نصيحة لوجه الله ,, الكورولا تستاهل التمن ده؟؟

[ROLAND]

انا كنت ناوى اشترى كورولا الفئة الثانية بس سمعت انها بقت 197 ألف (ومش عارف ده صح ولا لأ ) والرقم ده بصراحة خلانى محتار جداااا ومتردد فى الشراء مش تقليل من شأن الكورولا ولكن باعتبار القيمة السعرية واحسن استثمار للمبلغ؟ علشان فيه عربيات محترمة كتير وفيهم قدر كبير من الأوبشن الأساسية برضه وسعرها مابين 170 ألف و 175 ألف ومنهم الفلوانس والسوبارو أمبريزا واللانسر شارك والنيسان سنترا وغيرهم ورجعت أسأل نفسى معقولة الكورولا تستاهل فرق سعر حوالى 20 او 25 ألف جنيه عن الموديلات دى وايه اللى يخلينى ادفع الفرق ده لو ممكن اركب عربية بسعر اقل ومحترمة وفيها قدر من الأوبشن برضه ,, ارجوكم محتاج النصيحة ضرورى جداااااااا انهى قرار هوه الصح اشترى عربية فى حدود 175 ألف وده يبقى احسن استثمار للفلوس ؟ ولا الصح انى اشترى كورولا وانها تستاهل فرق السعر ده وطبعا يبقى جزاكم الله كل خير لو نصحتونى لو مش كورولا يبقى ايه (فلوانس -سنترا - امبريزا - شارك)

[mastr_n]

لية مافكرتش
فى الاوكتافيا a7
والاوبل استرا

انا لو طلعت للمبلغ دة هاركب المانى بصراحة

[hardmind_doc]

الكورولا تكسب فى اعادة البيع
لكن فى الرينج بتاعك لو مش هتفكر فى اعادة البيع شوف الفلونس اوبشنز اكتر من الفئة التنية واعتقد بنفس السعر
السنترا مش متجربة
والامبريزا عربية جامدة بس توكيل بس كصيانة وقطع غيار وواطية شويتين
الشارك محترمة جدا بس هى مش الفئة دى خالص
وان كنت شايف ان لو ده اخرك فى الفلوس بص على الكروز مش هتخسر حاجة
حدد احتياجاتك من العربية الاول وهتبيعها بعد قد ايه وربنا يوفقك للخير

[amasis]

تويوتا كورولا لا تقارن

تويوتا كورولا هي إحدى طرازات السيارات الصغيرة أو العائلية الصغيرة التي تنتجها شركة تويوتا للسيارات. أصبح اسمها له شهرته وقيمته حول العالم متمثلاً في 10 أجيال بدأت عام 1966م وما زالت حتى الآن. منذ عام 1997م أصبح طراز كورولا هو الأول عالمياً من حيث المبيعات التي وصل إجماليها 30 مليون وحدة عام 2007م وبذلك خلال الأربعين عاماً المنقضية تم بيع سيارة كل 40 ثانية. وهي الأولى مبيعاً باليابان في 36 عاماً من الـ40 عاماً

الوكيبيدا

[mnashat77]

لو بتفكر ف اعاده البيع ووسائل امان ف العربيه يبقي خليك كورولا
لو بتفكر ان فلوس اقل وامكانيات تعتبر واحده يبقي خليك ف فلوانس ووفر الفلوس
الكورولا مازالت ١٩٠٠٠٠

[foxhonda2008]

Bmw2010

[mostafa3000]

اعتقد لا ولو انا مكانك هجيب الفلوينس واعتبر ال 20 الف الفرق هيعوضوني في اعادة البيع
او اشتري الاوكتافيا اول فئة

[M.Radwan]

باعتبار القيمة السعرية..تعتبر غالية جدا كجودة مقابل السعر!
انا شخصيا حاسس انها confusing بالنسبة لي..ساعات أحب شكلها وساعات محبوش
في حاجات فيها تحس انها فخمة وحاجات تحس انها لا تمت بصلة للفئة دي..يعني تحس انها مش شبابية وفي نفس الوقت مش رزينه..يعني مفيش حاجة بتشدك من أول نظرة انك تشتريها!
في مقابل السيراتو مثلا، تحس فيها بالشبابية والأناقة من برا ومن جوا..رغم السعر مبالغ فيه شوية برضه
الفلونس..تحس بالفخامة والرزانة من أول نظرة.

وجهة نظر،،،

[amr_8800]

اكيد لا
وبجد سعرها مبالغ فيه جدا
اعتماد على الاسم والتاريخ الي محدش يقدر ينكرو
بس كقيمه مقابل سعر رأيي انها متستاهلش الرقم ده

[moshakes]

احنا اللي عملنا قيمة مبالغ فيها للتويوتا
يا جماعة دي كورولا مش كامري ولا افالون
والناس بتزعل لما نقول ان الكورولا ركوبة اقل من حاجات كتير في نفس حدود السعر (واحيانا أقل)
كل ما تكلم حد يقولك ياباني ياباني.... كل سيارة اصبحت لها شخصية مستقلة حتى لو كوري او صيني(احيانا) وقد تتفوق على نظيرتها الياباني
ثقافة الركوب المصري جعلتها اسطورة وخرافية وهي عربية عادية مش سوبر

[Mohamed.Hany]

انا كنت ناوى اشترى كورولا الفئة الثانية بس سمعت انها بقت 197 ألف (ومش عارف ده صح ولا لأ ) والرقم ده بصراحة خلانى محتار جداااا ومتردد فى الشراء مش تقليل من شأن الكورولا ولكن باعتبار القيمة السعرية واحسن استثمار للمبلغ؟ علشان فيه عربيات محترمة كتير وفيهم قدر كبير من الأوبشن الأساسية برضه وسعرها مابين 170 ألف و 175 ألف ومنهم الفلوانس والسوبارو أمبريزا واللانسر شارك والنيسان سنترا وغيرهم ورجعت أسأل نفسى معقولة الكورولا تستاهل فرق سعر حوالى 20 او 25 ألف جنيه عن الموديلات دى وايه اللى يخلينى ادفع الفرق ده لو ممكن اركب عربية بسعر اقل ومحترمة وفيها قدر من الأوبشن برضه ,, ارجوكم محتاج النصيحة ضرورى جداااااااا انهى قرار هوه الصح اشترى عربية فى حدود 175 ألف وده يبقى احسن استثمار للفلوس ؟ ولا الصح انى اشترى كورولا وانها تستاهل فرق السعر ده وطبعا يبقى جزاكم الله كل خير لو نصحتونى لو مش كورولا يبقى ايه (فلوانس -سنترا - امبريزا - شارك)

سعر العربية ١٨٩،٩٠٠
و في راي كل الناس المحترمين اللي دخلو ابدو رايهم مع احترامي لا جربو العربية و لا يعرفو فيها ايه اوبشنز ووسائل امان.
الكورولا من اقوي المواتير في فئتها
الكورولا اعلي وسائل امان في فئتها esp TRC hac isofix
الكورولا افضل استهلاك بنزين في فئتها
الكورولا من اعلي اوبشنز موجودة في السوق
الكورولا اوسع صالون في فئتها
افضل توكيل في مصر
افضل سعر اعادة بيع في مصر
الاقل اعطالا في مصر
و طبعا الاكتر انتشارا فهل انتشارها ده مش بيترجم لاي شئ ؟ هل كل الناس اللي اشتروها و هي اكتر مبيعات في السوق مش خايفين علي فلوسهم لو قعدت دقيقة تفكر هتعرف انها تستحق و اكتر مقارنة باسعار السوق و المنافسين

[Mohamed.Ramah]

نصيحة أشترى العربية البتوفرك - وسائل الأمان - الاداء المناسب - قطع الغيار والوكيل الجيد وبلاش فكرة تشترى سيارة بمبلغ كبير وتستثمر فيها فلوسك لأن الاحداث كتير والطرق سيئة وبأى حال من الاحوال أى سيارة فى الفئة دة سعر اعادة بيعها مش بتنزل كتير فى حالة لم يوجد بها عيوب مشهورة تبعد المقبلين عن شرائها او ان وكيلها لة سمعة سيئة مأثر بصورة سلبية على مبيعاتها وبالتالى مبيعات اقل وخوف من التعامل مع الوكيل فا دة حيقلل فرص شرائها ويقلل من سعرها مستعملة مقارنة بالباقى

ثانيا السيارات فى مصر سعرها اصبح مبالغ فية وعلشان تشترى سيارة جيدة بها تجهيزات أكثر محتاج مبلغ كبير يتعدى 150.000 ولأن حضرتك بتفكر تركب وحتجيب السيارة لفترة طويلة يبقى قدامك اختيارات فى الفئة دة وليك الاختيار فى كم التجهيزات مقابل الفئة /

- فورد فوكاس A/T Trend Plus - رينوفلوانس E3 AT - سيات توليدو A/T T/L.

[ROLAND]

لية مافكرتش
فى الاوكتافيا a7
والاوبل استرا

انا لو طلعت للمبلغ دة هاركب المانى بصراحة

أشكرك على ردك بس مع احترامى الشديد للعربيتين عايز اقولك كل اللى اتعامل مع منصور كتوكيل كره حياته اما الأوكتافيا اللى فى نفس الفئة السعرية دى عربية فاضية تماما بدون اى اوبشن علشان كده مافكرتش فيهم

[ROLAND]

الكورولا تكسب فى اعادة البيع
لكن فى الرينج بتاعك لو مش هتفكر فى اعادة البيع شوف الفلونس اوبشنز اكتر من الفئة التنية واعتقد بنفس السعر
السنترا مش متجربة
والامبريزا عربية جامدة بس توكيل بس كصيانة وقطع غيار وواطية شويتين
الشارك محترمة جدا بس هى مش الفئة دى خالص
وان كنت شايف ان لو ده اخرك فى الفلوس بص على الكروز مش هتخسر حاجة
حدد احتياجاتك من العربية الاول وهتبيعها بعد قد ايه وربنا يوفقك للخير

انا كنت عامل ميزانية 200 ألف كحد اقصى وكنت ناوى على الكورولا بس بجد لما لاقيت فرق السعر على الأٌقل 25 ألف جنيه بينها وبين اى موديل من اللى انا قلتهم بصراحة اترددت وحبيت اعرف تستاهل ولا لأ الفرق - لأ طبعا اعادة البيع مش مهم خالص بالنسبة لى انا عايز عربية اركبها وماحدش ضامن بكره فيه ايه ومش هافكر فالبيع قبل الشراء - مع احترامى الشديد جدا لرأيك واشكرك انك بتحاول تنصحنى بس يعنى انت قلت على الشارك لأ وعايزينى ابص على الكروز

[ROLAND]

لو بتفكر ف اعاده البيع ووسائل امان ف العربيه يبقي خليك كورولا
لو بتفكر ان فلوس اقل وامكانيات تعتبر واحده يبقي خليك ف فلوانس ووفر الفلوس
الكورولا مازالت ١٩٠٠٠٠

اشكرك على ردك بس ياريت تقولى تفاصيل اكتر عن وسائل الأمان لو انا بقارن كورولا فئة تانية وفلوانس e3 مثلا وعلى فكرة انا كنت فاكر انها فعلا تحت ال 190 ألف بس من يومين اتنين بالظبط كنت فى المصرية وقالولى 197 ألف وبجد مش عارف الرقم ده صح ولا لأ (انا بتكلم عن الكورولا الفئة التانية اوتوماتيك اللى قبل الهاى لاين)