نصيحة لوجه الله ,, الكورولا تستاهل التمن ده؟؟

[yasser100]

انت صح علشان كده انا بسأل هنا وكنت اتمنى الاقى ردود اكتر من ملاك الكورولا 2014

ما فيش حد هايقدر يحدد الا انت . انت اللى هاتدفع الفلوس و انت اللى هاتركب و دى حاجه مش هاتقعد معاك يوم او يومين دى بتقعد سنين . يعنى ﻻزم تكون مقتنع تماما بدون اى شك داخلى او هاشتريها علشان كله بيشتريها و خلاص

[hom1969]

انا كنت ناوى اشترى كورولا الفئة الثانية بس سمعت انها بقت 197 ألف (ومش عارف ده صح ولا لأ ) والرقم ده بصراحة خلانى محتار جداااا ومتردد فى الشراء مش تقليل من شأن الكورولا ولكن باعتبار القيمة السعرية واحسن استثمار للمبلغ؟ علشان فيه عربيات محترمة كتير وفيهم قدر كبير من الأوبشن الأساسية برضه وسعرها مابين 170 ألف و 175 ألف ومنهم الفلوانس والسوبارو أمبريزا واللانسر شارك والنيسان سنترا وغيرهم ورجعت أسأل نفسى معقولة الكورولا تستاهل فرق سعر حوالى 20 او 25 ألف جنيه عن الموديلات دى وايه اللى يخلينى ادفع الفرق ده لو ممكن اركب عربية بسعر اقل ومحترمة وفيها قدر من الأوبشن برضه ,, ارجوكم محتاج النصيحة ضرورى جداااااااا انهى قرار هوه الصح اشترى عربية فى حدود 175 ألف وده يبقى احسن استثمار للفلوس ؟ ولا الصح انى اشترى كورولا وانها تستاهل فرق السعر ده وطبعا يبقى جزاكم الله كل خير لو نصحتونى لو مش كورولا يبقى ايه (فلوانس -سنترا - امبريزا - شارك)

شوف حضرتك أنا لسه مستلم الكورولا الفئة التانية يوم الثلاثاء الي فات و تمنها 189900 بس حجزت شهرين تقريبا. المصرية حاطط اوفر 7 علشان حيسلمك فوري
اما عن العربية انا كان معايا لانسر 2007 1600 أوتوماتك و كنت شاريها زيرو برده (اصل انا مابشتريش مستعمل لاني مقتنع ان الجديد اقل تكلفة (less running cost) .
العربية بصراحة تحفة بمعني الكلمة و تستحق كل جنيه دفعته فيها انا حاسس اني فعلا عملت upgrade حقيقي فرق جبار بينها و بين اللانسر
سحب جبار ثبات عالي موتور هادي عفشة ناعمة جدا جدا مافيش اي احساس بالمطبات
انا ماجربتش الفلوانس بس اسمع انها جميلة و خصوصا انها موتور و تكيف نيسان
ان عملت تست درايف للسنترا لما كنت بفاضل بين العربيات و ماعجبتنيش، حضرتك ممكن تعملها تست درايف كلم الوكيل و خد ميعاد و جربها. انا جربتها عند ناشونال يونيون في شارع النزهة.
اخويا معاه كامري في السعودية و جايبها زيرو برده. انا ركبتها معاه و سافرا بيها من الرياض للمدينة و مكة علشان العمرة، الكورولا قريبة اوي منها في نعومة العفشة و هدوء الموتور و التقفيل من جوة. خد بالك انا كورولا 2014 فعلا طفرة عملتها تويوتا في كورولا.
فكر و جرب و حاول تعمل تست درايف ( غلس علي زمايلك لو حد معاه العريبة و جربها) و ربنا يوفقك

[ROLAND]

شوف حضرتك أنا لسه مستلم الكورولا الفئة التانية يوم الثلاثاء الي فات و تمنها 189900 بس حجزت شهرين تقريبا. المصرية حاطط اوفر 7 علشان حيسلمك فوري
اما عن العربية انا كان معايا لانسر 2007 1600 أوتوماتك و كنت شاريها زيرو برده (اصل انا مابشتريش مستعمل لاني مقتنع ان الجديد اقل تكلفة (less running cost) .
العربية بصراحة تحفة بمعني الكلمة و تستحق كل جنيه دفعته فيها انا حاسس اني فعلا عملت upgrade حقيقي فرق جبار بينها و بين اللانسر
سحب جبار ثبات عالي موتور هادي عفشة ناعمة جدا جدا مافيش اي احساس بالمطبات
انا ماجربتش الفلوانس بس اسمع انها جميلة و خصوصا انها موتور و تكيف نيسان
ان عملت تست درايف للسنترا لما كنت بفاضل بين العربيات و ماعجبتنيش، حضرتك ممكن تعملها تست درايف كلم الوكيل و خد ميعاد و جربها. انا جربتها عند ناشونال يونيون في شارع النزهة.
اخويا معاه كامري في السعودية و جايبها زيرو برده. انا ركبتها معاه و سافرا بيها من الرياض للمدينة و مكة علشان العمرة، الكورولا قريبة اوي منها في نعومة العفشة و هدوء الموتور و التقفيل من جوة. خد بالك انا كورولا 2014 فعلا طفرة عملتها تويوتا في كورولا.
فكر و جرب و حاول تعمل تست درايف ( غلس علي زمايلك لو حد معاه العريبة و جربها) و ربنا يوفقك

ربنا يبارك لك فيها يارب واشكرك على ردك وياريت تقولى رأيك فى ارتفاع العربية عن الأرض والحك فى المطبات وهل الفئة التانية فيها شاشة ولا لأ

[hom1969]

ربنا يبارك لك فيها يارب واشكرك على ردك وياريت تقولى رأيك فى ارتفاع العربية عن الأرض والحك فى المطبات وهل الفئة التانية فيها شاشة ولا لأ

شكرا علي زوقك و ربنا يخليك
العربية ارتفاعها جميل جدا انا بعدي علي مطبات كتير و ماحكتش مني خالص نهائي
موديل 2015 نازل عالي و التوكيل بيعدل 2014 ببلاش (تكلفتة التعديل حوالي 12000) و التوكيل بيعمله ببلاش
التوكيل فعلا محترم جدا جدا و لا يتفوق عليه سوي توكيل هوندا و هما الاتنين تبع الفطيم

[moshakes]

اشكر حضرتك على ردك اللى انا موافقك فيه تمامابس علشان نكون متفقين ومانزعلش حد مننا انا بقول ان الكورولا عربية محترمة ومش بقلل منها لكن فعلا سؤالى هوه عن القيمة السعرية ليه اركب عربية ب 197 ألف وانا اقدر ب فرق 25 ألف على الأقل اركب عربية تانية بنفس الأوبشن تقريبا ؟؟؟ هل هى تستاهل الفرق ده ؟؟ ده تحديدا سؤالى ,,, وارجوك تكمل جميلة وتنصحنى لو مش كورولا يبقى ايه ؟ (فلوانس - سنترا - امبريزا - شارك )

انا هقوللك اللي انا مقتنع بيه (من وجهة نظر فنية وليس ثقافة اعادة البيع) ولو اعترض المعترضون
فورد فوكاس
اعتقد ان يعيبها ان الكنبة الخلفية اقل وسعا من التويوتا
والتكييف محترم بس مش سوبر زي التويوتا
المميزات: اتزان اسطوري ، صاج اقوى بكتير (امان)، فخامة ، وخامات ، وفينيش ، وتوكيل محترم ،وقطع غيار اقل كثيراً من الكورولا (مع انها ألماني)
اللي بيركب فورد مش بينزل منه الا لو هيركب
BMW
Volvo
MERCEDES

[ROLAND]

انا هقوللك اللي انا مقتنع بيه (من وجهة نظر فنية وليس ثقافة اعادة البيع) ولو اعترض المعترضون
فورد فوكاس
اعتقد ان يعيبها ان الكنبة الخلفية اقل وسعا من التويوتا
والتكييف محترم بس مش سوبر زي التويوتا
المميزات: اتزان اسطوري ، صاج اقوى بكتير (امان)، فخامة ، وخامات ، وفينيش ، وتوكيل محترم ،وقطع غيار اقل كثيراً من الكورولا (مع انها ألماني)
اللي بيركب فورد مش بينزل منه الا لو هيركب
bmw
volvo
mercedes

كلام محترم ياباشا بس اعتقد ان الفوكس سعرها قريب من التويوتا صح ولا انا غلطان ؟ عموما موضوع اعادة البيع ده مش فى حساباتى نهائى انا عايز عربية اركبها مش ابيعها وماحدش ضامن بكره اصلا

[Mohamed.Hany]

واو تصدق انبهرت

و لسة ياما هتشوف انبهارات طول ما حضرتك معانا

[طارق محمد نبيل]

اعتقد ان التويوتا كرولا تحتفظ بسعرها وبقيمتها مهما مر عليها الزمن

[Sameh samy]

سعر العربية ١٨٩،٩٠٠
و في راي كل الناس المحترمين اللي دخلو ابدو رايهم مع احترامي لا جربو العربية و لا يعرفو فيها ايه اوبشنز ووسائل امان.
الكورولا من اقوي المواتير في فئتها
الكورولا اعلي وسائل امان في فئتها esp trc hac isofix
الكورولا افضل استهلاك بنزين في فئتها
الكورولا من اعلي اوبشنز موجودة في السوق
الكورولا اوسع صالون في فئتها
افضل توكيل في مصر
افضل سعر اعادة بيع في مصر
الاقل اعطالا في مصر
و طبعا الاكتر انتشارا فهل انتشارها ده مش بيترجم لاي شئ ؟ هل كل الناس اللي اشتروها و هي اكتر مبيعات في السوق مش خايفين علي فلوسهم لو قعدت دقيقة تفكر هتعرف انها تستحق و اكتر مقارنة باسعار السوق و المنافسين

بصراحة يا محمد موش بتسيبلنا حاجة نقولها

[M.Radwan]

و لسة ياما هتشوف انبهارات طول ما حضرتك معانا

لا هو مفيش مجال تاني بصراحة..كده كفاية

[Sameh samy]

صباح الخير اولا انا من ملاك كورولا 2015 واحب اقولك ان العربية اسم وسمعة ودة الي بيفرق في السوق دلوقتي وفعلا اسم تويوتا علي العربية دة بفلوس وموش ببلاش
اي عربية نزلت السوق هتلاقي فيها عيوب واحنا في الكورولا موش لاقيين حاجة نطلعها غير شجرة فانوس ماهو الفضا يعمل اكتر من كدة
توكيل تويوتا من اكتر التوكيلات المحترمة في مصر والكورولا الجديدة ثورة وتطور عالي اوي
من الاخر التويوتا موتور قوي عفشة محترمة وتوفير بنزين وصالون واسع ونعومة وكماليات محترمة ومعلش يا جماعة العربيات اللي بتتكلمو عليها الارخص 25 الف دي هي اللي تمنها غالي عليها وانا عارف عيوب العربيات دي وموش هاقولها عشان موش عاوز ادخل نفسي في جدال عقيم مع حد
انا في رايي العربية الوحيدة اللي تتفوق علي كورولا هي 508 والالماني عندي = مرسيدس بس والعربيات الاوربي عموما محبهاش وانا شايف ان الكوري تفوق علي الاوربي في فئات ال1600 cc
شوف لما تلاقي كورولا 2007 بتتباع ب 130 الف جنية وشوف صاحبها جابها بكم وشغلها قد اية وجاي يبيع بكم والعكس تمام لو معاك رينو ميجان ولا بيجو 406 مثلا شوف صاحبها جبها بكم وعاوز يبيعها بكم وهايعرف يبيعها بعد اد اية
لو عاوز عربية تعيش وعاوز عربية متخسرش فيها وانت بتبيع ويوم ماتقول يا بيع تبيعها في خمس دقايق وعاوز موتور ناعم ومعمر وصالون شيك وواسع وثبات عالي وسحب ممتاز يبقي كورولا

[Hegazio]

مبدئيا و قبل الكلام .. انا امتلك حاليا كورولا 2013 بعد امتلاكي ل فلوينس 2011
و امتلكت 6 سيارات و قدت فعلا اكثر من 75 سيارة

قبل ما اقولك رأيي .. عاوز اقول لكل الناس اللي بيحسبوها غلط .. حسبتوها كده ازاي!!!؟
لو الكورولا ب 195 الف .. و بعد 5 سنين حتتباع بنسبة اعادة بيع ممتازة تصل ل 70% .. حيبقي في جيبك بعد 5 سنين كام ؟؟ === 136 الف جنيه

لو جبت عربية ب 170 الف .. سعر اعادة البيع بتاعها اسوأ 60%.. و حطيت ال 25 الف في البنك ( عشان تثبت المقارنة )
في جيبك بعد 5 سنين كام ؟؟ === 102الف جنيه + 44 الف جنيه الفلوس اللي حطيتها في البنك كشهادة استثمار .. يبقي الاجمالي === 146 الف جنيه

حد فاهم حاجة ؟!
القصد : مافيش حاجة اسمها افضل في سعر اعادة البيع الا لو تساوي السعر.. لكن لو اغلي .. يبقي المعادلة بايظة

نيجي بقي للكوروللا :
انا دمعتي فضلت تنزل علي خدي مرات في خلال اول شهر لقيادتي للكورولا بعد ما نزلت من الفلوينس
>>> ما هذا الفقر؟ ما هذا الاحساس بقلة الفخامة ؟ ما هذا الشعور بعدم الرضا ؟؟؟
السيارة لا بأس بها و لكن لا تسوي اكثر من حوالي 80-85% من سعرها بحد اقصي

قطعا الرينو فلوينس اختيار افضل .. و هي سيارة اوربية بإعتمادية يابانية لأنها " نيسان " بدرجة كبيرة

ده رأيي المتواضع
و علي فكرة افضل رأي تاخده من حد بحياد " مع احترامي للجميع " .. يا امتلك العربيتين .. يا ما امتلكش ولا واحدة .. الا من رحم ربي

تحياتي

[M.Radwan]

نيجي بقي للكوروللا :
انا دمعتي فضلت تنزل علي خدي مرات في خلال اول شهر لقيادتي للكورولا بعد ما نزلت من الفلوينس
>>> ما هذا الفقر؟ ما هذا الاحساس بقلة الفخامة ؟ ما هذا الشعور بعدم الرضا ؟؟؟
السيارة لا بأس بها و لكن لا تسوي اكثر من حوالي 80-85% من سعرها بحد اقصي

انت كده وصلت للى أنا عايز أقوله تماما:
It is doesn't handle well, it is not fun to drive.

التصميم حاجات حلوة وحاجات بشعة..الفانوس اللي ورا مثلا
من جوا نفس الكلام... ايه الدكسيون ده!!!!
ولو ان التصميم برضه آراء شخصية مفيش مشكلة.

بعد كده قول بقى اللى عايز تقوله على الاعتمادية وقلة المشاكل وإعادة البيع والأمان لغاية الصبح مش هعترض...وهيبقى كلامكم مظبوط

[Mohamed.Hany]

صباح الخير اولا انا من ملاك كورولا 2015 واحب اقولك ان العربية اسم وسمعة ودة الي بيفرق في السوق دلوقتي وفعلا اسم تويوتا علي العربية دة بفلوس وموش ببلاش
اي عربية نزلت السوق هتلاقي فيها عيوب واحنا في الكورولا موش لاقيين حاجة نطلعها غير شجرة فانوس ماهو الفضا يعمل اكتر من كدة
توكيل تويوتا من اكتر التوكيلات المحترمة في مصر والكورولا الجديدة ثورة وتطور عالي اوي
من الاخر التويوتا موتور قوي عفشة محترمة وتوفير بنزين وصالون واسع ونعومة وكماليات محترمة ومعلش يا جماعة العربيات اللي بتتكلمو عليها الارخص 25 الف دي هي اللي تمنها غالي عليها وانا عارف عيوب العربيات دي وموش هاقولها عشان موش عاوز ادخل نفسي في جدال عقيم مع حد
انا في رايي العربية الوحيدة اللي تتفوق علي كورولا هي 508 والالماني عندي = مرسيدس بس والعربيات الاوربي عموما محبهاش وانا شايف ان الكوري تفوق علي الاوربي في فئات ال1600 cc
شوف لما تلاقي كورولا 2007 بتتباع ب 130 الف جنية وشوف صاحبها جابها بكم وشغلها قد اية وجاي يبيع بكم والعكس تمام لو معاك رينو ميجان ولا بيجو 406 مثلا شوف صاحبها جبها بكم وعاوز يبيعها بكم وهايعرف يبيعها بعد اد اية
لو عاوز عربية تعيش وعاوز عربية متخسرش فيها وانت بتبيع ويوم ماتقول يا بيع تبيعها في خمس دقايق وعاوز موتور ناعم ومعمر وصالون شيك وواسع وثبات عالي وسحب ممتاز يبقي كورولا

الغريبة ياسامح ان صاحب الموضوع موضح كذا مرة انه داخل عشان يسال الملاك و تلاقي ناس و لا ركبو العربية و كارهين ليها يقولك انا ركبت 2013 و انا ركبت مش عارف ايه اصلها وحشة مش ممتعة طب وانا مالي ب 2013 و لا فلوانس ولا اي موديل شئ غريب فعلا الراجل بيطلب راي محايد من مالك للعربية زي و زيك يا سامح .
شكرا ليك و للحيادية و الكره و التقليل من غير الملاك بقا غير طبيعي بصراحة و ده بسبب نجاح العربية المنقطع النظير امام المنافسين اللي مخلي الناس مش مستحملة ده و ميخيلاهم علي طول عاوزين يعلقو بالسلب و خلاص في شئ مش بيمتلكوه من الاصل .

[M.Radwan]

الغريبة ياسامح ان صاحب الموضوع موضح كذا مرة انه داخل عشان يسال الملاك و تلاقي ناس و لا ركبو العربية و كارهين ليها يقولك انا ركبت 2013 و انا ركبت مش عارف ايه اصلها وحشة مش ممتعة طب وانا مالي ب 2013 و لا فلوانس ولا اي موديل شئ غريب فعلا الراجل بيطلب راي محايد من مالك للعربية زي و زيك يا سامح .
شكرا ليك و للحيادية و الكره و التقليل من غير الملاك بقا غير طبيعي بصراحة و ده بسبب نجاح العربية المنقطع النظير امام المنافسين اللي مخلي الناس مش مستحملة ده و ميخيلاهم علي طول عاوزين يعلقو بالسلب و خلاص في شئ مش بيمتلكوه من الاصل .

طب هدي نفسك بس يا فندم..انت ليه منفعل مش عارف
هو حضرتك لازم تمتلك العربية عشان تعرف عيوبها؟؟ ولا يكفي انك تسوقها لمسافة محترمة وتحكم على أدائها؟
ثانيا: انت ليه متجاهل النقاط السلبية المذكورة ومش بترد عليها؟
ثالثا: انت محسسني ان انت شغال في تويوتا مثلا يا إما بتكلم عيال صغيرة بتقلنهم يقولوا اللي نفسك فيه وخلاص... ليه التمسك الشديد بالرأي والديكتاتورية الفظيعة دي! لا أنا ولا انت ولا مصر كلها هتفرق مع مبيعات أي عربية عشان تبقى فاهم بس...