحبه انا عن نفسي دلوقت بقيت بتخنق لو سوقت اوتوماتيك عادي او مانيوال بس المشكله في عيوبه وعيوبه بتظهر حسب بقي طريقك وبتمشي قد ايه في الزحمه انا عن نفسي كل يوم باخد زحمه القاهره كلها فبالتالي كل 30 الف كم بغير طقم دبرياج كامل مبيكملش معايا ال 30 الف الطقم غير بقي في حجات تاني بتضرب زي ماتور الي بيدوس دبرياج بدالك زي حساسات زي كمبيوتر الفتيس الجات دي برضو اتغيرت كذا مره طبعا كل ده بيتغير علي حساب التوكيل مبدفعش فيه حاجه بس هما في التوكيل مش عارفين يحلو الموضوع حل جزري 2010 حلوه مفهاش عيوب بس الفتيس الاوتوماتيك اضعف من المانيوال وال ام ام تى واستلاك بنزينه اعلي شويه الفرق بقي بين العربيه التقفيل جنوب افريقي والياباني ان الجنوب افضل في العفشه رياضيه شويه وده بيديها ثبات اعلي الصالون اوسع والكرسي اكبر شويه حجم الياباني اصغر في الطول والعرض والابوشن في الافريقي اعلي بكتير من اليابانى لو حابب تجيب جنوب افريقي نصيحه مني خد 2010 اوتوماتيك عادي وابعد خالص عن ال ام ام تى

[ahmedhee]

هتلاقيه غير اسطوانه وديسك وشوية حاجات بتاع ٥ مرات ودفع ارقام فلكيه او العربيه مستنيه المشترى اللى هيلبس

======

اعتقد مش صحيح لان العربيات دي في اول 2010 كانو مدو الضمان علي الفتيس سنتين كمان. يعني حتي لو غير حاجة غالب ا تكون بالمجان.