تقييم الطلقة: سريون 1500 Glx (متجدد)

[معاذ الشرباصى]

انا رحت مخصوص النهارده المعرض

الفتحة دى مخصوصة للمناطق الحارة

و قال لى مرة دفعة اكصدام جالهم من اليابان من غير الفتحة دى, عملوها بنفسهم, لأنها بتساعد على تهوية الردياتير اسرع و اقوى

[ara]

شكرا يا معاذ انا كده إستريحت :)

[أبو عبدالله]

شكرا يا أبو عبداالله, طيب ايه الفرق بين الاكصدامين اللى بشبكة كبيرة و الشكل الثانى ده؟

هل واحد 2008 و الثانى 2007؟

العربيه السماوي ده اكصدام 2008 عادي
اما الثاني ده العربيه الفحلكي دي
فده اكصدام ليس له علاقة بموديل السنه وانما ده اكصدام بينزل في موديل خاص اسمه سيريون اسبورت
بتبقى فيها الأوبشن اللي هنا بس زايد عليه الاكصدام والفوجات دي وكمان فور باي فور دفع رباعي

وده انا اشتريته فعلا من اليابان وركبته الحمد لله

وده صورة له





وهنا موضوع كنت مصور فيه العربيه

http://www.nilemotors.net/Nile/showthread.php?t=2691&page=4

[ara]

thanks Abou Abdallah :)
now i understand
masha2allah 3arabeyetak gamila awi, rabena yebareklak fiha we shoukran 3ala kol el ma3lomat deih

[معاذ الشرباصى]

فى حاجتين كنت نسيت اكتبهم فى تقييم العربية:

14- الفرامل: ممتازة بجد, مظبوطة جدا و تسعفك على طول. و تبقى ماشى و انت مطمئن و الحمد لله

15- الباور: الباور بتاعها جميل جدا, يعنى على السرعات القليلة و على الواقف ناعم جدا و خفيف, و على السرعات بيمسك نفسه و يتقل و لكن اقل من درجة الميجان ( انا كنت بقارنه بالباور بتاع الميجان, خاصة على السرعات, لأنها من الاحسن العربيات اللى ركبتها فى الباور بتاعها)

[m10_10]

انا عايز ااكد على كلام الفرامل...

ماشاء الله ولو اني لسه بلين بس ماشاء الله اي ترييحه بالرجل عالفرامل تحس كانك هاتلبس في الازاز..

بس انا عربيتي مانيوال.. والفتيس تقيل جدا يا جماعه ... مش عارف دة بعد التليين هايتظبط ولا ايه الحكاية؟؟

انا لسه ماكملتش اول 1000 كم..يادوب 130 كم لسه بس الفتيس فعلا المانيوال تقيل ...
ان شاء الله في صيانه الالف اقولهم عليه.. ولا اروح دلوقتي يعملهولي .؟؟؟؟

[ows212]

[quote=m10_10;215670]
بس انا عربيتي مانيوال.. والفتيس تقيل جدا يا جماعه ... مش عارف دة بعد التليين هايتظبط ولا ايه الحكاية؟؟

فعلا انا قريت شكوى من الفتيس المانيوال هنا فى المنتدى لكن الناس اللى اشتكوا قاللو ان التوكيل بيظبط قصة الفتيس دى ما فيش مشاكل
انا علشان القصة دى جبت اوتوماتيك مع انى ماسقتش اوتوماتيك قبل كده

[m10_10]

ياريت بجد تتظبط ...

انا دلوقتي اللي سايق العربية لحد ماتتلين...

لحسن انا بعاني في النقل بصراحه خصوصا من الثبات للاول او من الثبات للمارشيدير..

بس انا مش قلقان طالما هيا بتتظبط...

[Dr_Smart]

بسم الله ماشاء الله ربنا يباركلك يا دكتور معاذ في عربيتك

ليا سؤال عن ال sound system في السيريون ... ايه رايك في جودة ال cd player والسماعات ؟؟؟

هل أدائهم مقنع يعني ولا مش اوي بالنسبة للمستخدم العادي؟ يعني صوتهم جودته كويسة

وهل جربت مدخل ال AUX ؟ يعني لو وصلته بالMP3 او الموبايل بيبقى كويس وصوته حلو زي ال CD ولا حسيت بفرق في جودة الصوت ؟

اصل انا عندي سي دي KENWOOD ولما جربت اشغل ال MP3 على ال AUX لقيت جودة الصوت أوحش من ال CD بشكل ملحوظ .. قلت يمكن العيب في ال MP3 ... قمت جربت وصلت بموبايل sony ericsson WALKMAN W850 لقيت الصوت أوحش اكتر مع ان الموبايل ده صوته رائع مالوش حل .

معلش سؤال تاني ... ايه رايك في تكيف السيريون ؟ يعني بالمقارنه نقدر نقول زي التويوتا مثلا ولا اقل زي الكوري ولا ايه ؟

اسف على الاطالة

[معاذ الشرباصى]

بسم الله ماشاء الله ربنا يباركلك يا دكتور معاذ في عربيتك

ليا سؤال عن ال sound system في السيريون ... ايه رايك في جودة ال cd player والسماعات ؟؟؟

هل أدائهم مقنع يعني ولا مش اوي بالنسبة للمستخدم العادي؟ يعني صوتهم جودته كويسة

وهل جربت مدخل ال AUX ؟ يعني لو وصلته بالMP3 او الموبايل بيبقى كويس وصوته حلو زي ال CD ولا حسيت بفرق في جودة الصوت ؟

اصل انا عندي سي دي KENWOOD ولما جربت اشغل ال MP3 على ال AUX لقيت جودة الصوت أوحش من ال CD بشكل ملحوظ .. قلت يمكن العيب في ال MP3 ... قمت جربت وصلت بموبايل sony ericsson WALKMAN W850 لقيت الصوت أوحش اكتر مع ان الموبايل ده صوته رائع مالوش حل .

معلش سؤال تاني ... ايه رايك في تكيف السيريون ؟ يعني بالمقارنه نقدر نقول زي التويوتا مثلا ولا اقل زي الكوري ولا ايه ؟

اسف على الاطالة

بالنسبة لل sound system فأدائه مقنع جدا للمتسخدم العادى, يعنى الصوت نقى, جدا, و توزيع السماعات ممتاز

بالنسبة لوصلة ال AUX, حتى الان لم استخدمها, و ان شاء الله قريب هجيب الوصلة, و اجربها و اتب رأى فيها

التكييف بتاع العربية جميل جدا, كعادة كل اليابانى, بس بما انى اللون عندى اسود, فى وقت الظهر, بياخد وقت طبعا, بسبب احتباس الحرارة داخل العربية

[أبو عبدالله]

التكييف بتاع العربية جميل جدا, كعادة كل اليابانى, بس بما انى اللون عندى اسود, فى وقت الظهر, بياخد وقت طبعا, بسبب احتباس الحرارة داخل العربية

انت عارف يا معاذ ان كنت في فتره عملت فاميه على الزجاج مش عاوز اقولك
التكييف كان في ثواني والعربيه تبقى تلج
فعلا موضوع دخول الشمس داخل العربيه ولون لافرش بيأثر جامد بدليل اني لما فيمت الزجاج بقه التكييف اول ما يشتغل تحس عالطول بالبروده

[Noha.M]

موضوعك جميييييييييييل دااااااا يا معاذ و مجهود جبار

و فعلا مفيد و لامم كل التفاصيل اللى اى حد ممكن يحاجها

الف الف شكر :)

[SEATLOVER]

موضوع جميل يا معاذ ..ربنا يبارك فيك و فى عربيتك و يحفظهالك
بس انا عارف انك عشان تكون محايد .. مرضيتش تكتب اكتر فى حلاوة العربية
السريون بسم الله ماشاء الله تحفةةةةةة

[معاذ الشرباصى]

موضوعك جميييييييييييل دااااااا يا معاذ و مجهود جبار

و فعلا مفيد و لامم كل التفاصيل اللى اى حد ممكن يحاجها

الف الف شكر :)

الف شكر يا نهى

عقبال لما نبارك لك على الماتيريا و تعملى لنا تقييم حلو لها كده

على فكرة, فى معرض المعادى موجود دلوقت الابيض اللؤلؤى منها, فى صالة العرض, جامد جدا

موضوع جميل يا معاذ ..ربنا يبارك فيك و فى عربيتك و يحفظهالك
بس انا عارف انك عشان تكون محايد .. مرضيتش تكتب اكتر فى حلاوة العربية
السريون بسم الله ماشاء الله تحفةةةةةة

الف شكر لك يا عمرو

العربية الحمد لله انا مقتنع بها تمام و راضى بها جدا, و ده اهم شىء

انا حاولت على قد ما اقدر, اللى يفكر يشترى العربية, يبقى شايف ل اللى فيها, فيقدر ياخد القرار الصح

عقبال ال Altea ان شاء الله لما نبارك لك عليها

[Noha.M]

الف شكر يا نهى

عقبال لما نبارك لك على الماتيريا و تعملى لنا تقييم حلو لها كده

على فكرة, فى معرض المعادى موجود دلوقت الابيض اللؤلؤى منها, فى صالة العرض, جامد جدا

ربنا يخليك يا رب

.....بس خلاص بأة مش هينفع اجيب حاجة

...... ادعولى ربنا يسترها ..