المشاركة الأصلية كتبت بواسطة hamdy
مشاهدة المشاركة
X
-
أستاذ عبد الحي ، شكراً لحضرتك المشاركة الطيبة والمعلومات القيمة دي ، واضح ان قدرنا كان واحد حجزنا ماروتي واستلمنا التو !! سبحان اللهالمشاركة الأصلية كتبت بواسطة abdm مشاهدة المشاركةألف مبروك يا باشا وربنا يباركلك فيها ويكفيك شرها ويرزقك خيرها
أنا حصل معايا نفس اللى حصل معاك بالضبط كنت هجيب ماروتى وريسيت على ألتو بردة الحمد لله 1100 وقربت أكمل الآلف كيلو
الفتيس نعم حاجة بسيطة لكن رخم قوى فى الآول ونص نص فى التانى والباقى خفيف
نعومة الموتور والعربية لسة شوية بردة الواحد حاسس أنها محتاجة شوية وقت كمان يعنى عايزة من 2000 :5000 كيلو علشان تنعم
ملحوظة مهمة خلال الآلف راعى التلين لا تتعدى 80 كيلو بعد الآلف زود واحدة واحدة علشان الموتور ما يبوظش
راعى كمان نسب السرعات ما بين الغيارات يعنى خلال الآلف الآولى
الآول 15
الثانى 30
الثالث 50
الرابع 70
الخامس من 70 : 80
الدريكسيون بيكون فعلا تقيل فى الآول بعد 500 كيلو أو خلال الآلف بينعم
أى معلومات أنا فى الخدمة
وربنا يستر علينا جميعا
بإذن الله مش هزيد عن 80 بس انا لغاية دلوقتي ممشيتش على الخامس خالص آخري بيبقى الرابع وأقصى سرعة 80 ، هي بس بتفصل مني احياناً عشان رجلي لسة مش حساسة على الدبرياج وبتحطني في مواقف مش لطيفة أحياناً بس ربنا بيسترها والأمور بتمشي.
ساعات بفتح التكييف مبزودش عن الدرجة 1 في التكييف وبقفله أول مااعرف اتنفس والحرارة تتظبط ، هل ده غلط على الموتور ولازم ميشتغلش خالص خلال الألف الأولى ولا ممكن خمس دقايق واطفيه كل فترة خلال المشوار.
على أي حال انا بالفعل اتشرفت بالانضمام لحضراتكم وعلى تواصل دائم ان شاء الله
Comment
-
شكراً لحضرتك يا أستاذ عمرو وبإذن الله العربية بعد الألف تختفي منها الخشونة دي زي ما حضراتكم بتقولوا عن خبرةالمشاركة الأصلية كتبت بواسطة amrshaban مشاهدة المشاركةربنا يباركلك فيها وياتيك خيرها ويكفيك شرها وان شاء الله كل اتلحاجت دية تختفى مع الوقت
Comment
-
يفضل أول ما توصل ل 70 تنقل على طول للخامس وممكن تمشى علية فى ال500 الآولى لغاية 80 وال 500 الآخيرة لغاية 90 أو 100 لكن ما تذودش فى أخر الآلف عن 100 علشان تحافظ على الموتور
النقطة التانية الدبرياج بتاع الآلتو عالى لكن مظبوط وبيحتاج حتى للسواق القديم مجهود كبير لغاية ما يعرف يظبط رجلة علية كويس
وهقولك حاجة تساعدك وأنت فى الآولانى خلى رجلك على الدبرياج فقط وسيب سنة سنة لغاية ما العربية تبدا تتحرك فى الوقت دة أبدأ زود بنزين
وفى باقى الغيارات خاصة التانى والتالت خلى الدبرياج يعلى فوق النصف وبعد كدة أبدأ دوس بنزين الموضوع ذى ما بقلك صعب قوى على السويق كمان لآن الدبرياج عالى وأنا سألتهم فى التوكيل قلولى هية نازلة دبرياجها عالى . وبدأت أتكيف وأتعامل معها واحدة واحدة
بالنسبة للتكيف فى الآلف الآولى ما تشغلوش كتير يعنى 5 مرات بالكتير قوى علشان تجرب التكييف من ناحية وترفهة نفسك من الحر من الناحية التانية فى خلال الآلف الآولى ولحسن الحظ والنصيب أن الحر لسة ما شدش ,وسوق واحدة واحدة وخليك على اليمين أو فى النص لما تلاقى حاجة واقفة على اليمين لكن ما تمشيش فى الشمال دلوقتى
والله الموفق والمستعان
Comment
-
ألف مبرووووووك يا باشا
اهلا بيك في نادي الالتو
طبعا استاذ عبد الحي ما سابليش حاجه اقولها غير
ربنا يكفيك شرها ويعطيك خيرها يا رب
بالراحة علي العربية و ما تتعافاش عليها قبل الالف الاولي علشان التليين
و ماتزودش عن 80
موضوع الباور ده اللي غريب شوية
العربية باور يا باشمهندس علي فكرة .. ولو حاسس ان الدريكسيون تقيل يبقي فيه حاجه مش طبيعية
عموما استني زي ما استاذ عبد الحي قالك ال 1000 الاولي
و خليهم يراجعولك علي زيت الباور في الصيانة
بالنسبة للبقع حضرتك ممكن تستخدم الكمباوند و البولش علشان تشيلهم ..
ودول ممكن تجيبهم من كارفور
او انك تروح لحد من بتوع الكار كير... وهو يتصرف فيهم
بالنسبة للعضة اللي في الفيتيس
انا فيتيس عربيتي بيعض في الريفيرس بس
بس باتعامل معاه
وده عيب في الالتو كلها
عموما ربنا يباركلك فيها
ويكفيك شرها
تحياتي[CENTER][SIZE=5][COLOR=blue]ليل طويل[/COLOR] ... [COLOR=purple]هم ثقيل[/COLOR] ... [COLOR=seagreen]وهم سرمدي[/COLOR][/SIZE][/CENTER]
[CENTER][SIZE=5][COLOR=blue]صبر جميل[/COLOR]... [COLOR=purple]شاب فتي[/COLOR] ... [COLOR=seagreen]ورود وحلم جميل نقي[/COLOR][/SIZE][/CENTER]
[CENTER]د.حسام الزلباني:smartass:[/CENTER]
Comment
-
دكتور حسام أشكرك على ردك الكريم والمفيد بجد ، ربنا يبارك فيك وأتشرف بانضمامي لنادي الألتو .المشاركة الأصلية كتبت بواسطة zalpany2000 مشاهدة المشاركةألف مبرووووووك يا باشا
اهلا بيك في نادي الالتو
طبعا استاذ عبد الحي ما سابليش حاجه اقولها غير
ربنا يكفيك شرها ويعطيك خيرها يا رب
بالراحة علي العربية و ما تتعافاش عليها قبل الالف الاولي علشان التليين
و ماتزودش عن 80
موضوع الباور ده اللي غريب شوية
العربية باور يا باشمهندس علي فكرة .. ولو حاسس ان الدريكسيون تقيل يبقي فيه حاجه مش طبيعية
عموما استني زي ما استاذ عبد الحي قالك ال 1000 الاولي
و خليهم يراجعولك علي زيت الباور في الصيانة
بالنسبة للبقع حضرتك ممكن تستخدم الكمباوند و البولش علشان تشيلهم ..
ودول ممكن تجيبهم من كارفور
او انك تروح لحد من بتوع الكار كير... وهو يتصرف فيهم
بالنسبة للعضة اللي في الفيتيس
انا فيتيس عربيتي بيعض في الريفيرس بس
بس باتعامل معاه
وده عيب في الالتو كلها
عموما ربنا يباركلك فيها
ويكفيك شرها
تحياتي
بس في حاجة عاوز اقولها العربية 1100 تكييف وراديو سي دي فقط ، مفيهاش باور ولا سنتر ولا انذار ولا ازاز كهربا ، كان نفسي يكون فيها باور عشان الامور تكون اسهل شوية بس زي ماحضرتك والزملاء تفضلوا وقالوا ان بعد التليين الامور بإذن الله هتبقى افضل وانعم شوية.
أما موضوع البقع اللي على الصاج مطلعتش بقع طلعت خربشة في الدهان والصاج باين للأسف في حتت متنطورة على الكبوت ، بس االحمد لله بسيطة وربنا يكفينا شرها آمين
معلش سؤال يبدو انه غريب شوية من واحد لسة جايب عربيته جديد بس مجرد خاطر في ذهني يمكن الاقي اجابته مع حضراتكم ، هو سعر إعادة بيع الألتو كويس ولا بينزل كتير ولا حسب حالة العربية وموديلها.
شكراً لرد حضرتك يا دكتور زلباني ولا اقولك يا دكتور حسام
Comment
-
الله يبارك في حضرتك يا أستاذ اسلامالمشاركة الأصلية كتبت بواسطة islamnabil مشاهدة المشاركةربنا يباركلك فيها
Comment
-
يا ألتو مان سعر أعادة البيع للآلتو سواء كانت حالتها كويسة أو موديلها كويس بينزل كتير قوى بسبب أن عند البيع بتلاقى بدائل كتير قوى بسعر كويس قوى منافس لسعر الآلتو عند البيع يعنى نفرض أن الآلتو حتتباع بعد كام سنة ب 42000 جنية هتلاقى نفس الموديل للانوس والفيرنا وغيرهم بنفس الثمن هنا هيفرق الحالة وعدد الكيلوات وتكون عايزة المشترى اللى غاوى يابانى مش كورى
والله الموفق والمستعان
Comment
-
ثووووووواني علشان افهم
هي الالتو ال 1100 مش fo؟؟؟؟؟؟؟
انا معلوماتي انها 1100 f/o يعني ازاز امامي كهربا ... باور ... وتكييف
انا غلطان ؟؟؟؟
يا ريت تصلحولي المعلومة لو سمحتوا ؟[CENTER][SIZE=5][COLOR=blue]ليل طويل[/COLOR] ... [COLOR=purple]هم ثقيل[/COLOR] ... [COLOR=seagreen]وهم سرمدي[/COLOR][/SIZE][/CENTER]
[CENTER][SIZE=5][COLOR=blue]صبر جميل[/COLOR]... [COLOR=purple]شاب فتي[/COLOR] ... [COLOR=seagreen]ورود وحلم جميل نقي[/COLOR][/SIZE][/CENTER]
[CENTER]د.حسام الزلباني:smartass:[/CENTER]
Comment
-
اكيد يا باشا سعر اعادة البيع هايتأثر اولا لان حضرتك شاريها زيرو ... ولو اتباعت كسر زيروا هاتخسر فيها بدون شك
ثانيا زي ما استاذ عبد الحي وضح لحضرتك ان معدل السعر اللي انت ممكن تبيع فيه هاتلاقي عربيات كتير فيه اكبر من الالتو
بس ده ما يمنعش ان المستعمل بشكل عااام حالة
الحاجه التانية
مهما كان السعر بتاعها هاينخفض .. مش هايبقي زي الصيني المعادل ليها زي الاسبيرانزا a113 و مش زي الايديا
وربنا يباركلك فيها عموما يا رب
تحياتي[CENTER][SIZE=5][COLOR=blue]ليل طويل[/COLOR] ... [COLOR=purple]هم ثقيل[/COLOR] ... [COLOR=seagreen]وهم سرمدي[/COLOR][/SIZE][/CENTER]
[CENTER][SIZE=5][COLOR=blue]صبر جميل[/COLOR]... [COLOR=purple]شاب فتي[/COLOR] ... [COLOR=seagreen]ورود وحلم جميل نقي[/COLOR][/SIZE][/CENTER]
[CENTER]د.حسام الزلباني:smartass:[/CENTER]
Comment
-
أستاذ عبد الحي و دكتور حسام شكراً لردودكم القيمة بشأن سعر إعادة بيع الألتو ، انا كدة فهمت ان بيعها بسعر معقول مش حاجة سهلة الا اذا كانت حالتها جيدة جداً وعدد الكيلومترات المقطوعة قليل ، بس هو المقصود بالحالة ايه تحديداً هل الموتور والمكونات الداخلية ولا كمان الهيئة والشكل الخارجي ، حاجة تانية ايه هو عدد الكيلو مترات المناسب لعربية زي الألتو 1100 سي سي انه يبقى عامل مؤثر في سعر بيعها يعني 50000 كيلو مثلاً ولا ده بيبقى كتير على عربية 1100 سي سي
دكتور حسام بالنسبة ان الألتو f/o ايوة كان فيه 1100 سي سي فول اوبشن بس اعتقد كانت بستين ألف مش فاكر أوي والتوكيل بيقول انهم بطلوا ينزلوها والموجود 1100 تكييف وسي دي فقط ب 53 ألف
Comment
-
يا ألتو مان المقصود بالحالة كل حاجة موتور عفشة شاسية صاج وبودى وكاوتش وعدد كيلوهات . . وكمان حاجة مهمة بالآضافة للحالة وهى موديل السنة
عدد الكيلوهات المناسب لسعر معقول ذى ما حضرتك قولت 50000 أو 60000 بالكتير قوى مش أكتر علشان تجيب سعر كويس أكتر من كدة ما تسئلش على السعر خالص ودة من وجهة نظرى لكن لو كان أقل من ال 50000 كيلو يبقى ممتاز و 100 100
وربنا يبارك وأمشى على مهلك وبص فى كل المرايات كويس وما تتسرعش واحدة واحدة علشان تحافظ على الموتور فى التليين والعفشة من المطبات علشان العربية ممكن تغرك وتسحب بيها وما تعرفش تعمل كنترول عليها بعد كدة .. وربنا يستر طريقنا جميعا يا رب
Comment

Comment