إعـــــــلان

Collapse

.

,
See more
See less

حجزت ماروتي 2010 واستلمت ألتو 2009 !!

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة refoo مشاهدة المشاركة
    الف مبروك ربنا يعطيك خيرها ويبعد عنك شرها
    شكراً لحضرتك وربنا يبارك فيك

    Comment


    • #32
      المشاركة الأصلية كتبت بواسطة abdm مشاهدة المشاركة
      وربنا يبارك وأمشى على مهلك وبص فى كل المرايات كويس وما تتسرعش واحدة واحدة علشان تحافظ على الموتور فى التليين والعفشة من المطبات علشان العربية ممكن تغرك وتسحب بيها وما تعرفش تعمل كنترول عليها بعد كدة .. وربنا يستر طريقنا جميعا يا رب
      العربية عملت حادثة يا استاذ عبد الحي ولسة موديها أبو رواش النهردة
      واحد سواق ميكروباص سياحة حسبي الله ونعم الوكيل فيه نازل من كوبري المطار صاروخ وجاي من أقصى الشمال لأقصى اليمين وحدف عليا بغباوة مرضتش احدف يمين عشان مأذيش أي حد جاي من يميني ففضلت اني أهدي جامد واسيب اللي سايقه شيطانه بتاع الميكروباص يعدي وترسي على مراية شمال يطيرها ولا حاجة ، ربك أراد انه يحك بسرعة شمال ويطير واللي ورايا خبط فيا واللي وراه خبط فيه وكان يوم صعب جداً محاضر واقسام وشرطة والطريق واقف والعالم بتتفرج علينا
      نفسيتي بجد قفلت من العربية ومبقتش حاسس بفرحة العربية مكملتش 600 كيلو و3 اسابيع ويحصل فيها كدة ، مبقتش عارف قضاء وقدر ولا عيون الناس من ساعة مجبتها ولا اللي بيخاف من العفريت بيطلعله ولا ربك ليه حكمة مش عارف افهمها بس جت عليا أوقات بقيت اقول يارب ده لا مال حرام ولا الواحد وحش انت عالم فلوسها جاية ازاي وباستخدمها في ايه .
      الحمد لله على كل حال وان كنت ساعات بحس انها بتطلع من بقي لكن مش من قلبي والله أعلم يمكن ربنا عامل كدة عشان أرضى بقضاؤه خيره وشره وأسلم له تسليم تام و ما اعتمدش على حذري الشديد وعقلي وبس

      Comment


      • #33
        الف مبروك علي الالتو
        [CENTER][B]سامح البقري
        المحامي[/B][/CENTER]

        Comment


        • #34
          المشاركة الأصلية كتبت بواسطة mr_sameh مشاهدة المشاركة
          الف مبروك علي الالتو
          الله يبارك فيك يا أستاذ سامح وعذراً على التأخير في الرد الواحد من ساعة الحادثة وهو مش مظبوط

          Comment


          • #35
            أستاذ ألتومان . قدر الله وما شاء فعل ولا حول ولا قوة الا بالله العلى العظيم . والحمد لله أنها جت على أد كدة وأهم حاجة الآنسان ذات نفسة وتكون أنت أهم حاجة بخير وصحة وسلامة دية أهم حاجة أن أنت تكون بخير وأنت اللى بتجيب الفلوس وربنا يرزقك و يعوضك خير بأذن الله معلش أستحمل وأصبر وربنا أن شاء الله يعينك ويصبرك وخلى أيمانك بربنا كبير وأحمد ربنا أنها جت فى العربية مش فى حاجة تانية وأنك الحمد للة سليم وكلة بيصلح .

            ولو فى تأمين على العربية ممكن يساعد فى المصاريف بتاعت التصليح

            وما هى التلفيات والآضرار اللى حصلت والتوكيل عمل معاك أية .و أبقى طمنا عليك وعلى العربية بأخر التطورات .وربنا يعينك ويصبرك

            والله المستعان

            Comment


            • #36
              الف مبرك انا كريم ومعايا التو 800 مكيفه العربيه كويسه وسريعه بس عيب الفتيس فعلا حقيقى والدرياج عالى جدا وده الفبريكه وانا وطيته ورحت التوكيل عشان الفتيس على الدرياج وبرده نفس العيب وبرغم من كده رحت موبيل غيرت زيت الفتيس والدنيا احسن دلوتى.

              Comment


              • #37
                المشاركة الأصلية كتبت بواسطة tyuio مشاهدة المشاركة
                الف مبرك انا كريم ومعايا التو 800 مكيفه العربيه كويسه وسريعه بس عيب الفتيس فعلا حقيقى والدرياج عالى جدا وده الفبريكه وانا وطيته ورحت التوكيل عشان الفتيس على الدرياج وبرده نفس العيب وبرغم من كده رحت موبيل غيرت زيت الفتيس والدنيا احسن دلوتى.
                الدبرياج وطيتة فين ؟ عند ميكانيكى ولا فى التوكيل . ولو عند ميكانيكى يا ترى سهل تظبيطة ولا صعب وهل عمل مشاكل مع الفتيس ذى عضة ولا ما عملش
                أنا سئلت التوكيل على المشكلة دية بتاعت الدبرياج العالى وقلولى المهندس هى كدة ولو وطيت هتعمل عضة فى الفتيس الكلام دة صح ولا غلط
                هو أنا بدأت أتعود علية كدة وهو عالى ورخم وصعب شوية بس لو كان أوطى شوية أكيد يبقى أحسن وأسهل بس خايف ليعمل معاى عضة فى الفتيس ذى المهندس ما قالى .. يا ريت الآفادة والرد
                وحضرتك ساكن فين ؟؟
                وجزاك الله خيرا

                Comment


                • #38
                  أستاذ عبد الحي شكراً لمشاعرك الطيبة بخصوص حادثة العربية والحمد لله على كل حال وربنا يستر طريقنا أجمعين ويحمينا من شر المستهترين .
                  التوكيل عمل معاينة وفي انتظار المقايسة اللي هتتعمل ، التلفيات أكصدام خلفي مكسور وفانوس خلفي وتطبيق مش كبير في أسفل الشنطة وفي الرفرف .
                  انا مأمن مع رويال وده كان العرض اللي قدمهولي توكيل المساحة بالدقي على انها الشركة اللي بيتعامل معاها التوكيل لكن معجبنيش ساعة المعاينة الكلام اللي سمعته انهم بيحسبوا العربية على كل جنب حادثة والحادثة ب 250 جنيه يعني هدفع 500 جنيه أول حاجة بالاضافة الى 10% من قيمة قطع الغيار اللي هيتم تركيبها .

                  Comment


                  • #39
                    المشاركة الأصلية كتبت بواسطة tyuio مشاهدة المشاركة
                    الف مبرك انا كريم ومعايا التو 800 مكيفه العربيه كويسه وسريعه بس عيب الفتيس فعلا حقيقى والدرياج عالى جدا وده الفبريكه وانا وطيته ورحت التوكيل عشان الفتيس على الدرياج وبرده نفس العيب وبرغم من كده رحت موبيل غيرت زيت الفتيس والدنيا احسن دلوتى.
                    الله يبارك فيك يا أستاذ كريم ، هو فعلاً موضوع الفتيس رخم أوي بجانب الدبرياج ودي أساسيات في العربية لما بتبقى رخمة بتخلي عملية القيادة مش سلسة ولطيفة ، بس مش عارف علاج الفتيس ايه هل عيب في الالتو يمكن تقليله ولا هي كدة ومينفعش معاها حاجة

                    Comment


                    • #40
                      يا أخ ألتومان يا ريت نتشرف بأسم حضرتك .وعامل أية دلوقتى . وأية أخبار التوكيل والمقايسة عملت كام
                      وأسعار قطع الغيار المستبدلة عندك التوكيل حسبها بكام
                      يعنى الآكصدام بكام والفانوس الخلفى بكام وخلافة ......ألخ
                      وقدرت تعمل تخفيض مع التوكيل أو شركة التأمين ولا لآ

                      أبقى طمنا عليك بأخر الآحداث والتطورات

                      والله المستعان

                      Comment


                      • #41
                        المشاركة الأصلية كتبت بواسطة abdm مشاهدة المشاركة
                        يا أخ ألتومان يا ريت نتشرف بأسم حضرتك .وعامل أية دلوقتى . وأية أخبار التوكيل والمقايسة عملت كام
                        وأسعار قطع الغيار المستبدلة عندك التوكيل حسبها بكام
                        يعنى الآكصدام بكام والفانوس الخلفى بكام وخلافة ......ألخ
                        وقدرت تعمل تخفيض مع التوكيل أو شركة التأمين ولا لآ

                        أبقى طمنا عليك بأخر الآحداث والتطورات

                        والله المستعان
                        اسمي ياسر يا أستاذ عبد الحي ، ولسة المقايسة متعملتش المفروض هكلم التوكيل بكرة اعرف ايه اللي تم من ساعة ما سلمتها واتعملت المعاينة ، ان شاء الله هعرفكم التفاصيل اول بأول ، ادعيلي بس الأمور تمشي والعربية متتأخرش عندهم كتير

                        Comment


                        • #42
                          تشرفنا يا أستاذ ياسر .وربنا أن شاء الله يصلح الحال ويسرلك ويسهلك أمورك . وحاول أن تفكرهم وتذن على ودنهم كل ساعة وكل يوم علشان يحسوا ويعرفوا أنك متابع ويهتموا وينجزوا غير هذا الآسلوب أكيد هيتأخروا
                          والله المستعان

                          Comment


                          • #43
                            المشاركة الأصلية كتبت بواسطة abdm مشاهدة المشاركة
                            تشرفنا يا أستاذ ياسر .وربنا أن شاء الله يصلح الحال ويسرلك ويسهلك أمورك . وحاول أن تفكرهم وتذن على ودنهم كل ساعة وكل يوم علشان يحسوا ويعرفوا أنك متابع ويهتموا وينجزوا غير هذا الآسلوب أكيد هيتأخروا
                            والله المستعان
                            الشرف ليا يا أستاذ عبد الحي ، انا كلمتهم النهردة ولا عملو حاجة وقالولي يومين واتكلم بس بكرة هكلمهم تاني بإذن الله وربنا ييسر الامور ، رغم اني مكملتش 3 اسابيع سواقة الا اني حاسس بفراغ غياب العربية شوية ، يمكن كل تأخيرة وفيها خيرة ربك يسهلها

                            Comment


                            • #44
                              السلام عليكم يا استاذ ياسر
                              الاول الف حمد الله علي سلامتك
                              وفي مليون داهية الحديد طالما انت بخير
                              بقي يا راجل اسيب المنتدي يومين ارجع الاقيك عامل حادثة

                              قدر الله وماشاء فعل و الحمد لله انها جت علي قد كده

                              من حكم خبرتي مع التوكيل الاكتر من محترم ده ... رأيي بمتهي الامانة
                              خد عربيتك ووديها لسمكري محترم
                              احسن مليووووووووووووووون مرة

                              بجد
                              انا عربيتي اترمت عندهم شهرين ونص تقريبا
                              وكان ليا معرفة كبيرة كمان جوه التوكيل
                              يا باشا بجد بجد
                              طالما الحمد لله الخبطة مش محصلة صدر ولا محصلة ميكانيكا
                              يبقي سيبك من التوكيل بجد
                              انت عارف حتي تقفيلهم في الدهااان زبااااااااالة
                              والله انا ما اقصد ازعلك .. بس انا عايز اقولك بجد بجد .. جمد قلبك وروح خدها وديها اي ورشة نضيفة احسن ملايين المرات

                              تحياتي
                              ويا ريت تطمنا
                              [CENTER][SIZE=5][COLOR=blue]ليل طويل[/COLOR] ... [COLOR=purple]هم ثقيل[/COLOR] ... [COLOR=seagreen]وهم سرمدي[/COLOR][/SIZE][/CENTER]
                              [CENTER][SIZE=5][COLOR=blue]صبر جميل[/COLOR]... [COLOR=purple]شاب فتي[/COLOR] ... [COLOR=seagreen]ورود وحلم جميل نقي[/COLOR][/SIZE][/CENTER]

                              [CENTER]د.حسام الزلباني:smartass:[/CENTER]

                              Comment


                              • #45
                                المشاركة الأصلية كتبت بواسطة zalpany2000 مشاهدة المشاركة
                                السلام عليكم يا استاذ ياسر
                                الاول الف حمد الله علي سلامتك
                                وفي مليون داهية الحديد طالما انت بخير
                                بقي يا راجل اسيب المنتدي يومين ارجع الاقيك عامل حادثة

                                قدر الله وماشاء فعل و الحمد لله انها جت علي قد كده

                                من حكم خبرتي مع التوكيل الاكتر من محترم ده ... رأيي بمتهي الامانة
                                خد عربيتك ووديها لسمكري محترم
                                احسن مليووووووووووووووون مرة

                                بجد
                                انا عربيتي اترمت عندهم شهرين ونص تقريبا
                                وكان ليا معرفة كبيرة كمان جوه التوكيل
                                يا باشا بجد بجد
                                طالما الحمد لله الخبطة مش محصلة صدر ولا محصلة ميكانيكا
                                يبقي سيبك من التوكيل بجد
                                انت عارف حتي تقفيلهم في الدهااان زبااااااااالة
                                والله انا ما اقصد ازعلك .. بس انا عايز اقولك بجد بجد .. جمد قلبك وروح خدها وديها اي ورشة نضيفة احسن ملايين المرات

                                تحياتي
                                ويا ريت تطمنا
                                يسلم سؤالك يا دكتور حسام والحمد لله على اللي حصل وانها جت على أد كدة
                                بخصوص التوكيل انا فعلاً سامع ان ايدك منه والقبر بس انا عاوز اخوض التجربة لآخرها معاهم عشان ابقى بجد اتعاملت معاهم في حاجة جامدة وجربتهم عشان لما انساهم من حساباتي تماماً يبقى على أساس ، تاني حاجة الموضوع فيه فانوس هيتركب واكصدام وحرام اشيل المبلغ ده لوحدي لاني مأمن عليها ، انا حاسس ان أول سنة بإذن الله هقدر أحصل على خبرة كافية فيما يتعلق بعروض التأمين الأفضل وبمعاملة التوكيل والورش البديلة له والصيانة الدورية وايه اللي أقدر أعمله مع نفسي من غير ما اضطر اوديها ابو رواش واسيبها هناك لو حصل حاجة لا قدر الله
                                واديني هكلمهم تاني وان شاء الله الموضوع يخلص وان كنت ابتديت اقلق من كلام حضرتك بخصوص حكاية الشهرين ونص دول!!

                                Comment

                                Working...
                                X