إعـــــــلان

Collapse

.

,
See more
See less

حجزت ماروتي 2010 واستلمت ألتو 2009 !!

Collapse
X
 
  • Filter
  • الوقت
  • Show
Clear All
new posts

  • حجزت ماروتي 2010 واستلمت ألتو 2009 !!

    في البداية يشرفني اني اشارك في منتدى نايل موتورز المحترم وبالأخص مع زملائنا مالكي السوزوكي، مش عاوز اطول على حضراتكم بس باختصار حجزت ماروتي 2010 من توكيل سوزوكي الدقي من أول يناير وفضلت متمطوح معاهم شهرين وشوية ولا في حد بيعبرني لغاية ما حد منهم زهق مني وكلمني بصراحة وقاللي الدفعة استلموها التجار ومعلش استنى معانا دفعة كمان يعني شهر ونص على الأقل كمان، وانا بيني وبينكم ساكن في الجيزة وشغلي قرب المطار واتبهدلت مواصلات ومبقتش قادر على التأخير والبهدلة كل يوم، قمت فجأة اتكلمت مع أحد الأساتذة اللي في المعرض وسألته ايه أخبار الألتو قاللي 2010 لسة منزلتش مصر والموجود بواقي 2009 لونهم اسود 1100 سي سي تكييف وسي دي فقط وممكن تستلمها في خلال يومين على 50500 عشان فرق موديل السنة، استخرت ربنا وضغطت ميزانيتي وربنا أعلم كملت الفرق ازاي بس الحمد لله قلت لنفسي مش كل يوم هتجيب عربية واتكل على الله والفرق يستاهل موتور اقوى قدرة حصانية اعلى تكييف وانجيكشن وشكل احدث وافخم من الماروتي، واتوكلت على الله واشتريتها ورخصتها.
    قبل ماتكلم عن تقييمي للعربية يا شباب عاوز اقول اني أول مرة في حياتي اركب عربية واول مرة اسوق وأول مرة اتعامل مع ميكانيكا فبالراحة عليا يا شباب لو وصفي كان غير دقيق او صحيح انا واثق انكم هتفهمو اقصد ايه لان حضراتكم ما شاء الله أساتذة وخبرة وان شاء الله اتعلم منكم.
    أولاً: التقفيل جيد وان كانت الخامات اقتصادية خصوصاً جوانب التابلوه البلاستيك بتاعها رقيق مقارنة بباقي أجزاء التابلوه لكن يظل التابلوه شيك وبسيط ، اكتشفت ان الجزء البلاستيك اللي مغطي القايم اللي جنبي مفكوك من فوق تقريباً فيه كلبس مفكوك مش قافل للآخر زي الجانب اليمين ودي أول حاجة ضايقتني ، تاني حاجة كان فيه بياض ملطش على كبوت العربية من ادام افتكرته وساخة تنضف مع الغسيل خصوصاً انهم كانو جايبينهالي مليانة تراب وممسوحة بالعافية ، اكتشفت للأسف بعدين لما اتغسلت تمام ان دي مش وساخة ده لون الصاج والبوية محكوكة بتلاطيش متبعترة على الكبوت رغم اني جبت معايا حد بيفهم في العربيات لاني مبفهمش في العربيات ولا حتى تفاصيل صغيرة زي هل كون البقع الصغيرة دي وساخة ولا ده الصاج لان البوية اتخدشت عموماً لايغني حذر عن قدر رغم اني اخدت بالأسباب واستعنت بحد خبرة لكن ارادة ربنا هعمل ايه، ولما كلمتهم بعد كدة ولا الهوا واللهجة اختلفت تماماً بدل لهجة الترحاب قبل الشرا بقت لهجة حادة أميل للتوبيخ ان عربياتنا فل وانت اللي خربشتها ، بس الصراحة انا اللي استاهل لاني عديم الخبرة وصدقت كلامهم لما قالولي وساخة وتتنضف.
    مش عوز اطول عليكم العربية ما شاء الله بتجري وحلوة وتكيفها قوي حتى على الأول لكن لما غسلتها في بنزينة بعدها ابتدت تطلع ريحة كمكمة اول ما اشغله ، عدم وجود الباور مخليها تقيلة جدا في الركنة وساعات لما باحود والف ، فراملها بحس انها بتاخد وقت شوية لما تجمع لكن لما بضغط بتكلبش وبحس انها هتنط او هتتشقلب لأدام !! نقل الغيارات مش مريح ومش مرن وسلس بحس زي ما زمايلنا هنا بيقولو عضة في الفتيس وخصوصا الأول والتاني والمارش
    ليا كلام تاني معاكو بخصوص العين اللي خدتها ومشاكل الركنة ....... لكن يظل رغم أي شئ احساس القيادة وامتلاك سيارة له سحره بجد احساس ممتع رغم الزحمة
    وشكراً لحضراتكم واتمنى التواصل معاكم بإذن الله

  • #2
    مبروك ربنا يديك خيرها ويكفيك شرها

    Comment


    • #3
      المشاركة الأصلية كتبت بواسطة amlolo مشاهدة المشاركة
      مبروك ربنا يديك خيرها ويكفيك شرها

      على فكره انا كان عندي نفس مشكلة الفتيس بذات وراء بس الحمد لله مع الوقت اتصلحت يعني بعد 10 الف كيلو بس دلوقتي ممكن لو عايز تجيب ورا تجيب اول وبعدين ورا وده معلومه من التوكيل اثناء الصيانه. ريحة الكمكمه طبيعيه علشان هي فضلت مركونه كتير قبل ماتستلمها على العموم ان شاء الله مش حتندم

      Comment


      • #4
        شكراً لردك واهتمامك ، بادعي ربنا يثبتني على اختياري لاني درست الماروتي شهور وسبحان الله في يوم اتغير الحال وجبت ألتو ومكنتش قريت عنها كتير ، عموما ربنا يكفيني شرها وشر ما صنعت له ويجعلها سبب للسعي في الخير.
        مرة تانية بشكر حضرتك شكر خاص كونك أول واحد ترد عليا

        Comment


        • #5
          الف مبروك وربنا يديك خيرها ويكفيك شرها
          [SIZE=5][COLOR=black]الحمد لله رب العالمين - اللهم اني لاأسالك رد القضاء ولكني أسالك اللطف فيه -[/COLOR][/SIZE]

          Comment


          • #6
            الف الف مبروك وربنا يباركلك فى العربيه وهى الالتوا عريبه جميله الصراحه

            واستمتع بيها لينها اول الف وروح اعمل صيانه الالف عند مودرن موتور بتبقى ببلاش اول الف وبعدين العربيه بعد التلين بتفتح اكتر وتنعم والف مبروك مره تانيه
            [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

            Comment


            • #7
              الف الف الف مبروك ربنا يعطيك خيرها ويبعد عنك شرها ويجعلها وش السعد عليك
              [CENTER] اللهم صل على محمد وعلى آله وصحبه أجمعين
              [/CENTER]

              Comment


              • #8
                المشاركة الأصلية كتبت بواسطة party_0000 مشاهدة المشاركة
                الف مبروك وربنا يديك خيرها ويكفيك شرها
                الله يبارك في حضرتك وشكراً لدعوتك الحلوة

                Comment


                • #9
                  المشاركة الأصلية كتبت بواسطة mahamedaraby مشاهدة المشاركة
                  الف الف مبروك وربنا يباركلك فى العربيه وهى الالتوا عريبه جميله الصراحه واستمتع بيها لينها اول الف وروح اعمل صيانه الالف عند مودرن موتور بتبقى ببلاش اول الف وبعدين العربيه بعد التلين بتفتح اكتر وتنعم والف مبروك مره تانيه
                  الله يبارك في حضرتك واتمنى باذن الله انها تبقى انعم زي ما حضرتك بتقول بعد الألف ان شاء الله وألف شكر لأمنياتك الطيبة ودعوتك ليا

                  Comment


                  • #10
                    المشاركة الأصلية كتبت بواسطة omaroof مشاهدة المشاركة
                    الف الف الف مبروك ربنا يعطيك خيرها ويبعد عنك شرها ويجعلها وش السعد عليك
                    آمين يارب يجعلي نصيب في الدعوة الحلوة دي ، متشكر ليك على دعوتك وربنا يبارك فيك

                    Comment


                    • #11
                      الف الف مبروك ... ربنا يكفيك شرها و يبارك لك فيها و يديلك خيرها و يبعد عنك عيون الحساد
                      مبروووووووووووووووك
                      [B][COLOR=blue]بـسـنت[/COLOR][/B]

                      Comment


                      • #12
                        بارك الله لك فيها ورزقت خيرها وكفاك الله شرها
                        [B][COLOR=Green][/COLOR][/B]
                        [B][COLOR=Green]من وجد الله ماذا فقد و من فقد الله ماذا وجد

                        [/COLOR][/B][B][COLOR=Green]
                        [/COLOR][/B]
                        [URL="http://www.postimage.org/image.php?v=gx1x5ItA"]
                        [/URL]

                        Comment


                        • #13
                          ألف مبروك يا باشا وربنا يباركلك فيها ويكفيك شرها ويرزقك خيرها

                          أنا حصل معايا نفس اللى حصل معاك بالضبط كنت هجيب ماروتى وريسيت على ألتو بردة الحمد لله 1100 وقربت أكمل الآلف كيلو
                          الفتيس نعم حاجة بسيطة لكن رخم قوى فى الآول ونص نص فى التانى والباقى خفيف
                          نعومة الموتور والعربية لسة شوية بردة الواحد حاسس أنها محتاجة شوية وقت كمان يعنى عايزة من 2000 :5000 كيلو علشان تنعم
                          ملحوظة مهمة خلال الآلف راعى التلين لا تتعدى 80 كيلو بعد الآلف زود واحدة واحدة علشان الموتور ما يبوظش

                          راعى كمان نسب السرعات ما بين الغيارات يعنى خلال الآلف الآولى
                          الآول 15
                          الثانى 30
                          الثالث 50
                          الرابع 70
                          الخامس من 70 : 80
                          الدريكسيون بيكون فعلا تقيل فى الآول بعد 500 كيلو أو خلال الآلف بينعم
                          أى معلومات أنا فى الخدمة
                          وربنا يستر علينا جميعا

                          Comment


                          • #14
                            ربنا يباركلك فيها وياتيك خيرها ويكفيك شرها وان شاء الله كل اتلحاجت دية تختفى مع الوقت

                            Comment


                            • #15
                              المشاركة الأصلية كتبت بواسطة thequeenmary مشاهدة المشاركة
                              الف الف مبروك ... ربنا يكفيك شرها و يبارك لك فيها و يديلك خيرها و يبعد عنك عيون الحساد
                              مبروووووووووووووووك
                              شكراً لمباركتك ويارب يهدي الحساد شوية عليا لان بحس في عيون الناس انها مستكترة الخير ده عليك وكأن لسان حالهم بيقول اشمعنى انت وانا لأ !! يعلم ربنا أنا طلعت أد ايه لله ومع ذلك كل شوية تاخد حكة في الفيبر مع كل ركنة ده غير موضوع الخربشة اللي جت بيها . ربنا يهدي الناس ويكفينا شر عنيهم

                              Comment

                              Working...
                              X