خلاصة الكلام فى تغيير الزيت للسريون من مو 2007 الى 2009

[معاذ الشرباصى]

بسم الله الرحمن الرحيم

بما ان موضوع: تصحيح معلومة خطأ بخصوص تغيير زيت السريون وصلنا فيه لنتيجة نهائية بعد اكتر من 10 صفحات نقاش, فده الملخص النهائى للموضوع:


اولا: دى طريقة القياس الصحيحة الموصى بأستخدامها من قبل صانع السيارة



و دى التفاصيل الخاصة بكل سيارة:

دايهاتشو سريون موديل 2007

ده كتالوج العربية:



العربية المفروض يتغير لها 3.6 لتر بالفلتر.


دايهاتسو سريون موديل 2008 & 2009:

هما نفس الكمية .3.1 لتر بالفلتر ... يعنى العميل يحط 3 لتر فقط لأن فى حوالى 0.1 لتر زيت مبتقدرش تنزلهم كل مرة.

ده كتالوج 2008



ده كتالوج 2009




و دى اهم مشاركة فى الموضوع من جانب ا/عمرو عمارة بخصوص سحبه للكمية الزيادة للزيت من سيارته

سحب الزيت الزيادة بواسطة أ/عمرو عمارة

ده ملخصص للاتفاق اللى تم مع مهندس احمد عبدالوهاب مدير مركز صيانة العبور:


1- العميل اللى عايز الزيت الزيادة فقط يبلغ المهندس و هو بيسلمه العربية.

2- بخصوص العبوات اللتر و العبوة ال 4 لتر... هما متاح فقط عندهم العبوة ال1 لتر, لكن العميل ممكن يجيب معاه العبوة ال 4 لتر شرط انها تكون موبيل 1.

3- بخصوص كمية الزيت لموديلات 2008, م/احمد مقتنع بموضوع ال 3.4 لتر و ال 0.3 لتر الزيادة علشان التبخير و تعريق الزيت ... لكن هو قال لى حد عاوز يحط 3.1 بالظبط, بس بيبلغ المهندس اللى هيستلم منه العربية, و ساعتها بيحاسب على سعر 3 لتر زيت بدل من 4.

-----------------------------------------------------

السيارات موديل 2007 معندهمش اى مشكلة ... لأن التوكيل بيحط لهم كمية صحيحة.

اما السيارات موديل 2008 و 2009 فبياخدوا كمية مختلفة, فياريت بس تبلغ المهندس و انت بتسلمه العربية و تذكره انهم يحطوا 3 لتر فقط.

اما عن سبب الاختلاف بين موديلات 2007 و 2008:


ال parts number للكارتيرة لموديلات 1.3 2007 وال 1.3 و1.5 موديلات 2008 .... الكارتيرة واحدة للموديلات دى كلها مفهاش تغيير.

اما الختلاف اللى وجد فهو فى الparts number الخاص بال Dip stick اللى بتقيس الزيت فهى مختلفة لموديلات 2007 و 2008

بخصوص الاختلاف النص لتر ما بين موديلات 2007 و 2008 فلازالوا بيبحثوا هذا الامر و بأنتظار الرد من اليابان.

____________
اخر تعديل بواسطة (إ.م.2)

[معاذ الشرباصى]

الموضوع ده انا جمعته فقط ... هو خلاصة بحث و تدوير و تمحيص للملاك هنا فى المنتدى.

اولا شكر خاص جدا للمهند احمد eng_ah_xxxx

هو اللى اكتشف الموضوع ده من الاول.

شكر من اعماق قلبى للمهندس الكبير توفيق طه, لأنه انار لنا الطريق بأكتشافه الاختلاف فى كمية الزيت بين موديل 2007 و موديلات 2008 و 2009

شكر لأبوعبدالله لقيامه بتصوير كتالوج 2007

شكر لدكتور محمد (dr druggist) لتصويره كتالوج 2009 و طريقة القياس الصحيحة للزيت.

اما عمرو باشا عمارة ... مش هنقدر نوفيه حقه, هو اللى صور كتالوج 2008, ده غير تجربته المتميزة جدا فى سحب كمية الزيت الزيادة ... جزاك الله كل خير و ربنا يجعله فى ميزان حسناتك بجد.

[MoToRiZeR]

شكراَ يا معاذ لتجميع الخلاصة بتاعة الموضوع و طبعاَ شكر كبير ليك إضافة للناس الجميلة كلها اللي إشتغلت في الموضوع ده .

انا الحقيقة شايف 0.3 لتر كتير أوي لتعريق و تبخير الزيت
انا هغير زيت كمان 2000 كيلو و إن شاء الله هحط 3 لتر بس لأنك بتقول الموتور صح صح اما شلت الزيت الزيادة .. و انا كان فيه تقطيعة في العربية بحسها أحياناَ (كان هيثم قال عليها برضه) و أعتقد إنها بسبب موضوع الزيت ده .

انا الصيانة الجاية هغير فلتر هوا و أحط زيت مزبوط و أحط منظف راشاشات بقي و انا مروح و عايز العربية تبقي Z4 هههههه .

[د.محمد الشيخ]

الف شكر د.معاذ على الملخص الهايل اللى جمع خلاصة مناقشات 10 صفحات .
والف شكر لكل من بذل مجهود فى بحث هذا الموضوع وعلى رأسهم طبعا حضرتك والاخ عمرو عمارة .
وبالنسبة لكمية الزيت فاحب انوه وأأكد على انه الصعوبة تكمن فى سحب الكمية الزيادة من الزيت لو وجدت لكن طبعا مفيش اسهل من انك تزود الزيت شوية لو حبيت فى اى وقت .
لذلك ادعو كل ملاك موديلات 2008 و 2009 الى الالتزام بوضع 3 لتر زيت فقط للسيريون 1.3 و 1.5 عند تغيير الفلتر .
(وعايز رأى الاخوة فى الكمية فى حالة عدم تغيير الفلتر).
ونخلى عندنا عبوة صغيرة من نفس نوع الزيت للتزويد عند الحاجة لانى شايف برده ان 0.3 لتر كتير خاصة ان العربية وهى جديدة لا بتاكل ولا بتعرق زيت بالكمية دى .

وبالتوفيق للجميع

[Eng_aly]

شكرا د.معاذ والله انت راجل زى الفل وفعلا المنتدى هنا بيجمع مجموعه من المصريين بيخالوا الواحد يرجع تانى يصدق ان مصر لسه بخير وان فى ناس كويسه ومحترمه كتير عايشة معانا ...يارب يكثر من امثال كل الناس اللى هنا

[madoo]

معاذ انا لما روحت اعمل صيانه ال 5000 للماتيريا سألت المهندس ماجد عن مقدار الزيت الى عربيه بتاخده قالى 3.6 لتر ولما خلصت الصيانه وروحت قيست ازيت بالطريقه اللى اتفقنا عليها قبل كدة ولقيته بين العلامتين يعنى اناس هناك ابدأت تعمل الصح انا مبسوط ان كلامنا بيجيب نتيجه

[أبو عبدالله]

معاذ انا لما روحت اعمل صيانه ال 5000 للماتيريا سألت المهندس ماجد عن مقدار الزيت الى عربيه بتاخده قالى 3.6 لتر ولما خلصت الصيانه وروحت قيست ازيت بالطريقه اللى اتفقنا عليها قبل كدة ولقيته بين العلامتين يعنى اناس هناك ابدأت تعمل الصح انا مبسوط ان كلامنا بيجيب نتيجه

بشمهندس محمد
ممكن اعرف انت حضرتك قست الزيت قبل كده
يعني هل فعلا الزيت كان اكتر من كده من قبل ؟؟؟

احب اوضح يا اخواني ان التوكيل ماشي على الصيانة كما ارسلت له من اليابان
والحاجات دي بالزات الزيت وماشابه عمرهم ما هيعملوها من عندهم لأن مسئولية الضمان عليهم للعربيه وايضا مسئولية ضمان العربيه امام اليابان عليهم ايضا

ومن الصعب انهم يغيروا اللي مكتوب اليهم من اليابان في المواضيع اللي زي دي

وبرضه ده مش دفاع عن احد
ولكن بصراحه نكون هنضحك على بعض لو صدقنا ان التوكيل هيستجيب لحاجه زي كده

وعلى فكطره يا بشمهندس محمد
العربيه في الأساس بتاخد 3.6 لتر فعلا اصلا

وايضا في ناس لما راحت وطالبت ان يتحطلها 3 لتر زيت فقط
تم مطالبتهم بكتابة ورق رسمي انهم هما اللي عاوزين كده علشان العربيه لو حصلها حاجه تبقى بره الضمان
لأنهم مش مسئولين عن تقليل الزيت وقتها
لأن زي ما قلت هما ماشيين على ما يرسل اليهم من اليابان علشان الضمان للعربيه ولو لم يتم هذا يبقى العربيه يتحمل مسئوليتها من اراد ان يغير ما هم ارسلوه

وشكرا

[madoo]

بشمهندس محمد
ممكن اعرف انت حضرتك قست الزيت قبل كده
يعني هل فعلا الزيت كان اكتر من كده من قبل ؟؟؟

ايوة يا ابو عبدالله انا قيست الزيت قبل كده (زيت الفبريكه اللى كانت جايه بيه من اليابان ) وده انا وضحته للناس فى المناقشه اللى كنا بنتخانق فيها على كميه الزيت ههههههههههه وانا قولت انى لما قيست زيت الفبريكه لقيته فعلا بين العلامتين زى ماهو فى الكاتلوج بين العلامتين وبعد ماعملت صيانه ال5000 لاقيته برده لما غيروه بين العلامتين

[أبو عبدالله]

ايوة يا ابو عبدالله انا قيست الزيت قبل كده (زيت الفبريكه اللى كانت جايه بيه من اليابان ) وده انا وضحته للناس فى المناقشه اللى كنا بنتخانق فيها على كميه الزيت ههههههههههه وانا قولت انى لما قيست زيت الفبريكه لقيته فعلا بين العلامتين زى ماهو فى الكاتلوج بين العلامتين وبعد ماعملت صيانه ال5000 لاقيته برده لما غيروه بين العلامتين

انا بس عاوز اوضح نقطه ممكن نكون ملتبسين فيها
الا وهيا
ان المقياس بتاع الزيت اللي انت بتطلعه من الماتور
العلامتين اللي فيه واحده max والتانية low على ما اتذكر
المهم ان الكتالوج بيقول ان الوضع الطبيعي يبقى الزيت بين العلامتين
وليس معنى الكلام انه يبقى في الوسط بينهم
وانما ده مؤشر ان الزيت المفروض يبقى بين العالمتين في اعلاه او في اخره المهم لا يتعداه

[MoToRiZeR]

ورق أكتبه عشان أحط 3 لتر ؟! ده بجد !؟

انا مش فاهم لو ده بجد يبقي معناه إيه .. كتالوج الصانع بيقول 3.1 لتر .. يعني انا اما بطالب بإن يتحط المقدار ده أكيد مش مستخسر النص لتر زيت بس بحافظ عالموتور بتاعي و بكلام مش جايبه من بيتنا ده من الكتالوج .. و مع إحترامي و لكن كتالوج السيارة اللي عمله صانعيها ذو مصداقية أكبر بالنسبة لي من كلام مهندسين التوكيل لأن دي الناس اللي عملت العربية !! و من حقي أحط 3 لتر كما هو مكتوب بالكتالوج و بدون ورق و لو حصل حاجة في الموتور التوكيل يتحملها لأن انا مستلم مع العربية دليل إستعمال بيقولي إعمل كذا كذا و التوكيل ماهو إلا أداة لتنفيذ هذا الكلام بدقة .. و الكتالوج ده ورقة رسمية معايا مش تهريج ! يبقي إيه لازمته أكتب ورقة و انا أصلاَ بنفذ تعليمات المصنُع و اللي بيعمله التوكيل هو اللي مع إحترامي مثار كبير للشكوك لأن كلنا اما جينا نقيس لقينا الزيت أكتر من الماكس .. يا أبو عبد الله هو الكتالوج بيقول إن الزيت يكون بين العلامتين لكن إحنا لقينا الزيت متخطي الماكس و بكمية كبيرة .. مش معقول اليابان هتكتبلهم في جدول الصيانة خلوا الزيت يعدي الماكس !! يعني ناس طلعت تلات تربع لتر من موتورها عشان المقياس يتزبط !! انا شايف تلات تربع لتر زيادة دي مصيبة بصراحة و المفروض إحنا اللي ناخد ورقة إننا مش مسئولين عن الحاجات اللي ممكن تحصل أو ممكن تكون حصلت للموتور بسبب إننا مشينا عليه كل الكيلووات دي و هو فيه كل الكمية الزيادة دي من الزيت ! و دي أكيد حاجة قصرت من عمر الموتور بالفعل و لو بشكل طفيف لأن مكنش بيتم إستعماله بصورة صحيحة .. يبقي مين اللي ياخد ورقة من مين !!

[aliabutaleb]

في رأيي موقفهم صعب جداً وباعذرهم عليه لأنهم مش قدامهم غير حاجة من تلاتة:

1- يا يعترفوا ان فيه خطأ فيما ذكر في الكتالوج المرسل من اليابان من الشركة اللي صنعت السيارة
2- يا يعترفوا إن الفنيين والمهندسين في التوكيل في مصر أخطأوا في وضع كمية الزيت الصحيحة طبقاً لكتالوج السيارة اللي مفترض طبعاً إنه صاحب الرأي الصحيح.
3- إنهم يصلحوا الخطأ عندهم ويطلبوا من الناس توقع إقرار زي المطلوب ده عشان يحفظوا ماء وجههم وفي نفس الوقت بيكونوا هما عرفوا غلطهم وابتدوا يحطوا كمية الزيت الصحيحة.

وأغلب الظن إنهم اختاروا الحل الثالث لسوء حظنا وحظهم لأن التخمين ده لو صدق معناه خسارة الكثير من رصيد مصداقيتهم عندنا.

أنا شخصياً الصيانة بتاعتي قريباً جداً ومش ناوي أوقع على إقرار كوميدي زي ده.

مش عارف ليه مش متفائل كدة وحاسس إننا بيدفع بنا دفعاً في طريق تصعيد المشكلة دي وده شئ شخصياً كنت لا أفضله
وفي حالة ما تم التصعيد انا شايف إننا نطالب بجد بما اقترحه محمود

و المفروض إحنا اللي ناخد ورقة إننا مش مسئولين عن الحاجات اللي ممكن تحصل أو ممكن تكون حصلت للموتور بسبب إننا مشينا عليه كل الكيلووات دي و هو فيه كل الكمية الزيادة دي من الزيت

على فكرة انا شايل من العربية فعلاً حوالي 3/4 لتر زيت عشان يظبط مقياس الزيت ويبقى فوق الماكس بحاجة بسيطة

[askoda]

I Have changed the oil for my Sirion 1300 2008
I have changed the filter also

The car after i put the 3 liters the dip stick level was exactly on the maximum.

I think their was some oil in the car that didn't get off the car :(

[معاذ الشرباصى]

وعلى فكطره يا بشمهندس محمد
العربيه في الأساس بتاخد 3.6 لتر فعلا اصلا

وايضا في ناس لما راحت وطالبت ان يتحطلها 3 لتر زيت فقط
تم مطالبتهم بكتابة ورق رسمي انهم هما اللي عاوزين كده علشان العربيه لو حصلها حاجه تبقى بره الضمان
لأنهم مش مسئولين عن تقليل الزيت وقتها
لأن زي ما قلت هما ماشيين على ما يرسل اليهم من اليابان علشان الضمان للعربيه ولو لم يتم هذا يبقى العربيه يتحمل مسئوليتها من اراد ان يغير ما هم ارسلوه

وشكرا

ابو عبدالله ارجوك لو حضرتك عندك ما يثبت ان العربية بتاخد 3.6 لتر اللى انت بتقولهم دول هات الدليل

غير كده متقولش هيا اصلا بتاخد 3.6 لتر

العربيات 2008 و 2009 مكتوب فى كتالوجاتهم كلام غير كده, ده مبدئيا

مقياس عربياتنا كان معدى ال max بمسافة كبيرة

اكتر من عضو سحبوا الزيت الزيادة من عربياتهم, و الكمية كنات حوالى 0.75 لتر فى معظمهم لحد اما العلامة بقت عند ال max!!!!

يبقى مش بعد كل ده تقول: هى اصلا بتاخد 3.6لتر

لو عند حضرتك دليل ينفى ال3 معطيات اللى فوق دول (كتالوج - صور المقياس بتاعتنا - سحب الزيت), و يؤكد كلامك ... فياريت تشاركنا بيه

و كان على تكرم و قال الخلاصة فى الموضوع ده:

في رأيي موقفهم صعب جداً وباعذرهم عليه لأنهم مش قدامهم غير حاجة من تلاتة:

1- يا يعترفوا ان فيه خطأ فيما ذكر في الكتالوج المرسل من اليابان من الشركة اللي صنعت السيارة
2- يا يعترفوا إن الفنيين والمهندسين في التوكيل في مصر أخطأوا في وضع كمية الزيت الصحيحة طبقاً لكتالوج السيارة اللي مفترض طبعاً إنه صاحب الرأي الصحيح.
3- إنهم يصلحوا الخطأ عندهم ويطلبوا من الناس توقع إقرار زي المطلوب ده عشان يحفظوا ماء وجههم وفي نفس الوقت بيكونوا هما عرفوا غلطهم وابتدوا يحطوا كمية الزيت الصحيحة.

هى دى الحاجات المتوقعة, و تقريبا ملهاش رابع.

منتظر الدليل اللى مع حضرتك.

اما حتة يمضوا الناس على ورقة... فدى حاجة غريبة منهم فعلا.

ده كده الناس اللى معاها تريوس كمان يمضوا التوكيل على ورقة!!

التريوس مكتوب فى كتالوجها 3.2 لتر بالفلتر, و اقسم بالله بيتحط لها 3 لتر فقط لا غير!!!!!!! و معايا الدليل اللى يثبت كده (كتالوج التريوس و فاتورة الصيانة)

[أبو عبدالله]

ابو عبدالله ارجوك لو حضرتك عندك ما يثبت ان العربية بتاخد 3.6 لتر اللى انت بتقولهم دول هات الدليل

غير كده متقولش هيا اصلا بتاخد 3.6 لتر

العربيات 2008 و 2009 مكتوب فى كتالوجاتهم كلام غير كده, ده مبدئيا

مقياس عربياتنا كان معدى ال max بمسافة كبيرة

اكتر من عضو سحبوا الزيت الزيادة من عربياتهم, و الكمية كنات حوالى 0.75 لتر فى معظمهم لحد اما العلامة بقت عند ال max!!!!

يبقى مش بعد كل ده تقول: هى اصلا بتاخد 3.6لتر

رجاء يا معاذ براحه في الكلام شويه
يعني بلاش التحفز الغير مبرر ده
اولا انا بتكلم عن الموديل بتاعي وسبق وصورت الكتالوج وشوفتوا كلكم مكتوب فيه 3.6 لتر

وبعدين انا مش فاهم ازاي انك سحبت 0.75 لتر وبعدين العربيه بقت مقياسها مظبوط

يعني افهم من كده ان التوكيل كان بيحط 4 لتر ؟؟؟

----------
حاجه اخرى وانا بتكلم فيها كأخ وناصح وليس شئ اخر يعني
اعذروني المثل بيقول من حكم في ماله فما ظلم
هل مش من حق التوكيل انك تكتب ورقة انك انت اللي عاوز تحط 3 لتر زيت .... ؟؟؟؟

والله انا شايف ان لو انا متأكد من شئ جدا وهما طالبوني بأني امضي على مسؤوليتي بذلك فانا معنديش مشكلة
طالما هما اللي بيكدبوا او هما اللي بيعملوا الغلط
فانا مش فارقه معايا
لأن الماتور لو حصله شئ هيبقى فعلا كلامهم صح وانا اللي كلامي غلط
طيب لو كلامي انا اللي صح وكلامهم هو اللي غلط يبقى انا معنديش اي مشكلة لأن الورقة بتكتب فيها انك انت اللي عاوز تحط 3 لتر بس
خلاص مش انت متأكد من الكلام ايه المشكلة اني اعترف به رسمي لو حصل مشكلة في العربيه الورقة مكتوب فيها كلام واضح

طيب لو التوكيل طلع كلامه صح وبعد ما حطلك 3 لتر زيت والعربيه حصل فيها مشكلة
مين اللي يتحاسب في الموضوع
هما كشركة مش هيقدروا يثبتوا انك انت اللي اكنت عاوز 3 لتر بس

انا شايف ان الموضوع عادي واللي عاوز يحط 3 لتر يحطهم ويبقى ضامن لذلك بما انه متاكد من كده

وبرضه انا نفسي الناس تفكر بفكر من يدير التوكيل او صاحب الوكيل نفسه وهو هيفهم كلامي

وشكرا يا معاذ

[MoToRiZeR]

المشكلة يا أبو عبد الله إن كمية الزيت دي غالباَ هتقصف عمر الموتور .. مش لازم يظهر حاجة في فترة الضمان اللي هي 100 ألف كيلو ممكن بعد كدة .. بس الموضوع دلوقت إن انا اما أروح التوكيل أعمل صيانة و في نفس الوقت أمضي ورقة إني مسئول عن ما قد يحصل للموتور رغم إني عامل الصيانة في التوكيل .. يبقي انا إستفدت إيه كدة !؟

يبقي أكني بدون ضمان .. بس بعمل الصيانات الدورية بالأسعار الغالية !! يا سلاااام !!

يعني أعمل صيانة تتعمل برة بأربعين جنيه و أدفع فيها مصنعية 200 جنيه غير قطع الغيار الهلامية الأسعار .. لأ و كمان لو حصل حاجة انا المسئول عنها .. ده شئ جميل جداَ بصراحة ! دي حاجة فيها كل عناصر الصفقة الخسرانة .. طب مدام همضي عالورقة دي بقي ما أعمل الصيانة برة .

عامة فيه مشكلة عند التوكيل .. و مهما طلع من ورق فا خلاص هما غلطانين لأن فيه ثلاث معطيات زي ما قال معاذ لا يمكن تكذيبهم .. الكتالوج .. و مقياس الزيت .. و الزيت المسحوب و كميته الكبيرة .. و موضوع الورقة ده شئ يدعو للضحك و الإستنفار في ذات الوقت .