نصيحة لوجه الله ,, الكورولا تستاهل التمن ده؟؟

[ROLAND]

اعتقد لا ولو انا مكانك هجيب الفلوينس واعتبر ال 20 الف الفرق هيعوضوني في اعادة البيع
او اشتري الاوكتافيا اول فئة

يعنى انت متفق معايا ان الفرق كبير حتى لو الكورولا افضل بس مش لدرجة فرق سعر 25 ألف جنيه

[ROLAND]

باعتبار القيمة السعرية..تعتبر غالية جدا كجودة مقابل السعر!
انا شخصيا حاسس انها confusing بالنسبة لي..ساعات أحب شكلها وساعات محبوش
في حاجات فيها تحس انها فخمة وحاجات تحس انها لا تمت بصلة للفئة دي..يعني تحس انها مش شبابية وفي نفس الوقت مش رزينه..يعني مفيش حاجة بتشدك من أول نظرة انك تشتريها!
في مقابل السيراتو مثلا، تحس فيها بالشبابية والأناقة من برا ومن جوا..رغم السعر مبالغ فيه شوية برضه
الفلونس..تحس بالفخامة والرزانة من أول نظرة.

وجهة نظر،،،

تحياتى ,, هههههه انت كده عملت زيى بالظبط وعلى فكرة الكورولا عربية محترمة جداا وانا مش بقلل منها لكن فعلا وقفت مع نفسى وسألت ليه المبلغ ده كله وليه يبقى الفرق بينها وبين اقرب عربية بنفس الأوبشن تقريبا حوالى 25 ألف علشان كده قلت اسأل

[ROLAND]

اكيد لا
وبجد سعرها مبالغ فيه جدا
اعتماد على الاسم والتاريخ الي محدش يقدر ينكرو
بس كقيمه مقابل سعر رأيي انها متستاهلش الرقم ده

أشكرك جدا على ردك الواضح والمباشر بس ياريت تكمل جميلك وتقولى لو مش كورولا يبقى ايه ( فلوانس - سنترا - امبريزا - شارك)

[ROLAND]

احنا اللي عملنا قيمة مبالغ فيها للتويوتا
يا جماعة دي كورولا مش كامري ولا افالون
والناس بتزعل لما نقول ان الكورولا ركوبة اقل من حاجات كتير في نفس حدود السعر (واحيانا أقل)
كل ما تكلم حد يقولك ياباني ياباني.... كل سيارة اصبحت لها شخصية مستقلة حتى لو كوري او صيني(احيانا) وقد تتفوق على نظيرتها الياباني
ثقافة الركوب المصري جعلتها اسطورة وخرافية وهي عربية عادية مش سوبر

اشكر حضرتك على ردك اللى انا موافقك فيه تمامابس علشان نكون متفقين ومانزعلش حد مننا انا بقول ان الكورولا عربية محترمة ومش بقلل منها لكن فعلا سؤالى هوه عن القيمة السعرية ليه اركب عربية ب 197 ألف وانا اقدر ب فرق 25 ألف على الأقل اركب عربية تانية بنفس الأوبشن تقريبا ؟؟؟ هل هى تستاهل الفرق ده ؟؟ ده تحديدا سؤالى ,,, وارجوك تكمل جميلة وتنصحنى لو مش كورولا يبقى ايه ؟ (فلوانس - سنترا - امبريزا - شارك )

[ROLAND]

سعر العربية ١٨٩،٩٠٠
و في راي كل الناس المحترمين اللي دخلو ابدو رايهم مع احترامي لا جربو العربية و لا يعرفو فيها ايه اوبشنز ووسائل امان.
الكورولا من اقوي المواتير في فئتها
الكورولا اعلي وسائل امان في فئتها esp trc hac isofix
الكورولا افضل استهلاك بنزين في فئتها
الكورولا من اعلي اوبشنز موجودة في السوق
الكورولا اوسع صالون في فئتها
افضل توكيل في مصر
افضل سعر اعادة بيع في مصر
الاقل اعطالا في مصر
و طبعا الاكتر انتشارا فهل انتشارها ده مش بيترجم لاي شئ ؟ هل كل الناس اللي اشتروها و هي اكتر مبيعات في السوق مش خايفين علي فلوسهم لو قعدت دقيقة تفكر هتعرف انها تستحق و اكتر مقارنة باسعار السوق و المنافسين

رد عملى فنى تفصيلى اشكرك عليه

[ROLAND]

نصيحة أشترى العربية البتوفرك - وسائل الأمان - الاداء المناسب - قطع الغيار والوكيل الجيد وبلاش فكرة تشترى سيارة بمبلغ كبير وتستثمر فيها فلوسك لأن الاحداث كتير والطرق سيئة وبأى حال من الاحوال أى سيارة فى الفئة دة سعر اعادة بيعها مش بتنزل كتير فى حالة لم يوجد بها عيوب مشهورة تبعد المقبلين عن شرائها او ان وكيلها لة سمعة سيئة مأثر بصورة سلبية على مبيعاتها وبالتالى مبيعات اقل وخوف من التعامل مع الوكيل فا دة حيقلل فرص شرائها ويقلل من سعرها مستعملة مقارنة بالباقى

ثانيا السيارات فى مصر سعرها اصبح مبالغ فية وعلشان تشترى سيارة جيدة بها تجهيزات أكثر محتاج مبلغ كبير يتعدى 150.000 ولأن حضرتك بتفكر تركب وحتجيب السيارة لفترة طويلة يبقى قدامك اختيارات فى الفئة دة وليك الاختيار فى كم التجهيزات مقابل الفئة /

- فورد فوكاس a/t trend plus - رينوفلوانس e3 at - سيات توليدو a/t t/l.

أحسنت واشكرك على ردك

[hossamgh1312]

أولا السلام عليكم
لأني كنت ف نفس حيرة حضرتك لمدة عشرة شهور من غير سيارة بعد ما بعت سيارتي و الجماعه هنا ف المنتدى فادوني جدا ف الاختيار فلازم توضع لنفسك الشروط الاساسيه للشراء من ناحية الاستخدام و الاعتماديه و تفكيرك ف running costs و كمان ال resale هل عاوز عربيه هتقعد معاك كتير و لا من النوع اللي بيغير كل 3 أو 5 سنين ف ناس هتستغرب بس دي مدرسه موجودة بالفعل علشان يرحم نفسه من قرف الميكانيكي و الكهربائية
نيجي للكلام المفيد من ناحية السعر فكل العربيات بقت نااااار ف السعر و ربنا ينتقم من الوكلاء بص ع الأسعار بتاع العربيات كلها رفعت اد ايه ف الأربع سنين. اللي فاتو أنا عارف علشان كنت بفكر اشتري أول عربيه ليا من المده دي فعارف الأسعار و فاكرها كويس لأني كنت بفكر الأول و بعدين اتجهت الزيرو بسبب السوق المصرى الزباله بتاعنا
أولا الشارك تخرج من المنافسه تماما مع احترامي لمالكيها لأن فيها بعض المشاكل اللي نزلت ف أول موديل فيها و رغم أن الوكيل عدل بعض العيوب اللي كانت مضايقه الناس زي ارتفاع أسعار بعض قطع الغيار زي الفوانيس مثلا و الماتور اللي كان صغير على حجم العربيه و اتغير و مع ذلك الناس مازالت كرهاها لأن السوق بتاعنا حط عليها و لما تيجي تبيع هتخسر و تدلل كتير
ثانيا السنترا عربيه لسا جديدة و مش متجربه و بعض الناس قالت إنها فقيرة اوى من جوة ف يتنجح و يبقى حظك حلو أو تفشل و يبقى هتخسر كتير و تغلب ع ما تبيعها
ثالثاالامبريزا عربيه يباني و اسمع و قريت أنها حلوة بس مش منتشرة ف هتقابل نفس المشكله قطع غيار مش متوفرة و إعادة بيع خسارة كتير و غلبه ع ما تبيع
رابعا الفلوانس مركبتهاش بس هي عربيه محترمه و لو أن ظهر فيها بعض المشاكل كنت قارئ عنها ف المنتدى و مش عارف اذا كانت منتشرة و لا لأ
بالنسبه للكورولا أنا شخصيا اخترتها و الحمد لله مبسوط جدا بيها و كل يوم بيزيد اقتناعي بيها فيها مزايا كتير جداااا و ثابته ما شاء الله و تحس بفخامه وأن.كان فيه بعض الملاحظات و لكن مقتنع بيها جداااا
بالنسبه للالماني و أنا من عشاقه و نفسى ف واحده بس مش دلوقتي لأن من وجهة نظري لازم يكون جنبها عربيه تخدم عليها بمعنى أن تكون الألماني دي للنزاهه يعني متتبهدلش
من وجهت نظري لو مسكت ورقه و قلم وحطيت العربيات اللي انت بتقارن بنها و حاطيت مميزات و عيوب كل واحدة و مقارنتها باحتياجاتك ان شاء الله تتوصل للاختيار الصحيح أن شاء الله و ف المنتدى هنا هتلاقي كل اللي انت عايزة ف قسم المقارنات
أتمنى اكون افدت حضرتك و لو محتاج أي حاجه أنا تحت امرك

[mhmhmh75]

العربيه راحه نفسيه لو معاك ثمنها هاتها ومتفكرش كتير هتبقا مبسوط بيها معكش يبقا خليك عقلاني بلنسبه ليا بعد الكورولا الأفضل امبريزا بس السعر بتاعها معرفش كام وبعد كده سينترا والله يوفقك

[ROLAND]

أولا السلام عليكم
لأني كنت ف نفس حيرة حضرتك لمدة عشرة شهور من غير سيارة بعد ما بعت سيارتي و الجماعه هنا ف المنتدى فادوني جدا ف الاختيار فلازم توضع لنفسك الشروط الاساسيه للشراء من ناحية الاستخدام و الاعتماديه و تفكيرك ف running costs و كمان ال resale هل عاوز عربيه هتقعد معاك كتير و لا من النوع اللي بيغير كل 3 أو 5 سنين ف ناس هتستغرب بس دي مدرسه موجودة بالفعل علشان يرحم نفسه من قرف الميكانيكي و الكهربائية
نيجي للكلام المفيد من ناحية السعر فكل العربيات بقت نااااار ف السعر و ربنا ينتقم من الوكلاء بص ع الأسعار بتاع العربيات كلها رفعت اد ايه ف الأربع سنين. اللي فاتو أنا عارف علشان كنت بفكر اشتري أول عربيه ليا من المده دي فعارف الأسعار و فاكرها كويس لأني كنت بفكر الأول و بعدين اتجهت الزيرو بسبب السوق المصرى الزباله بتاعنا
أولا الشارك تخرج من المنافسه تماما مع احترامي لمالكيها لأن فيها بعض المشاكل اللي نزلت ف أول موديل فيها و رغم أن الوكيل عدل بعض العيوب اللي كانت مضايقه الناس زي ارتفاع أسعار بعض قطع الغيار زي الفوانيس مثلا و الماتور اللي كان صغير على حجم العربيه و اتغير و مع ذلك الناس مازالت كرهاها لأن السوق بتاعنا حط عليها و لما تيجي تبيع هتخسر و تدلل كتير
ثانيا السنترا عربيه لسا جديدة و مش متجربه و بعض الناس قالت إنها فقيرة اوى من جوة ف يتنجح و يبقى حظك حلو أو تفشل و يبقى هتخسر كتير و تغلب ع ما تبيعها
ثالثاالامبريزا عربيه يباني و اسمع و قريت أنها حلوة بس مش منتشرة ف هتقابل نفس المشكله قطع غيار مش متوفرة و إعادة بيع خسارة كتير و غلبه ع ما تبيع
رابعا الفلوانس مركبتهاش بس هي عربيه محترمه و لو أن ظهر فيها بعض المشاكل كنت قارئ عنها ف المنتدى و مش عارف اذا كانت منتشرة و لا لأ
بالنسبه للكورولا أنا شخصيا اخترتها و الحمد لله مبسوط جدا بيها و كل يوم بيزيد اقتناعي بيها فيها مزايا كتير جداااا و ثابته ما شاء الله و تحس بفخامه وأن.كان فيه بعض الملاحظات و لكن مقتنع بيها جداااا
بالنسبه للالماني و أنا من عشاقه و نفسى ف واحده بس مش دلوقتي لأن من وجهة نظري لازم يكون جنبها عربيه تخدم عليها بمعنى أن تكون الألماني دي للنزاهه يعني متتبهدلش
من وجهت نظري لو مسكت ورقه و قلم وحطيت العربيات اللي انت بتقارن بنها و حاطيت مميزات و عيوب كل واحدة و مقارنتها باحتياجاتك ان شاء الله تتوصل للاختيار الصحيح أن شاء الله و ف المنتدى هنا هتلاقي كل اللي انت عايزة ف قسم المقارنات
أتمنى اكون افدت حضرتك و لو محتاج أي حاجه أنا تحت امرك

أشكرك جدا على ذوقك وعلى ردك وعلى فكرة انا بقالى كتير بتابع المنتدى هنا وقسم المقارنات وده حيرنى اكتر علشان ملاك الكورولا لسه بيشتكوا انها واطية وبتحك فى المطبات وده طبعا عيب شوارعنا اللى كلها كده مش عيب العربية والفلوانس بيشتكوا ان التوكيل بيحط زيت مخللى صوت الموتور عالى وهكذا كل عربية بتلاقى عنها كلام كتير وانا شخصيا كنت مقتنع بالكورولا بس حسيت ان فرق السعر كبير بينها وبين اقرب موديل من حيث الأوبشن ولو سمحت لى اقولك تفاصيل اكتر ,,, انا محتاج عربية شيك وفخمة من بره ومن جوه ومحتاج اعتمادية عالية واعطال قليلة علشان ماليش لا فى الميكانيكا ولا الميكانيكى محتاج عربية سحبها كويس والتشارع فيها جيد جدا على الأٌقل,, اما موضوع اعادة البيع ده مش بفكر فيه اصلا وبالتالى شايله من حسابات نهائى وانا بقارن بين الموديلات وردا على سؤالك انا غالبا بفكر فى عربية استخدام 5 او 6 سنين مثلا وبعد كده اغيرها ومحتاج قدر معقول من الأوبشن ويهمنى فى المقام الأول عوامل الأمان والأوبشن الأساسية لكن مثلا مش فارق معايا فتحة السقف او البلوتوث او حساسات الركن ولا المفتاج الذكى علشان كده سؤالى كان بناءا على القيمة السعرية وليس تقليل من شأن الكورولا ايه افضل عربية فى المواصافات اللى انا محتاجها لو مش كورولا

[hossamgh1312]

شكرا لذوق حضرتك
بص يا سيدي طالما بتدور ع اعتماديه و قلة اعطال يبقى ياباني مع احترام الشديد لكل الأنواع الأخرى و ع راسهم الألماني اللي نفسي تركبه بس مش دلوقتي
تاني حاجه العربيه واطيه شويه بس دا مش عيب ف العربيه بس لو اسرتك صغيرة و مش،هتحمل كتير يعني اثنين ف الكنبه اللي ورا وواحد جنبك مش هتحس بأي فرق تقريبا عن أي عربيه سيدان أنا كان معايا صني 2012 قبلها و محستش فرق كبير بالنسبة التسارع جيد جدا و مع الاسبورت مود اوعى وشك بصراحه العربيه بتنط من مكانها
معلش هختلف مع حضرتك ف موضوع البلوتوث و الحساسات ع الاقل هتحس بيهم بعدين انا كمان مش،بحب فتحة السقف
من ناحية الفخامه و الشياكه دي ازواق بس يكفي ان و أنا راكبها مش ببطل اقرأ المعوزتين مع ان ف ناس من اللي بتبص راكبين عربيات غاليه زي القشقاي مثلا
من جهة القيمه السعريه شوف الكوري بقى بكام و الإمكانيات ايه

[ROLAND]

شكرا لذوق حضرتك
بص يا سيدي طالما بتدور ع اعتماديه و قلة اعطال يبقى ياباني مع احترام الشديد لكل الأنواع الأخرى و ع راسهم الألماني اللي نفسي تركبه بس مش دلوقتي
تاني حاجه العربيه واطيه شويه بس دا مش عيب ف العربيه بس لو اسرتك صغيرة و مش،هتحمل كتير يعني اثنين ف الكنبه اللي ورا وواحد جنبك مش هتحس بأي فرق تقريبا عن أي عربيه سيدان أنا كان معايا صني 2012 قبلها و محستش فرق كبير بالنسبة التسارع جيد جدا و مع الاسبورت مود اوعى وشك بصراحه العربيه بتنط من مكانها
معلش هختلف مع حضرتك ف موضوع البلوتوث و الحساسات ع الاقل هتحس بيهم بعدين انا كمان مش،بحب فتحة السقف
من ناحية الفخامه و الشياكه دي ازواق بس يكفي ان و أنا راكبها مش ببطل اقرأ المعوزتين مع ان ف ناس من اللي بتبص راكبين عربيات غاليه زي القشقاي مثلا
من جهة القيمه السعريه شوف الكوري بقى بكام و الإمكانيات ايه

انا كمان راكب حاليا صنى سوبر صالون الشكل القديم موديل 2010 وعلشان انا الحمدلله محافظ عليها جدا والعربية لسه ماعملتش 60 الف كيلو بقى ناس كتير تكلمنى عليها للبيع وبسعر كويس وده اللى شجعنى اغيرها دلوقتى بس علشان المعروض كتير وتقريبا فروق الأوبشن بسيطة بين الموديلات محتار جدا واختيارى الأول كان فعلا كورولا وبعدها كانت الفلوانس بس فرق السعر بقى مغرى للعربيات غير الكورولا ,,, فكرت فى السنترا بس من حبى فى اوتو ايجيبت كوكيل وعايز افضل معاهم وكان فيه مهندس صيانة هناك شكر لى فيها جدا قبل ماتنزل بس بصراحة لما شفتها حسيت انها بعيدة جدا عن الكورولا وعن الفلوانس كشياكة وفخامة اما بقى الأمبريزا والشارك دول علشان كل الناس بتشكر فيهم كثبات وتسارع وطبعا كأعتمادية برضه رغم ان الأمبريزا مشهور بمشاكل نقص قطع الغيار

[ROLAND]

العربيه راحه نفسيه لو معاك ثمنها هاتها ومتفكرش كتير هتبقا مبسوط بيها معكش يبقا خليك عقلاني بلنسبه ليا بعد الكورولا الأفضل امبريزا بس السعر بتاعها معرفش كام وبعد كده سينترا والله يوفقك

اشكرك على ردك وتقريبا الأمبريزا والسنترا نفس السعر 175 ألف ممكن تبقى الأمبريزا اقل الفين تلاتة مثلا ورغم انى شايف الأمبريزا عربية هايلة بس هنا فى المنتدى الناس كلها بتشتكى من الوكيل ونقص قطع الغيار ولا ايه رأى حضرتك؟؟

[M.Radwan]

سعر العربية ١٨٩،٩٠٠
و في راي كل الناس المحترمين اللي دخلو ابدو رايهم مع احترامي لا جربو العربية و لا يعرفو فيها ايه اوبشنز ووسائل امان.
الكورولا من اقوي المواتير في فئتها
الكورولا اعلي وسائل امان في فئتها esp TRC hac isofix
الكورولا افضل استهلاك بنزين في فئتها
الكورولا من اعلي اوبشنز موجودة في السوق
الكورولا اوسع صالون في فئتها
افضل توكيل في مصر
افضل سعر اعادة بيع في مصر
الاقل اعطالا في مصر
و طبعا الاكتر انتشارا فهل انتشارها ده مش بيترجم لاي شئ ؟ هل كل الناس اللي اشتروها و هي اكتر مبيعات في السوق مش خايفين علي فلوسهم لو قعدت دقيقة تفكر هتعرف انها تستحق و اكتر مقارنة باسعار السوق و المنافسين

واو تصدق انبهرت

[yasser100]

نصيحتى الوحيده لك ما تدفعش فلوس فى عربيه انت مش مقتنع انها تستاهل مهما كان ماركتها . هاتتعب كل ما تركبها .

[ROLAND]

نصيحتى الوحيده لك ما تدفعش فلوس فى عربيه انت مش مقتنع انها تستاهل مهما كان ماركتها . هاتتعب كل ما تركبها .

انت صح علشان كده انا بسأل هنا وكنت اتمنى الاقى ردود اكتر من ملاك الكورولا 2014