نيتروجين للسيريون

[أحمد كمال]

ظبط عند بريدجستون زوايا و قلبك متطمن بس ما تزرجنش في اي حتة برة التوكيل

يعني لو ظبط زوايا ريجلاج بس ماشي

و خليه يكشفلك عالعجل ليكون فيه خرم صغير بيسرب

[MoToRiZeR]

شكراَ أحمد باشا .. انا قلت أعملها بالمرة لأن بيقولوا الجهاز في التوكيل عطلان !
بس هو فيه ضبط زوايا رجلاج و إيه كمان و إيه الفرق ؟

شكراَ مقدماَ

[medo_sirion]

[QUOTE=MoToRiZeR;3871995653]شكراَ أحمد باشا .. انا قلت أعملها بالمرة لأن بيقولوا الجهاز في التوكيل عطلان
؟

ولا عطلان ولا حاجة يامحمود
هما اصلا العبور بيطلعوا العربية على الجهاز بدل مهية بدحدف شمال بيخلهالك بدحدف لمين

[bmya]

ربنا يستر علي زاوايانااااااااا

[medo_sirion]

ربنا يستر علي زاوايانااااااااا

امييييييييييييييييين يارب

[GMakram]

جورج باشا زي ما شريف قال المقاس المزبوط 31 و هتلاقيه مكتوب عالقايم بتاع باب السواق :)
و انا هعمل زيارة لراديو شاك اسأل علي مقاس الهوا بالمرة بكرة .

يا ريت كل واحد يخلي معاه كمان كمبروسر صغير إحتياطي و وصلة بطارية لأن انا إتقرصت من الحاجات دي و عرفت أهميتها حتة لو العجل و البطارية جداد :) و طقم مفاتيح صغير كدة عشان تعرف تفك بيه الصواميل الصغيرة زي بتاعة قطاش البطارية

شكرا على النصيحه والتوضيج يا محمود ربنا مايحرمك منى

[hhhmmmzzzz]

انا علي فكرة مبسوط من التجاوب السريع والمشاركة المجدية فى هذا الموضوع
وشكر خاص لشريف باشا علي محاولاته لانعاش المنتدى من جديد بمواضيعه الشيقة(ايوه كده)عشان ا/توفيق يرجعلنا تانى
وعايز اسال ايه الفرق المحسوس بملء الاطار نتروجين بخلاف انه بيخلي السيارة انعم
يعنى وجه الاختلاف بينه وبين الهواء وهل ينفع لو العجلة ريحت وما لقتش نتروجين احط هواء علي نتروجين

[survey]

هو بكام تعبية النيتروجين يا جماعة؟
وفين بالظبط بريدجستون ده
واعرف منين القياس المظبوط اللي المفروض انفخ بيه الكاوتش
وحد سمع عن النفخ بالهيليوم ولا دي اشتغالة؟ بيقولوا العربية تحس انك ماشي بيها على الهوا مش على اسفلت

[medo_sirion]

هو بكام تعبية النيتروجين يا جماعة؟
وفين بالظبط بريدجستون ده
واعرف منين القياس المظبوط اللي المفروض انفخ بيه الكاوتش
وحد سمع عن النفخ بالهيليوم ولا دي اشتغالة؟ بيقولوا العربية تحس انك ماشي بيها على الهوا مش على اسفلت

هههههههههههههههههه
حلو الكلام دة هوة دة اللى ناقص

[bmya]

انا علي فكرة مبسوط من التجاوب السريع والمشاركة المجدية فى هذا الموضوع
وشكر خاص لشريف باشا علي محاولاته لانعاش المنتدى من جديد بمواضيعه الشيقة(ايوه كده)عشان ا/توفيق يرجعلنا تانى
وعايز اسال ايه الفرق المحسوس بملء الاطار نتروجين بخلاف انه بيخلي السيارة انعم
يعنى وجه الاختلاف بينه وبين الهواء وهل ينفع لو العجلة ريحت وما لقتش نتروجين احط هواء علي نتروجين

ياهاني باشا ربنا ربنا يكرمك بس يارب المواضيع تبقي مفيده

بالنسبه للاحساس انا حسيت ان العربيه بقيت اطري وانعم تمام كده يعني الخبط بتاع الحفر والظلط تحس انه بقه مكتوم مش زي الاول
بس عايز اقولك حاجه بمجرد ما تتعود عليه هتحس ان مفيش فرق خلاص ولازم ترجع تحوط هواء بقه عادي عشان تعرف نعمه النيتروجين
انا مرجبتوش علي الطريق بس سمعت انه بيثبت العربيه شويه عن العادي

[bmya]

mr survy لا اعتقد في هكايه الهيليوم دي انا اول مره اسمع عنها اصلا والبعدين الهيليوم ده العربيه هطير فعلا
انت مش عارف البالونات اللي بتبقي في دريم بارك ومليانه هيليوم لو سيبتها بتطير وانساها

[medo_sirion]

سيريون
طيرى انتى

[madoo]

شريف باشا ....انا حاطط نيتروجين فى الماتيريا من شهرين ....بأمانه مش حاسس بنقطه اطرى وانعم دى
بس انا حاططيه علشان بيبقى ابرد فى الصيف .....ويا محمود انا كنت سألته على تظبيط الزاويا والترصيص للماتيريا من باب العلم بالشئ قالى انه مش عنده مقاسات العربيه دى وقالى ابقى عملهم فى التوكيل

وانا فى بريدجستون ادونى ورقه فيها اهميته انا هكتب اللى انا فاكره منها للافاده

1- يبقى ابرد جوه الكاوتش من الهواء العادى (ده كويس للصيف )
2- لو حصل تسريب يبقى ابطئ بكتير من الهواء العادى
3-بيقول انه بيحافظ على العمر الافتراضى للكاوتس
4-بيساعد فى التقليل من استهلاك البنزين (كانوا كاتبين نسبه مئويه مش فاكرها بصراحه ) انا عن نفسى مش مصدق الموضوع ده

[hhhmmmzzzz]

nوانا فى بريدجستون ادونى ورقه فيها اهميته انا هكتب اللى انا فاكره منها للافاده

1- يبقى ابرد جوه الكاوتش من الهواء العادى (ده كويس للصيف )
2- لو حصل تسريب يبقى ابطئ بكتير من الهواء العادى
3-بيقول انه بيحافظ على العمر الافتراضى للكاوتس
4-بيساعد فى التقليل من استهلاك البنزين (كانوا كاتبين نسبه مئويه مش فاكرها بصراحه ) انا عن نفسى مش مصدق الموضوع ده

شكرا علي الافادة الجميلة دى(مع انى لسة مش مقتنع) بس هجرب احطه واشوف بنفسى

[MoToRiZeR]

هو بكام تعبية النيتروجين يا جماعة؟
وفين بالظبط بريدجستون ده
واعرف منين القياس المظبوط اللي المفروض انفخ بيه الكاوتش
وحد سمع عن النفخ بالهيليوم ولا دي اشتغالة؟ بيقولوا العربية تحس انك ماشي بيها على الهوا مش على اسفلت

تعبية النيتروجين في معظم الأماكن العجلة ب 5 جنيه يعني كله 20 جنيه

بردجستون له كذا فرع .. كالتكس مدينة نصر اللي في تقاطع عباس العقاد مع مصطفي النحاس
المنيل في شارع المنيل عند راية .. دول اللي أعرفهم بصراحة

فيه برضه وليد عوض قرب شارع وادي النيل في المهندسين عنده نيتروجين .

المقاس المزبوط هتلاقيه مكتوب علي قايم العربية ناحية باب السواق .. بالنسبة للهيليوم بقي فا دي إشتغالة و بشدة